影片
以上資料只供參考, 請與餐廳確認詳情
有關獎賞計劃
一間chill嘅中菜，一啲都唔簡單。“聚星居”，算係滿足晒所有條件。首先要有景，包括環境同景觀，呢度有包廂，有海景，枱嘅分布合理。跟住要有嘢食，呢度嘅種類多不勝數，最重要係質素高，一陣再講。當然唔少得服務，呢度上菜隻碟都係熱嘅，而且收碟快，亦會幫客人換碟，算係唔錯。聚星居焗蟹蓋 $168蟹肉香、洋蔥絲嘅份量合理。但以上都唔及蟹醋嘅威力。一個蟹醋可以將蟹蓋提升不只一個層次。脆蔥燒鮑魚 $128用脆蔥燒嘅效果係令到鮑魚本身嘅香味好突出，味道上都會有一絲絲嘅蒜蔥味。鮑魚本身已經切咗片，方便分享。香茅脆皮乳鴿 $138果然係用上香茅脆皮燒出嚟。首先香茅味突出，同乳鴿嘅味道好合襯。最重要係乳鴿嘅皮燒得香口，夠脆，亦有一定油份。呢度會提供埋手套同胡椒享用。陳皮黑毛豬叉燒 $268黑毛豬叉燒本來已經唔會輸，佢嘅肥瘦均秤同質感已經係一絕。但個人最欣賞係佢嘅蜜糖，因為加咗陳皮，令到佢更有層次，唔會好似一般酒樓得個甜字。鳳梨黑醋松阪肉 $148相當打卡嘅一道菜。黑醋本身嘅質素好高，甜酸得宜，令到松阪肉味道足。菠蘿喺度嘅作用係中和呢道菜同其他肉類嘅累贅感。椰汁雪燕桃膠 $60區區$60嘅甜品都可以打卡。表面充滿雪燕，原來桃膠嘅份量仲多。椰汁味唔算好突出，但亦唔會好甜。相比起環境或者服務，其實我更欣賞喺呢度嘢食嘅質素。以餐廳嘅定位，佢嘅中菜的確做得唔錯，難怪呢度幾個包廂都坐滿人！
繼續閱讀
銅鑼灣V Point 「聚星居 Sing Garden」，坐落大廈28樓樓層，環境一流可以飽覽維港夜景，主打頂級粵菜及海鮮火鍋，主廚楊師傅擅長粵菜、上海、川菜、准扬菜等等，而且曾獲廚神獎項，怪不得每晚高朋滿座！喜歡食中菜嘅我，今晚和朋友特意來品嚐，對菜式超級期待，平日嘅晚上都可以全場爆滿，真係好厲害，而且仲有主場樂手和歌手獻唱耳熟能詳嘅廣東歌，非常好氣氛🫰▪️雙剁椒鳳凰鴿 $ 188中山妙齡鴿以雙色剁椒蒸焗，已經去骨啖啖肉，鴿胸粉嫩多汁，辣度溫和作為頭盤，非常開胃▪️陳皮黑毛豬叉燒 $ 268肉質柔軟，脂肪分布適度，肥瘦層次恰到好處，酥脆甜香味道適中，外酥內嫩每一口都非常多肉汁，超級推介超好食▪️蔥燒脆蔥指天翅 $ 148我真係孤陋寡聞，原來指天翅係是龍躉菜最矜貴的部位之一，魚鰭啖啖膠質，這道菜魚皮帶點香脆，肉質超級腍滑味美，加上惹味的蔥燒脆蔥，愛吃魚嘅朋友真係唔可以錯過▪️脆米和牛鬆炒飯 $ 268用瓦煲出場新鮮滾熱辣，份量大得驚人，炒得粒粒分明好有鑊氣，而且仲帶點焦脆，炒飯夾雜和牛鬆、菜脯、椰菜和香蔥粒，香口惹味▪️椰汁雪燕桃膠 $ 60用雪榚杯盛載非常足料，每一啖都係滿滿，雪燕桃膠，甜度適中口感細滑，滋補養顏之選
