聯豐美食坊 (筲箕灣)

聯豐美食坊，小小的熟食店，滿滿的人情味，我細細個就好鍾意食佢嘅腸粉。由朝早7點就有得賣，以前賣＄5，當物價高漲後，＄7/4條，但仲係好抵！以前5條剪開會食唔哂，依加4條就剛好，少食多滋味可以係鋪頭門口企住食，老闆會比隻碟你，不過外賣都得。每到下午3點幾左右就賣哂，就要「明天請早」。平時好多家長、學生會排住隊幫襯，非常好生意，但只做日頭，夜晚7點後好少會開鋪。其實佢唔止賣腸粉，仲有賣粥粉麵飯，又有得賣少量印尼食品及貨品。腸粉唔會有好明顯嘅糯米味，因為有啲腸粉就算加咗醬料都仲食得好重糯米味，個人而言不太喜歡重糯米味。腸粉甜醬唔似係出面一罐罐現成嘅味道，似自己調過味，所以特別好食。要辣醬可以講份量，因為少辣醬都幾辣下。曾經有次見到老闆娘同菲律賓人／印尼人用家鄉話傾計，所以平時都有唔少工人姐姐去買嘢食，大家相處非常融洽。(K.CHT心諗：x5=最好，x5=最差）服務態度食物環境價錢

聯豐美食坊，小小的熟食店，滿滿的人情味，我細細個就好鍾意食佢嘅腸粉。

由朝早7點就有得賣，以前賣＄5，當物價高漲後，＄7/4條，但仲係好抵！以前5條剪開會食唔哂，依加4條就剛好，少食多滋味

可以係鋪頭門口企住食，老闆會比隻碟你，不過外賣都得。

每到下午3點幾左右就賣哂，就要「明天請早」。平時好多家長、學生會排住隊幫襯，非常好生意，但只做日頭，夜晚7點後好少會開鋪。其實佢唔止賣腸粉，仲有賣粥粉麵飯，又有得賣少量印尼食品及貨品。

腸粉唔會有好明顯嘅糯米味，因為有啲腸粉就算加咗醬料都仲食得好重糯米味，個人而言不太喜歡重糯米味。腸粉甜醬唔似係出面一罐罐現成嘅味道，似自己調過味，所以特別好食。要辣醬可以講份量，因為少辣醬都幾辣下。