老二 (已結業)

服務差 環境污糟 去到食下午茶 樓面智商極低 完全冇轉數 同佢講多兩句塊面黑過個地板 無河粉轉飯又唔得 帶小朋友諗住叫啲飯佢食 豉椒排骨炒麵等住將個面底轉做飯底 又唔得 結果叫了普通炒飯 啲飯行到啲鹽都仲未融化 同個樓面講無動於衷 價錢不平 咁既餐都要68蚊一個 咁嘅服務質素 及食物質量 38蚊都畀多佢！呢類咁嘅餐館越做越差 沒有人手 管理不善 難怪香港人多數假期都返大陸飲飲食食 的而且確 真是不會再回頭我諗佢都唔會做得長 下次去可能已經關門大吉

二人餐，配兩餸，兩湯，兩白飯，兩野飲，$178。Qr code 落單，黎晒飲品，兩個餸同白飯，問個湯，遮遮話個湯係送嘅，送完即止。個餐牌係好大個字寫‘’配‘’老火湯，而不是‘’送‘’。即$178 買埋個湯。我又見雞煲餐，價平啲，而個湯係要加錢。少少誤導之嫌，希望佢個餐牌要改一下，等遮遮唔好被人鬧得咁慘。所有野份量都好細，佩服佢搵到個咁細嘅煲上魚香茄子同薑䓤雞煲，個煲口係我女人手掌咁大。個雞煲係雞丁黎，我同老公每人食到三粒雞丁左右，要食晒嘅䓤先勉强飽。其實食味唔差，啲遮遮好攰成晚俾人小都有禮貌，但餐廳做生意手法唔應該係咁。我都想香港好，但如果間間餐廳係咁，香港真係冇得救。

在香港仔中心的一家小型餐廳裡，我品嚐了美味的咖喱牛腩飯、星洲炒米、鍋貼及花生醬西多士讓我留下了深刻的印象。首先，牛腩的質地非常嫩滑，完全融入了咖喱的風味之中。每一口都能感受到牛肉的鮮嫩和咖喱香料的香辣，讓味蕾得到了很好的刺激。牛腩在悶煮的過程中充分吸收了咖喱醬汁的滋味，質地軟爛，輕輕一咬即化。至於星洲炒米。當菜餚端上桌時，香氣迷人且令人垂涎欲滴。炒米中飄散出的炒香氣令人難以抗拒，而且上色均勻。這種香氣來自於炒米時所使用的香料和調味料的完美組合，讓整道菜散發出濃郁的香味。在鍋貼方面，這些鍋貼外皮酥脆，一口咬下去發出了令人愉悅的嘎吱聲。內部的餡料則非常美味，以豬肉和蔬菜的組合為主。肉質鮮嫩多汁，與蔬菜的清脆口感形成了完美的對比。每一口都充滿了鮮美的滋味。接下來是花生醬西多士。這個創新的組合讓我感到驚艷。西多士的吐司外層烤得酥脆，內部軟綿，完美地保持了口感的平衡。整體而言，這幾道菜式真是令人回味無窮。。如果你喜歡創新的口味組合和豐富的口感，這道鍋貼和花生醬西多士絕對值得一試。

星期日在香港仔老二食早餐，到達時未到11:00，餐廳坐滿了人，印象中之前是沒有這麼多人，可能大家都覺得這餐廳不錯，食物份量足，算是抵食。🔸️我們點了一個上海早餐A， 有炸醬麵、小籠包及熱豆漿，48元。炸醬麵大碗，小籠包以蒸籠盛載，不會因為是早餐就不著重細節和擺盤。🔸️另外，點了一個西式早餐，有雪菜肉絲拉麵、多士及煎蛋及熱奶茶，熱奶茶選擇了多奶，雪菜肉絲麵份量很足，非常飽肚，只需要36元。🔸️另點了一個雙拼三文治烘底，烘底加1元，另點了凍飲，飲品也大杯，共40元。整體來說，早餐做得很認真，可選擇上海食物如炸醬麵、小籠包及紅油抄手等等，價錢為正常早餐價。值得一提，服務員有幾位是年青人，服務態度良好👍。

跟朋友去香港仔老二食晚餐，叫了個6人套餐，去到時都幾多人，但到了8:30左右，居然幾乎所有人都走曬，難道是南區老人家比較多，早回家🤔。餐廳的食物整體不錯，湯好濃，好喝，牛肉都幾腍，不過咖哩牛腩咖啡味不足。整體食物份量有點少。

