翡翠拉麵小籠包

營業中

休息中

今日到機場的店 食左幾個麵口水雞拉麵，太咸，咸到一定要飲水。担担麵，都算正常味道，吾覺好特別。排骨拉麵，排骨味道ok.但湯麵就完全吾覺有咩味。每個麵的份量都太少，一位女仕都說吾夠。店內要飲清水或茶就要港幣$8（不是樽裝水）。完全失望，吾會再去。

唔會有下次既店家。。。食物好一般，牛肉拉麵好淡口。小籠包好厚皮同冰鮮買既差唔多。。。。唔值。。。行李位個安排唔好。。。。個行李位係要叫到有位又要人齊後先可以放行李係個餐廳外，咁岩好同行既人行開左去洗手間，咁我就再拿多張新既籌啦，叫到籌有位又唔入得去住又唔可以放行李先咁要排到幾時先入得去食，同個姐姐講比我放行李先又唔肯，放行李個姐姐態度真係好差，同佢溝通唔到，之後再睇番個籌寫住過五個先要重新拿籌，即係明明係我拿左原本既籌只係叫過左三個人仲可以入座。。。無啦啦佢自己俾另外一個人拿行李牌先之後先問我點解放棄原本個籌，我又無食開呢間野又個時無留意到張單係叫過五個籌先要重新拿籌。咁呢個職員其實明知係我可以入去先都唔比我拿行李牌先算咩意思。。真係好差既服務。。。我無留意到我原先個籌可以照入座先係我都有問題，但個職員係明知我可以入去都唔比個行李牌我而係俾遲過我拿籌既人。佢仲話食野啫洗咩激死牙。。。個問題係佢態度好差牙講野句句有骨。。。

去旅行，好早去到機場，可以慢慢食個早餐，呢間新裝修，有無敵高度，所以好開揚，裝修淺色主色，似日底嘅格局，桌椅唔迫，開放式廚房見到廚師拉緊麵，因為店員唔會看管行李車停放區，所以安排我哋坐最近行李區嘅位置，食物選擇唔多！唔太肚餓！簡單叫兩種食物分享！四川擔擔拉麵（$60）呢個係失望嘅，幼麵係幾好，幾滑身又少許彈牙！但個湯太浠，掛唔到麵，花生味不足，味道唔夠，唯一係有少辣，但整體水汪汪的湯扣分！上海小籠包（$39/4隻）一籠4隻，皮薄湯汁多，即叫即蒸熱辣辣，加啲醋好開胃，熱湯清甜，豬肉餡幾滑！好味！熱豆漿（$20）夠熱幾濃，唔太甜，豆味一般！熱薏米水（$20）朋友飲，足料唔太甜，好味！食物味道一般，唔會有驚喜，機場內嘅消費預咗高，但餐廳嘅規則就唔友善，我哋問阿姐店員要茶，佢話要收茶錢每位$8，咁我哋各叫一杯飲品，食到尾聲問姐姐攞杯水，佢話公司規矩茶/水都要收茶錢！但餐牌寫只寫茶要收錢，去到水都要收錢就苛刻了！真係留唔到客人嘅心！另外行李車有位置停泊，但阿姐店員講明客人自己睇（可能上次旅行，旁邊嗰間會掛號碼牌寄存，所以高下立見）如果近行李車停泊區嘅座位無晒，唔通位客人要承受擔心成車行李被推走嘅

移民多年的親戚回港省親，抵港時已晚上七時多；便和他在機場內的食肆吃他的到港第一餐。選擇這裡是圖它有行李看管的服務 - 看管員會將兩個相同號碼的行李牌分別交給客人及掛在行李車上(客人的是一張大的膠紙牌)；不用擔心行李，吃也吃得安心！繁忙時段也只是等了約6、7分鐘便可入座，親戚經過長途機程後也現出了點點疲態，點些清淡的食物是最為適合。豆瓣菠菜～菠菜嫩綠，清甜且油份不多，配上淡淡豆香的蠶豆；味道淡而不寡。雪菜肉絲拉麵～拉麵煙韌有咬口，䶢爽的雪菜配上肉絲，不消一會已吃個清光了。雞火炒飯～飲粒炒得乾身分明，只是比較咸了少許，分量一點也不少，味道也算合格。其間想叫兩杯茶，原來要另外收費（$8/杯）。價錢比市區貴了一點，好在水準也算不錯。

