翹楚冰室

老公最鍾意去冰室，今晚又選佢啦~~~ 真係男人的浪漫?! 冰室環境光鮮，整齊企理，超長長方形格局，多張寛落卡座，坐得舒適。餐牌選擇超多，有每週晚巿套餐、常餐、三文治、茶餐、特餐、小食、焗飯、西式風情、馬來咖喱、鐵板扒餐、燒味、鮮入為煮、飲品等。揀咗一客星期五晚餐精選，奉送白飯、湯及優惠價加配飲品。七選項中點了燒味自選大三元($85)，奉送郊外油菜。可在叉燒、玫瑰油雞、脆皮腩仔、燒鵝、滷水牛𦟌、貴妃雞、佛山燻蹄揀三款，要了叉燒、玫瑰油雞和脆皮腩仔，呢三元賣相超吸引，亦好高質。叉燒燒得亮澤紅潤，半肥瘦，腍嫩油潤，沾上蜜汁，香甜美味；燒腩肥瘦相間，皮脆肉嫩，滿有肉香；超好彩….俾了隻玫瑰油雞脾，啖啖肉，整得非常入味，肉質好嫩滑，加埋爽滑嘅雞皮一齊食，再點啲薑蔥蓉，一流! 所配嘅油菜係菜心，粗壯爽嫩，唔油唔鹹，夠健康。另叫咗一道小菜柚子蝦球($108)，份量好足，蝦球相當大隻，差唔多同我嗰拳頭咁大，外層薄微，肉質彈牙鮮美，配上甜甜酸酸酸嘅柚子汁，好開胃。羅宋湯 ($0/跟餐) 湯身濃稠，散發着酸咪咪的香氣。見有紅蘿蔔、西芹、椰菜、薯仔、洋蔥、蕃茄等等，相當足料，難怪味道濃郁，酸度十足，越飲越醒胃。熱檸檬可樂煲薑（$26）內有四大片檸檬及厚厚嘅薑片，味道不會太甜，很好!但薑味亦不足……熱百香果蘆薈（$25）暖笠笠，味道酸酸甜甜，開胃滋潤，蘆薈粒又香甜又滑，同杯飲品好夾。…查看更多

想同大家介紹一間喺觀塘嘅新開冰室，環境好闊落坐得舒服，好啱晏晝/收工去食飯😚 每日都有唔同嘅晚市套餐，好多選擇😆西蘭花鮮魷蝦球健康之選🥦西蘭花炒得翠綠爽口，鮮魷彈牙，唔會韌到咬唔開，蝦球大大粒，爽口彈牙，真係啖啖肉😋 用簡單又好味三杯雞雞煲一打開個雞煲蓋，三杯雞嘅香味就撲鼻而嚟！雞肉嫩滑入味，醬汁嘅味道調得啱啱好，甜甜鹹鹹，好惹味！用雞煲嘅形式上菜，可以一路食一路keep住熱辣辣，好正🔥利賓納雜果冰冰室一定要飲利賓納雜果冰😆飲落酸酸甜甜，冰涼解渴，真係透心涼🍹雪山紅豆冰造型好吸睛，上面嘅忌廉堆到好似一座雪山咁🏔️ 紅豆煮得夠晒綿，甜而不膩，好滿足～…查看更多

又到左搵食時間，係日本城買完野醒起附近有間新餐廳未試過，翹楚冰室 (以前黃金果個位)， 就一於試下。內部間隔同上一手冇分別， 不過光猛D， 乾淨D。由於食飯時間已經下午3點， 所以就試下佢下午茶餐。今次叫左左海鮮炒烏冬 $48。 凍飲 +$3另外加個煉奶多士。 $18 多士如雙拼就 $22 如奶油多咁烏冬黎到， 都算幾多海鮮既。 味道都唔錯， 夠味， 不過烏冬就唔好預佢係靚烏冬。較細圓較硬身少少果款。煉奶多士黎到就熱辣辣，唔錯。 再多D煉奶會更好。收銀個姐姐態度都唔錯。 其他伙記就茶記伙記啦， 明就明嫁啦。 不過整體都唔錯， 都會再有下次試下其他野。 …查看更多

