翠麗餐廳 (已結業)

翠麗的早餐一直都係吾錯由佢開業到現在如果我想食早餐都一定會選佢我特別喜歡佢個番茄湯通粉（以前有牛腩）今次屋企人幫我買外賣多士同蛋就一貫水準但碗通粉一打開就稀稀的味道係咸同辣但就冇咩鮮味感覺就好似不斷加水再加其他調味料撈埋一齊咁希望下次會好點…查看更多

今日出太子整嘢，經過呢位於太子地鐵站附近嘅餐廳，入去食個tea。兩公婆叫左炸脾薯條同奶油脆豬。平時甜嘢我麻麻地，但今次個脆豬真係好食。炸脾生炸嘅，有肉汁，都幾精神，下次再經過，我會encore奶油脆豬…查看更多

餐廳位置鄰近太子警察遊樂會， 今天試試下午茶， 點了炸雞髀薯條餐和奶油脆豬餐， 薯條鬆脆雞髀大大件，很好，至於奶油脆豬，嘩，簡直脆到不得了，如果再大個一點更好，價錢平民，三十來元。…查看更多

之前食過覺得好味，所以星期六放飯就同同事encore，但今次食落好似質素差左😢😢冇之前咁好味今次叫左個瑞士汁乾炒牛河（$48）跟餐有野飲（冷熱同價）個乾炒牛河有啲油，賣相一般，同埋河粉炒到好散，搞到好難夾😵😵😵仲要冇咩鑊氣，陰功😑食到一半，已經唔係幾想再食🤦🏻‍♀️🤦🏻‍♀️🤦🏻‍♀️覺得好似浪費左啲食物咁😭😭😭😭😭同埋之前個餐明明會跟湯，但依加外賣佢就冇俾，sosad，搞到冇咁抵🙈🙈…查看更多

呢日原本想去平日食開既食店，不過經開呢間茶餐廳，見未曾幫襯過，所以就入左去食下午茶餐，下午茶餐都算多選擇。在花多眼亂之下，就點左乾炒牛河($33)，不過有d中伏，碟牛河油到不得了，河粉算係幾滑下，牛肉得幾舊，每啖河粉都充滿油一樣，仲有碟河粉份量好細，唔夠飽😖😖…查看更多

💁🏻‍♀️翠麗餐廳 (深水埗)🍴-近排跟同事發現咗公司附近有間高質茶餐廳，平時我哋會食開中餐，但今日發現佢加咗西餐餐牌，所以就試吓，都算交到功課啵🤔-西餐：煎雞排意粉配蒜蓉汁，加芝士腸煎蛋（$44）🍖🍝/呢間餐廳值得一讚嘅係非常之有效率，有落單到拎餐15分鐘都唔使，而且佢外賣嘅盒唔係啲好cheap嘅膠盒，係好厚身果啲。/講返盒意粉先，分量來講非常之適合你整成唔會太多唔會太少，雞扒煎得好香脆亦都好厚實，十分足料，意粉嘅硬度亦都適中，唔會太淋，而且所有餐仲會跟湯跟嘢飲，咁嘅價錢去邊度搵，絕對值得encore，係打工仔嘅恩物。/📍 翠麗餐廳 (深水埗)#深水埗 大埔道18號地下#小丸子搵食記 #小丸子深水埗…查看更多

近來轉左工 最緊要嘅當然係搵下果頭有冇咩平靚正 慰勞下作為打工仔嘅自己試左一排都好絕望 之後就決定同同事行遠啲 搵到呢間茶餐廳 叫左個外賣 從始就番吾到轉頭了🙈 每個星期都要食佢叫外賣最驚就係要等得耐 而呢間平均五分鐘內就到手可以出發番工司慢慢食 至於野食嘅味道都吾錯 簡直係抵食夾大件 餸同飯嘅份量都好多 基本上係食吾晒的 呢度上圖嘅係肉碎茄子 個汁吾太咸 肉碎好腍 茄子勁多 作為一個茄子控嘅我當然係好滿意 另外仲有紅燒豆腐 吾油膩 冇索到成舊豆腐都係油另一方面要讚嘅係例湯 通常餐廳都做得好hea 但呢間飲得出冇溝到水之餘仲幾足料 食到好多合掌瓜同豬骨不過盒白飯就略嫌太多 通常女仔都吾會食得晒 建議叫佢少飯 避免浪費45至55一個午餐 有呢個質素 好滿意了…查看更多

