耀記粥麵店

營業中

休息中

叫咗兩碗車仔麵，平均$35 - 3餸，超多餸，超抵食，牛腩好多牛腩和牛筋，豬紅豬皮，咖喱魷魚，豬紅全部好好食，超大碗，好抵食，服務態度良好，即刻開好涼個冷氣，唔好睇舖頭外表出邊平平無奇，食材都好新鮮，食物高質，值得推薦！

話說有一日去左葵涌搵朋友而佢又係「無飯」主婦😆所以我地就係佢屋企附近覓食🧐行經呢間「耀記粥麵店」大家都耐無食過雲吞麵😙而且個價錢實在係時光倒流左十年‼️所以記即刻入左去我就叫左個雲吞麵($23)一碗大約有4-5粒雲吞而且幾大粒 不過入面既蝦有少少梅🤨但可以接受🤓麵質亦夠爽口😋我再加左碟油菜($9)無睇錯‼️‼️只係$9就有碟份量十足既菜🤩埋單$32💫呢個價錢搞掂一餐而且唔太差既香港真係少之又少🥺

瞓唔著又想食野就打電話叫外賣，呢間已經系石籬好耐既粥店，佢地雖然慢慢加價，但都比好多市面上既粥店平艇仔粥好少肉碎，尤魚比較多，粥底普通，味道尚可，無咩特別好味！芥蘭落左腩汁，味道幾好，芥蘭都幾嫩，唔會太淋！

呢間耀記起到好多年，不過位置偏僻唔係住開呢頭或起呢到附近返工真係唔會察覺得到，通常去親都是午飯。時間每次都是學生較多，加上價錢平午飯亦有位所以我每1,2星期就會去食午飯。基本上大部份既麵餐都,整得唔錯。唔鐘意坐室內既人可以坐室外，有太陽曬下都唔錯，不過夏天就唔好喇熱Ｏ水好多片檸檬，而家檸檬貴好多餐廳都比好薄同好少。沙爹牛肉算係幾"林"同少根，沙爹醬唔較多再多少少就完美，朱扒咬落又"林"又香，朱肉質香濃，之前在附近餐廳吃過有些朱扒又硬咬落肉身仲有少少發"梅"既感覺。呢個餐唔叫飲料廿蚊加杯熱飲都係$26，今時今日要搵30蚊樓下既午餐真難

我入去食咗碗河粉最棒的不是河粉是辣油落咗幾滴就夠辣聽講係親自調配出面冇!鍾意食辣嘅人一定要試真係好辣仲有啲河粉係即叫即整唔係叮仲有啲招呼都幾好一坐低就有人幫你落單啲嘢食好平我食過嘅茶餐廳入面最平總之就Good

呢間開廿四小時既粥店成為左夜歸既我食宵夜既好去處~呢度d亞姐招呼好好~叫左雲吞同埋生滾及第外賣~番到屋企一打開粥既蓋撈下個底估唔到有泡泡湧上黎!!!!即係好似岩岩滾熱咁同埋味道都好好,落足料淨雲吞搭左幾塊生菜,到番左屋企既路程都仲好爽口下每隻雲吞一隻蝦,咬落啖啖肉,真係好正!!!!