聯邦皇宮 (已結業)

身處油麻地彌敦道想找早餐吃，當眼處又見不到有茶餐廳，只見到聯邦皇宮就在前面，想起很久沒有飲早茶了，所以就決定以點心做早餐吧！原本以為周末早上在非住宅區飲茶應該冇乜人，其實不然，酒樓的四樓已經坐滿了人，幸好酒樓還有五樓。而五樓只坐了大約三成人客左右。坐下點了茶，便看看點心紙。一看便有點失望，因為很多點心都要在十一點後才有得供應，可以選的只有二、三十款左右。而在這些可供選擇的點心中，我最想吃的鳳爪排骨飯又話冇。最後只選了四款，叉燒飽、鮮竹卷、潮洲粉果和皮蛋瘦肉粥。第一個上的點心是叉燒飽，一看、失望！這個叉燒飽的賣相完全失敗，這應該是飽皮的發粉不夠，拿出來的時候好像是未蒸熟的樣子！飽的餡料亦不濟，大部份都是肥肉，而汁亦過多，吃了一半已經想放棄。潮洲粉果應該是所點的點心中最好的一個，大件頭、而且餡料足、亦算好味。皮蛋瘦肉粥亦是另一個失敗之作。粥本身不是生滾粥，而且淡而無味！最可惡的是覺得粥煮得不夠耐，完全沒有綿的感覺，質素比一般的粥店差太遠了。鮮竹卷亦是很一般的貨色，汁太“希” ，就算味道和口感可以，亦扣了不少分。沒有太大期望的一頓早茶，亦感失望！…查看更多

在這人人生活忙碌的年代，偶而能聚在一起的親友都算是互相關心的人，我們在這聯邦酒樓喝喝茶聊聊天，大家邊吃邊聊，談談往事，說說孩子，也是一個愉快輕鬆的早上。:) :)一張十人桌都不夠坐，還旁邊加了一張小桌，難得相聚，真是人生樂事，叫了不少東西，整體而言點心還算可以的。 比較印象深刻的有糖醋麵，麵做得香脆乾身，酸酸甜甜，碟底沒有留下太多油份，不會油膩，真是令人滿意。蝦餃也很好，蝦很爽甜，皮夠薄而不會破，我們加點好幾碟呢，另外豉汁鳳爪，咸水角等等都不錯。最開心的是能與親友一起談天說地，享受豐富的點心，飽餐一頓，確是讓人心情暢快。:):)…查看更多

從去年 2011 年的一個復活節假期認識左一班又愛玩又爰食的團友之後就成日經常四出去找足夠坐 over 12人大台 , 因為一 call 咪叫食飯就個個有時間必定出的真難得 , 因大家都好珍惜個個歡樂時刻呀 , 所以幾次都選擇了團購餐中餐 , 因中菜館才可以坐到咁多人一齊圍埋開開心心食一頓飯 , 個種圍埋一齊你一句我一句 , 你夾一塊肉 我又夾一條菜的氣氛在西餐真係無咁高興 , 同埋大家都係要吹水講笑大笑及攪氣氛的人 , 今次的聯邦皇宮好坐及環境又大又舒適o岩晒一大班朋友聚會的食店之一 , 最經典就係佢個 冬瓜盅 你唔好睇佢細細個無咩料原來都可以裝到每人有一碗真係要讚個個待應呀 , 無佢的安排分好 我地的晚飯就好似少左 D 野 , 就係這一個冬瓜盅帶起左當晚的高潮呀 !!! 第二個主角就係成 片皮鴨 , 雖然就無人人一塊 但包鴨的皮就足夠咁多人分量 , 大家都好 OK 喎 , 味道都唔錯皮又熱又軟熟 , 第三個主角就係個個併盤啦 , 每人少少可以品嚐少食多芝味 , 但他們的豬手真係頂瓜瓜呀 要讚呀 !!! 入味之餘不太諗 又大太韌 所以佢都係當晚受歡迎程度都幾高架 !! 但個個芝士焗大蝦就真係麻麻 味道同賣相都唔係好掂 , 焗生蠔都還可以香脆 , 重有幾味炒菜蔬都 OK 好有色彩呀 !!! …查看更多

