老厝邊 (已結業)

無睇openrice入黎 只叫左個牛肉麵 個湯好惹味 牛肉入味好滑 仲要比好多 個麵有咬感 所有野都岩岩好 仲有啲咸菜碎都好好味跟住見到隔離台個炸豬排（？）又大又厚 大過塊面 呢間可以再encore

-老厝邊🍽-🥢薯餅起司蛋餅 $30小編係台灣早餐一定要食蛋餅！呢度個蛋餅都算有台灣味道唯一分別係個醬🤣芝士勁澎湃一夾拉起左高過個人🤣配薯餅係絕配推介！-🥢香香酥炸雞排 $35雞排比想像中正勁大塊味粉亦好夠勁重口味😋雞肉嫩滑juicy粉漿厚度適中仲要新鮮炸起勁脆😍-🥢炸甜不辣 $30甜不辣就正常發揮但個味粉可以再多d唔太夠味😉-🥢豪豪雙醬麵 $48呢個幾有驚喜雙醬用左麻醬同炸醬出奇地兩個味又好夾😋加埋d炸醬肉碎食好味！麵質亦唔錯唔會煮到好林👍-🥢大腸麵線(小) $30呢個係台灣既味道！同八方雲集比真係贏佢成條街🤣終於係香港都食到似阿宗麵線既味道😋必試！-🥤蜂蜜麥仔茶 $21麥仔茶再加$3仙草😋食咁多炸野又可以清熱氣👍

幫襯嗰日並不是平日，所以冇餐，只有散叫，但冇所謂啦。古早味滷排骨便當（$62）、酥炸排骨便當（$60）開頭以為滷排骨，即係炆煮形式，但原來都係炸嘅，2蚊嘅分別就係塊豬扒炸完再浸落啲滷汁度（講真覺得有少少中伏嘅，但唔可以怪店家，只係自己先入為主，自以為是啫）。講番塊豬扒，超大塊，應該係即炸，炸得亦都唔錯，外皮好脆，唔會油𣺉𣺉，可惜塊豬扒嘅肉質就比較一般，但整體都OK嘅。便當包兩款配菜（粉絲、娃娃菜）、蛋、涼菜（微辣芽菜），都幾豐富，絕對夠飽（本來諗緊叫唔叫蛋餅，好在冇嗌啫）。珍珠苿莉奶綠（$24）、蜂蜜檸檬愛玉（$22）預計之內的正常味道。

外賣嗌咗排骨便當，薯餅起司蛋餅同肉鬆蛋餅薯餅蛋餅外賣送到嚟入面嘅薯餅仲係脆嘅，芝士都夠多夠味，仲有拉絲效果，外賣嚟講非常唔錯。另外仲嗌咗肉鬆蛋餅，肉鬆份量都夠多，皮唔會太厚。配埋佢俾嘅醬汁就更加好食，外賣可以再俾多啲醬汁就更加好。排骨便當好大份，細食嘅話兩個人食都夠，非常抵食，炸排骨夠脆，肉唔揩唔乾，配菜味道都不錯。不過依家再睇返個外賣app又冇咗呢款便當，希望之後會出返。總體嚟講，外賣想食台式嘢食係個好好嘅選擇，性價比高，會再encore

大角咀埃華街呢邊有條食街，超多野食，今晚同朋友揀左「老厝邊」，回味下台灣的美食。出晒名嘅芋泥蛋餅，點可以唔食呢？超厚芋泥見到都流晒口水，芋泥、蛋、肉鬆嘅組合真係無得輸😋😋咸咸甜甜永遠都食唔厭。個人覺得芋泥甜啲會更正～朋友食招牌滷肉飯，我食大腸麵線，兩碗都只係$38😂超級大碗，差啲食唔晒。大腸麵啦第一次食，大腸有小小肥膏，不過無怪味，大大碗食得過。留意返麵線會有大量蒜，如果唔食蒜要同店員講哦～飲品係用膠杯裝嘅，方便飲唔晒可以拎走，加配料（珍珠、紅豆etc）每樣只係加$3，好抵😇😇

