翡翠餐廳

營業中

休息中

最近我同朋友去咗位於牛頭角海濱道嘅翡翠餐廳食下午茶☺️我同朋友係第一次嚟呢間茶餐廳食嘢☺️我叫咗吉列魚柳下午茶餐配薯角😋朋友就叫咗沙嗲牛湯麵下午茶餐配牛油厚多士同炒蛋😋 餐飲我就叫咗熱奶茶而佢就叫咗熱檸茶，唔使另外加錢☺️我叫嘅吉列魚柳，以下午茶餐嚟講份量都好足，味道合乎水平☺️😋 熱奶茶嘅感覺都好有港式茶記奶茶嘅感覺😆☺️餐廳嘅面積以茶餐廳嚟講，我覺得都好大，可以同時間坐到好多人😄尤其是下午茶時段嚟講，由於有好多張枱，所以唔太擔心要等位☺️我哋今次去都可以直接埋枱坐，唔使等位😄店員服務態度好好，出餐亦出得好快，落咗單冇幾耐啲食物就嚟晒😆 我同朋友可以好悠閒咁慢慢享受我哋嘅下午茶☺️

翡翠餐廳（海濱道）九龍觀塘海濱道133號地下跑友約同跑步，當然要食早餐啦，我食早餐 A5 沙嗲牛肉湯米線 $38，配牛油厚多士及太陽蛋，餐飲係熱咖啡。太陽蛋美味，沙嗲牛肉湯米線份量好，飽飽的早餐。

觀塘區不嬲都係多工廠大廈，而工廠大廈多嘅話呢一定會有好多食肆喺工廠大廈入邊有飯堂。通常飯堂都會寫住只限會員入去。唔知點解呢？唔知係咪有法例要求呢？今日去到觀塘海旁工作，朋友咁啱食晏就帶我去到呢一間餐廳，入到去花多眼亂，其實好多種選擇有湯飯，西餐，碟頭飯，燒味飯，炒粉麵。而我今日選擇咗燒鵝切雞飯，上碟嘅時候係冇酸甜醬要另外問佢攞。燒鵝唔錯，但係切雞比較好。我覺得值得一試，中午嘅時候只有你12:30之前買單仲可以平$5添。下次試吓湯飯先。

我今早同大班跑友到觀塘海濱做運動，順道去位於萬兆豐中心地下的翡翠餐廳食早餐。我點左牛肉湯米線$36，配熱咖啡。跑友帶左自家製椰絲檳來共享！牛肉好味又好食 ，椰絲檳軟熟好味。好豐富的早餐大會呀！

我今早去左觀塘海濱公園做晨運，然後去位於萬兆豐中心地下1號舖的翡翠餐廳食早餐。我點左秘製鮮薑汁鮮豬潤湯米線$38，配招牌炒滑蛋及厚多士，餐飲係熱咖啡。好耐無食新鮮豬潤啦，聞到在米線面的芫茜好香濃，豬潤食落好香好爽口，值得推介！

我今早去觀塘海濱做晨運，大家都去位於海濱道133號萬兆豐中心地下1號舖的翡翠餐廳食早餐，環境闊落，坐得舒服。我點左個A5的沙嗲牛肉湯米線，配招牌煎熟蛋及厚多士$38，餐飲係熱咖啡。湯米線份量相當大碗，沙嗲牛肉好入味，肉質軟腍又好食；煎熟蛋煎得香口，蛋邊有少少焦，唔錯；厚多士熱辣辣，配美味的熟蛋，口感一流；濃郁的熱咖啡香滑，入口清香，值得推介！整體表現優良，下次一定嚐嚐其他餐飲！＃翡翠餐廳＃觀塘海濱道133號萬兆豐中心地下1號舖

我今早入觀塘辦事，就近觀塘的海濱公園，我走去翡翠餐廳食早餐。我點左麻辣香茅豬扒什菌米線配熱阿華田$38。我選擇左小辣和清湯底，整碗米線的賣相非常吸引，可惜，當我食件豬扒時，感覺到塊豬扒失左水準，不是新鮮炸起的，令我非常失望。

