翠苑海鮮酒家 (已結業)

這個星期天的早上，家人想以點心作早餐，所以維尼妹便落街到最近的茶樓買點心。雖然紅磡廣場稻香的出品較有保證，但為求快的維尼妹便到了附近較少人的翠苑買了四寶雞札，兩籠水晶蝦餃和山竹牛肉球。水晶蝦餃($18): 賣相精瑩通透，隱若看見餡料，皮看似很薄，吃下去皮果真很薄，而且餡料有兩隻原隻大蝦。可惜有幾隻蝦餃一夾起皮就穿，不然就完美了。四寶雞札($15): 這個四寶雞札內有有珍珠筍、火腿、雞柳同魚肚，味道不錯，而且當四種餡料和腐皮一起咬，口感也真不錯。山竹牛肉球（$12): 點了喼汁的山竹牛肉球也十分好吃，牛肉味很突出，但唯一要批評的是山竹只得​​一塊，不夠喉。。。。。。。。。。。。。。。。。。。。。。。。。。。。。。。飲杯茶，吃件點心，真是個星期天的好開始~…查看更多

今朝起身,打開窗都幾大風,望落條街無乜人第一時間打開電視,望吓原來已經掛左8號風球,難得打風可以休番一日息,先同小朋友講,今日唔駛返學,大家瞓多一陣,我又再瞓番落床,一瞓醒起身,諗著打俾朋友叫佢去飲茶,點知佢一早出左去飲茶行街街,我地自己去飲茶囉其實我覺得去飲茶,來來去去都是食那幾種點心,已經厭厭地,不過好在可以慢慢暵吓報紙,飲啖茶,食食點心,飲茶不失為一個消磨時間最好的地方呢間酒樓好少去,去到唔駛點等位,一座低開好茶水,就拎張點心紙畫點心先,熱辣辣點心到小籠包皮唔算薄,咬落無湯汁,好大陣雪藏豬肉味煎羅白糕,我喜歡煎得香口一點,外香脆內軟腍,加埋甜辣醬就好好食咸水角,層皮太厚,不過又幾脆喎臘腸卷,唔喺間間酒樓都有,外皮軟綿綿白白淨,加上肥瘦適中嘅臘腸,好味道呀!!飲茶必叫嘅义燒包,普普通通,包皮太厚太乾,失敗之作蟹籽燒賣,豬肉混蝦肉,蝦爽肥豬肉少,都幾好味荔芋鴨腳扎懷舊點心之一,太太次次飲茶都食嘅,用腐皮包著鴨腳、芋頭條、豬肉一同扎好,可以一試唔係間間酒樓都有嘅雞球大包,見有就叫一個試試,包皮太厚,餡料唔多,無驚喜得個大字上湯鮮竹卷,餡料豐富,用上湯浸過幾好味,食落更健康潮洲粉果,是我其中一種最愛點心之一,餡料健康,一籠三隻,普普通通,但不致於難食蜜汁叉燒飯,叉燒半肥瘦,外皮烤得夠香,叉燒肉嫩香甜,甜甜蜜蜜,幾好食潮洲四寶丸窩米線,睇落顏色鮮艷好睇,小朋友食落話好難食,我一試,嗰湯有一陣陣魚鯹味,可能丸丸唔新鮮,算吧等我食啦,加大量辣椒食,夾硬先食左2碗,正一好睇唔好食食完返屋企,中意做乜都得,打風真喺好…查看更多

LUNCH 時間點心價錢OK，抵食， 但啲油炸點心如炸多春魚、炸雲吞比較差，食下去感覺很油，要不斷飲茶漱口。而且，感覺通風系統比較差，飲完茶全身(包括衣服、頭髮)都有一股油煙味。不過點心價錢OK、街坊價、便宜，款式OK。:)…查看更多

每日番工都經過這酒家,間唔中跟同事一起到這裏用膳。是晚帶埋家人一起食晚餐,我們七點到座到八點半,酒樓只到兩、三成人。我們点了四人餐及片皮鴨二食。先上燒味拼盤,f油鷄、燒鴨及腩仔,腩仔是暖的但皮已林了、燒鴨也很乾,相信燒味做好了一段時間放入微波爐番熱:(跟住上東瓜盅,味道平平,中規中距繼續,是片皮鴨,鴨皮不夠熱和不夠脆口,相信也是做好並放了一段時間。接着,是花枝帶子炒蛋及茄子煲,味道OK 總括而言,服務好、地方靜及舒適,但出品仍然要改善。…查看更多

