21
12
3
港鐵沙田站 A3 出口, 步行約6分鐘
繼續閱讀
電話號碼
26999811
開飯介紹
餐廳以現代少鹽少油的烹調，重新演繹京、川、滬，三地特色傳統菜，選用新鮮食材，同時亦講究烹調，美食均是現場製作，以保質量。主打菜式有蘭州手工拉麵，拉麵由拉麵師傅現場即點即拉。招牌上海小籠包全鮮肉製造，皮薄餡靚。
繼續閱讀
營業時間
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
食家推介
分別去過兩間翡翠拉麵小籠包食鍋巴, 第一次就去旺角MOKO試吓牛油果鍋巴，第二次就去啟德食黑松露鍋巴，每款鍋巴組合配搭好特別，味道好味不在話下，底層鍋巴脆卜卜真係齒頰留香，牛油果鮮甜美味，鮮蝦爽脆肉滑。😉😋
繼續閱讀
我們家一向也愛吃上海菜，也是翡翠拉麵小籠包的常客。剛剛才知道一田的翡翠拉麵小籠包將會搬遷，六月底便會關門，明年才開業。所以今天便和家人一起來吃午餐。我喜歡清淡點，所以要了嫩雞煨麵。雞肉還真嫩滑，還有很多小棠菜粒。味道不錯，可惜麵條煮得太稔，有點碎散的感覺。媽媽要了菜肉雲吞湯拉麵，有很多粒雲吞呢！雲吞大粒又滑漏，拉麵彈牙有咬口。爸爸喜歡吃年糕所以叫了津白肉絲湯年糕。年糕夠煙韌，湯底清淡香甜，爸還把湯喝光了。
繼續閱讀
芝士小籠包係新出口味，比平時小籠包更多汁，肉汁既同色同平時一樣，唔會好有芝士既感覺，但咬落去時有絲絲芝士可以拉到5cm咁長,芝士唔算好多，唔會搶左小籠包既肉味，但對芝士愛好者嚟講就有點失望，因為唔夠“芝味”。 個包皮係黃色，幾可愛。酸辣米線非常惹味，味道剛好，有想一飲而盡既衝動，配料種類多，有豆腐，有木耳，有筍絲，有豬肚等，尤其鍾意滑滑豬紅。擔擔麵味道一般，不算太特別，如果更多花生醬同辣一點會更香。
繼續閱讀
點解翡翠可以食足幾年都完全食唔厭架? >v<我諗除左因為佢真係有好多款式 時不時又有限定款推出外佢每次都keep得到水準都係令人不斷回頭既重要原因! : )上海小籠包 $36 真係每一次黎都一定會叫既款式皮幾薄 肉汁真係好鮮甜!!! 豬肉總要有少少肥肉先好食 但佢整體感覺唔會油膩... 而佢鮮甜既肉汁真係好令人回味♥山東手抓餅 $30 又係另一款每次黎都會叫既款....XDD咬落煙煙靭靭 又充滿蔥香既手抓餅 外皮每次都好鬆脆當係正餐前既小食 真係好唔錯~~ : )第一次試呢度既香樁皮蛋豆腐 (原價$46, 匯豐信用卡限時優惠價$28)佢將皮蛋切成細粒狀 所以份量相對比較少 但同時亦都比較入味! 而豆腐亦切成一片片薄片, 幼滑非常!!!♥由豉油, 黑醋, 糖, 麻油等等多種醬料調製而成既濃濃醬汁自然係成個涼拌菜既精華!! 健康又好味, 絕對會想encore!都係第一次係呢度食既蘿蔔絲酥餅 $38想講既係... 蘿蔔絲既保溫程度真係好高!!!因為叫到一枱都係野食既關係... 去到後尾先有時間食呢個XD但係咬落去竟然仲係熱到出煙! 唔好睇佢細細粒一款點心...食一件其實已經好飽~ 因為炸得鬆化既酥皮底下 就係塞得滿滿既蘿蔔絲蓉~ 清甜得黎 真係好飽肚lol都係第一次試既宋嫂魚羹 $50飲落有好濃既感覺 因為落左唔少獻汁.. 不過材料就唔係太多相比起黎呢個唔算特別出色同抵食呀~脆皮春卷 $30 呢一款應該係我地幫襯過翡翠咁多次試過佢咁多款入面最差既一款T___T!佢個春卷真係純得脆皮咁濟.... 入面只係得少少椰菜絲...所以食緊件春卷時個感覺其實係覺得淨係食緊d炸皮咁.....無下次~最後我地再加多左個椒鹽排骨 $68估唔到份量會有咁多!! 雖然係酥炸 但係食落無想像中咁油膩基本上係啖啖肉! 90%都係無骨既~ 全部都無肥膏!!對於我地呢d怕肥怕油但又忍唔到口既麻煩友黎講 簡直係perfect!!!^v^!!!最後 我地其實仲叫左個每次黎都會食既雞火炒飯$76不過無影到相.... 呢個炒飯顧名思義 係用上雞肉粒同金華火腿粒, 加上蛋同蔥粒黎炒~因為雞肉本身都會有油 所以我地叫既時侯多數都會叫少油飯粒依舊粒粒分明 成個炒飯都佈滿雞粒同火腿既咸香味係我食過最出色既炒飯之一!!!♥其實呢度都有甜品供應... 不過我地4個人食左8樣野已經飽到郁唔到...XDD溫韾提示呢度假日夜晚係超爆.... 最好早d黎拎定飛如果唔係就好似我地今晚咁足足由6:30等到8:30先入得座....用餐時間係個半鐘~
繼續閱讀
禮拜日約左媽咪係屋企附近食飯，諗住食完去一田行街，就去左新城市廣場三期嘅翡翠拉麵小籠包食lunch😋🍜今日禮拜日所以比較多人，又唔記得提前係app度攞飛所以都要等左一陣先有位（大約10分鐘左右）。今日唔諗住食飯麵就主打叫小籠包同紅油抄手做主食，餸方面叫左四季豆、山東抓餅同口水雞。小籠包同四季豆稍為有D失水準同埋感覺上個豬肉係frozen嘅，所以無咩豬味。個四季豆就比較水汪汪同埋稍咸，所以之後都叫左個山東抓餅黎送送佢。紅油抄手個辣椒油就比較辣，建議如果唔食得辣就叫第樣好D。口水雞D辣油係麻辣嘅，食完個嘴唇少少嘛，不過可以接受👍🏻最後叫左個甜品：湯丸🍡，2個湯丸好大粒，一人食一粒就夠了！😂湯丸我覺得一般般，個湯丸好食但個湯比較淡，無咩姜味。總括黎講呢餐最好食嘅係紅油抄手、口水雞同山東抓餅。服務質數好，D服務員態度友善、落單同嘢食都黎得快、環境乾淨夠光。希望佢地嘅小籠包可以做得好D👍🏻😊
繼續閱讀