翡翠冰室

呢個舖位前身係由細食到大嘅蘭香園，所以一踏入呢個舖位迎面感覺係無限唏噓。標準早餐沙嗲牛麵炒蛋多士熱奶茶少奶，碗麵上枱第一感覺係，嘩，做乜咁多湯呀？！沙爹牛汁和開基本上已經係淡曬，牛肉觀感係碎牛，不過夾起，咦？都尚算完整喎。入口軟硬適中有咬勁，亦都有辣味不過沙嗲味就真係少，可能都係因為太多湯啦。麵身偏硬唔淋，鍾意爽麵嘅朋友應該會like.成碗麵整體算係中品，要湯嘅比例少番先可以食到佢沙牛既真面目。炒蛋多士份量非常之足, 呢個要不過個奶茶嘅茶味就比較淡…查看更多

前身係蘭香園，由細食到大，到轉左尼間翡翠，開鋪我覺得都ok架，但都係愈做愈差，d人態度差，見到當見唔到，又落錯單，落漏單，又唔識落單都有都常見，味道又上上落落有時會咸得滯，又有時會淡得滯，搞唔掂😂今日叫下佢地寫住招牌黃金厚西多，咁餐牌又冇wo，咪問員工咩價錢，員工：咪上面上粉咩咩咩…我打斷地問幾錢，先講：咪同果個差唔多價（指住翡翠奶華西多士），咁咪要啦，落左2個餐冇落西多士，叫佢落返啦，咁好啦出到尼同個圖樣唔同咪問一問，佢地員工話係佢黎，咁算啦照食，但係好難食又話招牌，連個邊都唔脆，睇到塊包好似浸到變成雞蛋方包😂我自己整仲好食，好肯定既就係唔會再叫佢地黎食…查看更多

琴日叫熱奶茶 入口鞋到唔知點形容 個底仲要有茶葉係度 普通茶餐廳水準既奶茶都達唔到😠之前仲要比我見到佢地整跌外賣熱飲杯蓋執返起扮冇嘢 有幾個人見到叫佢唔要咋 唔係既話大家一齊飲病毒落肚架喇今日叫鮮什菌牛肉湯飯加凍飲 送到上黎冇嘢飲都算 外賣姐姐收完錢即走 入到去打開hi比個鮮茄湯我仲要冇白飯 我50蚊飲碗番茄湯??打翻落去問兩次 兩次都cut我線🤬聽電話個個真係好冇禮貌解釋又冇😡道歉又冇😡比錢仲要搞到谷鬼氣😡不推薦任何人再去食…查看更多

早幾日lunch time經過呢間冰室，見到門口既早餐menu幾抵同好有彈性，腸仔火腿雞蛋煙肉餐肉可以任轉，跟餐多士轉奶油同奶醬多都唔駛加錢👍就決定搵日返工前過黎試下～我叫左沙爹牛米配煎蛋同奶油多，熱齋啡～米粉比較粗身，份量超多！沙爹牛個汁幾濃郁，帶少少辣，味道唔差，但啲牛就有點韌～煎蛋俾左兩隻，面頭有啲胡椒，水準正常～奶油多係厚身既，外層幾脆，不過煉奶搽得有點hea，係晒中間所以好多流左落個碟度 (雖然我都明白唔多餐廳真係平均咁搽，so far我心目中只係得兩間🙈)齋啡味道偏酸，亦唔太香咖啡味，都幾一般般估唔到佢開係呢個位置平日8點零都keep住全場坐滿人😅 但係幾抵同多選擇，食多幾次都唔會厭，可以一試～(btw茶餐廳嚟講呢度服務都幾好幾有禮貌又唔會催你，抵讚👍)…查看更多