下午茶餐 $39 ： 滷肉飯(小）+ 蜂蜜麥茶加小食 塔香鹹酥雞 $38滷肉飯味道香，但因多油左d，食到底淨左1/4碗飯蜂蜜麥茶少甜少冰，清清地，好解渴！ 推薦塔香鹹酥雞，新鮮炸起，肉質juicy，連d香葉都好味！

鍾意食台灣野既我，成日周圍去食香港嘅台灣菜，因為冇得去旅行唯有係香港搵台灣的味道呢間店舖勁多人食，要等位攞飛坐無虛席，係香港多人食既餐廳一定會係品質有保證芒果鳳梨冰沙啖啖都好香新鮮鳳梨同芒果嘅香味，新鮮即叫即打$30超值芋頭鮮奶每一啖都有粒粒芋頭再加上香濃既鮮奶$30又係超值塔香鹹酥雞正宗台灣的味道，外脆內軟咬落去啖啖肉汁超濃芋泥起司肉鬆蛋餅超好食，超司超多做到拉絲既效果再加上滿滿既芋泥同肉鬆好幸福既感覺眷村紅燒牛三寶麵（轉乾拌麵）有齊紅燒牛肉/牛筋/牛肚一次過滿足哂三個願望😍紅燒牛肉又香又濃又滑一啲都唔un牛筋同牛肚鹵得超入味大腸麵線食台灣野緊係要食返碗大腸麵線啦台灣的味道

之前喺大角咀附近返工都食過呢間一次，今次同大眼妹同大眼細佬出開大角咀，就同佢地黎呢間「老厝邊」搵食啦！🔍(其實本身想食多次「活一鮮」，不過星期六下午3點咁啱係落場時間，咁就無緣食喇😌)鋪面裝修好有台灣感覺，食住蛋餅同牛肉麵，再聽埋佢個五月天playlist，係咁意抒解下思鄉之情啦🥺————————————————🥇超濃芋泥蛋餅（$38）👅 超足料咁漏晒出嚟，有肉鬆、芋泥同芝士🥈紅燒牛肉麵（$65）👍🏻 牛肉厚切得黎一d都唔韌，好軟熟，湯有少少微辣吊下味🥉大腸麵線（大$38）👌🏻 感覺好似阿宗麵線咁，不個就無咁酸甜，比較似湯羹，大腸滷得比較鹹，普通大腸味啦秘製麻辣牛三寶麵（$78）🔸有齊牛肉、牛肚同牛筋，不過呢個係大眼妹細佬食嘅，所以我唔comment喇蜂蜜檸檬愛玉（$22)芒果鳳梨冰沙（$30）———————————————— 💡 不設加一服務費，每人最低消費$18，消費滿$200可用信用卡💳📍 老厝邊：大角咀埃華街92號地下

只可以話，呢間嘢嘅價錢係唔貴嘅，但質素就麻麻哋，算唔上好食。叫咗兩款牛肉麵，一款係麻辣牛肉牛筋面，令一款係紅燒牛三寶面，兩款個面普遍都係超淋，同埋係幼面，湯底唔夠濃味，所以食到好寡。芋泥肉鬆蛋餅就幾好食嘅，但肉鬆好少，同埋入面啲芝士同芋泥唔係好夾，食落仲有啲酸酸地。滷味拼盤就正正常常，不過海帶整得太淋，一啲都唔脆。醉雞卷就都係正正常常，食得出酒味，但雞肉個賣相真係麻麻，同埋肉質有啲硬。本身仲叫咗杯檸檬紅茶，但個侍應睇漏單冇幫我落。

