影片
招牌菜
聽年纪比较大的朋友介紹說這家酒樓的早茶不錯。因此從去年開始我和朋友就常來。這家酒店很親切，平时早上飲茶的大都是阿婆阿公~~服务员也都是比较大年纪的了~~~早上有特价点心的，最喜欢的是6.8蚊的大包包，里面有鸡蛋、菇、菜、鸡块、香肠等等~蛮好吃的，不过去晚了常常会卖完...~~还有就是小份的煲仔饭很好，如果没记错的话最便宜的时候是只要4.8蚊吧，有香菇滑鸡味的，有凤爪小排味的还有咸鱼肉片味的还有马蹄肉饼味的！~~~哈哈前三种味道都很好。粥也挺好吃的，就是姜丝放得有点多，不是很喜欢。其他的点心，例如虾饺、猪手、叉烧包、叉烧酥、奶黄包、粉果、上汤云吞等等味道都还不错了。但是千万别点那个不加任何料的肠粉，这个真的好难吃。。。。~~~就这么多啦~~值得一试的。
繼續閱讀
第一次寫食評, d相睇落好似好油, d色亦怪怪地, 其實係我個手機影相唔太好今晚少有地同朋友2個人去酒樓食晚飯, 第一次去呢間酒樓, 朋友到先, 我7:15到, 一入門話已經有位, 個經理就問係唔係x小姐的朋友? 跟住帶我去朋友張枱, 我都幾surprise, 因為已經好少食肆會問貴姓, 仲要問完有follow up, 唔係問完就算, 不過一入去唔係太多人, 得10枱左右, 到我差唔多9點食完走時都只係得廿幾枱, 經濟真係差左, 又或者聯邦俾人的感覺不嬲都貴, 所以少人, 所以記得姓咩都唔出奇至於點解會黎食係因為見門外有優惠, 幾十蚊一隻片皮鴨, 加廿零蚊可以二食(三選一, 我叫左七彩炒鴨絲, 其他係咩自己估, openrice話宣傳唔俾我post), 同埋幾十蚊上湯或芝士焗龍蝦一隻送伊面底, 開邊蒸就平廿蚊一隻(openrice話我講價錢係宣傳, 唔批我, 要我改), 呢個係星期一至五的價, 星期六日假期唔記得左個價了, 但都唔係貴好多因為以前食過d平價片皮鴨同龍蝦係少得好可憐的, 所以今日都無咩期望, 2個人仲諗住只可以叫一個優惠, 叫個片皮鴨二食, 應該要叫多個菜先夠飽, 但點菜時問個侍應2個人夠唔夠食, 要唔要叫其他, 個經理聽到就笑住話一定夠, 唔洗再叫了, 未試過去酒樓食, d員工唔sell我叫多幾樣, 仲要只係叫特價野都仲笑笑口叫我唔洗再叫叫完一陣就有個著西裝的推左一隻鴨出來片(幾十蚊都有專人片俾我睇, 又一個surprise), 真係成隻片哂, 剛好18大片, 片皮鴨黎講就真係太大片了, 片片都有大半部手機咁大, 正宗唔應該咁大片的, 可能因為佢寫明只送18片么么皮包來食, 所有特登片18片, 片完之後隻鴨拎左入去, 18片對2個女仔黎講真係算多, 男士應該剛好, 好努力每人食左6片, 之後個二食七彩炒鴨絲黎左, 平時的二食都係少得可憐, 因隻鴨除左二食應該會用來做其他野, 但佢呢碟二食的鴨肉多到我肯定佢係成隻鴨的肉, 我地只係食左唔夠一半, 就夠了, 唔怪得佢話一定夠, 唔洗再叫, 不過個七彩大部分係韮菜, 西芹, 青椒呢d好多人唔食的野, 如果挑食只可以選xo醬野菌鴨件了見隔離枱3個人, 竟然可以叫哂特價的龍蝦伊面同片皮鴨二食, 又一個surprise, 因平時呢d特價成日都限叫一種, 佢仲可以3個人叫2種, 不過都虧佢地食得哂, 我地2個就唔得了, 以前食過d平價龍蝦, 多數都唔敢話係一隻, 而且一個龍蝦伊面會係好難先找到3-4舊龍蝦, 仲要大部分都係殼, 然後伊面就有2餅質飽你, 