老虎冰室

營業中

休息中

同朋友去左vcity行街，之後到左一間叫老虎冰室嘅餐廳食野，哈哈，虎年喎，黎間好應節嘅餐廳先。餐廳好旺好多人，但店幾大等一陣就有位可以入坐，坐低後仲有幾枱人走添，大家都趕住辦年貨唔霸住啲枱掛。朋友叫左三眼仔雞扒飯，餐牌寫住用日本蛋同日本醬油㗎，即刻覺得高級左。三隻大蛋，滿滿嘅蛋汁撈飯好正，雞扒大大塊煎得香口，雞蛋同雞扒下面仲有好多飯，一碟夠晒飽。自己叫左個下午茶餐美極生炒牛肉飯，飯炒到粒粒分明，勁香美極味，唔過鹹亦唔油膩，好味呀。後來再加了一份下午茶的吞拿魚芥末碎蛋多士，多士厚身，已烘底夠香脆，吞拿魚碎蛋略微唔多夠汁有啲乾，芥末味亦唔突出，呢樣就普通啲。最後就係飲品轉了特飲鹹檸七同美綠恐龍，凍飲要加6蚊，咁好似特飲半價抵啲，哈哈。鹹檸七個檸夠鹹，七喜夠凍無投訴啦，朋友杯美綠好濃，仲有唔少美綠粉，正喎。食過老虎冰室，齊齊係虎年虎虎生威啦～

係屯門V-city發現一間「老虎冰室」，今年係農曆虎年當然要入去旺一旺啦😂咖哩脆脆豬扒飯 $78十分推介！！！👍🏻👍🏻👍🏻豬扒大大件，即叫即炸，夠香脆😋咖喱汁很惹味，帶少少辣，用來餸飯一流﹗常餐都有好多款式選擇。今次小編簡左蕃茄濃湯豬扒通粉+蔥花火腿炒蛋 $63蕃茄湯濃濃新鮮蕃茄味，配大大塊豬扒，有驚喜。炒蛋落了蔥花，很香。丹麥酥多士很酥脆。二世祖西多 $52呢個名好正，原來有鮑魚😋😋難怪叫二世祖西多😂😂😂都幾特別！吞拿魚芥辣碎蛋多士 $42呢位朋友食得好健康😂初初覺得多士配芥辣會好怪，食落又好夾。小編話如果吞拿魚撈多啲沙律醬就好，即比朋友仔話甘就唔健康啦🤣另加老火湯 +$6岩晒少煲湯飲既朋友仔，好足料，有蘿蔔、豬肉、果皮等。餐牌如下。

V city開了一間新的冰室，叫老虎冰室，我們就來試試，迎接虎年吧。海南雞飯$78有雞腿和雞胸的部分，肉質細緻，充滿雞香，有三款醬料配搭，飯有椰香味，湯十分熱辣辣，有家常湯感覺。老虎蟹避風塘炒麵$98十分有鑊氣的一個炒麵，在家炒不到，炒到條條分明又不會乾，又夾雜不少芽菜，避風塘口味帶辣，軟殼蟹和大虎蝦各一件，味道惹味，推介！妙齡乳鴿$58妙齡即是bb 乳鴿，肉質頗嫩，但肉比較少。凍奶茶$10 美祿暴龍$19叫主食可半價叫飲品，奶茶夠滑，美祿暴龍則可以更濃味一點。

不知道是否今年踏入虎年🐯, 連冰室都取名為老虎今日點了兩份常餐厚切午餐肉蕃茄濃湯米粉配丹麥酥多士、蔥花火腿炒蛋叉燒濃湯意粉配丹麥酥多士、蔥花火腿炒蛋粉麵可轉通粉、米粉、公仔麵、油麵（加錢可選出前一丁、辛辣麵、烏冬）常餐配料足料豐富, 蕃茄湯濃濃新鮮蕃茄味, 有驚喜, 午餐肉熱辣辣, 一粒粒Size容易食又煎得香口, 火腿炒蛋走了蔥花, 雖然落了蔥花比較香, 但我不太喜歡草青味, 叉燒意粉正常水準, 丹麥酥多士很酥脆店舖有卡位、環境舒適, 服務都很不錯

見新開冰室就試下早餐外賣 豬扒通粉配多士同腸蛋，食到一半真系忍吾住影低，塊豬扒好鞋好硬，咬都好難咬，然後個蛋好細，個湯底好咸 咸到要溝水，飲品就正常無特別，表示失望不會再試。

我第一次去屯門 V city的老虎冰室，見到係冰室就心諗一定好味，有信心都基本野！坐低叫咗個白汁鷄皇飯，等咗一陣間就來到，第一口就當然食一口汁混飯入口，但啲白汁完全無濃烈白汁味，非常淡味，好似水一樣，非常失望，另雞又無雞味，又粗，係用差材料，而且只有三塊雞那麼少，真係好鬼小氣，收$68這個價錢完全不合格！真係完全失望到我下次一定不再來食！😡😡😡😡😡😡😡😡😡😡😡😡😡😡😡😡

去屯門Vcity,見又有新開餐廳，等一陣便有位，於是入去試吓，其實都係一般冰室食港式食品，叫左推介的咖喱雞飯及兒時回憶鴛鴦炒飯，兩款飯來到也熱辣辣，咖喱真係幾辣，雞應該有油泡過，口感較佳；鴛鴦飯也好食，紅汁酸酸哋夠開胃，雞絲冇帶雞皮值得一讚，新開環境光猛，座位舒適，侍應有禮，食物即炒故要D時間等，好似冇乜特式食品，但食物質素ok,價錢中等。