影片
去過好幾次, 都想寫食評比老地方, 不過原來openrice冇呢間餐廳資料, 而家有, 寫番~上年年尾12月, 約左人過嚟元朗區食飯, 行到嚟呢邊, 見到枱枱都豬骨煲, 仲有巨型羊腩煲~ 同出面D舖頭比, 呢度D煲好大個好足料, 另外仲有雞煲!豬骨煲, 湯夠濃, 有好香既白胡椒味, 蒜味, 料好足, 紅白蘿蔔唐芹, 豬粉腸. 味道做得唔錯, 同大角咀區既豬骨煲比較, 一D都唔輸蝕~另外老地方菜館有多款小炒都唔錯, 尢其"避風塘"及"椒鹽"甚為出色.火鍋配料新鮮, 價錢亦好大眾化.油浸筍殼魚做得好好, 炸得恰到好處, 外脆內軟.
繼續閱讀
一直聽聞元朗有一家出名火煱食店，今天去試試。一入到店內即聞到好香嘅豬骨湯味，望望店內，每張枱上面都有一大個豬骨鍋。我同朋友立即點咗一個試吓。好味！豬骨上面的筋同軟骨都好軟，咬落去啖啖滋味！我勺起一碗奶白色濃湯底，一邊食骨，一邊飲湯，極佳享受！ 最正係啲骨髓，用飲管吮，唔腥唔膩，食到停唔到口！*^O^*
繼續閱讀