聚寶海南雞

營業中

休息中

我哋叫咗呢兩個無骨海南雞套餐，咁餐牌另外有一係冇油菜，咁我哋係叫咗有油菜。咁返到嚟就兩個都冇。希望係唔小心啦，雞同飯嘅份量都OK，味道都可以老火湯都係嗰啲例牌啦。

📍新蒲崗 聚寶海南雞飯📍返工食lunch見到呢間海南雞飯，都幾多人食，要等位，於是就試吓啦！$52一個海南雞飯，送中湯，凍熱飲就要加錢。飯係油飯，正正常常。海南雞肉質都嫩滑，不過冇乜味。好在佢俾咗三隻將醬料，同啲雞肉都幾夾。中湯就冇乜特別，正正常常嘅中湯，唔會太鹹。簡簡單單食個lunch都幾好。

咖啡差到爆，一patpat，漿糊咁，又好深色，又吾香，又唔好食。牛肉被咖啡色遮蓋晒，總之就係一舊舊既肉，都吾知自己食緊乜咁，配菜有薯仔，洋蔥咁，冧到呢……一Patpat ，好吾掂👎🏻👎🏻👎🏻👎🏻。0分。

呢間野標明自己主打海南雞叫得招牌菜 應該要有水準幫襯左個海南雞飯外賣 有湯加飲品可惜 雞冇味 而且梅我夠膽講 求其一間3,40蚊燒味檔切雞都好食過佢周圍附近選擇極多 唔會再有下一次

聚寶海南雞 is a nondescript restaurant in San Po Kong. But boyfriend wanted to eat here.Menu is in Chinese only. There is no English and no 10% service charge. They offered a very good value for money lunch sets that were basically rice with a Chinese main that came with a drink. They had a lot to choose from.The sets also came with a daily Chinese soup. This was placed before you before you even ordered. It was quite good. A basic carrot and melon soup. It was a bit too salty for my liking.I had the

呢間係新蒲崗嘅🌊海南雞🐓專門店，都算幾出名，已經開咗好耐🗓而且長期都客滿！皆因佢哋嘅出品質素好👍又穩定🤤而且價錢💰合理！我就最鍾意食佢哋嘅🐓海南雞飯🍚，啲雞肉🍗幾時都係咁嫩滑🥰有雞味🤤，而且佢哋嘅海南雞🐔特色之一係皮同肉中間會有一層厚厚嘅😍啫喱（其實呢層啫喱係雞嘅骨膠原），令到入口特別香滑😋！至於啲雞油飯都幾香，不過就唔及另一啲舖頭會有好多香料咁多味道。同行友人就叫咗🥬梅菜🐖扣肉飯，入面啲🥬梅菜好香而且唔會太鹹🤤。扣肉🐖十分之入味，而且肥瘦相間好有層次😋！

難得中午在公司叫外賣，見到有海南雞唸住試下，因為都唔平（$70）而且相片唔錯，所以期望大了，結果很一般。飯有點爛，沒香味，至於主角——雞，肉質一般，不算太「鞋」，而且無骨的，啖啖肉很滿足，只是味道有點怪（我覺得是浸雞水問題），加了醬油就可蓋左啲怪味。整體黎講，如果想食海南雞飯，唔會再幫襯佢，除非你要求好低。

通常我唔煮飯都會落去買外賣一家人👨‍👩‍👧‍👧食，都幫襯過十次有多，啲套餐都抵，最喜歡就係食佢個海南雞，但係店主下味精好似重手左好多，食完真係十分口渴，希望你看到嘅話改善一下，謝謝

同朋友一齊起新蒲崗食飯， 想搵一間可以坐得舒服又抵食嘅茶記真係唔易，所以我都係去返之前成日幫襯嘅聚寶海南雞飯。雖然入面座位唔算好寬敞，但叫做服務態度同食物質素都ok，有一段日子冇嚟，見到餐牌仍然係二人三人生4人餐，兩個人食飯夜晚黑能夠食到兩個小菜有湯再有一客海南雞兩碗飯，我覺得性價比真係算非常高。特別係佢哋令我留戀嘅就係佢哋嘅海南雞，肉質比較嫩滑，醬料都同出面一般嘅海南雞同口水雞唔放證明佢哋響選食材同埋烹調製作方面都下過一啲心思👍。

