翡翠拉麵小籠包

營業中

休息中

普通人去食樓面阿姐都睇你唔起，比錢仲要比樓面啲阿姐藐，午市去食得嗰幾張枱啲阿姐仲趕頭趕命咁唔想理你，人又蠢又唔肯嘥時間聽客講嘢，整錯咗就算投訴上客服都冇人理你，啲阿姐整錯我西西面臨走佢仲藐我一眼，我原先都打定輸數投訴上去，點知投訴上去就淨係同我道歉話會加強培訓喎鬼信你咩？你有冇培訓我都唔知啦，仲要我比完錢俾啲樓面阿姐咁嘅態度對待，仲要人比服務費，點諗都覺得蝕啦，食都唔好揀堂食，樓面啲態度太差，仲要投訴都冇用

出街食晚飯，諗黎諗去都唔知食咩好，決定又去翡翠拉麵小籠包食🤣當日等左一陣就入得，我地2個人叫左4樣野食，分別係小籠包，炸子雞，蔥爆牛肉同蔥油拌麵首先小籠包，一如既往咁好食，個皮唔會話好易穿，好多汁，又夠熱，好味👍🏻然後係炸子雞，佢係孖寶入面既，星期一至四好似$188就有兩個餸，炸子雞幾好食，估唔到喎👍🏻再黎係蔥爆牛肉，都係孖寶黎既，不過我覺得牛肉份量有啲小，好似食幾舊就冇晒咁🤣最後係蔥油拌麵，唔知今次係米整定放太耐，上到枱硬晒，唔知食緊啲咩，夾都夾唔開總結今次我覺得唔太好食🥹有好幾樣野都冇平時咁好食，有機會再翻去試下

出街食晚飯，諗黎諗去都唔知食咩好，決定又去翡翠拉麵小籠包食🤣當日等左一陣就入得，我地2個人叫左5樣野食，分別係小籠包，鍋貼，酸菜魚，獅子頭同炒飯首先小籠包，一如既往咁好食，個皮唔會話好易穿，好多汁，又夠熱，好味👍🏻然後係鍋貼，今次凍左小小，食落冇之前咁好食，個皮都唔夠脆🥲再黎係酸菜魚，今次叫左小辣，上次太辣頂唔順，但係感覺冇小辣到🤣冇乜魚味，淨係食到辣🤣🤣然後係獅子頭，咁岩見到佢可以用$49加配，就試試佢啦，我個人覺得冇出面既咁好食，佢就似2粒大豬肉丸咁，冇特別最後係炒飯，好似叫干貝炒飯？唔記得個名啦🤣正正常常一個炒飯啦冇特別，我個人覺得唔太夠味，可能我自己本身鍾意啲重口味小小既野🤣總結今次我覺得唔太好食🥹有好幾樣野都冇平時咁好食，有機會再翻去試下

初搬入元朗，唔知有咩好食，行形點經過見到翡翠拉麵小籠包，諗住連鎖餐廳實冇死，就決定食佢當日等左一陣就入得,我地2個人叫左6樣野食,分別係小籠包，鍋貼，醉雞，炒飯同蔥油拌麵首先小籠包，個皮唔會話好易穿，好多汁，又夠熱，好味👍🏻然後係鍋貼，個皮都夠脆，入面都多汁，仲好夠熱👍🏻讚再黎係醉雞，我個人唔太鍾意，覺得太重酒味了，重到有啲苦，下次唔會叫然後係炒飯，好似叫干貝炒飯？唔記得個名🤣正正常常一個炒飯啦冇特別，我個人覺得唔太夠味，可能我自己本身鍾意啲重口味小小既野食🙈最後係蔥油拌麵，好食，唔會話太咸太淡，我個人覺得岩岩好👍🏻又唔會話好油

親戚返咗香港想食上海野，所以揀咗翡翠拉麵小籠包，這間好久沒有去。食物質素依舊美味😋調味恰到好處不會過鹹及油膩。上海小籠包，鮮肉內餡有滋味濃郁嘅湯汁，湯汁清澈，不會過於油膩。鮮肉鍋貼🥟肉質鮮嫩多汁上海生煎包及蘿蔔絲酥餅一般。炸醬拉麵有鹹香及微辣的味道，麵條有彈性。上海排骨拉麵，排骨炸得剛剛好，不會太多粉漿，排骨金黃香脆，肉質唔黐牙，仍然保留肉汁。兩杯飲品味道一般，一杯是苦瓜味道。另一杯是芒果味🥭，但不是新鮮芒果榨汁，似係一些濃縮飲品溝水。

去到要等一陣位，不過都好快就可以入座，如果想食上海嘢，通常都會嚟呢間，多分店好方便😉涼菜拼盤，一次可以試晒三種菜式，最鍾意鎮江骨👍🏻酸酸甜甜好味道牛肉拉麵牛肉份量都唔少，湯底亦都夠味道，小朋友好鍾意食😆招牌小籠包入邊有滿滿湯汁，好味道，不過好容易穿🤣柚子蝦球🦐蝦球好彈牙，配上酸酸甜甜柚子汁好開胃奶油津白因為好想食菜，所以叫咗呢碟奶油津白，奶油醬汁令到娃娃菜顯得更加鮮甜酒釀小丸子呢道菜比較普通，因為小丸子比較少，而且太腍🥺

