翡翠一品 (已結業)

大街食guide大街自從有地鐵利東站後，就成為左一條有好多特色食店既食街。所以勞蘇食都特意開左個系列去食盡小店。翡翠一品主打精品點心，有少少特別既店入面唔大但幾企理而帶少少中式味道既，點心款式都唔少，亦有套餐可選擇，價錢就要睇下食物質先知值唔值喇先試三樣最吸引既，一品蝦餃皇，大小適中，皮就唔厚唔薄咁啦，味道正常，蝦味ok而同筍味都夾既就未去到話皇咁啦，但都不錯既，蟹籽燒賣皇，賣相幾好，味道比蝦餃更好但就無咁蝦既，口感都幾滑，算係幾好食既一個點心蟹籽小籠包，用錫紙係低包住幾得意既，皮唔太薄，味道唔差，湯汁都有，肉就唔太香而未算係好滿足啊個種feel食下無壞虫草花滑雞飯，所謂滑雞實在太細同唔滑，但雞汁同雞味入晒飯度雞汁加雲耳加虫草花撈埋飯食幾唔錯食完一啖有想再食第二啖既感覺醬皇蒸鳳爪，中規中矩，味道偏甜，ok既，最後既流沙奶黃包其實係唔流既，其實個包本身ok但期望佢流而無流有啲失望，叫返奶黃包會更好總括黎講味道係不錯既，服務態度較家庭式都幾親切，唔算好有特式或者好精品，不過都算抵食繼續支持小店#啲優惠餐如果啱食係幾抵#西環好似有分店仲算唔算小店

其實好鍾意去飲茶，不過次次飲就係都要叫一大班人先可以叫到好多嘢食。但係之前同事就介紹咗呢一間畀我。今日突然間想同同事去食點心，我哋就去左鴨脷洲利東站，呢一間翡翠一品，點心我地嗌咗一個飯四個點心。 叫分別係鳳爪排骨飯，鹹水角，小籠包，鮮竹卷，同埋牛肉腸。佢一個套餐大約係50蚊左右，其實都幾抵食。其實我哋可以嗌少一個點心都夠食，點心d 質素亦都拍得住酒樓水準，但係價錢就平好多，我之後都會介紹同事去呢間食。平靚正呀。

南區最快靚快又平嘅點心🥡 水滾茶靚☕️平時飲開茶都知有啲茶樓壺茶真係唔好飲又或者翻沖到無味😣每次嚟都客似雲來，但就算係咁都快過係酒樓飲茶好多。佢哋除咗單叫點心之外，都有套餐叫。例如蒸飯四款揀一款，再配兩個點心都係$55計返真係抵食😋燒賣好新鮮，蝦有鮮味一啲都唔會霉🦐炒米粉乾身👍🏻鮮竹卷個汁唔會太過濃稠，啱啱好！叉燒包餡唔係太肥，半肥瘦啱啱好！雞扎舊雞永遠嗰個都爭住食😂難得嘅係腐竹唔係炸到勁深色哎隻叉燒腸😍夠哂滑

中午放飯嘅時候，自己一個人去咗公司附近嘅翡翠一品嘆点心，先係一壼靚水仙茶，跟住叫咗一個肉餅飯，燒賣同小籠包，肉餅飯都好多，啲點心係即叫即蒸，夠哂新鮮，嘆完一盅兩件先返工，繼續博殺。

一品蒸飯套餐四選一，我選了鳳爪排骨飯。B 餐三寶選點心二款 $55，我選了蠔油鮮竹卷同鮮蝦炸雲吞，茗茶每位六元。點心紙上寫點心即叫即蒸需時15 分鐘，我就是最喜歡新鮮熱辣辣出爐的食物 ，先到的是鳳爪排骨飯，有2 隻鳳爪同好多粒排骨，個飯唔會太淋，係一粒粒，好味。鮮蝦炸雲吞配上甜酸醬，好脆口，可惜味道就一般了，因為炸得燶左d，入口都有燶燶地味。而蠔油鮮竹卷都麻麻地，裡面好多配料，可惜咸左d，同埋蒸得太耐喇，少少淋。

