老川皇

營業中

休息中

你有無試過突然間好想食某種食物果個感覺？我今日由返工到放工就係好想食辣野！！又麻又辣出一身汗果隻就最好～～見到朋友post呢間老川皇川菜，引到我口水倒流！收工就食你！我地先點先麻辣鳳爪同牛栢葉兩個開胃小食先。鳳爪不過不失，略嫌唔夠入味。牛栢葉好爽口，麻辣汁重味夠香，仲有陣陣醋酸香味，酸 麻 辣 ! 正。椒麻酸菜魚，點了中辣。胡椒味好香，麻辣味濃，配埋滑嘟嘟既魚片，好味！最正係啖湯，熱辣辣，有魚既鮮甜又微辣帶酸，正！入面仲有芽菜，同我最中意既萵荀做配料👍🏻不過中辣實在係唔夠喉，嗜辣朋友建議要食大辣。炒四季豆～四季豆夠嫩，無渣。炒得夠熱夠香，不錯！炒豆角～好耐無食過豆角，呢度原粒蒜頭炒，好香口！豆角嫩綠，又爽又甜。干炒黃鱔～黃鱔嫩滑，沾左秘製麻辣醬汁，寧捨可口。仲有紅綠椒同洋蔥等配料都好入味，整體都好好食。燒烏頭～重慶口味重，因為加左大量孜然粉。魚味比孜然粉蓋過，普普通通吧。最好梗係唔少得叫支冰凍啤酒歎下，先襯呢餐豐富麻辣宴！正呀～

先來一碟川北涼粉做前菜，辣味真係唔惹少，花椒好香，而且帶有醋味，最好嘅係佢啲汁又唔會太多浸住晒啲粉，條條都係剛剛好沾到醬汁。口水雞真係my all time favoruite，但唔係度度嘅口水雞都好食，呢度真係做得好入味，而且個種辣真係有層次，最怕食到到喉唔到肺嘅辣，呢度嘅口水雞汁，辣得來帶甜，甜得來又會有會麻油香。清炒萵笋係我每次食川菜都必食，食完咁多辣野，一碟清炒萵笋真係好去膩，係屋企永遠做唔到呢度食個種熱辣辣但又剛剛熟透嘅口感。本來仲叫咗個辣炒軟殼蟹，好可惜因為上錯咗台結果食唔到，下次再來一定會再試！

每逢星期五，通常都會同同事揾d未食過嘅餐廳試下~日本嘢就食得多，今次就揀咗間四川菜嚟試 - ‘老川皇’~我哋就叫咗個四人任選餐$166 (A+B+2C)：A. 蔥爆牛肉B. 爽口小木耳C. 口水雞C. 蒜泥白肉跟餐有4個飯，飲品就+$8.另外再加咗個酸菜魚&干煸四季豆~(都係餐，各跟白飯一碗)好快就陸續上齊晒，但都出現咗2次漏單情況~第1次係漏咗木耳，第2次就漏咗杯嘢飲~不過都好難怪，可能人手不足啦，全場好似都2-3個侍應🙈🙈但整體食物味道都唔錯~口水雞D花生都好脆，食咗勁多粒🤣🤣呢個蒜泥白肉都好正！D蒜泥好惹味，連埋底嘅青瓜絲，撈飯一流！😋😋好搶手，食到最後，一d蒜泥都無剩~😂😂值得推介！👍🏻👍🏻👍🏻👍🏻👍🏻蔥爆牛肉就不過不失啦，無咩特別~酸菜魚方面就一般喇，酸菜都還可以嘅，但個人覺得個湯比較清，酸味唔夠重~同埋d魚勁多骨，唔啱我呢d懶人~🙈🙈後來補上嘅木耳又幾好食喎~夠晒辣！而且加咗芫茜，口感&味道都豐富咗好多~😋.最後除返開每人都係$50左右，好抵食！👍🏻

鐘意食辣野既人都一定會認同“會食到上曬癮！愈食愈辣，愈食愈識食，愈食愈講究！！！今次依間老川皇其實就開左好耐重有幾間分店，不過我就真係第一次食，味道調味方便幾正宗呀，價錢重好親民，間野好旺場，個日20：30到去到全場滿座，成間野都陣陣麻辣香味！！！-- 餐牌-- 依到有烤魚食，又有火鍋食，又有小菜，又有串燒，幾多選擇幾大眾化！！！-- 總覺得食川菜，辣得過癮總要啤一啤，比較鐘意飲青島！！重有王老吉，唔係變曬做加多寶咩？！！！串燒類：燒烏頭，燒得好靚，d調味粉好香，辣辣地，好野味！！！燒茄子干鍋鱔，份量十足，唔會話配料多過主角鱔！！！有火爐燒住食！！！依個豆角臘肉真係要推介，好好味，佢個調味調得好特別！！！

