翠湖海鮮酒家

營業中

休息中

今日去元朗翠湖飲茶， 見到有些吉枱已經沒有，坐下，終於我搵到一張四人枱，已有客坐， 便去搭枱.一個短頭髮嘅女經理，突然走來呼喝叫我起身， 用命令的口吻叫我跟住佢， 去到一張大枱叫我坐下. 態度非常惡劣又冇禮貌‼️我問對方點解客人嚟到，無人帶位等，客人搵到位你又叫我起身？佢似六劇嘅副總裁上身，叫我走， 唔好嚟飲茶‼️這便是服務行業待客之道？怪不得飲食業進入寒冬，步入冰河時期了.差差差😡

一位「女經理」態度惡劣，叫人搭檯好正常，但客人同佢講：老人家唔舒服同怕凍，想坐第二度，「女經理」呼喝客人話：無！坐嗰度！出去攞飛！但明明仲有三四張吉檯，出面唔見需要攞籌等位。見佢忙，話等佢安排另一張檯，即係忙又得閒傾電話？有張6人檯又話唔比兩個人坐，有人訂左位咩？又唔係wor..分明就是等熟客。再理論一番，好似仲有其他人都幫手先搵到張檯👍🏼明明周圍都有位坐..客人又接受搭檯，黎飲餐茶都要受氣！唔怪得知無左一半客，個個都北上飲飲食食。果位女經理好似叫呀紅定呀華，同佢講返下次唔好咁對客，有返基本服務業應有態度同禮貌啦！但佢就唔想聽人講，仲周圍同附近客人講到人地唔岩，係人地嘈自己無錯。好好笑係…轉頭有其他客人講：都好野丫，果個人好惡死又殘雞明明呢度飲茶元朗都算唔錯幾好食，可惜今次經歷受氣！

翠湖酒樓原來開左嚟元朗勁意佢個川味豬手，之前特登去西灣河嗰間食，食完仲要外賣。元朗呢間同另一間酒樓合併全層，舊式酒樓style, 點心勁大件, 又大碟。💟叉燒飯$38成兩碗飯咁多，叉燒蜜味夠，唔太肥。上枱大碗，連傳菜阿姐都讚，啲阿姐服務態度幾好。💟川味豬手$58唔夠入味，好似啱啱淋啲汁上去，後尾食完曬打包返屋企浸左陣先夠味。個汁有沙薑、豉油、花椒油、味精、糖等等，出面好少食到呢種味道。💟椒鹽鮮魷少少過火，但都好味香脆。💟燒賣入面有四隻蝦，多蝦少肉。

今日打風八號風球，但係唔太大風，就去咗元朗飲茶，好好彩有位，五個人九樣食物，最愛的砂礓豬手，超級好味，冇得輸。另外义燒反都係重點推介，其他點心都係熱騰騰的最後傳菜姐姐和待應都好好笑容（這點我覺得很重要👍

這間酒樓在元朗千色店後面，上樓有電梯，下樓便要行樓梯，但是食物都好味，有些比較傳統的點心都有，炸雲吞裏面有鮮蝦配甜酸醬，鮮蝦腐皮卷上枱夠熱夠脆，蜆蚧鯪魚球香脆鮮味，煎釀茄子多汁juicy。

今個星期六同屋企人去左元朗試下新開2個幾月既翠湖 之前係藍地果間食開 而家元朗開左方便好多 d野食同藍地一樣好味😋😋 坐位又夠闊落 唔似其他酒樓咁迫 會再介紹比朋友同親戚過黎試下

西菁街舊嘉嘉好的位置；新開張，帶著家人去試吓！點心都極新穎，雪山叉燒包里面的叉燒極好味，川辣豬手好嘢味，杏汁豬肺湯濃濃的杏汁味；好耐冇飲到這么濃的湯了，值得推薦！！