今日去左大街食點心，早上唔洗等位，野食仲好味過酒樓，仲要全日免收加一服務費，茗茶每位$6，想食點心呢到都係一個好選擇。一品蒸飯套餐，三寶選點心二款，鳳爪排骨飯，鮮蝦炸雲吞，山竹牛肉球 $55都算抵啊。所有點心即叫即蒸，好熱出晒煙。鳳爪排骨飯，有2隻鳳爪、幾粒排骨，個飯軟硬度適中，不錯。山竹牛肉球加喼汁令味道提升。鮮蝦炸雲呑好脆卜卜，裡肉有蝦肉，再沾酸甜汁。另外仲左只有星期六、日、公眾假期先有既叉燒餐包，趁今天係星期六當就要叫黎試下，好好味，個包好熱鬆軟，係個叉燒餡甜左少少。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

今天的午餐是和同事到鴨脷洲大街的翡翠一品吃點心。因為這區沒有大酒樓，住在這區的街坊和在附近工作的人想吃點心的都會湧來，所以午飯時段，這裡是非常熱鬧的。店子雖然少，但是點心的種類非常多，更提供套餐優惠，幾個人來，便可以吃得多款一點經濟一點。我們點了很多點心，包括叉燒腸、炸春卷、叉燒包、燒賣、蝦餃、炸雲吞、小籠包、千層糕、鮮竹卷和鳳爪排骨飯。每款點心的大小，比一般酒家提供的大一點，至於味道方面，絕對勝過一般酒樓。我至鍾意吃的是他們的炸春卷和炸雲吞，又熱又脆，好好味。

特別原因黎到呢區，肚餓就要醫肚，見到有間食點心飮茶，門面望落乾浄環境吳錯，入去試下，見到好多套餐幾抵食，吳食得甘多嘢既我，叫個輕量D既食物😊鐵覌音———茶夠香，水夠滾👍豬骨蠔豉菜乾粥——足料蠔豉豬骨菜乾，粥夠滾，煲得又夠綿又夠甜👍鼓汁鳳爪——-夠味又不會過咸，即叫即蒸熱辣辣😋見到隔離枱D蝦餃燒賣又大粒，又靚，望見好想死，下次有機會再去食其他點心😋座位都坐到幾舒服，服務亦算吳錯😃😃😃

經過小店，見環境不錯價錢又合理便進店一試。我們二人點了蝦餃、鳳爪排骨飯、鮮蝦炸春卷及布拉腸粉，4樣食物味道都很不錯！蝦餃很大粒，蝦肉鮮甜，餃皮有小許太林，但整體味道很好！鳳爪排骨飯足料，排骨鳳爪都很入味原先以為布拉腸粉是蒸櫃腸粉有蛋和肉那種，所以一上碟時很失望。怎料腸粉出奇地滑，配上豉油及甜醬花生醬，好正！最後蝦春卷忘記了拍照，但亦很推介！今次所點我4樣食物水準都很高，熱辣辣味道好，價錢一共110多元，價錢合理，食物比平日的茶樓好多了！推介！

今日去開香港仔，順便搭船去鴨脷洲大街食午飯。心血來潮想食點心，一個人又無人陪，我就去左這間食店食點心。食店食物款式尚多，但整體而言，食物價錢比較貴。因為環境較逼，坐位不夠舒服，食物品質又只是一般般。但我支持佢繼續營業，服務街坊。燒賣好味，但唔夠肥，我鍾意肥仔 鳳爪入味，肉質鬆口，係辣小小。牛肉質素高，沒有過度氽水，保留牛肉味道。食店服務附近街坊，唔洗公公婆婆周圍去搵茶樓食點心。雖然價性比低，但我支持這間點心店。