最近多咗去大角咀食嘢🔍，食唔到本身想食嘅店，轉食另一間人氣台菜「老厝邊」。睇咗店內介紹先知店名係台語「老鄰居」嘅意思🏘，想帶比客人簡單美味同人情味，裝潢似台灣冰店，播放住台灣歌，播五月天我就最Like啦👍🏻！————————————————👅眷村紅燒牛肉麵（$65）🔸 紅燒湯頭夠濃味，有少少微辣，麵條偏幼，三大件牛肉件件厚切，目測1.5cm咁厚📏，但都好軟熟，牛肉唔錯👅秘製麻辣牛三寶麵（$78）🔸食得辣嘅細佬揀轉乾拌麵，試食一條都覺得幾辣🌶，配料都幾豐富，有齊牛肉、牛肚同牛筋👅超濃芋泥蛋餅（$38）🔸 甜肉鬆、芋泥同芝士，組成甜鹹配搭，肉鬆味搶出，芋泥又未到超濃🙊⋯餅皮有咬口，配蒜香醬油👅大腸麵線（大$38）🔸 麵線佔比多，Feel到一條條又似湯羹🍜，咕嚕一聲就吞落肚，大腸滷得幾重鹹，無咩臭味，夾雜住生蒜粒同小蝦米🧄，食完會有啲口臭㗎👅蜂蜜檸檬愛玉（$22）🔸 似一杯唔太酸嘅檸蜜，愛玉口感比較散，唔似平時一舊好軟Q嘅果凍，麻麻地喎.👅芒果鳳梨冰沙（$30）🔸 真·透心涼，芒果同鳳梨味都有🥭🍍，夏天嘅味道———————————————— 🚩總結：整體中中等等，推薦牛肉麵—————————

一直都好想試呢間台灣嘢沒想到有意外的驚喜●超濃芋泥蛋餅 💸$38睇相都見到個拉絲效果驚人 裡面仲有好多芋泥 外層煎得微脆 蛋皮好軟糯有口感芋泥唔會好甜 餡既味道都好balance 唔會各自搶風頭 推推推‼️‼️●好呷炸物拼盤 💸$48小拼盤都都好足料 份量都幾多下 裡面有炸甜不辣 花枝丸 四季豆同玉米筍尤其要讚炸甜不辣 記得要趁熱食 外脆內煙韌 呢個價錢咁多嘢咁大碟好抵哦！●秘製麻辣牛三寶面 💸$78麵質算淋身 但係都係好足料 牛𦟌好大舊好厚身 同埋炆得好林 但係對我黎講都幾辣下 辣完個嘴仲會有麻麻的感覺，都幾過癮下飲品揀咗●青蛙撞奶少冰少甜（裡面無青蛙😂）其實佢係鮮奶加珍珠🤭奶味都幾濃 正常發揮●鐵觀音珍珠奶茶（少冰少甜）呢杯茶味好濃阿！比起普通珍珠奶茶既茶味更濃！好鍾意，好彩叫咗少甜，少甜之後個甜度就啱啱好📍老厝邊 大角咀埃華街92號地下#openrice #大角咀美食 #eatwithhkfoodgps #sharemyyyfood_大角咀

珍奶、炸物、蛋餅、牛肉麵每樣野都好好食沒甚麼可挑剔🥺好呷炸物拼盤($48)花枝丸、甜不辣、四季豆同玉米荀。呢度嘅甜不辣好厚肉，口感煙銀勁好趙，魚味好出。其他炸物都皮薄香脆，面頭撒上左椒鹽粉，香口惹味。超濃芋泥蛋餅($38)餅皮非常薄身，口感軟糯，帶微微煙韌感☺️ 捲住煎蛋、澎湃芋泥同拉絲芝士，亦有少許肉鬆，但三者不會互搶，芋泥的風頭不會被蓋過。芋泥非常綿滑，有芋香不會過甜，恰到好處的味道！超好吃的芋泥蛋餅，芋泥&芝士滿滿但都唔會食到咁濟，我地二人輕鬆KO一碟再食到其他野。秘製麻辣牛三寶麵($78)湯底超麻啊食到個嘴都痺了😂 做到咁麻辣但係個湯底係完全唔油😲 牛腱肉質超厚身超大件 ，肉質超軟腍仲有啫喱狀既膠質，牛筋更加係炆到好似肥膏咁腍，第三寶就係牛肚不過我唔食內臟所以交左比朋友青蛙撞奶($24)原來係鮮奶+ 黑糖珍珠😂 非常香滑，奶味濃郁，珍珠煙韌唔會太甜，不錯！鐵觀音珍珠奶茶($24)鐵觀音茶味好岀，濃度啱啱好唔會苦澀唔會濃到頭赤赤，點了微甜少冰剛剛好！真心比茶飲店做得更加出色！