呢間簡直系伏店！為左佢要開個AC.來寫食評！太激氣了！服務態度差！d侍應黑面！叫極不理，只顧自己睇電視！十分懶散！大聲喝人！太誇張了！冇咩客，上菜都勁慢，侍應重重放低個碟就走了，我地心諗算了，如果味道好也就算了，可是！D野食都不知所謂！辣不似辣，酸酸地，唔知想點！最離譜糸章茶鴨！整碟鴨全部系鴨頸！或者鴨屎忽！有冇搞錯！咁樣做生意！太惡劣了！下次絕不會幫襯！味道咸到想死！同侍應講左d問題，仲勁黑面，話就系咁樣。

朋友辣癮起，我又想見下佢地！譚仔10小辣程度既我決定捨命陪君子！點知又發現唔錯wor!( 朋友們就我叫了小辣~嘻嘻!)7點幾到，未齊人，待應話2個鐘交枱，於是我地吃住等啦。環境好有四川味！超熱鬧🌶👏🏻見到有火鍋同串燒食，不過今晚想食小菜，所以無點到。以下菜式全部點了小辣，嗜辣的朋友建議點中辣或以上。譚仔10小辣程度既我覺得岩岩好~四川涼麵雖然係涼麵，但係暖暖地既~但好好味，不是很辣，但很麻~很爽！韭菜餃皮薄、鮮味，食得出係人手包既! 推介！金銀饅頭(全炸)我地只愛食炸的，所以點了全炸，略嫌唔個表面唔夠脆，食到後面有d林，岩岩上既時候好夠熱！辣子雞食完先記得影~雞切得好細粉，口感好脆、乾身，食到最後都無出油。不錯！水煮魚片魚好滑！我覺得不辣~干煸四季豆好好送飯~幾大碟抵食！干鍋肥腸我不吃肥腸的~朋友說好吃，但完全不夠辣，不夠過癮！

同朋友響旺角，想食正宗川菜，辣一辣佢上Openrice search一吓... 就搵到呢一間... 餐廳晚上6點幾，已經大半坐滿喇～Menu啲相樣樣都好吸引呀～🤤最鍾意食到脆皮辣子雞，呢份辣子雞脆皮得嚟，香料味十足，未食、同食晒，都係咁大碟... 干辣椒🌶️～😋泡椒田雞濕濕地，好juicy，田雞肉新鮮柔嫩，唔係冰鮮貨～干鍋花菜，用豬油渣爆鍋份外香，花菜又甜，仲有脆脆豬油渣食添～食辣嘢，點小得冰凍汽水呢... 可樂、忌廉丫唔該... 爽～❄️後記：因為餐廳比較大，枱上都有按鐘可叫店員～

唔知大家去川菜鋪頭有冇食過醬茶鴨？原來醬茶鴨外面可以整到好脆口，肉質比較乾身，咬落去嘅時候明顯經過香烤嘅過程，淡淡鴨香逗留在口腔中。食川菜當然唔可以少得有清炒萵筍絲，萵筍絲炒得好腍，中通外直，青色通透嘅外型好吸引，加上少少鹽去炒香，熱辣辣，長身好似麵條，健康又美味。食得太多咸野都可以揀啲清新又健康嘅飲料，老闆真係好識諗，呢度嘅嘢飲明顯貴！因為食完香口嘅嘢，通常都要飲野解喝。佢有鮮榨嘅水果汁，而且唔係單款水果，係可以有些混合版，譬如蘋果甘筍汁，加了幾塊薄冰，竟然完全冇草青味之餘，仲有甘筍嘅清甜味為口腔嘅油膩感。

