聯合興食館

營業中

休息中

一行十二人到這店晚飯，大家都起勁的叫菜。有鹵水拼盤、煎蠔餅、蒜蓉豆苗、蝦仁炒蛋、醬爆西芹豬頸肉、半隻雞、什麼刁然豬脾、蠔仔粥、炒芥蘭、椒鹽九肚魚、炸大腸等等。先講中規中矩的菜式：兩碟菜沒什麼特別，豆苗有點老。醬爆豬頸肉夠香。不記得點了什麼雞，但都算滑，不過很瘦，不算大隻。蠔仔粥一大窩，正正常常。蠔餅都是正常貨式，蛋皮不是特別香，而且嫌煎得不夠香。要讚的菜式：蝦仁炒蛋，一上菜已聞到很香，見到啲蝦，大家都覺得蝦都幾大隻喎！食落去，蝦夠爽，蛋夠滑。正！不記得那豬脾的全名，但很入味，有肉汁，都有好幾隻，算抵食。鹵水拼盤一出場，基本上各人都愛，不會太鹹，幾大碟。炸大腸，夠脆，不過略嫌淡味。椒鹽九肚魚，嘩，香噴噴，夠熱辣辣的，很脆，而且份量十足。不過一上完菜就掛住食，只影到部分菜式。這裡食晚飯只是第一次，人多除開都十分抵，每人都只是七十元。平時都會來這店食午飯，這裡的午市炒粉麵飯都很抵食，部分試過都很有質素的，如：龍鬚炒麵，炒得很香，夠乾身。梅菜扣肉飯，扣肉的肥及肉均勻，果啲汁都可撈飯，連小孩子都愛這汁撈飯

夜晚收工見有d肚餓，天氣又有d秋涼，一時興致推使去左食個煲仔飯。叩左野食之後大約要等十分鐘先黎，不過即叩即整係咁ga 啦~~~我今日叫左個土魷肉餅煲仔飯，一上黎既時侯仲有發出緊"滋滋"聲，之後加左d甜豉油再焗多一障先食，打開香噴噴，我即刻將d飯同甜豉油撈一撈，食第一啖既時候味道甜甜地，飯的軟硬適中，吸收了肉餅的肉汁，帶有微微既豬油香味，食到唔停得口，而個肉餅亦都非常好，肉的質地仍保持鮮嫩，食落口唔會覺得乾，魷魚都幾多，好新鮮彈牙，口癿非常豐富，最後邊位仲有小小飯焦脆卜卜，好正。

早排係樂富同朋友食hea飯，西炒、粟米肉粒、咖哩雞球飯。 我嗰個粟米肉粒好hea。粟米因為係罐頭所以好甜、好味，但肉粒就又硬、又煮唔入味 淡而無味。佢個飯過分濕，好似隔夜飯咁。 朋友既西炒佢話太多油，好重口味。 但個咖喱雞反而幾好，啲咖喱唔會話食到粉，啲雞都有肉同硬度適中，唔會軟到泥，又唔會硬到咬唔開。 總體黎講…係茶記貨色 唔會有期望同失望。 

聯合興喺樂富已經開左好多年，本身喺圖書館旁邊，領匯將成個樂富改頭換面後先搬嚟而家嘅位置，分分鐘多左人流。雖然搬左新店，但地道風味依舊，都係非常「香港」。必食一定係滷水鵝。肥瘦適中，而且滷汁好香。有時出街食滷水鵝會有陣臭鵝味，但so far聯合興嘅鵝未令我失望過，絕對係鎮店之寶！另外推介係雞油豆苗。豆苗就一定要落多油先炒到架喇，但呢到炒出嚟唔會食到成口油，而且雞油味香，好獨特，有別於一般蒜頭炒。仲有烏頭，價錢唔係特別平，但夠肥兼有黃油！亦試過檸檬烏頭，相比之下凍烏頭出色D。而家仲有煲仔飯添啊！小店嘅好處就係，你同老闆講聲，就可以將孖腸變淨潤腸。

夜麻麻係學校做完assignment，一瞥手錶，驚覺已是晚上11點多，小肚子突然發出連串隆隆「咕~聲」，先發覺自己同2個同學 成8、9個鐘無野落肚，餓死之際，左諗右諗，九龍塘又無野好食，大家又想食d熱騰騰、鑊氣十足既熱葷，靈機一觸異口同聲想起樂富聯合興，就箭步出發la!! 去到聯合興！嘩，咁夜都咁多人既！好在咁啱有張4人卡位走佐，侍應就即刻安排我地坐低 1行3個餓鬼甫坐下，立即叫支藍妹飲番2杯先，天氣太熱行過來已大汗淋漓！之後就嗌野食啦，一人叫一個餸，嗌佐芋頭雞煲、菠蘿生炒骨 同 上湯莧菜菠蘿生炒骨上枱熱辣辣，入口差d 辣到口腔甩皮！拿拿臨飲啖啤凍一凍，d生炒骨炒得外面脆卜卜，加上d汁甜酸適中好開胃，送飯一流個菜清清淡淡無甚特別，不過味精少都值得1讚芋頭雞煲上枱一樣夠熱，不過今次d芋頭唔夠冧，無平時咁好食，有少少失望; 好在d雞件保持水準，雞肉嫩滑，身旁既小朋友撈汁食飯食佐兩碗夜麻麻唔想食老麥既話，聯合興都係1個相當唔錯既選擇