Bad restaurant, won't try it again. The food is extremely expensive and tiny dishes. Taste is not well. Even a glass of water need to charge. 平時係市區食都無咁過份，食物難食都唔緊要，仲要一杯水都要收錢。個個態度差，黑口黑面，環境又惡劣，唔會再食。唔怪得冇乜香港人幫襯，係機場嚴重影響香港形象。去seven買串魚蛋食無咁嬲。

始終食市位於香港機場，應該更注重服務態度才對。竟然服務人員整體態度咁差又無禮貌！本人在香港都經常光顧的店舖，這一間是最差的，再也不會光顧此分店！影衰香港好客之道呀！未離開機場就留下一個壞印象！

本人很喜歡及經常幫襯翡翠拉麵小籠包 但機場此分店的嫩雞煨麵同其他分店很有差別， 等左25分鐘都算了，湯底完全冇味 加左由員工提供嘅喜馬拉雅粉紅色海鹽都係無味 ， 同埋見到企外廚的四眼廚師哥哥禁電話後整麵 好唔衛生， 服務方面， 樓面姐姐服務態度都可以，但有檯客人其中有個小朋友跌爛左個碗好大聲嘅，但完全冇任何一個員工去善後。 亦入錯兩次單， 一碗變兩碗， 一杯飲品變兩杯， 好似未瞓醒咁—_—

😅有人又想俾驚喜，又怕得驚冇喜...放工仲黎接機，辛苦哂😳😘去咗外面咁耐，返到香港當然要食番啲中國嘢啦！ 一出嚟就見到翡翠，就佢啦！ 竟然喺機場都冇乜點mark高度個價, 抵讚 😊叫咗個海鮮粗炒，味道好好，粗炒既面底煙韌得嚟炒得好入味。 不過真係好多油，成個碟底 都有層好厚嘅油😰 小籠包係即刻蒸嘅，雖然等得有啲耐，不過都值嘅，皮薄餡靚。 兩個都虧到爆，開始要養身，叫咗兩杯熱桂圓杞子茶，清甜潤喉。其實今日喺日本食咗超級多嘢，不過見到有人放工九點幾飯都未食就嚟接我機，餓死肥仔喇陰公，一定要陪佢食番個靚飯啦😳 不過記住真係唔好食咁飽呀， 唔係嘅話搭車返屋企果個鐘就會好似嗰條友咁嘔到...

年初一早上，跟我家寶貝乘早機往台灣探親。知道HX只會送上每人一個腸仔包，所以早餐還是要吃點的。大家樂極多人，寶貝和我不想去翠華太興麥當勞，結果，就剩下了翡翠。相對何洪記，最少不用等候，也是抱著大不了只是中伏一次的心態進去。哈，想不到這裡也有供應早餐。有麵，有小籠包(0730後提供)，包點，鍋貼，價錢可以接受。本來寶貝想吃小籠包，但因時間關係，最後，叫了客鍋貼、一碗炸醬麵，另叫了杯檸檬薏米水給寶貝，約百餘元埋單。侍應態度友善。等了一會，食物上桌，所見即所得。炸醬麵，上湯另上，炸醬很惹味，份量足以飽肚，上湯味道清甜，應不是味精水。鍋貼，四件也足夠填飽我家寶貝，包餃手工精細，鍋貼底皮香脆而不過燶，肉饀豐盈多汁。沒有拍照的檸檬薏米水，甜度算是適中。整件事比我一直想像中為佳。會否再訪還是隨緣吧。

