影片
港鐵深水埗站 D2 出口, 步行約4分鐘
繼續閱讀
營業時間
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
以上資料只供參考, 請與餐廳確認詳情
食家推介
最近好想食Burger，上網見到公司附近有間小店，雖然價錢喺深水埗區唔算平，不過見食評唔差，所以搵左個大食朋友仔星期四晚一齊去試。晚上未到6點，職員只有一位，本身想食一款牛一款魚堡，點知當日我點乜無乜😂魚堡無、深水堡無、蕃薯條無，連職員都覺得唔好意思，所以送左一款小食比我🙈。老爹招牌漢堡$108+炸薯格&泰式奶茶$28內含兩塊厚漢堡扒、兩片芝士、一隻少少流心嘅煎蛋、煙肉、生同熟洋蔥絲、生菜片，食材豐富，啱哂食肉獸嘅朋友仔😏。職員表示漢堡扒係佢地自己整，內有安格斯同和牛肉。由於漢堡實在太厚，所以我單獨食左一塊扒。漢堡扒出乎預料地唔鹹😯，而且係單純嘅牛肉碎!! 相比起坊間成日加黑椒碎、洋蔥粒等食材掩蓋唔好嘅牛味，我比較中意純牛肉🤓。不過，實話實說，呢個漢堡扒有肉味但牛味偏淡🙈。減左一層扒後，勉強可以一啖咬哂咁多層😆烘到香脆嘅麵包，食得到牛油香；蛋黃位置食得到蛋香；生洋蔥絲唔多，只有幾條仔，但足以發揮到作用；重點煙肉嘅鹹香，令成個包昇華左🤤；總結，各款食材都無特別搶味、大家都好融洽，唯一缺點係個扒真係好多汁，成塊包底都濕哂，但好好彩無濕到爛熔熔或者拎唔起😋。薯格跟左個橙色醬，我估係千島醬，再加入檸檬汁、辣粉、Cajun、洋蔥幼絲，食落好夠酸，少少辣，幾惹味😍。老爹黑安堡$118+炸洋蔥圈&泰式奶茶$28呢款包都係用安格斯牛漢堡扒，食材同上面個包幾乎一樣，唯一分別係用上黑松露醬，上枱果時黑松露香氣迫人!! 兩款漢堡中，個人無咁中意呢款，因為松露太搶味，遮蓋左其他牛油香、肉香、蛋香🙈。老爹匪翼(送)外皮炸到夠乾身、唔油膩，食落焦脆，但肉質唔夠嫩滑。不過全餐令我最驚喜嘅唔係食物，而係佢嘅泰式奶茶!!😮 由於泰式奶茶出名好甜，所以我自己從未飲過，但見人推介呢度嘅奶茶，咁我就硬著頭皮試下啦😏估唔到又幾好飲喎😯，唔甜之餘，又有茶香，飲落又唔鞋口🤤 真係我杯茶!!小店除左現金付款外，仲可以八達通或其他電子付款。當晚小店有做Follow IG同Like Post有85%優惠，所以埋單折實價$239，兩個都食到好飽，幾抵食😏。其他資訊：店內有手套同茄汁提供；膠刀仔係我自己帶去；座位唔多，大概4個bar位，條街有人食煙，會傳入店內。
繼續閱讀
Openrice外賣自取有78折🪄菇牛堡🍔+老爹匪翼3隻🐥+老爹冬檸🍋💰98 ❤️🔥9/10分塊牛好香，重牛味🐮菇勁多汁🍄啲生菜蕃茄都食得出好新鮮包皮外硬內軟，口感幾特別😝雞翼勁juicy，啱啱好熟，皮好脆，炸得好出色🤤不過孜然味重手咗，我麻麻，所以扣咗少少分🫡如果可以有其他口味嘅雞翼就好啦😚佢自製嘅飲品好fresh，好解渴，冬瓜同檸檬嘅比例啱啱好，唔會太酸或者冇冬瓜味，勁正😍
繼續閱讀