同屋企人揾地方食晚餐~俾我地發現到呢間店有得飲夜茶即刻入去食多人一齊食可以揀套餐仲抵食鳳爪排骨飯虫草花滑雞飯飯既份量同軟硬度適中 雞件肉質嫩滑 排骨同鳳爪整得入味原隻鮮蝦腸粉皮唔會厚身鮮蝦好爽口白滑布拉腸腸粉口感好滑身翡翠滑雞扎餡料有火腿、冬菇、雞肉、魚肚，估唔到入面仲有鮑片 原籠蒸黃金糕 岩岩岀爐熱辣辣 食落口好煙韌幾香口蟹籽小籠包 樣貌同平時食開既唔同 餡料好多肉汁 一品蝦餃皇餡料有滿滿蝦肉好有咬口咖喱蒸土魷 魷魚幾爽口咖喱味道濃郁，仲有啲烏冬係底但有點油流沙奶皇包包外層鬆軟要趁熱食即刻搣開入面既奶黃餡料爆曬岀黎味道甜甜的

今日同事約中午飲茶，我咁為食一定贊成，我哋商量後一致決定去鴨脷洲大街嘅(翡翠一品)飲茶，呢間鋪面細細地，但係啲食物都有啲質素，價錢又實惠，每到食飯時間都坐滿人，所以我哋都要早少少去攞位。我哋一坐低，就攞起點心紙畫低飲茶一定叫嘅幾樣嘢，例如有蟹籽燒賣王，蜜汁叉燒包，山竹牛肉球等等。過一陣一籠籠熱辣辣嘅點心就放咗系我哋眼前。實在太多人等位啦，所以我哋都好快食完跟住又要繼續返去開工。

有晚無啦啦經過見到竟然有間點心就見未食飯就入咗去諗住試下當時門口已經企咗幾個人似係等外賣入面未坐滿但都有唔少客人直接行入去即刻有位牛肉腸粉好滑我本人好少食燒賣，但佢令我食完一粒又再食多粒佢咬落唔似出面嘅粗製濫造，我好怕咬得到一舊舊嘅肥豬肉，但佢一啲都冇呢個問題好味叉燒包不錯小籠包可能怕穿所以皮唔薄，但都係穿最後係我細個好鍾意嘅黃金糕，平時出面都係煎，但食完呢度嘅蒸之後，有點返唔到轉頭愛上了！其實見到負平，好想為呢間小店平反下佢嘅腸粉真係好好食好滑！好耐冇食過咁滑嘅腸胃我之後一得閒經過我都會去食佢

心血來潮想食流沙奶皇包,經過見到$19蚊三個，算係市價，滿心歡喜。一個點心等三個字，算。等完個個流沙奶皇包唔流沙不特止，仲要好唔新鮮！變到一粒粒又唔好食，blacklist!要打兩百字先可以比評分，決定寫晒整個細節！咬落去個奶皇包唔軟，失敗！啲奶皇餡無［沙］，啱啱整好仲要唔夠熱，等足三個字可以整到咁，我去買雪藏整返好都快過你，好食過你！從未係openrice打食評，一打就要打到咁差，仲諗住下次試佢其他點心，不了！

母親節諗唔到食咩，諗起大街有間點心新開，就一於去試下新野，點知鋪頭本身好細間，7點去到都要排隊，等兩張檯都等左差不多20分鐘先可以入座，估唔到新店都要排咁耐。點心不過不失，比較得意係見到有排骨蒸烏冬，係其他點心店都無見過，算係幾創新，意外地烏冬蒸完唔會成PAT野，反而吸左排骨味仲好食，呢個可以一試。其他點心都正常啦，以呢個價錢有呢個質素都差不多，鳳爪煮得夠軟夠入味，不過有少少辣；可惜奶黃包唔夠流心，扣少少分，但入面有一舊鹹蛋黃，所以都叫可以試下既。