聚點廚房 (已結業)

燒味堅好食！！ 燒腩仔皮脆肉嫩，叉燒肥瘦岩岩好，白切雞好香，配埋姜蓉真系無敵！ 性價比極高！ lunch同同事食飯地方方便，位置闊落。 有時要OT都第一時間諗起聚點！ 伙計服務態度好

一星期總有一日同啲同事一齊出去食team lunch今日就跟咗佢哋嚟咗呢度聚點呢度每日嘅午餐都有好多唔同嘅選擇啲同事話佢D四寶飯好好食所以我哋四個人，有三個都係食四寶飯而見到蒸肉餅就想試吓呢度啲飯又係一粒粒硬飯，真係好好食👏🏻👏🏻我嗌嘅土魷蒸肉餅有一粒粒嘅土魷係面，好香土魷味👍🏻不過呢度嗌咗湯就冇嘢飲有嘢飲就無湯，我係湯精嚟嘅就叫左個湯個湯清清地都幾好味👍🏻然後我又食下同事啲四寶飯，食咗個瘦叉燒都OK嘅

經常到聚點食佢哋嘅燒味飯，每次都覺得又平又抵食仲要好好味， 下午茶38蚊就有雙拼燒味飯， 味道仲唔錯添！ 燒腩仔皮夠脆， 叉燒半肥瘦最好味， 肥瘦適中嘅叉燒，真係食極都唔厭！ 油雞唔係太肥啖啖肉配埋薑蓉送飯一流！ 所有燒味都熱辣辣， 感覺好新鮮， 仲會見到飯嘅下面有汁 ， 所以我每次都可以成個飯食曬。兩個下午茶餐total都只是79蚊， 係一間性價比非常之高嘅茶餐廳！同埋我去過好多次聚點，佢哋嘅店員服務態度好好， 茶餐廳黎講坐得都算舒服。

曾經的G點,一到中午食飯時間門口就企滿人等位,最出名的是燒味 (尤其燒鵝+半肥瘦叉),我都試過訂燒味返屋企做節,因為性價比高又好味。不過又唔知幾時開始,燒味水準下降左。唔可以話差,但就係無以前果種味道。上星期lunch去食左個半肥瘦叉+油雞飯叉燒水準仲幾好,本肥瘦得好分明,入口即溶,水準係九龍灣區屬上品；油雞就差少少啦,肉偏鞋,皮不夠爽,水準一般。不過講到底,水準差左既,主要係個汁! 現在的汁只得豉油味,無左以前既香味…唔知係咪換左做法?講到底,G點都係我lunch既膽,希望以後可以回復水準啦!

本星期天氣寒冷，因手上太多工作未完成要OT，和同事一起趕緊，到了7點多肚子餓，心諗工業區就腳食小小嘢醫肚，發現原來我每天都到的餐廳，重開晚市，初期想食碟頭飯或是但燒味飯，眼見有人客食雞煲，好其下就點了胡椒豬肚雞煲，出其地好快上到，味道一流，胡椒味好濃，重有紅棗雞嘅份量足夠，夠晒暖胃，樓面男待應又好禮貌，沒有像外出你食完就叫你趕住收枱，比個你，還有甜品添，一個寒流，令我食飽再oT加添動力，下次要試麻辣雞煲先，因為見到有其他人食好香

揸車經過見到呢間餐廳門口有車位，門面又唔差，就入去試吓啦天氣咁凍，諗住入去食D熱嘢暖吓胃啦我同我朋友都點左焗豬扒飯食，個飯嚟到個賣相唔差，表面芝士重有小小燶燶哋，點知一食入口凍嘅，我問朋友個飯熱唔熱，點知佢個飯都係凍嘅~咩焗豬扒飯嚟㗎，冰鎮豬扒飯呀?唔熱都算啦，重要凍，好差~無下次，黑名單之選~