雖然佢係我樓下都無去飲茶, 但就成日買點心返屋企食外賣雞扎, 雞飽仔, 春卷....... 等等 - 都係 $10.00 (係蝦餃, 蝦腸貴 d 要 $17.00)我的至愛係雞扎, 只係 $10.00 入面的魚肚大大件, 超值 (女人貪靚食多d皮膚好呀)正…查看更多

無啦啦比老細點左去陪個客食飯，lunch 時間無訂位，要飲中茶除左黎依度無其他選擇 ~ 上次同幾個客黎食都好滿意，但今日突然重回地獄，差到無輪，又唔想浪費食物，唯有求其倒晒落肚算喇，陰功 ~四寶雞札，有珍珠筍、火腿、雞柳同魚肚，不過不失，味道穏陣，好味既。今日依餐最好食既一味喇，其他真係好唔掂。蟹籽燒賣，無蟹籽味，豬肉混蝦肉，肉味濃又有肉汁，蝦鮮爽，無太多肥豬肉，幾好，都好味既，免免強強。燒腩仔，個墨西哥客好喜歡，話好好味，但我就覺麻麻，皮肉脂肪完全唔平均，多過一半都係肥膏，味道偏咸，唯一可取係層皮夠脆。海蜇薰蹄，海蜇免強可以啦，爽口囉。薰蹄我真係想即刻掉落垃圾桶，完全無味，無肉味、無咸香，油淋淋，腍劈劈，都唔知食緊咩，超劣。燒鵝叉燒雙併，個墨西哥客又話好好味。我試完後只可心想差差差，完全唔得、唔入得口，叉燒唔香唔甜，又瘦又鞋，燒鵝好咸又油，無肉食又肥騰騰。羅漢齋炒麵，係脆麵黎既，汁少又杰，完全唔夠撈啲麵，味度偏濃，麻麻。…查看更多

至從改名為翠苑後，啲出品好似越黎越好喎，唔知係咁真係換左廚房呢？定係見啲生意差左咁多，又好多客過檔稻香，因而發奮圖強呢？今日幾個法國客話想去食 lunch，但又唔識路，咁唯有我同佢地一齊食啦，午市時間大部份食肆都爆，唯有又去唔洗等位既翠苑 ~ 食左五百蚊，公司唔係 clarm 返錢，孤鬼寒，算數 ﹗我豪比您，今次就我請班客食飯啦 ~ 班客非常滿意依次中餐，就我都覺比預期中好，超水準，讚 ﹗而且服侍我地依枱啲阿姐都非常殷勤友善 ~水晶蝦餃，爽口鮮蝦，大大粒，如果皮再薄啲更好。蟹籽燒賣，蟹籽味不太強，機乎唔覺有，不過口感仍卜卜脆。豬肉不肥，口感實淨，幾好。黑椒牛仔骨，稍靭，中式始終太熟。四寶雞札，火腿雞柳魚肚都幾好味，唔好拆開續樣食，要一啖咬落去，四種口感又特別又好味。但芋頭較差，顏色偏黑又有啲生水。棉花雞，魚肚非常腍滑入味，雞柳香滑，冬菇味道香濃且軟腍。蜜汁叉燒，比以前好食左好多，叉燒半肥瘦，口感軟棉腍滑，燒得香口，濃郁豬肉味，雖然我唔多好叉燒，但都覺香甜美味。清炒菜芯，非常新鮮爽口熱辣辣。楊州炒飯，比想像中好喎，鑊氣夠，炒得香口又乾身。脆皮燒腩仔，肥瘦適中，皮脆肉嫰，咸香撲鼻，雖然未做到層次分明既五層燒腩仔，但以普通酒樓黎講已經係超水準喇。…查看更多