今晚，我同朋友去觀塘光顧一間叫翹楚冰室嘅店。呢間店真係唔錯，環境舒適，仲有啲舒服氛圍。我哋點咗幾樣嘢。首先，西蘭花炒蝦仁色香味俱全，蝦仁鮮嫩，西蘭花脆口，真係好開胃！接住，我哋仲試咗羅漢齋煲，裡面有好多時蔬，味道清淡而又健康，特別適合想保持身形嘅朋友。飲品方面，我選咗熱百香果蘆薈，清涼又消暑，仲可以解渴。最後，熱冬瓜龍眼茶係我哋的必點，甜甜的味道，飲落心情特別好，完美結束呢頓飯。整體來講，翹楚冰室真係值得推介，食物新鮮又好味，價錢亦都合理，仲有友善嘅服務。下次再嚟試其他嘢！…查看更多

餐廳地方超級闊落乾淨，空間寬敞，適合聚餐或一人用餐。餐廳有晚市套餐，小菜與煲仔類都幾吸引，Menu設計多元。🥢鐵板蒜蓉雞扒半扇貝黑椒汁搭配豐富，套餐包左羅宋湯+牛角包+飲品，原個焗薯做法有驚喜。雞扒煎得好靚，邊位帶少少焦脆感，蒜蓉粒沾滿表面。雞扒厚度十足，係有厚度嘅連皮雞髀肉，切開後保持到肉汁。芝士焗扇貝都幾大粒鮮味。🌟餐廳抵食大份, 價格合理，分量足夠，符合港式茶餐廳的性價比預期。見到仲有超值全包宴，下次可以同屋企人試下。…查看更多

觀塘新開業的「翹楚冰室」，裝修簡潔，地方很大，店內採超長長方形格局，設有多張寬闊卡座，用餐環境整潔企理，光鮮舒適。還設有廂房，可供十多人吃「全包宴」。餐牌選擇極豐，從每週晚市套餐、常餐、三文治，到焗飯、馬來咖喱、鐵板扒餐、燒味等應有盡有，選擇很多。我們試了兩款小菜，配白飯及特飲：黑松露煎肉餅黑松露很香，肉餅外層煎得金黃香脆，一夾開內裏肉汁瞬間湧出，口感極佳。肉餅調味恰到好處，鬆化入味，且份量十足，總共有六大件，非常抵食。蜜椒薯仔牛柳粒牛柳粒軟腍入味，醬汁香濃惹味。搭配黑椒、洋蔥及蜜椒同炒，味道層次豐富，甜中帶辣，香氣四溢，極其下飯。薯仔外微脆內軟糯，吸收醬汁精華，更添風味。雪山紅豆冰大大一杯，面層鋪滿輕盈奶油，底下紅豆大粒飽滿，香甜綿密。熱百香果蘆薈這杯特飲值得一讚！百香果芬芳馥郁，搭配爽滑蘆薈粒與一片檸檬，入口酸甜清新，溫潤順喉。冰室食物質素出色，環境舒適，價錢合理，是觀塘區內值得一試的新興食店。…查看更多

星期日在APM逛街後，走到對面的成業街翹楚冰室吃飯。我們點了兩個小菜餐，一個是XO醬小炒皇，一個是蒜香吊燒雞（半隻），套餐均有附送餐湯，我們叫了一個羅宋湯，一個中湯，兩個湯都十分足料，味道夠濃，最緊要夠熱，值得一讚！先來了小炒王，很足料，夠鑊氣，有蝦，有小魚乾，有蝦米腰豆等等，送飯一流。之後是蒜香雞，一口咬下去，有驚艷的感覺，皮脆肉滑，再加上那個特製的泰汁，非常正！飲品方面，我們叫了兩杯特飲，一杯是凍百香果蘆薈，味道幾特別，不過不失，另一杯叫了龍鳳檸樂，消暑好物！星期日的晚上遇上打風餐廳不算多人，餐廳整潔、座位寬敞、冷氣足夠，下次來觀塘又多一個選擇。…查看更多