影片
以上資料只供參考, 請與餐廳確認詳情
我哋約咗朋友出來聚會，大家都成家，有大有細，想搵處地方可以有地方比小朋友玩，唔使困住佢哋齋坐！其中一位朋友提供呢度，帶肥髀去到，門口似住宅！入內好家居感覺，只係中間有張好大嘅有轉盤嘅大枱，有好多娛樂設施（卡拉OK、鏢板、桌上遊戲）有晒叉電比大家！仲有露台位置！所以小朋友各自精采！完全無咋型話悶要走！齊人就可以上菜，一個姨姨主打，加一個助手！飲品雪櫃自己拎再報數！聚薈准杞螺頭煲雞腳：足料夠熱！微微有啲漿口！清甜好味！蒜茸粉絲蒸蟶子：大蟶子清蒸本無風險，但我同肥髀各一隻，肥髀嗰隻太腥，佢食唔到，我試咗都覺得腥！我嗰隻就無問題！粉絲好多，不過豉油唔夠，賺咗熟油唔夠味，太油膩！一般！西芹蜜荳鮮白合炒雙蚌：好大碟，材料多，西芹爽脆，蜜荳甜，北寄貝彈牙，難得無膠水獻！糯米釀雞翼：雞翼燒得好靚，乾身，雞肉好有肉汁，糯米軟糯！好味！菓皮蒸龍躉皇：厚魚肉難免會嚡，呢碟又無呢個問題，肉質幾滑，果皮味幾重，我個人唔喜歡！黑白胡椒蝦：夠香口惹味，蝦肉彈牙！好味！黃金脆皮芝麻雞：皮幾脆但幾乾，肉都偏乾，一般和風芥辣骨：沙拉骨嘅變奏版，芥辣唔太強，不過我一向唔喜歡一字骨，我唔喜歡刨骨，肉質唔嚡，配沙律醬味道夾！炒時菜：最簡單，熱辣辣，菜心爽脆，好味！芝士什茹撈伊麵：芝士醬大杰，唔喜歡，好似食緊無開浠嘅罐頭湯！菇菌好多款，彈牙好味，不過伊麵較粉，唔夠煙韌！甜品：杞子榚：水晶晶夾雜啲杞子，唔太甜！椰汁紫米榚：椰汁榚彈牙！紫米煙韌有咬口！唔太甜，唔錯！每位包飲品一罐講真食物一般，不過包地方玩好舒服，有地方走動又唔怕嘈到人！呢點又贏咗！姨姨好豪爽，好似我影食物同大圍相，佢都會好幫手！出出入入無停手！適合攪聚會嘅地方！
繼續閱讀