經常旅遊既都知其實機場食野貴是常識但都有好幾間係好出名既 價錢同出去市區食差無幾例如呢間翡翠拉麵小籠包睇MENU唔覺佢有咩特別加左價咁我地2個去旅行之前就選了呢家吃點了有口水雞例牌和紅油炒手口水雞食評：口水雞最最最正係個麻辣味處理得好好，一入口先係辣，後個麻勁衝上黎，份量唔算少，而且雞件係上脾黎，D醬汁完全係加分位，特登嗌左碗飯用佢D醬汁黎送飯，無得頂，而且D雞係比較嫩滑，加上辣得過癮，好味之選紅油炒手食評：有人喜歡吃小籠包因為佢皮薄多汁，但呢個紅油炒手同樣係皮薄多汁，好巧師傅技巧，而且不得不提係個紅油汁，辣得黎又吊到個肉味出黎，加上皮勁薄，一口一粒，成粒就係口入面溶左咁，好滿足！！呢間仲有好多唔同款式既野可以一試，不過多人先叫到，因為太少人既話食一兩碟就已經飽到冇位可以試其他！！

Needed to grab a quick dinner after landing at the airport and found the queue was quite short. This was my first time at Crystal Jade so I figured it was mandatory to try the famous dan dan noodles. I was surprised this dish had no meat but it was still enjoyable. The noodles were soft and fresh whilst the soup had a strong peanut present and was slightly spiced. No doubt would come here again should I need to fill up after landing.

見到翡翠拉麵，有員工幫忙看管行李，看似服務不錯，決定入內進食晚餐。但入座後，發覺很明顯是人手不足，舉手叫服務員一陣子才有人給餐牌。可惜，門口看管行李姐姐的服務給這店加了分，現在被樓面服務扣了分。嫩雞煨麵：分量好明顯比其他分店迷你，居然是一個普通碗盛裝著，已經連湯。麵是碎濕濕，似比小朋友吃的，雞肉、菜少許，食完剩下半碗湯，份量是多麼精緻。至於講到味道：一點雞湯味道也沒有，淡而無味，平時係其他分店食這個面，也會連湯喝，但這個湯和普通清水沒有分別。$65一個咁嘅麵實在．．．小籠包維持平日水準，尚算合格。最後一點是：茶水居然要收＄8一位，但在餐牌上找不到這項收費只好叫其他飲品，結果選了最便宜的飲品：豆漿＄18一杯，其實一點也不便宜

早機到港 食個早餐。雪菜肉絲拉麵。勁難食。賣相唔OK. 唔熱。拉麵勁少 肉絲好少 碎濕濕 雪菜完全冇味。小籠包 4粒都係一夾就爛。鮮肉鍋貼 勉強正常 個皮好厚 但至少有點肉汁。真是非常冇水準。

又是同hubby外遊的時候，今晚我們去食下小籠包做晚餐。小籠包，一籠四件，小籠包的皮十分薄，透出湯汁的顏色，一咬下去，湯汁四溢，鮮甜的湯汁夾埋肉餡的香，好好味呀！雪菜蝦仁炒飯：粒粒分明，每粒飯粒都包著旦汁，蝦仁雖不多，但爽口彈牙同鹹香的雪菜好夾。唯一缺點：唔夠熱。宋嫂魚羹：湯羹唔會太水或太稠，半透明中夾著旦白，而當中的咸火腿甘香加上薑絲的辛，味道不錯！服務方面：可能比較忙的關係，坐了良久，沒有水也沒有餐牌；水飲完也沒有人添，感覺上比市區的差。

擔擔麵醬$8 每間分店都一樣但花生醬係唔駛收費而且Menu係冇寫嘅員工巧立名目 話花生醬都係收$8我叫佢show個menu俾我睇就支吾以對話可以打落張單度員工黑口黑面 貎咀貎舌作為一間開喺機場嘅食肆有咁嘅服務態度 實在令人咋舌可能做嘢做得太辛苦？咁不如唞下 長休罷啦