翡翠拉麵小籠包

營業中

休息中

是日去機場送我好友波哥到英國進修，check in後尚有少許時間，波哥提議去不用久等的食肆食晚飯，抬頭一看，見到這間機場翡翠，波哥問我意見，我當然舉腳讚成，因為我想做boss請客, 心諗四個人在這裏進食，應該一千元有找，唔會太破費，我又可節省很多了。因時間有限，進店後隨即下單。花雕醉雞肉質尚算嫩滑，酒味亦濃。小籠包包皮畧嫌厚硬，但包內湯汁則泡制得宜，咬落亦彈牙可口。鍋貼熱度不足，煎制火喉未夠，底部未能達致畧燶效果。擔擔麵絕對是失敗之作，湯碗大而無當，麵量極少，除微量麻辣之感覺外，基本上完全感覺不到擔擔麵應有的食材存在，稱為麻辣齋麵則可，稱為擔擔麵則完全談不上。乾撈拉麵麵質尚可，味道調校祗屬一般。魚羹賣相未夠色澤悦目，魚肉尚算鮮嫩，但潤滑度不足，調味一般。糖醋魚柳賣相尚可，魚質及調味亦中規中矩，如加配青紅椒則會更悦目可口。浸莧菜材料舖排未夠用心，影響賣相。鹹蛋及皮蛋咬口尚可，但稍為過火，致令軟滑度不足。湯圓內的黑芝麻餡料流沙度不足，甜度則算控制得宜，湯圓上的花生糖粉佈排亦算平均。豆漿熱度尚足，但鮮度感覺不濃，甜度則算合意。檸檬薏米水薏米烹調時間不足，稍嫌過硬，配合一片檸檬，提高了可口度。

落機見餓，但已經成11點幾，只有幾間餐廳選擇，選了翡翠拉麵小籠包試試簡簡單單，叫左份小籠包及擔擔麵，再加杯檸檬洛神花茶上海小籠包唔知係唔係夜既關係，小籠包出來係暖的，我認為要夠熱才好食。小籠包味道還可以，不過塊皮都係略嫌厚了一點。四川擔擔麵擔擔麵辣辣地幾開胃，麵質軟硬適中，唔錯!檸檬洛神花茶(凍)食辣野配合冰涼既洛神花茶，爽!睇落去似凍檸賓，不過飲落是茶底，唔太甜，不錯!整體都不錯，如果小籠包做好D，就不失「翡翠拉麵小籠包」之名了。

機場接機大樓其實冇乜野食好揀，唔想頹頹食太興碟頭飯同何洪粉麵，所以揀間上海菜，以為特色啲好味啲。但我嘅想法大錯特錯啊。先黎個擔擔麵，個湯勁水，唔係平時食到嘅濃厚湯底，仲要冇花生醬味，口感都食唔出有花生醬嘅黏。碗面連肉碎都冇粒，只有麵，湯，同啲葱同芝麻。嗚啊，個湯嘅味道仲要有種其怪、唔應該出現嘅酸辣味同芫茜味，估唔到擔擔麵可以咁難食。小籠包就尚可啦，個皮同汁都ok嘅，但啲肉就雞雞地咁。仲有個蘿蔔絲酥餅同中國茶，等左勁耐都冇黎。明明隔離枱遲過我地嗌茶，佢地都有得飲先最尾啲野追左追至上齊，嗌左四樣野，有兩樣都漏單要催期間見店員上菜、應客人都冇乜禮貌，上隔離枱客時就咁dum低碗野就走黎到嘅時候都係熱辣辣的，算佢係即整。不過味道真係。。。中下。個酥皮都ok嘅，入面蘿蔔餡太水，又冇乜味總結係，無論服務定味道都差，可能都冇下次了。

岩岩番到香港 突然想食下中菜。但又太夜。唯有係機場食完先番屋企訓教。雖然係夜晚11點，但都仲有好多人排隊食。都等左10分鐘。我見到入面既樓面做到迷失自我。講番正題，一坐底左，我就叫左成幾日無飲既凍0T。一飲即刻好滿足。。講左太多提外話，講番佢既菜式，味道的確唔錯。但比出面貴左。感覺上有d唔抵。無計機場食野係貴d嫁啦。