呢度我見隔離枱o個碟只係見到龍蝦在上面, 見唔到下面的伊面, 當然, 我見到的都係龍蝦的殼, 幾多肉要食o個個先知, 但至少唔係得3-4舊, 應該都真係有一小隻的最後都係食唔哂, 問佢可唔可以打包, 係可以的, 不過就有d唔環保了, 竟然拎3大個發泡膠盒(係我見過最大的size)想幫我打包, 我地話一個盒得了, 因為一個盒都可以裝得哂二食連皮有突, 佢想幫我分開裝係好, 但真係唔環保叫埋單時佢話仲有水果唔好走住, 平時d酒樓要問先有水果, 佢又幾主動, 2個人的水果有2片橙, 4片西瓜同4片哈密瓜一路食一路睇電視, 周圍又唔嘈, 環境感覺係唔錯的, 而且添茶水都添得好快, 又係可能因為無乜人最後發唔發現我一路都無講味道呢, 因為同其他食評講的一樣, 食物除左開頭係小熱之外, 好快就涼哂, 應該係因為太少人, d冷氣太凍, 呢度真係要扣分, 味道一定無二百幾蚊o個d咁好食, 但其實味道本身係ok的, d鴨絲有鴨味, 唔太咸又唔太油, 見菜單仲有3少之選, 應該都唔係o個d死命落重油鹽的食肆, 感覺都健康o既, 但個溫度問題真係要好好解決一下茶每位$8, 一碟酸菜$10, 再加一, 即坐底都要$15位, 比一般酒樓貴, 埋單$145, 食到片皮鴨算唔錯了, 打包d鴨絲加d菜, 第二日仲可以俾2個人帶飯
繼續閱讀
難得周日同家人飲茶~10點多有屋企人搵定位~因為見到太多人點知久等了~坐落不久~先見到d人係咁走原來佢星期日都有早茶的優惠~去到11點~唔怪得之啦但係特價真係好抵wo~平時越貴的~平得越多但係要以離座計~所以我地唔受惠亦都係因為咁~在場冇乜人係11點後入座的到接近1點~都仲有空枱我地走的時候~先差唔多滿座母親節前一個星期日都唔多生意...咁都幾大鑊wo叫了不少點心~基本上乜都有叫~但係冇乜係特別好味反而係個水餃不差wo~有個布袋xx果...唔多得...佢係腐皮包d冬瓜粒蝦粒等等~但唔好味粉果亦太草腥~其他都係合格之作~可以一食~若果係11點前食更抵但係依家7個人都係3百左右~算係咁啦~
繼續閱讀
兩年前朋友送過兩底年糕, 整體不錯, 今年朋友又送了蘿蔔糕及芋頭糕, 今晚自己一人食飯, 最後就係叮一, 兩件, 又方便又快捷! 蘿蔔糕...蘿蔔唔夠, 臘腸, 蝦米不多, 唔鹹, 但整體麻麻地, 再講芋頭糕, 以前食既...有粒粒芋頭, 但而家只係實實的, 粉實在多了一點, 雖則不太好味道, 但朋友的一番心意, 已足夠了!
繼續閱讀
*放大假第4日*前幾日搭巴士經過鴻星門口，見平日的早茶價錢很優惠，今日專程去試試。在門口看到那一張不顯眼的通告，原來今日開始會收正價價錢，既然一心來到，是貴了點不過也照樣光顧吧。入到大廳，呆企了一分鐘也沒有人來招呼（在場有４－５個服務生的！），連出出入入的清潔呀姐都眼甘甘望著我．．．把鬼火就去附近的聯邦算數。幸好這裡還未趁機加價，見到早市孖寶超經濟＜$14.8>，就來一個：白粥拼燒賣，白粥比較稀，而且有點不能形容出來味道，是吃後會令人有油膩的感覺那種．．．但又不會影響我的食慾 XD；至於燒賣，等了２０－２５分鐘啊，有大粒蝦大大舊豬肉，算足料啦，味道又好，而且有四大粒，抵到笑。(燒賣本身是大點)吃到到喉不到肺，叫多一碟蝦腸，也等了十分鐘先有，不過就麻麻地，粉皮比較厚，蝦有點渣。雖然點了一個超經濟的點心餐，不過埋單都要四十幾，貴了點點喇~
繼續閱讀