128
49
22
港鐵太子站 E 出口, 步行約1分鐘 繼續閱讀
所有分店 (2)
電話號碼
37021678
開飯介紹
以漫畫老夫子為主題的港式豉油西餐廳,適合老夫子迷拍照。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
Visa Master AE 現金 銀聯
其他資料
酒精飲品
外賣服務
加一服務費
食評 (233)
等級4 2018-07-01
773 瀏覽
由於在太子食晚飯的餐廳 <聚興家> 太嘈吵又逼夾!因此有姊妹建議轉場食甜品,才想起附近太子彌敦道的 <老夫子餐館>!以前這裏的人氣,現在已風光不再!今時唔同往日嘞!以前也許要在門口等上半小時,才可安排入座 !現時我們可以直接入座,除此之外這裏變得很冷清,我們在晚上 8:30 入座,只有三成食客,零零落落!眼見舖面的店員不足五個,他們也很悠閒,由於小食客的關係,而顯得很勤快!意想不到現時增添甜品,令我們很驚喜呀!單是門外已見到一個甜品櫃!我們分別點了飲品及甜品,給大家開心分享!餐具設計獨特,方形膠杯懶係型咁,用過就知唔好用!蜂蜜玫瑰果茶 (熱) $46至於飲品的賣相卻是不錯,用上的茶壺很有型格,而且份量不少,起碼可沖出兩杯!玫瑰果茶散發玫瑰清香,水果帶出果酸,兩者配合得宜,入口有不同層次感!熱情鮮果茶 (熱) $46店方認真週到!新鮮水果另上,可保持其爽脆口感!熱情鮮果茶果香滿載!既清新又暖胃!甜品由 $32~$36香梨乳酪慕斯蛋糕 $32口味清新怡人,乳酪慕斯尚算軟滑,甜度剛好!特濃朱古力蛋糕 $32朱古力的可可味濃郁!剛剛夠甜!不過不失!甜品的質素認真是旺角隔離 (麻麻地)!甚至會覺得比美心西餅還要差!不值這個價位!還要加一服務費! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-13
10728 瀏覽
見好耐無食過老夫子,又再黎呢度,但今次約埋朋友黎食Lunch。呢度係老夫子主題餐廳,連個餐牌都係老夫子個樣。真係坐度邊,都有老夫子同佢既朋友陪你食飯。Lunch Set有呢啲,都好多種類揀,仲有牛扒,當然係我最愛!點咗呢個飲品,跟餐加HK$18,係熱情果鮮果冰茶。佢另一個名叫做「十萬火急」!XDDD就連個茶都好有心思,生果另上,俾你加入個冰茶度。而且,就算粒冰都係有生果架!咁樣飲,就唔怕啲冰融咗,令個茶變淡味啦。餐湯,我哋都揀咗白湯,即係忌廉湯。而個包包,就好鬼軟熟,也是這裡值得加分的地方。絕不晬雪到硬一硬又唔好食的餐包哦~兩個都係牛魔王,所以點了兩款牛的Lunch Set!呢一味,係「板燒美國西冷配薯菜」,HK$98好似Lunch會覺得貴?但牛既質素絕對令你覺得值!因為牛扒好靚,而且夠晒大塊呢!夜晚都黎食過,同Lunch一樣質素的牛,但Lunch Set價錢平一半有多哦!你睇,半成熟度剛剛好,也是最好食的時候。不會韌,夠Juicy而且多肉汁。而個薯菜,也不是一條條的薯條咁簡單。反而係紫薯波波呢~~另一款,係這個和風一口牛,呢個仲抵!HK$68咋!超抵食!而份量都唔少架!用上和牛,但係整成一口一啖的牛柳粒Size!牛的肉質嫩滑,而且牛味濃,醬汁配合剛剛好!呢個價錢簡值好味又抵食!淨食Lunch唔夠喉,我哋再點埋小食!呢個叫「耐人尋味」既,其實係「瑞士汁燒乳鴿」。燒得紅燒金黃,而且仲好入味。肉嫩骨軟,Yummy~~ HK$98一隻~百發百中,指既係法式焗田螺 HK$80。即叫即整,所以要啲時間去焗,但好味又夠香。食起上黎配埋個薯溶底仲正! 繼續閱讀
(以上食評乃用戶個人意見 , 並不代表OpenRice之觀點。)
現代式懷舊情懷 焦點食評
等級4 2017-11-05
6650 瀏覽
