影片
港鐵荃灣站 B1 出口, 步行約8分鐘
繼續閱讀
電話號碼
23516888
營業時間
今日營業
09:00 - 22:00
星期一至日
09:00 - 22:00
以上資料只供參考, 請與餐廳確認詳情
前幾天跟家人吃中午飯，未食過咁難食既齋，又貴又唔好食，服務態度又差，叫左碟羅漢齋炒麵$108，啲面好淋完全無炸過，最基本既程序都無做，而且剪到碎晒好似俾bb食咁，夾到夾唔起，最重要係多油到不得了，估計有成樽油，每一口都係食緊成羮油落肚，差到極點，老人家點食。叫左幾碟點心，遲遲未黎，等左幾個未催下，啲亞姐又呼洐了事，一話唔要就即刻黎到，不知謂，點心同樣差，好難食，以後一定唔會再幫襯！
繼續閱讀
今日要食素，小弟同太太由大埔來荃灣，想睇下有邊間可以試，咁啱經過，見佢有放題！問咗價錢！覺得都合理，就入咗去試！見過餐牌好似有好多款！未咩都叫下？老實嘅！小弟真係叫咗好多款，但係好多原來味道係一樣！都唔緊要啦！食到咁上下！有個哥仔嚟問我哋，仲要唔要落單？last order，未打算再叫多幾樣！點知個阿叔！唔知係咪部長！話我哋成枱都係嘢仲係咁叫！驚我哋食唔晒！最後冇叫last order!最後小弟絕冇浪費，全部清晒！坦白嘅！食物質素一般！不過價錢合理！但個部長態度就真係好有問題！不停係咁講，話我哋叫得嘢多！如果覺得叫得野多，你就唔好做放題啦！大前題，係我又冇浪費食物！如果浪費食物俾錢嗰陣你都嘈啦！又要做放題，又要唔俾人食得多！咁嘅心態就唔好做素食，轉賣肉食啦！肉食就好快飽！我又唔係冇俾錢，你唔使係咁講係咁講嘅！
繼續閱讀
14-7-2023 (Fri)同老公放假,朝早我哋送完膠就食嘢,喺呢頭冇咩好食,1樓冰室(https://www.openrice.com/zh/hongkong/r-1%E6%A8%93%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r674246)?老公話唔食喇,勁似大陸風味,咁邊行邊搵啦,我想飲茶,去蒸廬(https://www.openrice.com/zh/hongkong/r-%E8%92%B8%E5%BB%AC-%E8%8D%83%E7%81%A3-%E6%B8%AF%E5%BC%8F-%E6%B9%AF%E5%93%81-r742081)?老公又話迫,咁又係,我哋拎住個手拉車,唔係咁方便.咁老馮茶居(https://www.openrice.com/zh/hongkong/r-%E8%80%81%E9%A6%AE%E8%8C%B6%E5%B1%85-%E8%8D%83%E7%81%A3-%E6%B8%AF%E5%BC%8F-%E9%BB%9E%E5%BF%83-r740166)啦,就朝住呢個方向行,但仍邊行邊睇,睇見呢間素食開咗門,有得食喇?咁我哋行埋去啦,望見一個客都冇,但似ready咗,我推開門問有冇早茶飲?佢哋答有,咁我哋入去啦.坐低睇完點心紙後,就要:6. 一碟三件,唔同味清熱解毒嘅芫茜餅上枱時,已經cut開兩份,呢個有原味,蓮蓉同豆沙,睇見啲饀唔多.我先食原味,冇乜芫茜味,口感唔算太煙韌.蓮蓉同豆沙餡呢,基本上咁少餡,起唔到咩大作用.味道:2.8分3. 豆沙西米盞同樣會幫客人cut成兩份,一碟兩件大大件,餡料亦唔多,西米全部夠腍,味道清淡亦唔甜.味道:2.8分5. 潮州素粉果饀料係蘿蔔絲,冬菇絲同冬菇,味道清淡,口感正常.味道:3分4. 三絲鮮竹卷大大件,煎熱咗,三絲同潮州素粉果嘅餡料係一樣,食落味道同樣係清淡.味道:3分1. 麻香蒸燒賣大大粒, 餡又料係一樣,味道都係咁.味道:2.5分2. 眉豆茶果眉豆饀好夠,茶果皮軟糯,OK 嘅.味道:5分茶我哋就要香片,佢唔澀.環境:唔夠涼,因為未開晒冷氣.3.5分服務:由於啲茶好熱,所以我打半個蓋攤涼,女樓面以為冇晒茶,想幫我哋加,真貼心.最後我想買三件芫茜餅拎走俾爸爸,老公就叫職員外賣,佢叫我哋出去買,呢喥幫我哋攞埋單唔低.啊,因為計貴啲嘅堂食價,多謝咁老實.價錢:完全唔知茶位同點心幾錢,因為冇印到價錢,更加唔知有冇加一,總共$172.00.2.7分
繼續閱讀
衛生情況好差，嘢食惡劣，價錢唔合理。同屋企人父親節嚟食飯，一見到門面已經冇期望。以佢咁嘅質素，如果你同我講話$50任食，我覺得就差唔多，雖然就算任食我都只係會淨係飲茶同屋企人傾吓偈算數。埋單最尾六百幾蚊，我都唔知點解可以收到咁嘅價錢，最厲害係我見到餐廳入邊都有其他客，我懷疑佢哋係同朋友打賭輸咗要呢度食飯做找數真漢子。成餐飯不斷有啲烏蠅飛來飛去，由於我係嚟呢度食齋，我都費事殺生。同埋就算你決定殺生我相信你都殺唔晒嗰度啲烏蠅。
繼續閱讀
呢度嘅素食真係唔錯嘅🤔 由細到大，講起食齋，媽咪都會諗到呢度🫣 我自己對齋無特別喜好，但呢度啲齋的確係唔錯嘅🙋🏻♀️不過今次最令我深刻嘅都係粟米粥🌽，其次反而係佢嘅糯米糍，炸物都叮噹馬頭😂 豆腐同炸鮮奶都okay，佢嗰香荔酥卷就有啲Un🤔 不過有一個扣分位係得返就粒糯米糍，佢問我另外嗰粒要煎堆好無，我未答，話出去睇下，入到嚟想話要其他佢就已經剪好放咗去我張枱😐 我都不太好煎堆嘅😓 好彩同行人話佢食，呢下真係有啲無奈😮💨佢門口有好多特色點心同自選齋菜，啲外型都幾靚幾特別，但就無再嗌了🫣整體嚟講，性價比都okay，係對佢無問過我嘅情況下俾煎推我食有啲反感🤥
繼續閱讀