落機之後即刻搵野食決定左食呢間之後諗住等位等5個位會好快但其實都等左幾耐下有10-15分鐘以上野食唔錯麵偏少價錢略貴職員嘅服務都唔錯的因為都理解多工時工作同多客人嘅辛苦

一落機諗住食番個lunch 去番平時有去的翡翠拉麵館但由經理帶位到員工服務都可以話差到無朋友香港待客服務質素真是給這間餐廳降低食物質素已經很一般，但在機場可以服務差成咁，真係大大影響香港形象!

落機又累又餓！就直接係arrival hall 搵餐廳醫飽左肚仔先😗等左一分鐘就有位了😝兩個人叫左兩個四川擔擔麵 (兩條辣椒辣度）同小籠包share!朋友加辣（姐姐話盡做😌）辣度夠既！不過麵本身太柔軟😂有點兒太軟身！可能因為我本身喜歡有咬嚼感既麵🤣🤣🤣有小小失望！大推小籠包！皮薄！爆多湯汁！原粒食！d 湯係個口到大爆發🤣🤣🤣🤣正！！！！ (小心燙口😛 或者唔小心食到成身都係湯）員工價有9折！哈

平時嘅翡翠拉麵我都幾鍾意，但係機場呢間真係唔得。價錢無辦法比較，但係碗上海湯粗麵麵質粗糙，湯得個咸字，啲椰菜好似無煮過咁好硬。好彩碗雪菜肉絲麵還可以，希望餐廳唔好做衰自己個名。

今日黎機場係送機 唔係飛屋企人係外國返黎既 所以佢地想食中式野係Terminal 1都無咩可以選擇 度度都多人我地就去食翡翠拉麵等大枱都有一定既難度呀！係繁忙時間等左起碼45分鐘先有位 企到腳仔軟坐底左即叫野食 好肚餓呀！先叫左個 蒸素菜包 花素蒸餃 上海排骨拉麵等齊人再叫左上海粗炒、四川擔擔麵、菜肉雲吞湯拉麵、麻醬青瓜拌粉皮、鮮肉鍋貼、上海小籠包素菜包同素餃 個餡都係一樣 皮厚餡靚上海排骨拉麵既排骨 炸到金黃色 肉質又好 正四川擔擔麵 好夠辣味 好岩我口味上海小籠包 又好juicy 連小妹妹一個人都食哂一籠

今日去接機有d肚餓，見好耐冇食過擔擔麵，就㨂左crystal jade, 點知中㑀得好犀利，個麵尼到我打左個突，好似汪洋中一條船，成碗水汪汪，d湯好似加d醬落滾水度，完全溝唔埋，一d花生碎都冇，花生香味更加係零，収成62蚊一碗，加埋一70蚊；我明白機場價錢會貴d，不過d野食都要合格ga; 問佢攞抔水，話要收8蚊，小家到；不過都算，招牌擔擔麵都咁唔掂，如果廚房唔夠人手，不如唔好做早餐，收得咁價錢，比d良心la唔該；crystal jade 管理階層唔該正視吓呢個問題，唔好一未掛住開分店，遅早會做壞招牌

平時都幾鍾意食翡翠拉麵小籠包，今日去到機場準備去旅行見到，於是就入去食啦。本身都預咗係機場食會貴少少，但係估唔到伏到咁。首先茶水方面，平時去開都會比杯茶或者水你飲吓。機場嗰間，一去到水都冇杯，後尾先發現原來連要杯水都要加八蚊雞。其他食物亦都比出面貴好多，一個炒飯都要成差唔多＄100。我叫左碗＄60嘅擔擔麵，正常擔擔麵最面應該點都有少少肉碎，我個碗一粒肉都冇。咁嘅價錢咁嘅份量早知食麥當勞或者譚仔好過。