年三十晚食呢間，六點周圍都攞唔到位，得呢間有飛等位。我地三個人叫咗上海小籠包$45味道唔錯，湯汁都多，皮厚度正常招牌擔擔麵$68大碗份量算多、湯底濃厚，雖然有兩隻辣椒提示，但食落唔算辣、都有少少麻醬味，幾有風味砂窩雲吞雞（6人份量）$228雲吞有概有八至十粒，有半隻雞，雞髀位置肉質較嫩，金華火腿雞湯底，其實三個人都夠食。後尾叫咗個鍋貼$42，服務員好好建議我哋埋單當外賣叫，咁可以慳返個+1服務費👍🏻

係商場二樓，位置容易搵，平日晚餐時段唔需要排隊，直接入座兩個人落單二人套餐，信用卡有discount。任選三款前菜，幾款都唔錯，甜酸骨好開胃！蝦球非常之一般，酸酸甜甜嘅味道有d奇怪，食得唔係好慣，我地覺得唔係幾好味。都係雲吞湯啱食，雲吞食曬，湯都飲埋～仲有酒釀丸子，好鍾意哩道菜！白菜都唔錯，中規中矩。套餐裡面仲有一杯豆漿。如果唔想用QR code落單，可以叫人寫野，環境光猛，斟茶及時，服務態度ok的

因為就係屋企樓下商場 所以多次幫襯 用餐環境好舒服，啲嘢食keep住高質素。最扺贊嘅係服務，每次去 個個侍應都好有禮貌同親切友善，仲好有耐心俾客人任揀座位，每個侍應 無論上菜嘅、執枱嘅定係收銀嘅都會講「多謝」

好久沒来翡翠拉麵小笼包吃嘢了，今日老公放假一起去逛街吃东西，我們点了上海粗炒.陳醋雲耳.上海燻鱼.红油炒手，样样都好吃，我最锺意吃的是陳醋雲耳好够酸入味好开胃，还有女侍应服務好好，

今天晚上7時用openrich先訂了2位翡翠拉麵小籠包吃飯，叫了小籠包，宋嫂魚羹及其他食品，總體食品達標，但筷子太不潔？環境也好，食品也很快送到，最後往櫃台付費時，太慢了。需改善。

屋企人係上海人，所以食飯就揀左上海菜黎食前菜就有涼拌青瓜，媽媽最中意食！而本身自己都好中意食咕嚕肉，去到邊有呢個餸都想叫黎送飯 呢度啲咕嚕肉唔錯，酸甜都幾好 唔會非常淋身！

星期五夜晚收工去YOHO食飯見到咁多人排隊就決定食 但係體驗極差 張枱唔平 紙巾有酸臭未 奶油津白有wasabi味，職員話係草青味唔係wasabi味…蔥爆牛肉啲牛肉醃到仲嫩過沙嗲牛肉啲牛肉，完全冇牛肉味，乾扁四季豆食落似食日本野，陣味真係好神奇，酒釀丸子叫左3次一共15分鐘先上，又冇桂花味，成個場勁熱好似冇冷氣咁，其實點解依家香港人嘅要求可以咁低？睇住啲人仲要食得好滋味真係唔知發生緊咩事…兩個人原本套餐380蚊加一加茶位變450蚊埋單…

同朋友行Yoho Mall攰攰地，求求搵個地方坐下抖下，就腳入咗呢間翡翠拉麵小籠包。叫咗招牌擔擔麵($68)、鮮肉窩貼($50)、蘿蔔絲酥餅($45)、菜肉雲吞湯($60)、高力豆沙($58)、桂花酒釀丸子($35) ，賣相企理精緻，味道平平無奇，無讚也無彈；最好食係鮮肉窩貼，餡料多，調味適中，外皮夠熱唔會太燶；全部食物份量偏小🙃被安排坐卡位，都算闊落舒服，可惜樓面人手唔係好夠，叫人幫手做嘢唔容易😅

約咗個多年無見嘅朋友，因為佢在國外生活，所以梗係要去搵中菜食，始終喺外國，很難搵到好嘅中菜餐廳，因為好多酒樓都無位，所以最後去咗翡翠拉麵小籠包。我哋叫咗小籠包、蘿蔔酥及小食拼盤（鎮江肴肉、甜醋茄子、雞絲粉皮同川辣皮蛋豆腐）。小籠包皮薄多汁，今餐最好食的！上湯好有鮮味，肉香嫩滑，點上香醋更滋味，味道更有層次。蘿蔔酥就比較失望，酥脆感係有的，不過油味較重，調味比較寡，蘿蔔份量奇少，味道淡，唔清甜。小食拼盤中特別鍾意甜醋茄子，味道酸甜開胃。鎮江肴肉都唔錯，達標。但雞絲粉皮嘅粉皮則太厚同唔夠煙韌。整體嚟講都自唔錯，不過略嫌有少少貴。