聚一堂 (已搬遷) 新店位置

行經油塘區， 亂打亂撞地來到這間泰式餐廳 坦白說， 坐的環境不太好，因為空調不夠冷。。。唉，大熱天時，這個不足，真的太大減分数了！ 係，太冷小妹又怕冷， 不過我有乖乖帶外套喔泰式海南雞 ~ 不能説是出色，也不會太差，這個價錢，半只 $78, 自己衡量一下吧！盬烤鰂魚 ~ 肯定是即叫即烤，要有耐性等候啊！ 因為都等了 10多分鐘， 但是值得的！ 魚的外皮烤得脆香，但仍保留魚肉的鮮嫩， 非常甜美白白淨的魚肉 而且肥大肉厚，以 $98 這價錢是合理呢！

當晚原來是此店舖最後一天營業，可惜無情的業主加租下此店已搬遷，聽老闆說搬去土瓜灣啟明街。最懷念是避風塘炒蟹、避風塘炒蜆、椒鹽鮮魷等等，可惜在油塘再吃不回這味道了。只有前行老闆新闆土瓜灣，我們這班常客仍會去土瓜灣支持你的，因你的手藝是頂瓜瓜👍

同屋企人第一次到這裏食,也是最後一次 本身求其食餐便飯, 已無乜要求, 但老闆的處事態度實太差,忍唔住一定要公諸於世。四個人叫了三個餸一個火煱,如下： 菠蘿炒咕嚕肉 (客飯套餐包一碗白飯一杯飲品): 味道可以, 肉切得很幼條,有幾舊是粉多個肉,其余幾舊算有些肉食下 椒鹽九肚魚 : 只有這個叫好食, 味道及油份都剛好 胡椒豬肚雞煱 (半隻雞): 一般, 雞件份量足夠,豬肚好韌同份量較少 啫啫通菜煲: 味道OK, 油多 (就係呢碟餸出事, 亞姐之前話係客飯套餐包飯包飲品, 到齊之後又話唔係套餐, 我即刻退回白飯, 杯飲品飲左2啖無退, 亞姐都話杯飲品唔收錢,於是繼續食) 個胡椒豬肚雞煱要用GAS爐, 一放個爐上枱已經走左隻曱甴出黎, 又撻唔著個爐, 好彩叫亞姐拎去第二張枱度搞掂先拎返個爐黎, 搞搞下再走多兩隻曱甴出黎, 卒之個爐撻唔著要換過第二個。呢D驚嚇都算, 我都同屋企人講,邊個大排檔無曱甴呢?! 大家都無理繼續食 埋單發現之前啫啫通菜煲送錯黎杯飲品收左錢, 屋企人去同收銀講, 明明問題係你地之前話跟套餐先叫飲品, 講好左唔收飲品錢而家又收返錢? 出得黎食飯,一杯飲品十蚊

街坊食肆，地方可以說沒有裝修，講真有些髒亂，食物味道算不錯，羊腩煲足一斤羊肉，雖然貴了些，但足料大家食落，不用就住就住，挾到尾還有羊腩，羊肉不蘇，加送菜 “豆苗“，不是生菜，確有誠意。椒鹽魷魚鬚，故不到的好味道，即炸入口熱騰騰，脆卜卜，生炒骨，屬客飯，但甜酸度剛好，薑蔥龍躉煲，做得麻麻，不推薦。唯一是可以選擇坐街巷上，駕車人仕可泊車路邊。

住左油塘幾年都無咩機會去食下宵夜,琴日有班朋友打俾我話想食下野,他提意去油塘中心嗰間聚一堂(我琴晚先知油塘中心,原來嗰度有野食的,好耐無經過).去到點左:羊南煲,肥牛煲,椒鹽九肚魚,椒鹽鮮魷,一碟生葉羊南煲,天氣開始轉涼,剛好暖一暖身,d內夠入味 ok肥牛煲,d肥牛煮得好入味,同埋d內入口至想再食多口,好好味椒鹽九肚魚, ok椒鹽鮮魷,值得一試,鮮魷好好味下次我一定再去