食川菜唔一定食辣野，今日同朋友去左老川皇，發現嗰度都好多選擇，原來仲有燒烤、火鍋同埋中菜。揚州炒飯炒得好香，有香腸同埋蛋碎，加上豐富嘅芥蘭同埋蔥花，夠晒鑊氣，我同朋友每人要食兩碗先夠！我仲叫咗個擔擔麵小辣，冇諗過擔擔麵都可以整得咁辣！上面本身預期有花生醬，但係佢呢種川味係好唔同的。湯裡面有花椒，同埋芫荽嘅香味，感覺有啲似食緊五香肉丁公仔麵。除了擔擔麵同埋揚州炒飯，仲有幾樣串燒，非常吸引，居然比我搵到紅衫魚，呢款魚好似喺香港已經買少見少，街市上都幾乎絕跡，紅衫魚夠鮮新而且好多肉，肉質白雪雪配上香料，燒烤風味零舍不同。另外提提大家，如果想飲水可以加$5茶位可以揀茶同水，慢慢飲，嘆一嘆吧！

有D人會覺得食中菜會同食住家飯差唔多所以會有D抗拒但食過老川皇之後就會知道唔係咁簡單==============================行完MK先六點，所以暫時都唔太多人但食到差唔多七點就差唔多滿場了估唔到閒日都咁好生意太多選擇搞到諗左好耐最後決定只半隻口水雞同半隻樟茶鴨原本諗住見到有重慶燒烤咁得意但見到隔離台既口水雞樟茶鴨都幾大份怕食唔晒，所以下次先賣相已經好吸引口水雞辣味同麻味都幾足Ｄ汁正到我用黎撈左成碗飯只係美中不足既係辣味略嫌唔夠香而雞方面佢都整得幾嫩同埋佢真係真材實料半隻咁上抵讚樟茶鴨其實即係煙燻整成既鴨味道同平時食開西餐既煙鴨胸有Ｄ似但佢多左少少茶葉香可能我食唔慣啦感覺略為硬左少少半隻雞半隻鴨，埋單都只係二百零蚊其實都幾抵食

近年國內川菜店林立多不勝數，但沒可能每次都北上搵食吧，今次就試咗間旺角川菜店。大約6時半店來冇咩人，但已經好肚餓，所以即刻點菜。涼拌萵笋絲入口好爽，醋味略嚴太重，作為前菜已經好不錯。口水雞（例）油太多，口感似食油先係主菜，冇咩雞味。酸菜生魚片生魚片很鮮，湯底酸味亦好足夠，不過酸菜一般。

大學時期既好朋友，畢左業就去左日本做野，今次佢終於返黎啦！因為我地都系無辣不歡，所以帶左佢去我最中意既川菜－老川皇！每次去都系勁多人，今次都唔例外！因為唔系好肚餓，我地嗌左涼拌萵荀絲，虎皮尖椒，口水雞，白飯x2！呢到特別之處系，佢有重慶燒烤同埋有鮮搾果汁、珍珠奶茶等飲品提供！重慶燒烤我地嗌左個茄子同蒜蓉南非蠔！涼拌既香口惹味，小炒夠哂火喉。朋友食完都好滿意！食左咁多野，埋單都系200幾咋！下次一定會再去

收工想食串燒，於是就揀左老川皇食😂一共要左5串，有四季豆，蝦，九菜，芝士腸，雞腎四季豆首推，又香又入味第二推，芝士腸，雞腎第三推，九菜，吾夠香，痴牙p.s.另有叫墨魚丸，吾建議食，因為d 墨魚丸太多粉，冇墨魚果種豬肉炒棷菜花，香口，棷菜花入哂味👍🏻👍🏻

味道正宗，入去服務態度好好，侍應即刻安排我入座。沒有絲毫怠慢嘢都值個價錢。冇失望而歸 好開心的一次食旅 臨走前個職員仲叫我攞埋把遮，真係服務到位。1星價錢5星服務4星環境朋友沒有推薦錯，確實係一間好店！

今次朋友說想吃川菜，去到了位於旺角的老川皇川菜館沒想到一進去那個收銀的姐姐不知道是不是給老闆罵了幾篇，有一點點要發泄在我們身上的感覺，但因朋友想要吃川菜又不想找其他的餐館，所以我們先坐下看看有什麼吃吧！！看了看餐單，朋友說想吃鐵板茄子和炸雞軟骨先試一試這間餐廳。鐵板茄子一來到的氣味很香，茄子的外表也沒有變很多色，但 仔細看其實是有很多油在旁邊，建議有高血壓的朋友跟店員說少油一點。我和朋友點了2個飯來配茄子也蠻好吃的。之後是炸雞軟骨，炸雞軟骨作為一份炸物是很大份的，如果有醬就更好。不論這裡的服務，還是可以來試一下。