3
2
4
港鐵上環站 A2 出口, 步行約8分鐘 繼續閱讀
所有分店 (1)
電話號碼
90293943
營業時間
今日營業
13:00 - 23:00
星期一
全日休息
星期二至日
13:00 - 23:00
付款方式
現金
食評 (14)
等級3 2020-01-08
182 瀏覽
著旗袍食燒賣都係第一次🥰有舊香港情懷的餐廳已經買少見少📺一入到去事頭婆 勁nice招呼,介紹佢多年既珍藏⏳周圍都見到陳百強同哥哥既蹤影📀未食野已經體驗到人情味💕旗袍都係佢幫我揀的,有s到xl碼,可以比人著住打卡🎎(事頭婆話d衫成日都洗架)棍打豬肉燒賣 $20/3 粒🐖落左單先開始蒸,一打開,蒸氣同香氣一齊湧出,點一點豉油同辣椒油,一咬,結實有勁,豬肉鮮味流連在齒縫之間😋 呢個價錢呢個咪道,絕對值得💞 繼續閱讀
(以上食評乃用戶個人意見 , 並不代表OpenRice之觀點。)
係呢個地區有間個性小店賣港式街頭食物又真係少有D~😉🌟老友記的燒賣係老闆娘親自包的,老實講價錢對比起其他手工燒賣真係偏貴,($28 3粒)不過佢真係人手限量製作,即叫即蒸,雖然等得耐少少,總算係真材實料啖啖肉另外仲飲咗杯老闆娘推介:薏米水呢個中規中矩🌟不得不提店舖裝修係以老香港為主題,啱晒喜歡懷舊風嘅我😌我去當日相信老闆娘心情唔錯,都幾熱情咁介紹自己嘅招牌食物 (好似碗仔翅、炒腸粉等等)佢仲叫我隨便影相,如果我有興趣可以借啲旗袍俾我影😆😆去開附近可以去試下,如果特登去都幾格攝🙈 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-04
2035 瀏覽
話說我係陪朋友嚟食,因為佢個地點其實真係唔多就腳,如果唔係朋友話想試吓,又打吓卡,我真係未必會山長水遠過嚟食佢碗成$28蚊嘅碗仔翅😕老實講味道又唔差嘅,整體上覺得應該無落到味精,同無落咁多化學野,所以唔似平時出邊食嗰種有起膠嘅感覺!之後仲叫咗燒賣、魚蛋仲有豬皮雖則佢話係自家製,但索價$18先得3粒燒賣,也未免有點貴了!而且只係細細粒🤷🏻‍♀️魚蛋同豬皮都好普通,甚至覺得味道太重,有點鹹...總結來講唔會有下次😒 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-08
2218 瀏覽
大伏! 大伏! 中西區不嬲都唔多呢啲小店賣腸粉燒賣,見到新開咗間就即刻去試啦燒賣 📍 $18佢地話係一早去買新鮮豬肉做,不過呢個價錢得3粒,真係有啲過份碗仔翅 📍 $28睇得出佢係足料嘅,味道都正常嘅蝦米腸粉 📍 $18呢個價錢得3條腸粉,係平時嘅double. 都唔緊要,重點係好散,見到個賣相已經覺得好唔吸引港式奶茶 📍 $15最差嘅一樣! 唔知係咪啲奶壞咗,我無諗過奶茶都可以咁差。😕 又苦又澀,我自己沖都好飲過佢。飲咗一啖,成杯放棄咗老闆娘態度ok 嘅,仲邀請我地入去裡面坐,話鍾意個種懷舊feel, 突登裝修到咁嘅。仲話如果係到食嘢,可以免費着佢啲旗袍黎影相。佢地另外都會租旗袍出街,價錢可以用返係呢到食嘢 繼續閱讀
(以上食評乃用戶個人意見 , 並不代表OpenRice之觀點。)
等級2 2019-04-27
2329 瀏覽
幫襯過兩次,唔會有第三次,第一次,平日,就只有一個男的看鋪出品,我點了燒賣等小食,佢就硬銷人食佢個所謂得意之作碗仔翅,價錢貴,細碗,但味道確實唔差但賣到$28真係有啲那個,第二次幫襯,周日,見到個紋身女的(後來得知是傳說中的事頭婆) 在主理出品,嘩,真係聞名不如見面,我大概逗留了三十分鐘,已見識了她的待客之道,漏單,出品極慢,極度hard sell, 串客,鬧客,極大口氣,連我幾年冇出po都忍唔住要為佢再次執筆,當日有家人很斯文的,想外賣個碗仔翅加其他小食,嘩,大鑊了,被那個情緒事頭婆噴了近10分鐘,大概話人唔環保點解唔喺度食埋先走各樣那樣這般,果家人嚟幫襯無啦啦被佢噴到一面屁,場面極度尷尬,期間夠膽死有人催單,唉咁梗係又比事頭婆插啦,總之出佢口的冇一句令人舒服,句句唔係單打就直接串/插你,言詞間又踩盡全港小食店,堪稱佢出品既碗仔翅係最好食。。。。唉。。呢個人,講野時面部表情極度浮誇,作風十分嘩眾取寵,又完全不會尊重別人,還有,不知那裡來的自信,豬扒包定價$38, 憑什麼?埋單又要客人自己計數, 果日得果幾個客就冧晒檔,客都未詐形佢就先發制人,哈,真係希望佢生意興隆 繼續閱讀
(以上食評乃用戶個人意見 , 並不代表OpenRice之觀點。)