長假期同老公去飲下午茶，2點去到就直入有位，個場都唔算full，講起我們都好耐無來過這裡食了，之前幾次對聯邦的印象都幾好！但，今次就麻麻........:(先來一碟菜心，淥到好似湯渣咁，真係入口即溶，唔知自已食緊的係條菜囉！！叫侍應拿一碟蠔油，等左15分鐘都未到，最後要部長出馬先拿到！！齋腸粉好多油，我們倒出來有一湯匙咁多，好多已經吸哂入腸粉中，只食到油的味道！！本來想食清淡點，但最後仲食得更唔健康！牛肉球、粉果、平平，人客唔多但點心出得好慢！質數差了好多，侍應態度麻麻！唔會再番食了！！…查看更多

團購價 $89 / 位 , 加上聯邦皇宮個名都聽左好多年了, 應該不錯吧 , 又見到已經有幾百人已購買此團購優惠火鍋 , 一於再嘗試 , 買了四張 .火鍋票3月一日開始通用 , 3月5日當天中午見到個團購網未截止可以再買票, 於是試下打電話訂位 , 心想如OK的話 , 便再加添食 , 上團購網再買多幾張票.原本指定分 3 場 ( 每節135分鐘 ) 要提早一天預定位(1) 6:00 P.M. (2) 7:30 P.M. (3) 8:15 P.M. 打左2次電話才有人接聽, 撞下彩看看即日晚上7:30有無位, 但對方即時回應說 "沒問題" 即日都有位 , 仲叫我們早D到 , 今次好幸運呀 :)7:15分左右到達, 即時可以入坐, 酒樓專程間開一個大廳專做火鍋區 . 個場好大,3個侍應好有禮貌的輪流上來問開茶, 問火鍋湯底, 講解團購優惠票之附加收費等.個湯未滾, 出去取醬料, 除了豉油外, 仲有成12 款咁多選擇 : 薑米 , 生蒜 , 炸蒜蓉 , 蔥粒 , 沙嗲醬 , 辣椒油 , 紅椒 , 魚露 , 芝麻醬 , 芫茜粒 等等.... 飲品都有多款, 除了枝裝汽水 , 仲有幾款如: 芒果茶, 蜜桃茶 , 橙汁等都OK 幾好 :)不太甜, 但美中不足沒標示飲品牌, 幾大渣不同飲品放在一個大冰盤上, 問侍應都話分唔出什麼 , 完全要依靠自己去試味道 , 其中有一款唔知什麼"梅"的好難飲 :( 團購餐每人一件 : 扇貝, 蝦 , 響玲脆卷 , 牛頸脊 , 生蠔---都OK , 另翡翠螺(好多沙)除了以上限量外, 火鍋紙上都有一般大路材料 , 另外出面有張大圓枱放了好多不同菜要自己去挾 , 火鍋料落ORDER 後好快就送來了, 又無漏單, 食到中途個侍應還上來問我們夠唔夠食呢. 但當晚所見 , 人客不多, 這個場估計應該有幾拾張不同大細枱 , 但只有大約十枱人左右在食火鍋 , 難怪即日打電話都有位啦, 又可以慢慢食絕對無追交枱. 糖水只有兩款: (1) 紅豆沙 (2) 馬蹄露--->好似漿糊咁好傑 :(…查看更多

今午由契囡請契媽、契婆、契公飲茶，為了交通方便，我們選擇愉景新城飲茶。沙薑雞腳 - 這小點是我10歲契囡喜愛食的，當然她是第一個夾黎食，食了一口，立即扁咀說 "唔入味，唔夠腍"，大家還未開始品評，她已經認真細察食物質數，酒樓真的要改善一下。南乳齋 - 料是夠的，但南乳味比較淡。肉絲抄麵 - 肉絲無味，汁底味淡。…查看更多