我諗喺香港地,老夫子算係人所皆知嘅卡通人物,知道佢開咗餐廳就自然好想去,耐人尋味下都好呀。一上到去都估到會有好大隻老夫子喺度恭候大家, 咁啱到咗萬聖節仲有萬聖節版本添。舖頭外仲見到啲老夫子公仔可以購買,隻大番薯都真係幾得意,之不過我又唔想抱住個老男人瞓覺囉,就算要抱都抱陳小姐下話。內部嘅裝修都幾現代化,如果唔係用老夫子,而係一啲現代藝術畫作,我估大家都以為係高檔西餐廳。你咁樣望住我會唔好意思食嘢囉~另外有一間好大嘅房畀一班角色包圍,睇到有啲眼花添。仲有架好啱小朋友坐嘅車型餐區,隔開班小魔怪一流呀﹗係時候叫嘢食,個餐牌都係老夫子嘅嘜頭,果然係主題餐廳。另外萬聖節自然有應節嘅菜式啦。 揭開餐牌第一件事係搵下耐人尋味喺邊同係咩,原來佢係瑞士汁乳鴿一隻,究竟兩者有咩關係呢?實在係耐人尋味。其他菜式名同食材一樣近乎完全無關係,純粹玩味性質,當學下四字成語吧。 先叫杯嘢飲,呢杯係道高一尺(秦先生玩意:菠蘿黑鑽石特飲),咁其實黑鑽石即係涼粉,雪碧菠蘿涼粉飲落唔會有咩特別,但有大大個棉花糖喺上面,呃吓like係唔錯嘅。叫坐享其成嘅瑞士汁牛河,同干炒牛河唔同,瑞士汁牛河屬於濕炒河,其實我就鍾意干炒牛河多啲嘅,但瑞士汁又真係港式西餐風格,打和啦super。佢瑞士汁嘅量我覺得多咗少少,但味道甜就唔會難入口,同埋都幾大兜河粉,菜心大條及清甜無渣,牛肉份量亦唔少食落唔會柴口,唔錯啦。身為食肉獸唔會食碟牛河就飽肚,食返塊扒先啦,叫入木三分嘅精選西冷牛扒,相當大塊同厚身,叫咗五成熟亦都做得到唔生唔熟,食落去幾嫩口唔會韌或者有筋,唯一唔好係肉味稍淡,個人比較重口味無辦法。叫百發百中嘅法國焗田螺,見佢無咗個殼,同埋以價錢嚟計田螺就應該係罐頭喇,不過佢有個蘑菇喺底,睇落又有啲似田螺殼,咁嘅做法幾細心我幾欣賞。田螺唔會太細隻,鹹鹹哋配埋蘑菇嘅清甜都幾夾,不過我個重點完全放咗係底下薯蓉度,牛油焗薯蓉嘅惹味真係以行動證明係做好。埋尾唔少得甜品,叫得意忘形嘅香橙梳乎厘就夠晒大個,而且仲有老夫子喺上面添,不過因為係男人我就好捨得切開佢嚟食嘅。切開個梳乎厘睇吓,裡面做幾綿細嫁。食落去口感亦都一如外表夠鬆軟,味道又唔會太甜,裡面仲有啲橙皮添,水準唔錯。不過橙味就唔算太突出,可以落更多橙皮就更好啦。通常主題餐廳都係貴夾唔飽,有時啲裝修仲呃鬼你,不過呢度裝修就相當落本,另外以主題餐廳而言食物價錢算係公價,份量無話呃秤,食物質素亦合格,雖然會比普通餐廳稍貴一啲,但鍾意老夫子嘅人亦不妨嚟影相打卡。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-02
4559 瀏覽
九月才跟友人即興到港式扒房過口癮,一圓留美學生回味道地特色的心願 揚起餐巾遮擋飛濺油汁,淋上醬汁時細聽咋咋聲,正是港式扒房有趣的地方打從小學之後就沒有相關記憶, 然而當時的巨型牛扒只有外觀算為吸引,那霉腍鬆散的質感實在教人不禁恭維用餐過後,暗自決心與那家連鎖扒房告別,這不代表我們就此放棄港式西餐 深知港式扒餐通常用料普普,對入木三分 $198沒有極高期望,僅求正常可入口 見友人出盡力切分五成熟的西冷牛扒,誰知吃起來只是微韌,未會實如橡膠中心仍保一點粉嫩肉色,不膻不腥,至少回應了我們希望食物正路的想法 不忘老夫子的名物坐享其成 $88,即是瑞士汁牛河,色澤濃潤,甜香誘人牛肉腍柔不霉,保有滑牛嚼感,無腥膻,調味後亦屬甜而不膩誰料我們失了算,及至河粉放涼仍未撈拌,導致結塊又未能均勻上色沾味,可惜 免去三心兩意的難題,直接選擇足以分享又不至飽滯的得意忘形 $118 香橙梳乎厘製作需時,需待約廿分鐘,建議分秒必爭的話,不要待飯後才下單 不像坊間所謂大件頭梳乎厘般震撼,光滑表層烘至香口濃味,其實是我最愛的部分 當然細緻綿密的焗蛋白也不俗,橙味不會太嗆口,就是油了些少,但又未到膩得難當 繼續閱讀
(以上食評乃用戶個人意見 , 並不代表OpenRice之觀點。)
老夫子-童年回憶 焦點食評
等級4 2017-10-15
4101 瀏覽