今天起身諗住去翠麗食早餐，因為知道佢餐牌上寫住早餐係収11:30。咁我就好匆忙咁由屋企跑過去啦，我手機係跟正常時間，無任何較早或遲嘅好正常既一件事。咁我手機係11:29而翠麗呢間餐廳裏面係有個掛鐘，掛鐘顯示剛剛是11:30，咁應該仲有早餐啦，我就即刻問個収銀職員，佢就望一望佢収銀入面個位個打卡機個鐘，而呢部打卡機鐘就只有係翠麗返工嘅員工先知係邊個位置，正常去茶記食嘢都唔會突凳去揾人地返工部打卡機嘅鐘係邊。佢個打卡鐘根本就係較快咗成3分鐘，呢個返工嘅鐘本新for翠麗的員工係對我嚟講係無問題嘅，唔關我事。但係呢個収銀員就安咗佢呢個遲咗3分鐘嘅機同我講遲咗11:30無早餐，仲要用好差嘅態度講係跟佢員工打卡鐘㗎啦⋯⋯好懷疑佢餐廳入面個掛鐘係掛嚟俾邊個睇？定話純屬用作擺設而唔當作為一個時鐘呢？其實個収銀行員可以答：已經截咗單，講聲唔好意思，咁就ok啦！點解佢俾客人嘅答案個時間係跟佢地個員工打卡鐘呢？而只有佢自己或其他員工先知個打卡鐘放係邊！？ 我相信如果每個食客聽到呢番說話都會令人非常反感，我係度寫咁大段字都係想呢間翠麗餐廳能夠改善一下。Thanks !…查看更多

收早得黎又過左lunch時間，所以黎個下午茶。呢間翠麗有幾款懷舊菜，不過平時黎都係食茶餐廳最常嘅茶餐多。今次黎個下午茶，叫左個炸魚，配沙律，加飲品。魚柳因為真係即炸嘅，所以都夠脆身。，而且佢個米粉唔算太厚，加沙律醬同食，絕配。而沙律方面，係以前舊式茶餐廳嘅沙律，有生果，有紅腰豆同雜果，而最好嘅，佢唔係另一款只舊式茶餐有嘅紅腰豆，紅蘿蔔同薯仔，個款都有特色，但太飽，呢個無薯仔，其實作為下午茶就啱啱好。 不過 個價錢就要$32，我就覺得貴左少少囉…查看更多

五點幾嚟到，樓上坐滿晒，原來下面仲有一層😱嘢食好多選擇，有下午之餘，佢午餐做到6點，不少小菜都係$42, 好抵👍🏻👍🏻👍🏻👍🏻由於我哋都幾餓，怕下午茶細份唔夠，大家都咗午餐，得一個朋友叫下午茶嘅炒飯。嚟到大家都幾滿意食物，下午茶嘅炒飯都好足分量，朋友仲食唔晒添。茶餐廳來講佢都算幾乾淨，侍應都好友善，好有禮貌，我哋諗左好耐先叫嘢食，都完全冇催我哋。又主動話俾我哋知Wi-Fi密碼！下午一定會再嚟，抵食啊👍🏻…查看更多

終於搬完新屋, 攰到兩條腿無晒感覺, 求其落街點指兵兵擇一間餐廳衝入去醫下個胃, 最近呢間翠麗餐廳, 六個人點左六個餸薑葱霸王雞.......上枱時薑絲葱絲超多, 雞肉嫩滑, 夠晒熱辣辣, 豉油加葱油淋上面野味又唔太咸, 好食菠蘿生炒骨.......原本以為有咕嚕肉, 但佢地無, 唯有有骨落地, 生炒骨外脆內軟, 肉質鬆化, 無乸喉嘅感覺, 即係無太多鬆肉粉, 配埋酸甜度剛剛好嘅汁, 送飯首選黑椒薯仔牛柳粒...牛柳粒超多, 薯仔夠淋夠入味, 甜甜地帶有黑椒味,感覺一樣棒, 唯獨牛柳粒有幾粒近筋位, 有少少痴牙咖喱牛筋腩煲...牛筋牛腩唔太大舊已經加分不少, 我最驚係D牛腩又大舊又UN, 佢地整嗰D牛腩牛筋好淋身, 份量超多, 上枱開蓋時仲滾緊, 一個字...正金菇瑤柱扒時蔬.....我唔食金菇嘅, 所以品評唔到黃金大蝦球........12隻大蝦球...無錯, 係12隻大蝦球, 呢碟餸只係幾十蚊, 我真係唔知點講, 抵到爛, 隻隻蝦都超大隻, 熱辣辣時咸蛋王味超濃, 無言每人有湯, 有飯, 有飯品, 有糖水, 埋單只係5舊水, 地方乾淨光猛, 服務友善態度好…查看更多