好耐冇同男友坐低飲茶, 尋日放工後去深井嘅朋友屋企聚會之前先入左荃灣, 順便係附近嘅愉景新城揀左聯邦嘆返餐 :)到達嘅時候下晝3:15PM倒, 因為晏左到, 下午茶時段已經散咁啲人, 不過都要等左10分鐘倒先有位, 地方算大亦尚算清潔, 坐位亦舒適。侍應態度ok, 鋪枱、沖水、落order都算快手, 點心紙上面有講明邊啲點心係即蒸, 要等耐少少, 可能人多關係, 即蒸嘅都等左10~15分鐘, 我地去嘆茶嘅, 時間可以接受嘅, 希望繁忙時段唔洗要其他客等咁耐啦不過有某一兩款點心有漏單情況, 入單嘅大意左少少, 我地有追, 侍應都好快跟進, 最後埋單時侍應都有幫我地對下啲野齊唔齊, 冇黎嘅點心有幫我地取消, 唔會亂收錢, 呢樣值得讚嘅。呢個煎餃最失敗嘅係啲木魚汁, "杰"得黎凍嘅, 令啲餃子失晒色, 唔好味:(以後去飲茶嘅地方, 都係唔好食啲懶係日式嘅野... 食返啲中式野穩陣...鮮竹卷唔油, 不過係羅漢齋餡料, 減緊肥嘅我當然啱晒, 可惜落左啲西芹入去蓋過左其他食材嘅味道...棉花雞, 好味, 雖然油左啲, 但係啲魚肚同埋雞都好入味, 雞好滑, 正!好耐冇食過有魚肚嘅雞扎, 雞好滑, 再加埋火腿&芋頭, 都只係大點, 讚!好多酒樓都冇用魚肚lu, 一係變左豬肚, 就算有魚肚嘅雞扎都變左頂點唔抵食有蝦, 芥蘭, 蟹柳&蟹子整嘅, 賣相幾得意, 味道ok基本上同鮮蝦玉蘭餃嘅餡料一樣, 冇特別, 只係少左芥蘭&包法唔同左喜出望外嘅粟米魚餅, 煎到趣卜卜, 又唔油, 好香口, 好味~ 只係小點價錢, 抵食!侍應放低時我地以為佢俾錯左蒸菜肉包, "meet"開一半先發現真係叉燒包黎, 裡面得兩片好硬嘅叉燒, 啲汁仲要有少少椰汁味, 超甜又怪怪地, 個包仲輕飄飄用好少麵粉做... 從來未食過咁難食嘅叉燒包, 一睇就知係訂返黎, 唔係點心師傅整, 好後悔叫左佢, 冇叫流沙奶皇包 >_<時菜牛肉球 - 因為冇位upload相, 所以冇得俾大家睇。牛肉球ok, 不過用啲切碎左嘅黃芽白鋪底黎蒸, 始終失色於用傳統嘅腐竹, 扣左少少分…查看更多

呢排成日都買團購餐, 今次買了呢間, 一來平二來近我女友娘家昨日7點半, 一行6人到了呢到, 不用等位! 抵讚! 講真, 一入到呢間酒樓, 真係裝"收"得好靚! (起碼比我住果區-沙田果D酒樓靚好多!) 仲有原來呢間酒樓一早mark低了邊張枱係團購餐同埋寫埋貴姓! 1. 叉燒皇一品拼盤 - 叉燒好"林"正! , 豆腐, 牛展, 分蹄 - ok! 最suprise係D 青瓜, 超爽! 2. 名醬季豆聖子柳 - 我就冇食, 但係聽佢地講話ok!3. 蜜瓜鮮奶拼百花卷 - 炸鮮奶咬落去仲熱同埋好滑, 百花卷就好似淡了D! 4. 高山蘭緒冰梅骨 - OK, 如果D肉多D肥膏仲好! 5. 竹笙雞蓉燴燕窩 - OK, 真係見到有燕窩! 6. 大海斑雲翠炒球 - OK, 有好多舊魚! :):)7. 漁村艇家蒸班頭腩 - 女友老爸話好正! 話夠晒入味! 8. 圍頭秘制五味雞 - OK! D雞肉仲好滑同有味!9. 鮮蝦荷葉飯 - OK 10. 珍菌金菰伊麵 - OK總括而$654有咁多野食, 真係抵! 起碼呢間酒樓不會因為係團購餐減少份量先! 服務多好好, 不停有人收我地D骨碟和加水! …查看更多

