翠湖金閣

營業中

休息中

隱藏喺銅鑼灣名 fashion walk 內的酒家，偶然睇到一個YouTuber介紹，所以走去試吓😅不是下午茶，但都已經坐無虛席，這𥚃更精彩設有戶外餐枱，如果唔熱都應該幾好👍🏻好彩已經訂位。內𥚃其實都很嘈雜裝修係一般酒樓嘅格局😬點咗O點心，正常好食，但每樣點嘅醬汁，都必須要叫先會遞上😅係每一樣，所有都唔會跟！炒粉炒麵非常大碟夾抵食，走嘅時候差唔多下午茶時間，出面已經好多人等位🤣非常熱鬧繽紛！

朋友介紹話這𥚃吾錯，一行七人到這𥚃食晚飯，星期五晚有7、8 成客，都幾熱鬧，枱與枱之間比較廹。燒鵝1 隻，好大隻，味道不濃，附上的酸梅醬不夠可以比多啲，而且有小火爐保溫，幾好。蟹肉粉絲煲，好有獲氣，粉絲炒得好乾身，可惜蟹肉不多。菜芯炒牛肉，好大碟牛肉大大片，菜芯都好嫩口冇渣。醋香骨，應該超過10 件，酸甜度適中，吾錯。海味雜菜煲、蒜香豬手，冇試。送嘅紅豆沙，煲得幾綿。服務方面，待應都殷勤嘅，食物方面，份量都幾大，埋單 $1347/7 位，可以呀。

今天適逢母親節月份，我和家人到此店用餐 。食物不過不失，我們一行6人叫了6個小菜，基本上清哂 。可惜環境一般般，空調不足 。上菜進度緩慢，聽見旁邊食客等了一個炒飯等了45分鐘。用餐後我們並沒有索取任何外賣盒及膠袋，但回家後發現收據居然多了這兩項，一共多了$3 。雖然屬於小數目，但基於原則及操守問題 。此店開展差不多半年，然後趁大時大節汁汁搏唔多覺既處事方式不知令多少食客蒙受損失，請前來進餐的人，尤其銅鑼灣食客小心提防！

朋友介唔呢到飲茶好味又抵食，試過真係值得一讃！星期日公眾假期都有下午茶優惠，2pm 開始，佢哋大約1:30pm會開始派飛，不過就要搭正2點先至可以入得。下午茶都仲有「孖寶」優惠，選擇都算多，滿足到各人嘅需要。份量都算大，尤其係「燒味湯粉麵孖寶」，叫咗個叉燒米，碟叉燒有成10嚿，仲有燶邊，好味。其他點心都大大碟，相中見到嘅手抓餅已經食咗三件，仲有成大碟。3個人食到飽飽，都只係二百幾蚊，性價比高👍🏻嗰度附近嘅餐廳大部份都有露天座位，所以好多人都會帶寵物嚟一齊食嘅，包括呢間酒樓， 10分熱鬧。

今晚同家人係銅鑼灣食飯慶祝生日🎂揀咗呢間中菜館銅鑼灣翠湖金閣，我哋點咗主廚推介既🌟招牌菜*魚米之鄉*🐟試吓，呢味餸係會令你一試難忘🩷魚肉好滑魚湯好鮮甜脆米整得好好味🤤我哋仲點咗另外幾款小菜試吓🌟*小炒王*🥬師傅炒得非常乾身香口好有鑊氣👍🏻🌟*脆皮咕嚕肉* 🍍甜酸汁嘅味道啱啱好每嚿咕嚕肉都整到脆卜卜又鬆化，🌟*上湯龍蝦伊麵*🦞龍蝦非常彈牙新鮮，伊麵香口腍滑😋🌟*燒鵝叉燒拼盤*🐷燒鵝皮脆肉滑，叉燒肥瘦適中。屋企人個個都食得好滿意😋嚟緊要再encore👏🏻工作人員服務細心友善🫶🏻讚👍🏻👍🏻👍🏻

樣樣都好食既銅鑼灣中菜，同屋企人慶祝生日，意外地好食嘅中菜餐廳特別推介，佢嘅魚米之鄉，係用魚片同脆米同埋好清甜嘅魚湯去製作，響第二啲餐廳都冇食過。其他燒味叉燒同燒鵝都係特別推介好食，小菜就試咗咕嚕肉，十分鬆軟同香口，年半碟嘅荔枝肉同菠蘿都係好食嘅。地點方便喺銅鑼灣Fashion Walk唔使搭𨋢排隊，車可以泊世貿最方便，不過佢有泊車優惠響fashion walk car park, 出邊露天位置仲可以帶狗，服務亦細心友善，建議要去試下。

