耀發燒味 (已結業)

尋日(5-2-2018 Mon)放工返到屋企食飯,見有一盒o野,我冇理到,到.開飯時,爸爸拎出o黎話呢盒乳豬o係呢o度買,$40.00,佢o地唔係成日整乳豬,而我睇睇,冇乳豬醬.夾起面o個件睇,得肥膏,食落,皮脆帶乳豬醬o既微甜同酒香,而且唔鹹;食到下面o個啲就有肉冇咁肥.味道: 5   環境: 3    服務: 3    衛生: 3    抵食: 3      笑臉

尋日(2-8-2017 Wed)放工,爸爸拎住兩個飯盒返o黎,原來佢斬料,到開飯喇,睇睇原來佢買o左半隻豉油雞,而另一個飯盒竟然係白飯,咁 多o野?爸爸話老闆話收工,賣埋呢半隻雞重有新鮮白飯剩,話俾埋佢,唔係就只係倒.咁好o徙啫,所以爸爸要埋佢.豉油雞顏色好靚,皮滑微甜同鹹,肉唔o鞋同唔乾,質素算好.半隻豉油雞賣$40.00(笑臉)

大前日(7-6-2016 Tue)晏晝,爸爸買完餸返o黎,見有盒飯盒,佢話同我一齊,o係呢o度買o既.我問咩飯?佢答燒肉飯$18.00.我見到重有叉燒,我問佢買o左幾錢?佢答$20.00.我偷食幾舊叉燒先,係全瘦o既,唔硬亦唔o鞋,蜜汁味冇乜.而燒肉飯呢?燒肉半肥瘦,我食一舊,都幾鹹,肉鬆軟.飯o既口感都適中,不過豉油都幾甜.其實呢個價錢已經買到個飯食,都冇乜邊o度有,點可以有咁高要求?味道: 1.87分

前日(11-1-2015 Sun)同男友買完餸,覺得冇咩o野o岩爸爸食,男友就o係o度斬料加餸,佢買o左,滷水雞翼,雞髀同蜜汁雞翼,共$40.00.到夜晚開飯喇,先食蜜汁雞翼,係有蜜汁o既甜,但鹹o左啲;而滷水雞翼,雞髀呢?呢個相對地淡o左啲,唔鹹.雖然味道一般,但肉質仍滑,都算係咁.

大前日(26-5-2013 Sun)朝爸爸未返到o黎,我又冇心機買餸亦唔想落荃灣,o係返呢o度街市買啦.o黎到唯一呢間燒臘舖睇吓買乜,叉燒,買叉燒啦.師傅問我要半肥瘦定全瘦?我答半肥瘦.佢問我要幾多錢?其實….我唔知$20.00可以買到幾多,佢拎一條大大條o既,我問可唔可以切一半?佢答可以,切o左之後都問我要邊邊?心諗真係好.我揀o左之後佢幫我切片啦,呢o度o岩o岩$20.00.我返屋企鎊吓,足5兩,佢o地隻手真係犀利,一切就切咁準繩.我食吓先,唔係好夠甜,但慶幸瘦o個啲口感都唔係好實,尚算唔錯.之後爸爸返o黎,我見真係冇乜餸(除o左隔夜餸同佢唔多o岩食o既o野外),而且男友今日放工後都會過o黎,於是o係晏晝又落去斬多次料,今次要燒鴨啦,我見有半隻掛o左o係o度,就問佢幾多錢?佢答$50.00,咁要埋佢啦.拎到返屋企我又鎊一鎊,有一斤四兩,我又試食先,嘩!好鹹呀!皮就仍然有啲脆,但真係使唔使咁鹹?唔使蘸酸梅醬食啦.