🍔 超巨型鵝肝Burger 😍 炸燒賣勁彈牙 🦷 仲有秘制無花果醬🤩拉到最➡️睇menu🐭 米奇老豬Vol. 414 🐷［老爹漢堡］今次獲邀try呢間喺深水埗嘅小店 @papaburgerhk雖然只有兩側雙人高吧檯座位但麻雀雖小 五臟俱全 🍔手套、乾/濕紙巾都有齊唔洗怕食到好messy～強烈建議即場食 🔥.🐖🐖《老爹豪啲堡》🐖🐖 🛑8.5/10🛑 💰$148（散叫）💰漢堡包加左牛油🧈 烘熱左超香包體鬆軟得來有d煙韌 邊邊位又脆口感好豐富 市面上好少有自家製漢堡7⃣️成熟 有肉絲口感👍🏻最驚豔一定係個鵝肝！早排仲因為店主搵唔到適合嘅貨源而暫時下架 最近重新上線❣️超大塊鵝肝 好嫩、多汁 好邪惡 老闆特製嘅無花果醋醬恰到好處 ❣️酸酸甜甜 中和返鵝肝嘅油脂感～.🐖🐖《菇牛堡》🐖🐖🛑8.2/10🛑 💰$98（散叫）💰呢個嘅patty就偏全熟 無咁juicy好彩大啡菇、焦糖洋蔥夠鎖汁 💦 .🐖🐖《炸蕃薯條/炸燒賣》🐖🐖🛑8.2/10🛑 💰+$28 升級套餐💰⚠️呢個份量係減量雙拼版 因為想試曬兩樣但又怕食唔曬 老豬請老闆特製嘅🤪炸蕃薯條微脆 有天然甜點埋個黑松露醬會食到停唔到炸燒賣係童年小賣部回憶🥹炸衣薄脆 入面彈牙 仲有d燒乳豬味添😂.🐖🐖《烏龍茶（無糖）》🐖🐖比一般烏龍茶更有回甘超超超級夾重口味嘅burger飲完成支即刻又可以再食過🤭.❣️🐭總評分🐷❣️味道：8.3/10服務：8/10環境：7.5/10CP值：✴️ 中 ✴️ ENCORE：✅（鵝肝burger、炸燒賣）.📍老爹漢堡📍深水埗欽州街65-71號榮業商業大廈地下B3號舖.#米奇老豬_深水埗區#米奇老豬_西式#米奇老豬_包#老爹漢堡 #深水埗美食 #長沙灣美食 #荔枝角美食 #南昌美食 #石硤尾美食 #深水埗cafe #香港麵包 #香港漢堡 #鵝肝 #鵝肝多士 #炸燒賣 #蕃薯條 #燒賣 #燒賣關注組 #大啡菇 #手打牛肉漢堡 #牛肉漢堡 #漢堡扒 #手打漢堡 #芝士漢堡 #麵包控 #洋蔥圈 #土匪雞翼 #外賣自取 #fiveguyshk #honbo
繼續閱讀
早排睇相見到深水埗呢間新店啲𝕓𝕦𝕣𝕘𝕖𝕣成幾層厚( ° ∀ ° )ﾉﾞ專程去試下 真係足料到嚇親 惹味又𝘫𝘶𝘪𝘤𝘺 好邪惡！🐻漢堡套餐🐻♥ 黑安堡 $146♥ 孜然羊咩堡 $126 嘩～餡料多層到數唔到(＠´ー`)ﾉﾞ塊包本身好厚好軟熟 表面光滑脹卜卜 牛油味好香 黑安堡係安格斯牛 目測塊扒3吋厚哈哈 牛味幾濃郁 搭配黑松露醬就更加香 仲有煎蛋、芝士、洋蔥絲等等一大堆配料 想唔飽都難 不怕羊膻味嘅朋友一定要試羊咩堡 主觀地認為更勝牛堡！羊味好突出 真心齒頰留香～貪心嘅🐻仲加配大啡菇 一咬即噴汁(oﾟvﾟ)♡ 套餐小食｜炸燒賣 // 炸雞翼炸燒賣又幾得意 外脆內煙韌 雞翼同樣香脆入味 堪稱拍得住譚仔土匪♡ 套餐飲品｜冬瓜檸檬自家製飲品～酸酸甜甜 解膩一流
繼續閱讀
「老爹鉅作」踩過界新開漢堡專門店，漢堡包絕對足料份量十足🍔💗老爹豪啲堡 ($148)麵包烘得外脆而鬆軟，重點嘅美國安格斯牛漢堡扒足五兩重，飽滿Juicy，牛味濃郁🐮 厚切鵝肝肥美甘香，油脂四溢🤤配上無花果醋，酸酸甜甜平衡番油膩感🍇車打芝士片用火槍燒溶🧀️仲有蕃茄、紫洋蔥同生菜，口感好豐富🍅💗老爹匪翼 (+$28)土匪雞翼皮脆肉嫩，孜然粉調味超香口🍗💗無糖烏龍茶烏龍茶茶底濃郁回甘，有助解膩🫖💗深水堡 ($88)酥炸軟殼蟹大大隻🦀，吉列魷魚圈外脆內爽彈🦑，明太子醬鹹鮮香味濃🧡，三重海鮮風味係口中爆發。加上菠蘿片，酸酸甜甜平衡番油膩感🍍每個漢堡基底都有蕃茄、洋蔥同生菜🥬💗炸薯格 (+$28)炸薯格份量超多，炸得金黃香脆🥔💗泰式奶茶泰式奶茶茶味順滑醇厚，濃而不澀，最值得讚係唔太甜🧋
繼續閱讀