前身係京都大酒樓，依家改名為翠苑海鮮酒家，咪又係京都集團，只不過舊酒新瓶啫。但啲野食好似真係比以前好左，究竟真係換過晒啲廚房？定係心理作用呢？最搞笑係，仲會發現以前京都啲 menu、筷子套、點心紙等等係啲櫃度囉 ~自從稻香係紅磡廣場開將後，係依區既所有茶客好似大執位咁，稻香日日高朋滿座，但其他酒樓，包括囍滿庭、海洋皇宮、潮洲公館、金御、翠苑等等，都比以前冷清左，間中 lunch 都唔洗等位。對於我地返工既當然好啦，時間緊迫麻 ~今日同客食飯，又唔想等位，就黎依度坐吓傾吓計，嘆杯茶先。約一時四十分，果然完全唔洗等，一到即坐，good ~ 夠晒靜最高興，可以坐得舒服又唔嘈，非常開心 ~鳳爪排骨飯，係蒜香排骨，啖啖肉，半肥瘦，肉香，味道唔錯。飯一粒粒又乾身，完全無濕淋淋既感覺，有趙口，係無咩飯香啫，撈埋甜豉油，正 ﹗好味 ﹗以酒樓既排骨飯質數黎講，算係中上喇。雖然我個客話唔好食。沙嗲雞串，正常味道，雞炸得還可以啦，無變雞乾，都仲有少許肉汗。沙嗲醬，食落已經知道盡晒力去模仿正宗既味道，甜甜地，唔夠香囉。我比較喜歡港式辣沙嗲，因勁愛食辣野。脆炸牛腩，好有冒險精神叫黎試一試，唔知食緊咩，好唔掂，好似啖啖都食緊牛脂肪咁，炸得好香口，但係味道好蘇，雖然配以喼汁點，但無咩幫助。創意係有，但質量麻麻，可能係選料方面要下啲功夫，試吓用靚牛腩，先炆後炸，因該效果更好。做法類似香酥鴨或香酥羊咁。白灼菜心，都算好嫰口，新鮮。都係嗰句，我比較麻煩，只食最鮮嫰部份，差不多係頭 1/3 到 2/3 部份啦。但間中都會成棵食晒既，如果真係成棵都勁嫰，或者係菜苗囉，仲有係好肚餓囉。海蜇手撕雞，最後面嗰碟。手撕雞絕對係隔夜嗅雞味，唔新鮮。整碟既味道唔酸唔辣，清淡無味，做唔到開胃前菜既效果。海蜇都算爽口，但真係無味 .....蟹籽燒賣，一夾就散、爛晒、散筲筲，唔實淨，蝦、豬肉、肥豬肉包得鬆散，好差。味道都可以，肥肉份量可接受，全無蟹籽味。結論係一試無防，大眾化口味。四寶雞札，雞柳、魚肚、火腿、芋頭。雞柳入味又滑溜、魚肚軟棉棉又索滿精華、火腿咸香。但依個時候仲用芋頭？﹗雖然我都唔會食芋頭，但依家真係唔啱季節啦，生晒水，又肉酸，變通吓用住其他食材先啦。見其他酒樓會用吓豬肚呀、豬潤呀、珍珠筍呀、冬菇呀、大菌呀、等等，效果同味道都好好 ~兩個人食咁多野，埋單成三舊水，都幾誇張。我個客都只係食左少少菜、海蜇手撕雞、排骨飯，剩返全部我一個食晒。食得太多野，依兩三年加埋重左 30 磅，要積極減肥喇 ~…查看更多

前身既京都原來執左都唔知, 突然發現佢變左呢間翠苑!之前京都間唔時都會幫襯吓晚市, 幾抵食架嘛…既然佢新開張, 加上聽人講佢地d小籠包幾好, 咁就一於上去試試, 去到睇個餐牌先知原來呢間一樣都係京都集團既酒樓!當堂冇覺得自己真係咁做白老鼠 XD睇MENU佢D大中小點都似乎幾抵食, 而且早茶竟然仲有分2個時段,晏D果ROUND仲平D, 非常岩我呢D懶起身既人…哈哈。另外仲有張黃紙既點心紙, 仲以為有特價, 原來唔係;而係一張MENU上冇既時令點心紙, 都幾有趣~本身佢個點心MENU已經密密麻麻好多款, 估唔到仲有時令點心咁多選擇。OVERALL水準都真係唔錯, 蝦餃感覺比漢寶酒家既淡身D, 不過都好食,而炸蝦角同叉燒腸入面都包左好多菜, 其中有唐芹, 香味好濃, 幾乎蓋過其他材料味,如果唔鐘意果陣味都真係幾惡頂…好在我都仲接受到。但都係太喧賓奪主。魚翅餃就真係好似好耐冇喺酒樓見過, 以前細個都幾常食,今次食既就比較細隻D, D料都幾爽口, 唔錯~其他野就普普通通, 不過不失咁,反而聽人推薦既小籠包就有D失望, 佢多汁就係多汁, 但D肉好大陣雪藏味…可能因為佢冇特價紙, 所以食完埋單都比之前土瓜灣果D酒樓貴唔少…同埋佢比較少點心真係小點中點, 好難會食到平…不過食物水準唔錯, 間唔中都可以來換下環境同口味既!…查看更多