早上5時半在觀塘海濱晨跑，跑完要食早餐，最方便快捷的辦法，就在附近的翡翠餐廳食啦！我點了沙嗲牛肉湯米線$38，配熟蛋及厚多士，餐飲是咖啡。牛肉好入味，米線份量相當夠，好飽！

今日過咗觀塘海濱跑步，附近都係啲貴價打咭餐廳，近近哋就去咗食呢間翡翠冰室。餐廳闊落光猛，假日佢收6點，茶餐亦都係食到6點，所以要快手。睇睇個menu茶餐嘅menu，都係典型基本盤，價錢合理。叫咗碟油髀沙律，出面通常得炸髀，沙律係雜果系列，份量都唔錯。檸茶正正常常，計埋凍飲，成餐$40

本人於2023年2月19日下午2時幫襯餐廳，凍咖啡野飲中有曱甴仔屍體，職員迅速收起飲品，不給予拍攝記錄，又不肯負責任，當冇事發生，已報食環署，大家小心餐廳加料。

之前投訴收銀態度勁差，沒有在合理時間內回覆whatsapp下單。之後有改善，原因是該收銀放了大假，換了有禮貌和負責任的收銀，whatsapp也能快速回覆，餐廳負責人應該知道問題所在。不過，態度勁差的收銀放完假後，所有情況回復舊觀，下單後過了4分鐘都沒有回覆，唯有又取消餐飲訂單。是否這收銀同餐廳老細乃親戚家人關係，如是就沒有辦法，唯有少一點幫襯。

whatsapp外賣，等了十多分鐘沒有回覆，whatsapp取消訂單。之後見有回覆外賣號碼，以為已落單。到餐廳取餐時，收銀說：「你唔係取消咗咩！」其他餐廳whatsapp下單，一兩分鐘之內就有回覆和落了單，和不會「玩」顧客。

星期日中午一行六人到此餐廳用膳，小朋友叫了扒餐，其他人叫了普通豬扒飯等。其他人的餐飲全部食完，但小朋友叫的扒餐仲未到，於是問一問，但所有阿姐態度極差，大聲呼喝，表示趕時間就叫d簡單d既食物，唔等得就唔好叫！其實果時已經等左超過半個鐘🤯叫果陣我地問過，佢哋話15分鐘有得食…再等左一陣，食物依然未到，我哋又趕時間，於是埋單希望取消個扒餐，但收銀阿姐拒絕，表示廚房整緊，如果走就要比哂錢先走得，趕時間可以變外賣，但外賣你都係要繼續等….糾纏了一會，因為真係趕時間，又有小朋友，家人結果比左錢。呢間餐廳真係，服務九流，鬧顧客，食物質素亦很差🤯🤯🤯

負責Whatsapp下單和接電話落order嘅啊姐態度極差，人見人憎，希望老細換人。成日唔睇Whatsapp，要打電話通知，通知後又駡人。如果唔想做生意可以出聲，太忙可以停Whatsapp，甚至關掉手機電話，為何要態度勁差？

今日同同事叫外賣，又係成差唔多一個半鐘先送到黎，平時咁遲送都算今日叫咗三個餐，比錯餐又收多錢，問咗WhatsApp 睇完唔覆，打電話又冇人聽，咁樣都唔知咩態度！平時聽人講得多呢間野出名態度差，今日試過之後真係唔會再幫襯🥲同事叫咗個菜遠排骨炒河變咗豉椒排骨炒麵，已經WhatsApp 落單，睇住都可以落錯另外一個餐個米粉勁乾，少湯又成個幾鍾先送到黎，搞到米粉都索哂啲湯，叫咗麻辣湯底，佢就咁將啲辣醬放係面頭🥲咁清湯自己加辣醬都得啦，跟餐叫熱朱古力又收多$4WhatsApp 同佢講返就bluetick ,落order就覆機，有問題就唔理，打電話落去就冇人聽，咩態度！好差既體驗，寧願行遠少少都唔會再幫襯