聚 (廣德樓) (已結業)

真係，真係，真係😍😍😍好好食，皮脆，肉嫩，有肉汁，剩係雞脾本身已經好食到爆炸，重有椒鹽係表面😍😍😍，好好食，好香，雞髀醃到嫁夠味，炸醬又好掛皮，提升左雞髀既層次！👍🏻👍🏻👍🏻太陽蛋既角色都好重要，因為有蛋黃汁，撈落d飯度食，真係無人抗拒到，本世紀既絕配，真心大愛🥳🥳🥳🍗🍗🍗再講埋價錢，$35...$35...$35...🙀🙀🙀點做到嫁，唔洗賺錢嫁，痴線嫁！

超厚蛋既三文治🥪🥪，餐蛋🍳治真係 係好普通既食物，但整得好食，都唔係容易嫁，越普通嘅嘢，越睇得出煮個人嘅心機同技術👍🏻👍🏻。餐蛋治嘅餐肉一定要厚，簿嗰啲雖然好欣賞廚師既刀功，不過真係食唔到咩味囉！午餐肉一定要夠厚，而且仲要煎到燶邊，咁先夠香，雞蛋可以嘅話一定要用日本蛋，但明白成本太高，出邊食嘅通常都會用普通雞蛋，呢一間好明顯係用兩隻或以上嘅雞蛋，先做到咁厚嘅效果，佢個雞蛋有落調味料，帶出咗雞蛋嘅蛋香，再配上半吋厚嘅午餐肉，一啖咬落去，真係好滿足呀。

今日特登令到薄扶林道，去gathering，食嘢，因為想支持下黃店💛💛💛。佢飯嘅選擇唔係好多，得七款，我就食咗個最大路嘅豬扒煎雙蛋飯，本身都冇乜期望，諗住大路野，正正常常就OK。點知有驚喜喎💖💖，豬扒醃得都幾林，嗰醬汁好好味呀👍🏻👍🏻，唔似平時嗰啲黑椒汁啊，肉汁啊咁樣。仲要配兩隻太陽蛋，篤爛個蛋黃，等啲蛋黃汁漏落個飯度，連埋原本嘅醬汁，撈埋啲飯一齊食，好正呀😍😍👍🏻👍🏻。

呢碟係炸香蕉，行過佢哋門口，見到有張食物圖片，望咗好耐，都唔知係乜嘢，之後就睇佢嘅文字啦，原來係炸香蕉🍌🍌🍌，好少好少好少地方有得食。炸香蕉係我嘅概念，都係將一隻香蕉直接炸，然之後喺上面加好多醬料，加好多配料咁樣，但呢間嘅炸香蕉好特別，佢用啲嘢，唔知係乜嘢，包住隻香蕉，之後個面沈上一啲花生碎，成條🍌🍌🍌掉落去炸。食果時配上朱古力同蜜糖，效果出奇地夾，有少少脆脆地，又有少少硬硬地，又有軟軟地，又甜甜地，又有香蕉味，呢個配搭好有心思！

點做到㗎，點做到㗎，點做到㗎！啲雞翼就快冇位擺啦，都只係$35咋，仲想點呀！有圖有真相，一碟炸雞翼太陽蛋飯，太陽蛋下面係滿滿嘅白飯，而在震撼嘅就係圍邊嘅炸雞翼，為到好似唔駛錢咁。啲雞翼炸得好好食呀，首先雞翼本身已經夠味，炸漿都有味，最後我仲食到有椒鹽味應該係喺面度再沈多一陣椒鹽，好香口好惹味。最後我竟然食唔晒呀，平時係好多地方買外賣食，都會覺得唔夠飽，但我竟然比呢碟炸雞翼太陽蛋飯K.O.左 ，d飯食唔晒，唔通我戰鬥力弱咗，定係碟炸雞翼太陽蛋飯太足料？

呢排join左社交平台個碗仔翅關注群，個心成日心思思想食碗仔翅，但又好驚果d一早煲好晒，等人叫就即筆一碗出黎果d，因為唔知煲左幾耐，而且咁無heart 都唔荒好食la !經過西環薄扶林道嘅Gathering ,係門口見到d 食物相都幾吸引，於是就入去買碗黎食！料都幾多，有好粗既素翅，有粉絲，有黑木耳,有冬菇絲，有蛋，d肉應該唔係豬肉，唔知係咩肉，幾滑，又有奄過，幾好味，d粉唔會開到杰撻撻，質感好好，大大碗都只係$25，最緊要係即叫即煮，係邊度搵呀？