間野偏少油我覺得值得一試偏健康風黃金鮮魷個脆粉偏薄唔會成口粉比起出面餐廳唔算好油/好heavy 但甩左個殻會稍稍食到陣雪藏味冰梅骨係用豬扒黎整你隔住個汁都食得出係豬扒擔擔面個塊豬扒個種炸法但個汁係酸酸地幾開胃京䓤牛粒柳有誠意嘅京䓤個汁好濃京䓤索哂味牛柳粒唔硬我覺得最好味係呢一味可以一戰馬拉盞炒通菜濃味上就一定無得同泰國菜個種比但整體唔油重口味嘅我直頭覺得健康想惹味d唔知可唔可以叫佢再加重口味😋奶茶係港式奶茶茶味夠有奶味整體：推薦性格比：還好

今日中午三兄妹去堂食，得兩三枱客，其中兩碗麪竟然要等接近20分鐘，碗菜肉雲吞麪睇落正正常常，但個雲吞餡竟然有點酸，不知是甚麼醃菜還是調味料，風味怪怪的。擔擔麪同葱爆牛肉配飯都算唔錯。價錢偏貴，唔值。

Weekend 叫左個tea揀左個吉豬薯條熱豆漿$32點知塊吉豬成隻碟咁大夾埋沙律醬一流嚇到我要係度share 俾大家睇薯條就係粗果款 夾茄汁食啦仲有杯豆漿 都係好飲間野雖然冇乜客人 但有呢個質素 值得我俾個佢

今日放假同媽咪經過，見好似新開就入去試下。環境寛敞明亮，員工友善。媽咪想食午餐而我想食下午茶，剛好2:30所以可以同時滿足我哋需求。另外再叫了鍋貼。午餐揀咗回鍋肉，下午茶揀咗水煮牛肉拉麵。套餐份量足夠，味道不錯，跟飲品，奶茶ok。鍋貼皮煙煙韌韌，皮薄汁夠。坐位舒服，好適合傾計，下次一定會再來。

老二 (香港仔)食物: 京蔥爆牛肉😋😋熱豆漿😋😋上海排骨拉麵😋😋上海小蘢包😋😋😋京蔥爆牛肉：睇落少少，食落幾多，唔算太油膩，汁唔多，菜肉比例差唔多，唔會太肉或太多蔥冇乜肉咁。上海排骨拉麵：一開始見到個樣以為係雞翼，麵唔算好多，但食完都幾飽肚，排骨食落油份唔會好多，麵就普普通通，但幾好味😋。上海小蘢包：包皮勁易穿，汁好多，一定要趁熱食，好好味😋👍🏻。熱豆漿：甜味唔太重，還可以。總結: 環境舒適，新開冇耐，食物幾好味，早餐時間會便啲，值得一試。分數 食物: 7/10環境: 7/10服務: 7/10推介: 7/10上菜速度: 7/10地址: 香港仔南寧街6-12號香港仔中心(第五期)地下A號舖

自從翡翠小籠包執咗之後，就變左應該係同一集團嘅老二，午餐偏貴，65蚊起，包熱飲，有客飯，炒粉麵飯，咖哩飯，拉麵系列牛肉炒面味道正常，不過份量偏少杯凍檸茶冇叫少甜都少甜

叫左個外賣,牛肉超韌好難咬,調味同叉燒一模一樣,一d五香味都無.個湯就係公仔面湯簡稱味精湯,連少少蔥都無又唔系平都要68蚊一個面,好心味精湯你都要係牛肉味精湯啦（敷衍都用心d敷衍連味千都不如

夜收工，唔想煮，到屋苑樓下老二食晚餐，2個人都唔知食小菜或雞煲，餐牌有風味特色烤魚及剁椒味烤魚。為了另一半唔食得辣，唯有叫少辣。有個電爐煲住，配菜都多，有白蘿蔔，金菇，豬大腸，豬紅等配料，因為少辣，我就食得唔過癮。套餐配2碗白飯，套餐無飲品，就差少少。如果晚餐有送前菜，如青瓜，薯絲就完滿。

諗住求其行吓搵嘢食，見到間嘢新開試吓。環境食物正正常常，餐牌寫住跟餐有杯嘢飲就叫利賓納，點知埋單嘅時候同我講利賓納係冇跟餐㗎！要收正價！我？？？最後唯有硬食，但係越諗越唔忿氣，冇下次。

香港仔新開一間食店，叫老二，今日入去食下午茶餐，上海排骨拉麵，排骨好入味，厚切豬排，外層鬆脆，肉質都軟腍，仲帶有肉汁，排骨是另一碟上，唔怕被湯汁浸腍，清湯拉麵加咗香葱，拉麵湯底清唔渾濁，但食得出師傅精心製作，豬肉豬骨熬煮出清湯，外觀看似清淡，卻好好味，食麵仲飲完整碗湯。酸辣湯拉麵，唔似其他店舖的酸辣湯加麵，而喺仲有其他食材，我地要咗凍豆漿，豆味香濃，感覺健康啲。仲加點一份煎餃，一碟4件，見到隔離檯嘅小籠包，我忍唔住又再落order，下午茶餐仲有其他選擇，下次再幫襯，good 。