聚好味 (已結業)

沿街揾烤串店，這條街上有好幾家，突然下了大雨，就就近進了這裡，較周圍幾家烤串店稍大，燈光明亮，人較多，剛好有位就開心的等吃了。下單等了快一個鐘才上，凍可樂變成了常溫可樂，原本飢腸轆轆都變得不怎麼餓了再看上來的食物，邊緣幾乎都有燒焦，略帶有苦味，配著不凍的可樂快樂已經沒有了。點了牛羊肉串，但是完全區分不出吃的是牛肉還是羊肉，都沒肉味，祇有調味料的味道和好似肉的嚼勁。價格不貴，上來看其他人的評價明明好好，點知…不會再來了。…查看更多

今日收工同事們都好興奮，因為已掛三號波，明天仲要好大機會掛八號波，同事即話放工去買菜都唔夠人爭的了，我地出去食啦，嘩講到咁就陪佢去。原來我同事帶我來“聚好味”食小炒，其實之前已聽過佢講好味，但我都未食過， 今次有機會同佢來，就知真相。由於我地得兩個人，所以叫左3碟， 一碟係泰潮軟殼蟹， 用左辣椒，乾辣椒，洋蔥，青辣椒去爆香哂d材料，再加即炸的軟殼蟹落去爆炒，辣味濃香好出色。另一味 蜜糖黑椒薯仔一口牛，一口牛夠哂嫩，沾上大量蜜糖和黑椒超惹味，令人會想追住食。 最後緊係要叫返碟菜食下， 啫啫鐵板菜芯苗， 上枱時真係好大碟好震撼， 蝦乾豬肉碎蒜頭爆得好香， 菜芯苗吸收哂d香味，正到暈。唔怪得同事會帶我來啦，呢間真係好有鑊氣，質素好好又夠大碟，下次會再來。…查看更多

難得陪屋企人食鑊氣小菜，揀咗旺角呢間特式茶餐廳。.🥚黃金豆腐 $78炸粉薄薄一層卜卜脆，而且豆腐仲好香滑。鹹蛋黃加上燕麥又幾夾，食落亦冇咁油膩。.🐔韓風泡菜鮮雞件 $88以泡菜入饌夠晒開胃。辣度低唔會太刺激。雞件經過油炸，香脆之餘亦鎖住肉汁。餸酒或餸飯都好合適。.🥬鐵板啫啫通菜 $78熱辣辣鐵板配搭啫啫通菜，係常見嘅大牌檔菜式。鐵板燒出大量煙氣，視覺效果一流。通菜、蝦乾同肉碎鑊氣夠，啫啫味道均勻有致。.🥢聚好味旺角砵蘭街100號地舖…查看更多

突然落大雨，求其入左間茶餐廳裝修既餐廳，不過原來係食小菜既見到入面都好多人，應該味道不錯。叫左三個小菜，椒鹽墨魚咀、蜀風三寶、鐵板啫啫通菜。可能因為人多，所以都等左一段時間先上菜😗 三樣入面我最鍾意鐵板通菜，上菜時仲熱辣辣。入面有大量肉碎同蝦乾，勁惹味！蜀風三寶就係炸排骨、炸蝦同炸雞加上大量乾辣椒一齊炒，鍾意辣既人應該幾喜歡🙂🙂🙂最後墨魚嘴都炸得幾香脆🤣呢間茶餐廳同大排檔一樣熱鬧有鍋氣，想食大排檔但又怕熱既人不妨一試😆…查看更多

今日來到旺角同朋友聚舊，我地黎到砵蘭街一間帶大排檔風情既餐廳，吃一些地道的菜色。蜀風三寶其實即係辣子蝦，辣子雞，加辣子排骨，好特別可以一次過可以試哂三款辣子炒餸，選擇困難的你一定要嗌😂。蝦好大隻，炸到超級脆。個餸既味道主要由豆豉、辣椒同其他調味料炒成，豆豉帶鹹香，亦都帶點辣勁，少少熱氣不過十分惹味。鐵板炒通菜鐵板炒通菜亦都十分出色。連鐵板熱辣辣上枱，除左通菜仲有用很大條的蝦乾，豬肉碎，蒜頭去炒，炒得好有鑊氣，好香又好食！金沙脆皮小棠菜我們亦了餐廳推介的金沙脆皮小棠菜，用墨魚滑釀入咸蛋黃以及小棠菜酥炸成餅。外皮酥脆，內裡墨魚滑爽口彈牙。墨魚餅炸得香脆而唔油膩，配以酸辣醬和沙律醬兩種口味，非常有特色。。。聚好味旺角砵蘭街100號地舖。。…查看更多