三五知己, 不常相聚, 難得見面, 簡單菜式, 坐得舒適.上湯魚腐浸莧菜 - 魚腐賣相像墨魚丸, 入口像棉花糖, 沒什麼味道. 上湯莧菜, 味道清淡. 海皇玉子豆腐 - 玉子豆腐嫩滑, 而且不吝嗇地加上不少海鮮, 有蝦, 蠔, 帶子, 蚌, 魷魚....等等, 味道不錯.千島醬京都骨 - 京都骨味道不錯, 可惜肉質粗糙了點, 否則更好.燒汁季豆牛柳粒 - 牛柳粒入口嫩腍, 四季豆有點乾燒感覺, 配上燒汁, 其味不凡.桂花紅豆糕 - 味道不太甜, 桂花帶清香.銀果芋泥 - 銀果即白果, 芋泥偏甜, 但不失幼滑.…查看更多

原來大酒樓變左聯邦皇宮 !!一家人黎飲早茶~食點心環境裝修幾令~食左個胚牙白芝麻布甸 ~好好味 . 又香又滑~~下次一定再黎食~仲有食左潮州粉果,奶黄包,虾饺,叉烧包 都不錯一家人聚聚,,幾開心:)…查看更多

因為之前尼 (聯邦酒樓) 食火鍋是任食自助火鍋來= =,, 今次尼到,,吾知佢 變左 聯邦皇宮,, 所以亂咁點野食 最後勁貴埋單之前明明係電池爐尼LOR!!!! 而家明明進化左做皇宮, 反而冇得任食, 又冇埋電池爐!!!!! 屋企人同我都仲未睇到有價錢= ="環境吾錯, 服務態度OK:)張單入面好似叫左好多野咁,,其實吾係太多喇D份量上....最貴係個餃子!!!! $68?! 太貴喇,,,又吾係咁好味!!!!今餐呀媽埋單, 佢見到之後嚇左一跳=3=" O哂咀去E道食火鍋,,不如去稻香!!!! 有FEEL D!!!!! …查看更多

本來以為假期多人, 特登訂早D(6:30), 點知去到得兩三枱客, 已經心知不妙......想叫條清班、冬瓜盅(冇特價)佢話賣晒, 七點未到, 仲要冇乜客......求其叫左乳豬雙併同芝士焗龍蝦、咕嚕肉等, 自己唔算識食之人, 但都覺得大部分都唔掂, 龍蝦又乾又冇肉, 芝士底又濕又淡, 個雙併算OK, 但$108就真係好老襯, 個湯叫做海皇燉湯, 飲落似冬菇水......埋單$1088(8大人3小童)如果節日冇位食飯, 又比我更冇要求, 而且唔介意比$108食個值$28嘅併盤嘅朋友, 我推介呢間!…查看更多

2010年8月27日 荃灣 ( 聯邦皇宮 - 1 )( 首評:207 )荃灣愉景新城聯邦大酒樓，6月份大肆裝修，同時分拆出潮廷滙之潮州酒樓，這邊廂聯邦大酒樓也易名為聯邦皇宮。今天中午朋友相約前來茶聚，先後吃過了的點心如下。潮州粉果，有花生、芹菜、沙葛、韭菜，幾好味 (3.6分)。甜蜜豆义燒腸粉，粉皮太腍，义燒麻麻地 (2.8分)。鮑片四寶滑雞扎，有魚肚、鮑魚、火腿及雞，味道是一般(3分)。姬松茸鮮竹卷，是齋卷，料很少(2.8分)。北菇魚肚棉花雞，魚肚、東菇及雞，水準普通 (3分)。蠔皇叉燒包，叉燒味道唔太好(2.5分)。醬汁蒸鳳爪，水準一般 (3分)。胚牙白芝麻布甸，好滑好香芝麻味，好食(3.8分)。南瓜珍珠露，好濃滑，味道是OK的(3.2分)。重新裝修後的酒樓，感覺比以前為美觀，光線較以前為光猛，服務也是不過不失，點心水準是一般的，但價錢就是略貴了。…查看更多