聚友棧餐廳小廚

營業中

休息中

上次試過係同一條街既cafe，今日路過想食港式茶餐廳，就揀左哩間試試。餐牌都係正常港式茶記選項，價錢都平民，$47一份有埋湯同野飲我地各自叫左一個E餐 胡椒鹹菜豬肚湯飯同F餐 蒜蓉雞扒腸仔意粉。個餐湯大大碗，飲落無味精👍🏻蒜蓉雞扒腸仔意粉就普普通通，係勝在夠大碟，有兩條腸仔加塊大雞扒。不過雞扒就煮得有啲鞋。但真係好大好大份！完全食唔晒😂至於個胡椒鹹菜豬肚湯飯就好有驚喜！估唔到佢極足料，豬肚份量多，仲有雲耳、枝竹等。個湯都好夠味。哩到樣樣都份量大大份，最推薦係個湯飯！

✨下午茶🐽黑椒豬扒飯配熱利賓納✨餐牌選擇多, 可惜售罄的已然售罄, 兩個人共享一碟迷你豬扒飯, 店家並無予以白眼, 當堂舒一口氣, 加分❗服務好在前, 性價比高在後。 雖則下午茶飯餐縮水, 白飯名副其實一人茶餐份量, 整碟飯油份不多, 乾爽俐落; 豬扒份量依舊, 一大塊厚厚的(旋即萌生對其他扒餐的期待和信心), 黑椒汁色水濃郁, 覆蓋少量雜菜🍛🙊為食後記: 飲品選擇顯然勝過眾多茶記, 且不須加$1加$2, 會成為我元朗茶記的首選

有一次突然收到這家店的外賣紙，又很方便喎可以打個電話就送上來，而且價錢很街坊價很好，那我們就叫了一次，果然那次送來外賣很整齊及乾淨，最重要是味道非常不錯👍🏻而且是包凍飲⋯所以我們也叫過很多次外賣，尤其胡椒豬肚湯泡飯、鹹魚肉餅飯、蓮藕煎肉餅飯、星洲炒米等等⋯都好好味！店舖我就未去過，只是經過⋯望進去也挺乾淨的！

雞地食店多的是，隨意走數步也有多間茶餐廳. 家父說這間看似客人不多，就試試好了. (是的，全家人都最怕等位!!)想吃得飽一點，每人選了一款飯餐，才不過$3X.西炒飯 ($32)一直都後喜歡吃西炒飯，這店也是即炒的，配料有不少蝦仁、腸仔& 蕃茄等，酸酸地幾惹味. 而且份量很多，現在食量不多的我覺得超級飽!另外家人要了咖喱雞扒飯 ($33) & 黑椒豬扒飯 ($33)，因為沒試就沒法評論了.熱檸水以一杯解膩的熱檸水作結.不過小店沒有寫單習慣，埋單時給予$100 只找回$1， ($33+$33+$32=$98)不知是計錯還是甚麼原因，我們也沒考究. 不過基於這個原因，媽媽說不會再光顧，雖然只是找少$1，但是數目必須要分明~

第一次寫食評，本來諗住去酒樓食晚飯，路過呢間小店，見到餐牌幾抵食，入到去發現仲有4人套餐2百鬆D，去邊到揾。薑蔥霸王雞，不過不失，味道淡左少少。黑椒牛仔骨，入味牛肉夠林，好食。椒鹽鮮魷，夠香口。仲有碟白菜仔。店員收銀得一位，似係老闆娘，態度好好。門面宣傳唔多，可能家庭式經營唔想太多生意，逢星期三休息。會再去。

今日約左屋企人來打麻雀，打完更係唔會煮飯出街食啦! 樓下今個月頭開左間新野日日行過都無入去試過，今日就膽粗粗帶埋屋企人去幫襯吓先叫左6樣餸"聚友小炒皇、魚香茄子煲、清蒸桂花魚、沙姜雞半隻、椒鹽鮮魷、馬拉盞炒菜，又唔錯播! 條魚蒸d好滑，又唔會太油; 沙姜雞d沙姜好正中，哥哥就話個椒鹽鮮魷好好味，而我自己因為鍾意食辣所以就特別推介小炒皇&魚香茄子煲了。坐得都好舒服，但好似有點細如果有十幾人都唔知點坐!