出賣年齡系列!老夫子漫畫!唔好話我知你未睇過丫!平時好少會介紹卡通/人物主題餐廳,因為覺得真係好唔抵食!明明同一樣野(尤其係食咖哩飯嗰間呢),純粹砌到個樣唔同,甚至只係加塊公仔牌就收貴幾十蚊!不過今次依間老夫子主題餐廳撇除咗童年回憶 呢個因素外,佢嘅性價比明顯俾一般高,而且食物款式夠多。帶大家上樓上睇吓啦!上到2樓轉身一望,你會見到好多由漫畫封面改製而成嘅玻璃窗!都真係幾懷念⋯記得我最早期接觸老夫子嘅事後,本漫畫嘅紙質係好似草紙咁嘅。到後期轉咗釘裝同紙質,頭幾頁仲變咗彩色添!不過我記得連價錢都貴埋,所以慢慢就無再買喇!門口前面已經有經曲角色,老夫子同大蕃薯嘅公仔俾大家影相!係喎⋯秦先生呢⋯入面嘅裝修同設計亦明顯花咗唔少心機!上至天花;下至坐椅,都加入咗老夫子入面嘅元素!牆身上嘅壁畫更加係細緻得驚人!而近門位置就有一部「仿」車!絕對係影相位!入少少嘅位置仲有幾格浪漫嘅卡位添!就連餐牌,佢地啲菜式名都係用四字語/成詞起名,真係會令我諗返起本漫畫!所以記得要留意埋佢地嘅餐牌!餐廳有好多舊式茶記常見嘅野食,例如:龍爭虎鬥 ( 瑞士雞翼 )、坐享其成( 瑞士汁牛河 )、世外桃源 ( 焗豬扒飯 )等等⋯道高一尺 $48 秦先生玩意(菠蘿黑鑽石)[分數:7.5/10]言歸正傳,先嚟一杯特飲!咁多飲品之中,最有特色一定係以3位主角命名嘅飲品!道高一尺-秦先生玩意,本身係一杯菠蘿涼粉梳打,但最可愛嘅地方係加咗一大個綿花糖上去!要自己邊倒邊塞啲綿花糖落去,飲落竟然無想像中咁甜,當然亦都可以就咁食咗啲綿花糖先啦,呃like一流!種瓜得瓜 $48 老夫子南瓜湯 [分數:8/10]種瓜得瓜呢個名易估少少,就係南瓜湯喇~南瓜味幾重,而且打得多綿滑,餐湯仲會跟埋牛油餐包!軟熟嘅餐包對我嚟講真係好重要!西湯配餐包係好味過蒜蓉包好多㗎!龍爭虎鬥 $68 瑞士雞翼(4只)[分數:8/10]經典小食「瑞士雞翼」一份有4隻,每隻都好肥美飽滿~瑞士汁嘅顏色亦分布得好靚好平均!入口甜甜地唔會太鹹,醃得入味,雞翼肉質仍然嫩滑,唔錯!坐享其成 $88瑞士汁牛河[分數:7.5/10]瑞士汁牛河我都唔係好明點解叫「坐享其成」,因為基本上我地成餐都係坐享其成咁等食!河粉上面舖滿晒牛肉,真係多得有啲過份!顏色睇落都幾深,但食落口一樣唔會太鹹,不過啲河粉夾嘅時候比較易斷,始終無乾炒牛河咁多油,難免有咁嘅情況。世外桃源 $88焗豬扒飯[分數:7.5/10]焗豬扒飯嘅份量同樣十足!上面嘅芝土面焗到焦黃色,相當吸引!豬扒夠厚夠大件,自問無肉不歡嘅話就一定啱晒你!豬扒下面嘅焗飯經加蛋炒過,不過因為蕃茄汁落得重手咗,所以飯底濕咗少少。禮尚往來 $52特濃芝士焦糖吐司[分數:7.5/10]特濃芝士焦糖吐司我會當佢係半個甜品,因為多士上面加咗蒜蓉再焗,然後再加上甜甜地嘅芝士醬同焦糖醬,所以食落會鹹鹹甜甜咁。如果蒜蓉味可以淡返少少可能會更好,可能因為我自己偏愛甜味多啲~得意忘形 $118香橙梳乎厘[分數:9/10]真正嘅甜品終於出場!因為呢個甜品製作需時,想食嘅話記得係餐飲臨近尾聲嘅時候,提早15-20分鐘落單。甜品無改錯名,當佢送到嚟嘅時候,真係會令你得意忘形到唔記得要襯熱食!因為佢唔止傳嚟陣陣香味,賣相亦非常之靚~上邊仲要有埋老夫子個樣!得意忘形 $118香橙梳乎厘[分數:9/10]梳乎厘好鬆軟,因為已經加咗糖,所以更加能夠帶出蛋白香!橙味唔太重,所以完全無蓋過蛋白香!最意外係梳乎厘配嘅雲尼拿醬,雲尼拿味非常香濃,混合埋一齊食真係好香好滑!絕對係必食之選!******************************老夫子餐館 (太子)太子彌敦道777-781號安寶樓1樓*********************************以上消費:$560味道:8.5/10環境:8.5/10服務:8.5/10衛生:8/10抵食:8/10 繼續閱讀
(以上食評乃用戶個人意見 , 並不代表OpenRice之觀點。)