M佬話男人嘅晚餐唔食飯好似總係掙咁啲，所以今日一於一切從簡，搵間茶餐廳叫餸食飯啦！呢間茶餐廳雖然位于工廠區林立嘅九龍灣，但嘅室內設計又幾特別喎，係以懷舊嘅香港做主題，加上坐位寬闊，以格調環境嚟講，相當唔錯！再睇睇Menu，當然唔少得茶餐廳嘅名物 – 常餐啦！不過都話咗要滿足M佬嘅飯癮，所以今餐就叫齊魚、肉、菜、湯、仲有唔少得嘅飯。平時著得高踭鞋多，所以頭盤就以型補型，叫咗個泡椒雞腳！但A姐就最怕好油膩嘅雞腳，真係食完補完之後，肥到都著唔落隻高踭鞋！不過，聚點廚房嘅雞腳又唔錯，食落口脆卜卜仲唔溜，真係食多兩隻都No problem！食完頭盤，又點少得湯呢！例湯？No la！我哋叫咗香茜皮蛋魚片骨湯，上枱一刻真係OMG！啲料多到呢！連個湯都奶白色，飲落口真係不得了，味道又香又濃呢！話明叫餸食飯，又點少得餸同飯呢？先嚟呢道嘅名物 – 沙薑雞。2個人叫半隻都夠，因為份量都唔少，厚肉得嚟又夠滑，絕對係雞有雞味！當然，沙薑雞嘅spotlight就梗係沙薑啦，夠哂入味。而另外一個餸就簡簡單單嘅西蘭花炒帶子啦。帶子肉夠厚身，入口又唔韌。都唔錯架！白飯就唔啱我喇，但又要滿足條佬，所以就叫碟瑤柱蛋白炒飯啦

今日因為有同事生日,所以老細請食飯~去左九龍灣既聚點廚房食個午餐~ 我食左個黑椒雜扒飯~本身諗住4十幾蚊既雜扒飯都應該好頹~但係黎到見到個賣相都相當唔錯! 味道雖然唔算出眾,但係都相當唔錯~至於另外仲有一位同事叫左個"冬菜蒸立魚", 午餐食蒸魚 仲要連白飯同野飲 真係算好抵食啦~大家如果經過九龍灣都要黎試下啦!

開工無得收工就係每個打工仔別必經歷嘅事，收工收得夜又無啖好食，無理由番屋企再煮。呢個時候豐富嘅晚餐係我地嘅救星。裝修簡單，清潔。坐位超多，真係成間公司落嚟食都無問題。椒鹽鮮魷--男女老少都岩的食物。外面成個脆皮包住條魷魚，魷魚軟熟，咬出有汁。外面仲有好重椒鹽味。但呢個味更似避風糖，加左好多炸蒜粒，來得更惹味。沙薑雞--有一隻同半隻選，估唔到半隻都超大隻，份量好大，又厚肉。肉度控制剛好，滑得嚟都煙un。亮點之作就係d沙薑，有大量秘制沙薑放喺面到，名如其實，用嚟撈埋個飯食，起碼食到三碗，如果我超超超餓的話，哈哈。馬拉盞豬頸肉蒸茄子--即叫即蒸，份量大。豬頸肉同茄子切條狀，豬頸肉夠爽口，茄子好淋身。上面d馬拉盞好香下，有蝦乾的香，不辣，咸味剛好。如果可以再多d醬就好喇。其實兩個人照情理嚟講叫兩個送就夠，但係夜晚做到甘夜，食多d，滿足d，都唔係甘過份姐，呵。減肥？！無ot先講。

其實間中我都幾中意食炒幾味小菜送飯, 今晚就去左九龍灣工廠區附近既聚點廚房食左個DINNER~呢度既小菜每碟份量都較細份, 所以可以order多幾個試多d款!------------------------------一坐得就送左兩碗湯, 唔理佢係味味精湯, 但又真係幾好飲幾甜.... 【椒鹽鮮魷】HK$58 炸皮薄而脆, 炸完亦唔油膩, 而且魷魚好爽口, 有少少椒鹽係面, 超正! 【泰皇蝦球】HK$70 炸皮都係薄, 入面隻蝦唔係全熟, 所以幾爽甜, 加左少少泰式辣醬, 好惹味 【原味辣雞煲】HK$70 送到黎熱辣辣, 香噴噴, 不過入面既配料份量仲多過雞, 肉食比較少!【四川口水雞】HK$40 呢碟口水雞比醬汁cover哂, d醬汁太鹹, 有少少辣, 如果撥開d醬食就冇咁鹹, 如果送飯食應該唔錯!! 【晚市套餐-星州炒米 (包飲品)】HK$52 (凍飲另加$3) 份量都算幾大碟, 炒得好乾身, 但個人覺得太過乾身, 而且味道偏淡... 野飲亦似係飲緊稀釋飲品, 冇咩味....(已經叫左少冰都冇味)