呢間小店，係真正既良心小店，除咗食物收入好平外，見到店內有好多感謝狀，上過莊既都會明，真係好值得宣揚！講返食物先，相中六件超大卷既金菇肥牛卷只係$30，性價比非常高，剩食呢盒野都可以當一餐。本人覺得金菇肥牛卷既精粹係醬汁到，佢地個汁都無得輸，完全可以帶出肥牛既牛肉味，如果只配肥牛又會有點膩，配埋金菇就剛剛好，一啖入面有金菇菜，有肥牛，重有秘製醬汁，呢個組合，可以好送飯！呢間我都成日食，下次介紹其他食物！

叫左兩個飯加兩個烤餅嘅外賣🥳🥳🥳~牛肉煎蛋飯個肥牛好香好入味，識食一定係吉穿蛋黃撈飯食，佢個蛋黃勁大個🍳焗魚飯個魚好彈牙最緊要係冇骨🐟🐟🐟司華力腸都好大條熱辣辣 味道就係司華力腸嘅味🤣🤣仲有個煎蛋 好大塊應該有兩隻大雞蛋！本身以為蟹柳芝士烤餅會唔夾 點知夾埋又幾好食！特別要highlight嘅係邪惡雞扒烤餅🐔🤣真係好邪惡 超大份同足料 個雞嘅texture比較似雞肉漢堡扒 一個人應該難啲食得曬😂佢仲有菜係入面 超厚🌮🌮🌮overall 係一間會再食嘅高質黃店！😍😍💖💖💓💓

住開果頭都知，成條水街都食肆，而且係多國種類，有好多選擇，呢間小店想試好耐，但佢收得早，好難撞啱佢未關門，今日終於試到！入去睇佢餐牌，種類都幾多，而且唔貴呀，多數都係二三十！今晚買左個芝士多士同蟹柳烤餅個芝士多士好香芝士味，好滑，好濃，一拎起已經聞到好香，放入口，嘩！味蕾大享受，落足料，食得出唔係平芝士！一定會再食。個烤餅都唔錯，餅餅皮係脆既，蟹柳好甜呀，絕對唔係出面果d面粉蟹柳，有驚喜，都只係賣$22，好平抵食！

糧尾啊！糧尾啊！又係搵廉價美食既時候！呢間店舖細，堂食設兩張小圓枱，容納4-8人。老闆娘一手打理全間舖，煮食，招呼堂食，上菜，接外賣單，執枱，收銀，全部一腳踢，非常敬佩。老闆娘好有人情味，食物仲超抵啊，三十幾蚊一個飯！.💰呢間小店都設有GumPay比錢方法，即時增值，即時QR code比埋錢，剩低下次用。.🔸椰香黃咖喱雞配烤餅 ($35)分數: (7.6/10)估佢唔到！佢入面啲雞好多，而且全部好嫩滑！咖喱少少辣，好香，椰汁味又微微甜甜地，烤餅雖然較細，但點咖喱十分開胃！.🔸焗魚司華力腸煎蛋配飯($35)分數: (7.8/10)抵到爛... $35咁大塊魚係咩事？！仲有埋短短既司華力腸，大大塊煎蛋蓋住飯。飯有少許醬油調味，魚完全唔腥，怕腥既我好喜歡呢種魚。小編認為係全店最抵食！.🔸金菇肥牛雞串飯($35)分數: (7/10)雖然金菇肥牛咬落去有油咇出嚟感覺好邪惡，但配埋個醬汁好惹味。另外個雞串又係好嫩滑。.🔸章魚燒($28)分數: (6.8/10)外面夠脆，不過餡唔夠豐富，木魚絲好乾脆，冇平時嗰種咁香。.GumPay首次增值$100送$20，經我Bio條link，再送多$20！建議最好

外賣金菇肥牛鷄串飯，D飯未熟，仲係生，牛是乾的，鷄串是沒有味道的。邪惡芝士雞扒蛋烤餅味道則不錯。熔芝士加上鷄扒，配搭美味。宜多加留意食品質素，以免浪費食店心機及食物。

因住在附近，有時晚上會到聚買外賣。我每次都幫襯咖喱雞飯或者薄餅，$35一份真的很平宜，初頭諗$35咁平，會否唔好食呢，當日偷偷望老闆娘煮咖喱，原來每一份雞都是即時炒，再放入咖喱再煮。咖喱味道剛剛好，雞肉份量亦不是，加$3 可跟汽水。誠意推薦。