是日晚上肚餓找地方吃宵夜 ，我想吃潮州打冷 ，想起朋友介紹聯合興 ，於是坐車專登去樂富 .晚上十時正仍然很多人在餐廳， 相信也是很多人一起吃宵夜的時間 。叫了四個菜 ， 鹵水鵝片，$85-- 切得很薄，鵝肉很入味，很好吃，很快便吃光了 潮州春菜煲-- 春菜煲的分量很足，夠四人吃，很大的一個煲 ，菜很 ‘林‘,排骨不肥膩，正胡椒豬肚湯--很大的—窩， 起碼6至8人才能吃光 ， 非常抵吃 ， 開頭覺得很多胡椒 ，覺得很辣 ，多喝幾碗越覺越好味 沙爹牛肉粉絲煲 -- 完全不覺得沙爹牛肉很辣，自有甜甜的味道 ，中和了胡椒豬肚，很快便吃光了

親友介紹這地方，很有大排檔的風味，價錢也合理。滷水拚盤：拚盤既腸入味又爽，但紅腸就太咸。炒斑塊：斑塊厚身，肉質實左d，略欠一點嫩滑。鼓椒炒蜆：炒得有鑊氣，蜆肉沒有沙。蒜蓉炒生菜：生菜爽甜，但油多左。三鮮炒牛骨髓：味道和炒斑塊好相似，而我不太喜歡食骨髓。到天氣凍d既時候，想來試試羊腩煲。

一路以為大排檔已經比領x淘汰了，在樂富只能捱貴餐, 最近從街坊口中得知原來大掛檔得以保留, 即刻同老豆老母去重拾大排檔風味。7點去到已經爆哂棚, 只得返坐出面無冷氣的位, 不打緊, 反正無冷氣先似食緊大排檔。一行三人點左4個菜: 卥水鵝, 保持水準非常香滑入味, 是我的必食首選韮菜豬紅, 好足料惹味都只係$25碗, 太抵食喇!!薑汁芥蘭, 有d魚腥味, 唔通d芥菜同魚一齊洗?豉椒炒蜆, 豉椒好惹味, 必食!3個人飲埋啤酒叫埋白飯總共食左$200, 好感動呀! 在樂富很難食到咁平的小菜, 以後想出街食有地方去喇!

陣容鼎盛的一夜, 連一位稀客都到場; 9大4小1B都只係 $940, 你話抵唔抵!! 不過都要睇吓食咗嘜, 同好唔好食先下決定都正常!!!為大人而下單的無益食物韭菜豬紅 = 味道一般, 但 $25都有咁大碗; 都算好抵!南乳豬手 = 唔係好多覺有南乳味, 豬手又唔夠淋。鹵水鵝片 = 鵝片嫩滑而且唔算多肥膏, 鹵水汁入味OK!酥炸大腸 = 炸得很香口, 但其中一個老朋友略厭大腸欠肥美!豉椒鱔片 = 豉椒味唔多覺。豉椒炒蜆 = 辣味蓋唔過蜆D鮮味; 而且蜆仲好彈牙; 炒得夠火喉!為小朋友而下單的喜愛食物墨魚拼紅腸 = 墨魚片爽口, 而紅腸是小朋友之選。白飯魚煎蛋 = 講真蛋最多只有用4隻煎, 白飯魚最多只有小毛10數條; 咁都要 $55一碟, 都真係好貴且唔抵!!栗米班塊 = 栗米汁正是小朋友撈飯的至愛!!啫啫雞煲 = 下單是啫啫排骨煲, 但來時是啫啫雞煲; 已經吃了換不了。雞係無雞味而且雪藏味重; 所以我只吃了一件!!時菜牛肉 = 時菜今日是菜心, 牛肉同菜心正是絕配; 而且炒法只是用最簡單的配料…豉油; 就已經炒得好入味!!芥膽靚肥雞 = 咁大隻雞, 但雞肉倘算嫩滑, 而且好似有D咸

那天和太太喺九龍灣睇完戲,諗起上次同太太的屋企人到這裡食飯,覺得唔錯,所以便決定駕車到這裡食飯,可能比較夜的關係,所以唔駛等位,因為上次等咗好耐位,因為在途中的時候已和太太商量食咩,所以一坐底就可以點菜.鹵水味幾好,雖不是太濃,但都幾好味,又夠大碟.唔夠入味,但整體都ok.好味,腐乳味剛剛好,又入味,幾好.雖然是一般的粥,但配合鹵水食,很好.整體這一餐我很滿意,樣樣都唔錯,而且這裡泊車很方便,樂富廣場停車場在晚上6:00-11:00,消費滿$50就可以免費泊車三小時,很適合駕駛人士.