經過很多次，今日終於有機會試。下午兩點嚟到都仲要等位，可能係下午茶的關係啦。我們叫了一個套餐，炒牛河及燒賣，另加了一個XO醬腸粉及鮑汁鳳爪。乾炒牛河OK啦，勝在夠大碟。令我驚喜係鮑汁鳳爪，好夠鮑汁味，鳳爪又大隻，仲要有八隻添😋 見佢哋有不同嘅套餐孖寶，價錢好公道抵食👍🏻 最有趣的係有戶外座位，現在天氣涼爽坐戶外另有一番風味😃

終於在港島區有一間高質而又寵物友善的中菜館。實在太好了，早市飲茶又得，晚市小菜又得，家中毛孩可以一同共享！由於有毛孩一定安排坐戶外位置，地方寬敞，唯一不足的是對面店舖有數張枱客人不時在抽煙。店員服務欣勸，不時會幫助換碟收碟或加茶。小菜方面擺盤有心思，份量剛好！海鮮類正常發揮！小菜有鑊氣！推薦大家點炸物類，師傅技術很好，不論是炸子雞、咕嚕肉還是多春魚！全部都炸得剛好，一點都不油膩！就算放涼了仍然脆卜卜！很出色！下次會再光顧試試點心如何

今時今日還能滿堂食客，環境需不能說金碧輝煌，但就十分光猛感覺好舒服😌上2星期試過佢哋嘅早茶，今日又再嚟到銅鑼灣新開的「翠湖金閣」試吓佢哋嘅下午茶，職員個個都好好笑容，服務態度真係好親切，而每道出品都好新鮮熱辣辣👍妙齡乳鴿真係皮脆多汁👍山竹牛肉好好食😋外面酒樓多數是3粒，而呢度係大大粒係4粒超底👍豉油王炒麵大大碟👏我最鍾意飲佢呢度嘅茶唔係用茶包沖，而係用茶葉好出味。要令我一而再來的食市都一定無介紹錯的😃😃價錢大眾化。咁嘅價錢還有咁好的服務質素👍👍👍辛苦您們了💪💪

經過見到開咗間新酒樓2個人點左4樣送 每樣都好食呢啲天氣有露天位好好feel又舒服雖然露天但餸菜依然keep住熱 值得一讚脆皮燒鵝好好食 皮脆肉嫩蒸海斑 好滑濃湯翅都好正 好足料 啖啖翅新張有優惠好抵食 會再同屋企再泥

同一大班朋友喺銅鑼灣行完街. 想搵個地方食晚餐. 發現原來係銅鑼灣要搵間坐得落多人嘅中菜都有少少難度估唔到係Fashion Walk入面俾我哋搵到一間中菜-翠湖金閣. 餐廳嘅裝修都幾grand好光猛. 座位同座位之間唔會好迫. 人多嘅仲可以坐獨立嘅房仔. 嘈喧巴閉都唔怕嘈親人😂佢仲有戶外嘅座位. 天氣再凍少少嘅時候坐出面食中菜應該幾好feel幾新穎估唔到呢度嘢食嘅價錢都幾親民. 開頭仲以為開喺呢個位嘅嘢食都會有返少少價位🍍鮮菠蘿荔枝咕嚕肉入面嘅肉竟然係用豬頸肉而唔係梅頭肉. 咬落啖啖肉唔會一大嚿肥膏真係好爽而且外面嘅炸漿好薄. 入口熱辣辣非常之脆卜卜. 擺咗一段時間嘅咕嚕肉依然係脆嘅😱. 真係好令我哋驚嘆🦐蝦球炒麵係我最鍾意食嘅伊麵😍用咗蝦湯煮成嘅汁散發出鮮甜嘅香味. 撈埋伊麵食真係好正. 媲美到芝士伊麵但係又冇咁漏上面嘅蝦球粒粒都大隻兼飽滿彈牙. 成一粒已經有啲飽🦀避風塘炒蟹嚟到銅鑼灣點可以唔食避風塘炒蟹啊🙈碟蟹放到上枱已經散發出好濃烈嘅誘人香味. 引到隔籬枱都回頭望我哋食緊咩🤣蟹殼已經炸到脆卜卜一咬就碎. 而且蟹殼鋪沾滿晒汁好惹味. 差啲想食埋佢落肚蟹肉鮮甜彈牙. 蟹膏都唔少🔥招牌

貓狗寵物友善餐廳🐱🐶今日同朋友嚟到飲茶🫖下午2點帶埋自己心愛嘅貓貓🐱狗狗🐶可以坐室外枱凳室外環境闊落，狗狗都可以坐喺凳度一齊陪食😄下午茶點心唔貴份量充足尤其是叉燒同燒鵝叉燒高肉質冇筋入口即溶個燒鵝都好好味高質高水準正個豬手都好好食個豬手好入味，如果鍾意酸辣嘅人最啱呢味餸好開胃好味道，食唔晒打包返到屋企仲好食唔錯唔錯值得推薦性價比高如果鍾意帶狗狗貓貓貓貓出街一齊食飯，呢一間值得推薦坐得舒服，食得又開心