繼續閱讀
聚星居裝潢時尚優雅，落地大玻璃，引入自然光，可無死角飽覽維港海景。柔和的燈光設計，設有私密的包廂，還有KTV音響設備，適合大伙兒聚餐。座位舒適寬敞，盡情享受美食，十分寫意。雕王醉鄉蝦 (158)醉蝦色澤鮮艷，蝦頭飽滿晶瑩，肉質彈牙、紮實，加上花雕酒，散發純純花雕酒香，令人垂涎。鳳梨黑醋黑松板肉 (148)松板肉肉質軟嫩，外皮微脆，掛滿甜酸黑醋醬汁，油脂豐富，搭配鳳梨，清新怡人，開胃解膩。酥香烤籽魚 (148)魚塊烤得酥香可口，表面帶焦糖甜香，咀嚼間散發麻香味道，香以不辣，加上芝麻粒粒，滋味更加升華。燶邊叉燒豉油王炒麵 (188)炒麵香氣四溢，麵條充滿豉油的鮮美，加上燶邊厚切的叉燒，香口軟腍，加上青蔥及銀芽，口感豐富。濃湯花膠稻庭烏冬 (88)湯頭奶白清甜，呷一口鮮甜味突出，稻庭烏冬十分滑溜，花膠口感黏糯，充滿骨膠原，啖啖滋味! 椰汁雪燕桃膠 (60)最後來一碗桃膠湯水，椰汁散發純樸甜香，清新濃郁，雪燕滑不溜口，配上晶瑩桃膠，甜度天然柔和，養顏窩心。
繼續閱讀
🔹魚仔乾花生（餐前小食）脆卜卜又惹味！魚仔香口加上花生嘅酥脆，一食就停唔到口～原來係廚師每日鮮炸即整， 唔怪得咁好食👍🔹 紅酒和牛面頰肉質軟嫩到入口即化！紅酒香完全滲入牛面頰，濃郁卻唔膩，米芝蓮級別嘅烹調手法～🤤🔹 燶邊叉燒豉油皇炒麵叉燒燶邊香脆，炒麵乾身又夠鑊氣！豉油調味剛剛好，唔會過咸，食到最傳統嘅港式風味～🍜🔹 竹笙杞子浸菜苗清新之選！竹笙爽滑，菜苗嫩綠，加上枸杞嘅甜味，湯汁清淡卻鮮美，好味到啲湯汁我都飲晒～🥬🔹 雪燕瑤柱蟹肉羹奢華享受！蟹肉鮮甜，瑤柱香濃，加上雪燕嘅滑嫩，每一啖都係精華～羹湯濃稠度剛好，暖胃又滿足！🦀🔹 椰汁雪燕桃膠女生最愛！椰汁香滑，雪燕同桃膠養顏又滋潤，甜度適中，點解可以咁好食ga～💖
繼續閱讀
聚星居焗蟹蓋$168女朋友係蟹癡，一見到蟹蓋就要食，無失望，幾好食喎，外層酥脆，內裡蟹肉配洋蔥絲比例適中，加埋蟹醋仲鮮味。金莎牛蒡黃金蝦$288黃金蝦又係我哋嘅例牌，果層金沙厚度適中，係起沙既鹹蛋黃，蝦都好新鮮同大粒彈牙，仲有少見嘅炸牛蒡，好出色。紅燒乳鴿$138待應好貼心咁俾咗手套我哋拎住食。一啖咬落去，香茅味湧出嚟，真係估唔到香茅同乳鴿都夾喎。外皮好香脆，油香滿溢，齒頰留香。濃湯花膠稻庭烏冬$88湯底係好濃郁嘅雞湯味，好黏口，花膠一大片，口感爽滑，配埋滑溜烏冬輕易 KO 成碗。脆米和牛鬆炒飯$268原本以為係煲仔飯 size，一上枱嚇親我哋，咁大煲好抵食喎! 配料有和牛鬆、椰菜、菜脯同脆米、蔥粒，炒飯炒得粒粒分明仲有飯焦，正!
繼續閱讀