每逄假日,都鐘意周維去搵嘢食,今日嚟到新蒲崗,行咗去Mikiki後街搵食,見呢間店,主打海南雞,睇openrice食評有好,有壞,但同好似曾經係米芝蓮推介過,應該唔會太差,所以入去試吓。一坐下,未叫餐,已先畀碗例湯,跟著叫咗個海南雞+豬脾雙拼飯個湯,雖然有一大塊豬骨,但飲落冇味海南雞飯,個油飯,可能放咗好耐,唔熱,同中間有生米,食落個飯冇香味,個雞係去骨,都算幾滑,豬脾,個汁好澀,槳口整體嚟講,好一般,可能期望過高,所以都幾失望

黎過唔只一次，因為真係好鐘意呢度既海南雞飯! 好滿意d雞肉質好滑，甚至我一向唔食雞皮都覺得食雞皮都唔會好蝕，d雞肉都夠食 有時我都叫雙拼 (豬頸肉海南雞飯) 都OK,豬頸肉一d都唔Un，好好食

雖然佢叫聚寶海南雞，佢主打係海南雞的而且確佢嘅海南雞都真係幾好食嘅海南雞😂之但係除咗海南雞之外，成個午餐嘅menu我都差唔多食過曬。其他嘅菜式真係冇咩可取，不過佢夜晚黑晚飯無論你食二人餐丶四人餐幾多人餐都好，都會有一客口水雞或者海南雞。嗰碟雞嘅水準都非常之好食特別係佢嘅口水雞醬都值得一試同推介👍但係成也海南雞敗也海南雞😂小菜入面雖然久不久會轉菜牌，但係其實令人有驚喜嘅唔多，其他晚飯小菜菜式亦都偏向麻麻甚至乎中下，特別係在晚間的小菜。。。。叫做勉強合格，但係佢哋服務態度人情牌搭救而且佢哋嘅價錢真的相當超值👍如果你要容易入口簡單快同埋有一種好態度嘅茶餐廳，呢度都係一家大細落去食飯開飯嘅好選擇。

好耐無食，剛剛中午見佢有番$54雙拼豬脾同海南雞，又難得有位埋入去食囉，點知碟野嚟到好似人地食剩嘅，三幾條豬肉絲再加甩開哂嘅海南雞，連塊豬皮都無。。。人地比$47單拼係個正正常常嘅海南雞飯，我比多啲錢嘅雙拼係食餸頭餸尾。。。。超唔服氣，跟住埋向啲人投訴囉。嘩，不知幾慷慨比番一塊豬皮我。。。下面都係三幾條豬肉條，雞又多皮無肉。。。個厨師無心做囉。好慘咁比多啲錢食咗餐無餸飯，你話，以後仲洗鬼幫襯咩。唔怪得之會有位啦…平日坐滿工程人員嫁麻。

新蒲崗既聚寶海南雞曾經獲得過米之蓮推介食府，佢既招牌海南雞另佢地聲名大噪。鋪頭位置新蒲崗既康強街，呢條街都幾大競爭，成條街都好多食肆，有茶餐廳，冰室，日式料理，台灣食品，點心專門店等等。。今次嗌左2款招牌午餐：豬脾飯同海南雞飯一坐低就會有老火例湯飲，不過套裝唔包飲品，要加錢。紅燒豬脾配滷水蛋飯💲4️⃣8️⃣豬脾好嫩滑，醬汁亦都配搭得唔錯。配菜仲有酸蘿蔔絲同花生招牌去骨海南雞飯 💲4️⃣8️⃣海南雞好滑，油份亦都好足夠，不過稍為唔夠熱，配埋個油飯一流。

新蒲崗是我很多時在這搵食(晚餐)的地方,今次在這間聚寶海南雞試一吓,我點的是冬陰功海鮮炒飯,這炒飯味道幾特別,另外點的是焗豬扒飯,只是單子寫了焗雞扒飯,而焗豬扒飯味道不錯 ,鮮茄同個汁都好味,超可惜的是,豬扒…豬扒是這個飯的靈魂,可能因為是下午茶餐,所以給的是上晝賣淨的豬扒,放入飯一起焗,所以有點硬和乾,不是新鮮即整, 就只是豬扒不夠新鮮不夠肉汁,所以乾硬, 炒飯底也炒得好味,如果能夠用新鮮的豬扒,那就更好味了……