叫左一個擔擔面，一個酸辣湯拉麵。個酸辣湯拉麵好食，擔擔面整錯左，唔肯同我換，所以送個負評比你地。你地服務一塌糊塗，對得大陸客多，無文化。話說一入餐廳，5點鐘無咩人，個waitress叫我地隨便坐，指住一邊卡位，甘我就坐系佢指既方向既4人台。叫完野食一陣，另外一個waitress又過黎叫我地搬去第二張台。之後我叫碗擔擔面多醬，應該系廚房睇錯左變左擔擔面分醬，我試將醬倒落面裡面，點知稀巴巴食唔到，之後叫waiter幫我換一碗，點知得到既答案系，個醬撈埋就一樣，同我講唔洗換。。。唉，如果我食到就唔會叫你換啦。。。之後我取消左個面。甘佢地就黑曬面甘，連茶都無比我地，真係好過分。食左甘多年，由一開始系尖沙咀，服務一流，到今日系機場既經驗，真系好失望!以後唔會幫襯!

下機後，近近地揀左翡翠唸住集團式食物質素應該都同其他分店一樣啦晚上9:00幾都好多人，等左10分鐘到先入到去（要讚既係幫手處理行李的姐姐，佢做得好稱職又好笑容，一見我地攞號碼之後就笑曬口叫我地過去比行李佢保管，姐姐服務態度值得一讚（當日9月28日晚上9:00左右）入到去，座位逼都算，叫阿姐落單，問佢攞茶，鬼鍊咁講左一堆野，我問佢講咩，佢先講到茶水要加8蚊每位。果然係機場食野唸盡辦法收多你錢，是但啦都要啦！點知隔離都係要茶，個姐姐即刻話沖比你，但我地等左5分鐘咩都無最後要叫先比😩😩😩😩😩😩😩咩事呀？！隔離2張檯叫野食比我地遲但早上我地都只係叫雞絲粉皮，手抓餅同堆排骨拉麵3樣咁大把！雞絲粉皮無問題正常，拉麵麵正常但個手抓餅完全完全唔鬆，感覺似炸脆左就算，一d都唔Q同鬆化，咁既質素好難食得曬最好笑係，隔離張檯叫加茶，都唔會加埋比你個下勁！樣樣都要照！咁我比加一黎做咩？仲有！埋單亦係奇慢!!!!!!!!!!完全無規章員工認真要加強培訓！

剛剛抵港，等完行李後已晚10:30點，由於搭廉航，所以實在餓得要命，但此鐘數機場選擇無多，最後選了此店，因為本人認為其質素是有保證的。看餐牌前叫店員倒水，店員說要收費，$8任飲茶/水，我想為何不干趣收茶芥加一？最後我決定不要。之後點了一客小籠包、一碗嫰雞煨麵和排骨湯麵。小籠包到來時只有微溫，肉汁亦不熱，跟其他分店的品質有很大落差！另外，嫩雞煨麵的雞肉份量稀少，味道亦有所不及，只有排骨湯麵可以接受。同時，服務態度也一般。認為在機場的店舖，無論如何是旅遊人仕出/入香港之重要體驗地，食品及服務態度要求都要嚴格一點。整體評價中下。

落機後打算同朋友食少少野，都明白拎住行李唔係好方便，唔係幾好意思，不過門口帶位小姐好好，安排我地擺喺附近，可以望到。叫咗菜之後，行李隔離嘅客人用完餐離開咗 ，我哋有禮貌咁問行過嘅經理，陣間可唔可以轉過（隔一張枱 ）去方便睇住行李，佢黑晒面咁話「執咗先啦！」，我地都嚇一嚇 。上菜姐姐之後好迷惘咁問我地邊張枱係31……唔知關唔關事轉左位事……但係枱上面根本就冇號碼，我同朋友都唔識答。平時係喺其他翡翠拉麵小籠包分店嘅服務都唔係咁嘅，可能機場差啲啦，人客旅客冇乜選擇嘛 。