由大排檔到現在一直時不時去食，水準一直都唔錯，但係......講真，街坊生意，抵食大件係必勝方程式 (家陣貴了不少)，味道又保持不錯的水準，所以每次都真係排隊排到出門口，我每次6點9個字就要攞定位，如果唔係要等好耐......潮州打冷算有水準，不過今日好凍，我地食小菜同煲仔飯，其實都有好多野選擇，點了一個西蘭花斑塊 $45，真係大件又抵食，味道不錯，斑塊用薑汁炒過無雪味，肉質爽口臘腸滑雞煲仔飯，要等20分鐘，但就大大煲，唔似旺角水準，真係有飯蕉香，不過好似失手燶左少少，滑雞OK但臘腸就普通 (成55蚊俾好少少都可以姐)其實味道一直都可以但......服務- 成日聽到老闆大哎，大排檔風味，鐘唔鐘意就...伙記只係負責傳菜，即係無服務可言環境- 好多大枱，門口又可以坐，適合一大群人 (食煙人士必啱口味)，但坐得好迫...衛生 - 繼續大排檔本色，記得洗筷子 (我洗左三次，真係好多油)

這一間餐廳的顧客比較多也是孰客.(包括我在內).它的早上和晚上是不同的,上午和下午的顆記也有不同,本人覺得晚上的時候,比較好食.每一次,因我或我的哥哥做得好的時候,我們也會去這一間餐廳.可能是這一間餐廳人情味豐富和這一間的食物也好好食.有時我每一次也會點招)鹽白飯魚,(招)(絲)(富)(於)通菜,(老)水鵝,(勝)(子)....... ( )的字只是同音字

其實我到此店已食過兩三次,頭幾次都算ok,料都足,可能較夜啦(約10-11點),但今日8點幾去買外賣(干炒牛河+廈門炒米),但足足等左45分鐘,本人於等了20分鐘時已問老闆,他居然同我講:我都想d人快d,但咁多人冇辦法啦,等下,好快,跟住再過了10分鐘,有個比我遲落單都有得攞走,但我份外賣仍未到,於是我再去追啦,他才如夢初醒幫我去追,及同我講最多咪退錢,你係客人佢態度仲衰之餘仲惡過你,真係激氣

店子寫明係潮州食店, 門口都掛滿一般潮州店的潮州鵝, 凍蟹, 白烚魚 ... 今晚我們都點了一些潮州菜式 : 鵝片, 川椒雞球, 沙爹牛肉芥蘭, 椒鹽中蝦, 潮州白粥.蝦肉很梅, 沙爹牛肉的沙爹好淡味. 芥蘭好明顯係分開炒, 炒好後就將沙爹牛肉淋上面. 最離譜係川椒雞球. 川椒葉完全失蹤, 換來蝦片作為伴碟. 雞球有好多獻汁. 同正宗潮州菜的川椒雞球係完全兩回事. 鵝片只是一般. 白粥不夠熱.在潮州食店吃這些菜式是十分普遍, 但真想不到這店會做出這樣難吃的食物.

匯富坊最近開了一些新的食肆；上次試了三和，今次試試聯合興。聯合興裝潢像茶餐廳，卻較有中式食肆的格局；餐牌上沒有那些常餐特餐，卻有粥餐、炒粉麵飯餐、或兩餸飯餐等。太公要了個"生滾牛肉粥 + 炸兩"的粥餐。生滾牛肉粥的牛肉筋多而不夠嫩滑，不過總算沒有過老；粥底很稀而不夠綿，並且加了點味精，很一般。炸兩是預先製好，腸粉皮不夠滑，油炸鬼也淋了，只能算不過不失。雖然食物只屬一般，但味道竟有點教人似曾相識；回來一查，原來此店是當日樂富「為食街」未清拆前其中的一家食肆；當天曾光顧過，只是當時未有寫食評之習慣，而未有留意其名字罷了。搬舖後，許是因租貴而索價也比前貴上一截；但廿多元的粥餐，仍屬合理水平，在如今「不抵食食肆」比比皆是的樂富，此店已屬可取之選；加上阿姐們那街坊式的親切服務，使人有更想再來的理由。