太耐冇去台灣 超級掛住台灣嘅味道😭😭估唔到又俾我揾到間性價比咁高嘅台灣菜喎🤭完全滿足咗我掛住台灣食物嘅感覺🥰🥰滷肉乾拌麵🥰🥰最怕乾拌麵一餅餅又撈唔起呢度嘅乾拌麵完全唔會 撈完好濕潤啲滷肉係有肥膏嘅滷肉😍好邪惡 但超正覺得有少許膩時就剛好有幾條生菜解下膩唔好睇佢份量影出嚟唔係好多咁 食完都幾有飽足感🥰香炸魷魚鬚🤩🤩如果有炸物 首選一定係魷魚鬚🦑大條得嚟又有咬口 炸粉比例唔高炸完好香 調味適中 唔好咸得濟份量好多 兩個人食就啱啱好🤤如果你都好大食的話 就一個人食晒佢啦🥰好幸福珍珠奶茶🧋食台灣嘢唔係唔嗌珍珠奶茶呀嘛嗌咗少甜 個甜度啱啱好 奶味好香濃個人好怕茶味太搶嘅奶茶 因為會好澀呢間嘅珍珠奶茶味道都較得唔錯☺️配合埋乾拌麵就好似真係去咗台灣咁☺️☺️既然有排都冇得去旅行 就唯有嚟呢度食多幾餐當食咗啦🥺

今日去左大角咀呢間老厝邊食古早味台灣菜，入面既裝修都好有老台灣特色，早幾個月黎試過，味道都唔錯。今日過左午市最繁忙時間先到，一黎到就有位。一如既往，呢度餐牌有麵食類，便當類，蛋餅類，飯類，炸物類，拼盤類，涼菜同小食類，價錢非常貼地。飲品都勁多選擇，有消暑，珍珠，鮮奶，古早味，爽口，蜂蜜，奶茶同果汁系列。並無加一服務費。平日午市套餐配指定飲品仲可以減$10。眷村紅燒牛三寶麵 $78上次試過眷村紅燒牛三寶麵，今次要encore，不過試吓乾拌先。乾拌同湯麵其實除咗冇湯之外，就冇乜分別。個人鍾意乾拌多啲，雖然冇湯飲，但係啲唔粗唔幼既乾拌麵條擺耐左先食都完全冇問題，唔會稔之餘，仲有少少嚼勁，而且味道仲帶有湯嘅甜味。牛三寶即牛腱，牛筋，牛肚。厚厚嘅牛腱有兩大件，少肥多瘦，食落都有少少稔。牛筋有三大件左右，超稔滑，入口即化咁滯，好正。牛肚都有三大件，厚身大塊，質感都幾好。蔬菜有小棠菜三條同清甜白蘿蔔一大舊，最後灑上葱花，鹹菜放係匙羹度另上。仙草凍鮮奶 跟餐+$16跟餐叫左仙草凍鮮奶，可以減$10。叫左少甜同少冰，味道真係純天然咁，而仙草超多，飲哂啲奶仲有好多仙草喺底，大大件，要用匙羹筆黎食。另外叫左

🍠超濃芋泥蛋餅 $38見到大量嘅肉鬆同埋芝士我哋第一眼都以為侍應俾錯但原來佢係肉鬆芝士芋泥蛋餅xD雖然我本身麻麻地肉鬆但原來鹹甜相配都幾有驚喜😆佢哋嘅芋泥調味恰到好處唔會太甜芋頭味都算出最重要係好爆餡只是多到咇出嚟碟邊附上一兜辣醬單食好惹味但同甜甜嘅蛋餅唔太夾。整體味道唔錯但始終好爆餡所以食3舊會開始膩由於一份有6舊都建議同朋友分～