聚興樓

營業中

休息中

未食已經成肚火，我都已經系起佢面前攞餐，指埋個袋上張收據俾佢，咪就係問緊系咪呢袋囉，佢又淨係指俾我睇系嗰袋，又吾講系兩袋一齊，行走左去粉中先同我講拎漏左，成15分鐘，叫我行返轉頭攞，又吾肯退錢。去到問佢，佢淨係同我講正常顧客都會問係咪兩袋一齊，唔認自己嘅問題，仲將個責任推翻俾顧客，正常商家夠會講話係兩袋一齊啦，豈有此理？嗌外賣都係為咗快，拎呢個外賣足足嘥咗我40分鐘，極差嘅體驗，商家都冇作出任何嘅道歉同賠償，老實講，商家梗係唔想浪費成本，但係顧客嘅時間就唔係成本咩，你講多兩句好難？而且個手撕雞芝麻油係放咗勁耐嘅嗰種味，有浸臭味，仲要落咗勁多油，唔知係咪過期，用唔晒一次過倒晒？黑松露小籠包細粒到。。。又冇乜黑松露味，不過呢個價格都係冇嘢好講，個雲吞雞湯飯，有嚿雞髀同埋雞胸，加3嚿雲吞，拎到手唔熱，叫做有餘溫。

因為不是太肚餓，諗住買一包腸粉三寶和一個肉鬆粢飯做二人午餐。一買完見到舊粢飯是長方形，感覺好似好細件，收$15，即時有啲不祥預感。回家開餐咬咗兩口，就發現完全未食過這種粢飯（一直好鐘意食粢飯，成日周圍搵嚟買，因為好食和有得賣粢飯的食店，已經買少見少）🥲第1➡️外型不是圓柱體；第2➡️飯的口感不是一粒粒，似食緊鹼水糭咁黏笠；第3➡️點解底部深色部份，咁硬，硬到唔想吞🫣；第4➡️d饀比我想像中少到呢⋯⋯😑不尋常硬的部分，是油炸鬼的底部，很奇怪，唔係好食到油炸鬼的味道🤔肉眼完全睇唔到分明的飯粒，全部糯米黐埋一堆。本來無諗住寫食評，所以第一張相已經是咬咗兩口，但越食越唔對路，想和大家分享，如果喜歡這種獨特口感的朋友，可以去試吓。個人食完有啲不爽，買多包淨腸粉好過，但想一提，佢啲魚蛋和燒賣都麻麻地🙃

粉嶺店呢間，只有幾個座位，客人多數外賣。但環境算清靜，落單同出餐都快。今晚買了麻辣雞撈麵，公仔麵底，香口，但有味精！價錢係合理，不過食完好口渴！間唔中食1次半次冇所謂。

今日試試樓下的聚興樓手撕雞撈麵$23撈麵不會過淋，麵質依然彈牙而且調味剛剛好不會太鹹手撕雞的數量非常多，除了雞腳以外其他都沒有骨，調味也非常好不像以往吃的這麼鹹唯一一樣可以改善的，便是我點的是辣手撕雞，但是辣油非常少，可以多加一些

今日放假喺屋企休息，熱辣辣唔想煮野食🤢落樓下買左個平時見好多人幫襯既聚興樓手撕雞飯～～⬇️ $23估唔到都幾大份，手撕雞有雞脾肉，雞肉爽嫩，如果再多啲就好啦😂飯仲係滿滿一格添！⬇️ 因為嗜辣，所以叫左中辣，但個人認為佢既辣油係麻>辣，勁惹味🤤，叫就叫麻辣手撕雞，其實佢隻麻辣油先係主角🤤愛麗絲直情將啲飯撈埋落啲油度送飯😂😂不過老實講都係偏向重口味既，間唔中食一次半次ok啦🤪📍提提大家，愛麗絲見到佢有得買秘製既麻辣油，如果買左番屋企做是啤，就可以想食就即刻食到佢浸麻辣味啦👻👻