影片
平時有食開他們的鵝，通常會叫半隻，肉質味度都可以！年三十晚放工星期五去買鵝返去同屋企人食團年飯。怎知道他們逢一三五那些特價已經沒有了， 還比平時正價加了40元要賣到288蚊一隻，我這樣都沒有所謂因為年三十晚！ 點知返到屋企一食就知道那隻並不是平時食開的鵝， 那些肉汁味道口感肥膏都跟一隻鴨沒有分別。打去投訴，他們的經理說他們只會賣鵝沒有賣鴨就即刻收線。 如果真的是鵝的話， 那就一定是質量很差，味道肉質與肥膏都跟平時的鵝有很大的出入！ 到現在為止我仍然相信當晚我食的是鴨不是鵝。我以後都唔會再幫襯， 年三十晚加曬價都唔仲要，最慘係在親友面前冇面事大！！！😈😈😈
繼續閱讀
3條友叫左半隻燒鵝、星班兩食同紅焼豆腐。燒鵝皮脆，味道夠又唔太咸，啱啱好。特別係佢個酸梅醬，好有酸梅味又唔過甜。星班好滑，好味不過蒸個個就老左DD。豆腐都好好，滑、個汁夠balance。下次會黎試燒豬！
繼續閱讀
成日搭車經過見到厨窗日日都掛晒d燒鵝出黎以為好靚啦，話說今晚斬料，把心一橫專登揸車出去買半隻，HKD130。返到去打開黎睇，嘩...好多毛呀，隻脾d腳毛仲多過我，味道只係一般，d皮又唔脆，d毛一路食一路覺得好噁心，唔食皮又無咗食燒鵝嘅意義，早知斬斤叉燒好過。
繼續閱讀
今晚買咗半只乳豬，點知得一個飯盒，切既時候睇佢起皮，回家打開，共十件連皮肉，件件都有好厚肥膏，我估應近豬頭肉，見圖片，食咗D肉件同剩下的頭肉差不多肥，食落好肥，重有陣豬除，無咩特別用香料，同街邊幾十蚊個飯差不多，以為門口大應好食，點知味道跟預其差好遠，食唔到「燒」的明火香味，最嬲係睇佢起啲皮唔見咗，其他豬頭切得返半個，重多咗D骨，愈食愈氣頂，寫比大家知，有相為証，其中有些重未燒熟，肉內重有血水，見附圖，只有明天自己加工，豬嚟㗎，唔熟唔可以食，不過我初次幫襯，比人「食」咗第二日上午打去問，佢話半只乳豬的確只得一盒，佢話係B B喎，得十件肉左右，無語。可惜自己食咗，唔係真想找海关对質！
繼續閱讀
老翁燒味飯店，都係咁岩行過見到門口有得買燒味飯，所以就入去買飯，＄25兩個餸，以一間咁大型嘅飯店，我覺得好化算，好便宜。叫咗一盒油雞切雞飯。個飯好聚手，份量都好多，只係姜容比較少，兩種雞嘅份量都算多，分量分數攞滿分。分量雖多，但都要睇下味道先得，先食油雞，食落比較淡，味道一般，再試切雞，同一問題，可能係選擇雞嘅過程出現左問題，令到煮出來的味道不吸引。再試下個飯，個飯煮得好濕，太過淋，一pat pat咁，所以都幾難入口，飯係燒味飯入邊嘅重點，如果都煮得唔好，呢方面會扣得較多分所以份量多都未必會再試。
繼續閱讀