其實嘢食味道唔錯，但價錢比較貴。不過今次唔係評食物，係評服務！堂食，外賣自取，外賣都試過，今次想講吓外賣嘅服務。外賣員服務都幾差，叫兩個餐幾廿蚊又鞋口鞋面，叫七，八個餐差不多四百蚊都係鞋口鞋面，宜家我得罪你？真心，附近大把餐廳，唔係你獨市架囉。…查看更多

是日的周未，在太子附近，於是一行５人在附近食個便飯。這間翠華開左個幾兩個月，於是就入去試下。我地各叫一餸，然後一齊食火腩豆腐的味道唔夠出，淡左d咕嚕肉唔錯椒鹽豬扒比預期中好吃，豬扒有炸過，脆脆的加上椒鹽，好有風味魚香茄子碎肉同茄子炒得岩岩好，好吃！仲有一碟菜，不過無影到，但總括，lunch 齊齊share食，又溫馨又好味不過坐系地下個層，冷氣太勁，有d凍，令餸菜都好快涼…查看更多

前日去完高登電腦節，身體疲倦不堪，拿拿聲上網揾度地方放低戰利品兼食埋晚飯，揾到一間叫翠麗餐廳好似好多好評，兼話距離深水埗地鐵一分鐘路程，點知原來間餐廳响深水埗尾（近太子），原來太子地鐵站一分鐘路程至真，可能印錯掛，耗盡腳骨力之餘好彩間餐廳唔錯啫，地方光猛整潔，食品種類夠哂多，我亳不考慮地就揀左佢地嘅鐵板西冷牛扒餐，牛扒大大塊又夠厚，有肉味兼有咬口，蒜茸汁好好味，有埋沙律，白飯同飲品，食完飽到上心口，價錢唔貴，埋單只係幾十蚊，確實抵食。…查看更多

睇完無線（區區開伙）介紹呢間餐廳後，第二日即刻訂枱試下，雖然位置唔多就腳，但揸車嘅我附近比較多咪錶位，所以無乜問題。去到門口大約一点鐘，慣常食飯時間，門口比較多人，要等位，見到鋪內座位不多，大約等左10分鐘就可入座。一家四口，點左四款午餐，焗鮮茄磨菇豬扒飯，西芹雞柳，椰菜回鍋肉同瑞士汁乾炒牛河。焗鮮磨菇豬扒飯………………上枱時令我震驚，份量之大我諗兩個人食都夠，只係50蚊，抵到震。鮮茄入口融化，焗到透晒，正！豬扒質感軟硬恰到好處，有咬口，兼且好貼心地上枱時已經幫我將豬扒斬件，加分，最重要係夠熱辣辣，真係feel到响焗爐剛剛出爐，飯面有少少焦燶現象。西芹雞柳……………………西芹有少少淋，可能煮過籠，但雞柳味道一流，肉味非常足夠，有埋白飯同凍飲只係42蚊，咁平究竟有無錢賺架？真心覺得生意難做！椰菜回鍋肉同樣係42蚊，椰菜夠爽甜，回鍋肉夠乾身，但略嫌有D肥，keep fit嘅我唔係咁夠膽食，但呀仔話送飯一流。瑞士汁乾炒牛河就品評唔到，因為呀囡突然收到call要返公司，只好打包比佢拎走。總括而言，確實响深水埗區有呢D質素嘅茶記真係罕有，值得比like…查看更多