環境係帶點懷舊氣息，吾多但正係平淡中一點不平凡，店面幾大坐得都舒服既。四川口水雞同一向食開既有少許不同，係以醬為主而非辣油。未去到好辣普通人都應該食到，加上幾惹味好適合餸飯。雞肉尚算嫩滑，不過今次皮既部分厚左啲。本身點馬拉盞通菜豬頸肉，但剛巧無就轉左芥蘭(平時好少食，因為覺得好似食緊柴甘。) 但依到反而不錯，菜比較細棵 吾係硬係爽口！馬拉盞味道吾係特別濃，肉既份量就平均吾會全部都係菜。另外，點左個下午茶餐，因為有我中意既喇沙，味道係有既 不過都係嫌淡(對於海鮮無咩感覺，好似食完印象都吾深刻) 粟米好多喔。其實整體普普通通我都覺得吾錯，係因為佢價錢都幾實惠而且食得開心，食到好飽成餐都係百拎蚊左右。而且侍應都好有禮貌，平時同屋企人簡單去下都吾錯，吾洗煩邊個洗碗(笑)

精選午餐：星洲炒貴刁又系大量生產，上碟冇獲氣又不夠熱。食材是足夠：蝦，义燒，火腿丝，洋葱，青红椒丝，牙菜。用的是幼身河粉。可惜蝦冇味，用咖哩粉炒（不是咖哩汁），结果是無甚味道，無法KO它！其實好想试多次才寫食評，这样可能會公度点，但真的提不起勁再試！

點了揚洲炒飯，但一上枱已經俾佢個賣相嚇親！睇落似係豬肉切件炒飯底所認知嘅揚洲炒飯應該有：炒飯（呢度唯一優點佢慷慨供應大量炒飯）叉燒粒 （而唔係呢度嘅切件豬肉）火腿絲 （完全無）菜絲 （完全無）蔥粒 （完全無）蝦 （份量正常）雖然係下午茶，我唔介意potion細D. 但唔好咩料都無晒。諗住無料，咁齋炒飯都照食la，但咸到唔洗食！最後飲杯奶茶算

唔好意思都要講句！其實我覺得間餐廳個英文名有啲唔太好！可能我唔明白當中嘅意思！喺九龍灣有兩個大商場不過入邊嘅嘢食都比較貴！打工一族嘅我，梗係唔會餐餐都食得咁貴啦！聚點廚房嘅食物價錢唔算太貴！午飯時間來食，落單後五分鐘左右食物就會黎到！但係今日我哋就食晚餐！餐廳已經冇乜人！我就叫咗海南雞飯！晚餐嘅餐牌同午餐差唔多，但就冇廚師精選！今次好好彩廚師俾咗雞髀位我！其實我覺得海南雞一定雞髀位先好食，有時雞胸都好好味！可能因為海南雞就係冇骨嘅雞肉！不過我就覺得個油飯馬馬地！唔夠香！仲有食海南雞飯嗰三隻醬汁其實都好重要！有啲餐廳會係好濃嘅甜豉油！不過我覺得聚點廚房嘅甜豉油就好似老抽加糖煮過咁！

今日經過九龍灣見到呢間新開嘅「聚點廚房」，見裝修幾好又試業緊所以入去試下。叫咗個 $38 (涷飲 +$3) 嘅白汁雞皇意粉下午茶餐，上菜果刻嚇呆咗我，點解份量可以咁細！仲細過 7-11 便利店嘅撈麵😑 都算啦，心諗味道可能好好呢；點知。。。白汁無味、雞無味、意粉無味、阿華田仲要無花奶😡😡😡 我平時其實都食無乜要求，$23 麥當勞餐都可以好滿足；但呢間嘢令我寫咗人生第一篇 Openrice，我要話比大家知，呢間「聚點廚房」絕對係不可一不可再 🙅