去完朋友家聚會, 說附近有新開食店, 大家唔想咁早返屋企, 於是4條友去, 諗住飲啤酒吹下水因食飽飯, 只叫左....避風堂炒蜆~好有鑊氣, d蒜蓉好香, 又大碟! 送啤酒一流椒鹽豆腐~可能炒蜆太惹味, 覺得呢碟味道稍淡, 如果腰果再炸脆d會更好當然不少得啤酒, 每人1枝整體味道不錯, 價錢合理, 日後吹水聚腳多個地方了

屋企好少煮飯食,經常係樓下攪掂就算~見佢又新開張就去食下....我叫左個干炒牛河,同埋個楊枝甘露~一黎到見到個干炒牛河就想叫佢換個碟比我,碟干炒牛河冇味之餘,D油多到可以整多一碟牛河....個楊枝甘露...冇想像中咁好味....都係一般!!希望佢可以改善下...

2010-4-7(星期三)我們叫咗晚市套餐是『涼瓜牛仔肉』、椒監豬扒條、蝦球麵。我覺得套餐餸量很少，牛肉少涼瓜少–十分吾抵食之作。椒監豬扒條–份量尚可，豬扒吾硬，味道一般家庭菜。蝦球麵–麵底炸得太硬，吾好食之作，蝦球份量尚可，唯一可取之處是汁夠多。

上星期日同幾個Friend去鯉魚門影相, 影完都成七點。幾條友慢慢行出油塘坐地鐵走, 點知原來都幾遠, 行到出去都成七點半, 有兩個friend都話肚餓, 咁就決定晌油塘食埋飯先走。本來諗住上油塘廣場, 不過行到去油堂中心見到有間好似新開o既茶餐廳叫"聚一堂", 見個名都幾特別, 個環境又企企理理, 就決定入去試下。幾個食肉獸決定叫餸食飯, 叫左個羊腩煲, 中式牛柳, 沙嗲肥牛煲, 椒鹽肉排同一個西炒飯。睇下個餐牌, 除左一般茶餐廳野食外, 竟然仲有台式飲品同糖水。行到鬼死咁攰, 於是一人叫杯珍珠奶茶飲下先。野食未到飲品先來, 我叫左杯珍珠奶茶, 估唔到味道又唔錯, 去茶餐廳通常飲奶茶咖啡檸茶, 偶然飲下呢D台式飲品都幾好。野食跟住就黎, 味道都唔錯, 都係一般茶餐廳水準啦, 不過D野食都幾足料, 唔會話得好少。最好味係個沙嗲肥牛煲, 好多牛肉, 好正!! 自己唔係好食羊無食羊腩煲, 不過D friend都話唔錯。食下野傾下偈, 坐左成個幾鐘, 不過D伙記都無借D意催人走。有D茶餐廳好衰架嘛, 一食完就幫你執野趕人走架嘛, 呢度又唔會, 值得一讚!!吹水吹到興起, 見有個每日糖水推介。

近期由秀茂坪轉往油塘工作，由於位置問題，往往只是去鯉魚門廣場的食肆，但全商場茶餐廳只得一間，其餘均是連鎖式經營的快餐店，一個人去酒樓又不知怎樣，令到我萌起念頭，離開這個商場，轉到油塘中心用膳。在早前駕車時已留意到此店，裝修比其他茶餐廳好(金加利也是)，就今日試吧﹗看見有幾款套餐，其中見到兩餸客飯套餐$28包熱飲(凍飲加$2)，四選二中，選了漁香茄子和涼瓜排骨。甫一上檯，發現賣相雖是一般，但食落卻很有「住家」的感覺，一般店舖也將涼瓜煮得爽口，但此店很似家中將涼瓜留過夜或炆過一樣，食落稔身的，排骨份量亦多，而茄子亦煮得較軟，而味道亦不覺有味精感。其實還見其他炒粉麵餐和小菜套餐，唯有留待下次才試吧。原來甜品只於晚市供應，日間想食的話便會撲空了。