翠河餐廳 (富泰商場)

今天突然想食一個茶餐廳的沙嗲牛肉公仔麵，落樓下一間集團式的茶餐廳，叫了一個早餐沙嗲牛肉麵，炒蛋加牛油餐包，沙嗲牛肉麵上枱居然個面係硬到好似未煮過一樣，見樓面姐姐非常之忙碌，沒有要求更換本想等熱湯便泡淋算了，等了10分鐘麵依然非常硬（相片中），原來麵湯亦是凍的所以泡不淋麵，公仔麵只等待浸死，整碗麵原封不動擺在枱面上結帳走人，今時今日$39元1個早餐有麵，蛋，麵包及飲品其實已經唔係好平，如果今日呢間餐廳咁嘅質素根本係$20蚊都唔值，開得喺屋村就係做街坊生意唔好咁無良，我住咗兩年今日頭一次幫襯已經冇下次…查看更多

厲害，居然可以拿出來奉客！要了一份豆腐火腩飯，不敢恭維的賣相，我不評論了。燒肉柴到「硬」，連豆腐都是凍的、飯也是冷的、還要舀上一大湯羹「沒有溫度」的醬汁。唯一可取的是：「夠飽」，都應該比隔壁嶺南大學的頹飯要好一點！我可以一點說：非常失望這次的餐點體驗。豆腐火腩飯應該是簡單卻美味的，而這次卻大失所望。豆腐的份量明顯不足，每一口都讓人感覺不夠滿足。而火腩更是讓我皺眉，完全不像應有的鬆脆口感，反而是堅硬得難以咀嚼。期待的是香嫩多汁的火腩，卻得到如此粗糙的經歷，讓人非常不滿。這次的餐點體驗完全不符合期望，真心希望餐廳能夠改進食材的質量與烹調方式，不再讓顧客有這麼失望的經歷。…查看更多

今日去屯門做完嘢到咗富泰邨，揀咗呢間翠河餐廳食飯。我叫咗個沙薑雞飯；拍檔就叫咗個薑蔥煎蛋豬扒飯。沙薑雞飯雞肉都算多亦都算滑。但D雞好似冇乜雞味。拍檔個煎蛋豬扒就一般水平。蛋煎得靚但啲白飯始終爭啲。加埋熱齋啡同熱可力；兩個埋單$109。靜靜地都算坐得舒服。…查看更多

今日再去翠河用膳，見有蒸飯即管叫個鹹魚蒸肉餅飯，飯是分開碟上的，肉飯熱辣辣都厚身，肉餅有灑上蔥同薑絲，鹹魚都算合理大細，肉餅口感不錯唔似一般茶餐廳「梅梅爛爛」都算有咬口，鹹魚香味十足，啖啖可口，日後會再order 。…查看更多

今日中午諗左一陣，揀咗咖喱牛腩飯，諗住填飽肚便算，估唔到餐送來見到分量十足，先試下薯仔，有炸過汁入晒味，到牛腩以快餐來講，超正，又入味又淋有口感，咖喱汁尚可，餸飯一流，茶餐廳價錢$58都算值及有質素。…查看更多

喺屏欣苑嗰間分店食過晚餐，覺得都Ok!今日喺屯門出job,試下呢間分店如何。今次係食Lunch: 1️⃣豉椒排骨炒河 $55.00個汁夠我撈曬成碟河粉，排骨都幾腍，河粉爽彈 。2️⃣沙薑雞飯 $55.00初初見佢碟沙薑咁少，心諗夠唔夠我點架，點知原來都夠喎。沙薑夠鹹，同埋有沙嘅感覺。啲雞件都幾嫩幾滑，不過斬得唔係幾好。3️⃣凍奶茶(少甜)$3.00好彩叫咗少甜，因為啱啱好！4️⃣凍鴛鴦(少甜少冰)$3.00比例適中，正常！…查看更多

Here's what happened. I ordered a Student Meal set with lemon iced tea(47HKD), and they gave me a regular meal with milk tea(55HKD). I told them that they made a mistake before the meal was given to me, so I was able to change my drink to lemon iced tea. However, they still made me pay for the regular meal price. I told them that I'll not ask for my money back but they should make their waiters listen to the orders more carefully next time. However, the person at the counter (She was around 5 feet 9, and she was around 250 lbs, no glasses, dark haired pony tail) just cut me off while I was making a complaint. Aside from being rude, the business practice of making the customer pay for the waiter's mistake is absolutely fraudulent. I think their problem of not-being able to speak proper English is not a problem at all if they have an honest attitude towards their business. At first, I wanted to leave this review on Google, but their Google location is nowhere to be found so I made the effort to download and subscribe to this app to warn others of this restaurant. The food is just average, so if you want something better, Fairwood is just a few steps away.…查看更多

簡簡單單嘅午餐茶記人均$50真心好抵❤️抗疫餐有優惠，另外正餐學生有折有老火湯送沙姜雞飯，推薦度4.2/5🌟雞肉都算嫩滑沙姜汁好夠味44好抵好抵好抵！京蔥牛肉飯，推薦度3.5/5🌟京蔥好捨得比但牛肉稍微韌了一點點味道略淡，調味濃點會更好好抵，附近街坊鄰里&同學仔們簡單食係一個幾好嘅選擇…查看更多

夜晚差不多9點的富泰商場，除咗m記同kfc, 得返「翠河」有堂食，知道外賣難食，搏下堂食啦！結果服務超差，舉極手都冇人理，唔俾水仲要漏飲品，忍唔住行去水吧位講先有野飲。。。但成杯凍檸都係冰，細吸兩口已冇曬茶（唔記得影😢）。至於碟肥牛炒丁。。。大家睇，62蚊一個餐得4片細塊肥牛，絕對係呃街坊的份量，個一丁炒到濕淋淋，又淋鬼曬，建議大家唔好再幫襯。（PS. 女侍應同黑面收銀態度極差，真係衰到我想粗口鬧人!忍住咗!）…查看更多

尋晚同個fd一齊去屯門富泰探另一個fd， 因為去到果陣時間尚早唔太肚餓，所以決定上咗佢屋企先之後再落返商場買晚餐～突然好想食茶餐廳炒粉麵但果度無咩選擇，基本上得間翠河，一早聽聞呢間野麻麻，不過無得揀之下唯有試下我叫左京川蝦球炒麵，朋友食雪菜肉絲炆米我既京川汁ok，微辣帶少少甜，炒麵食得出原本係脆既，係我地拎返朋友屋企途中焗住淋左啲啲不過個蝦就好唔得👎👎 表面爽爽地但裡面係霉既， 覺得佢純粹係落左啲鹽係面頭醃係爽，唔知佢本身有幾唔新鮮放左幾耐。。。。朋友話佢個炆米除左淡左啲都正常明明餐廳都無乜客，兩個粉麵等左廿分鐘，茶餐廳黎講都幾慢👎👎呢間餐廳唔會有下次…查看更多

屋企附近有人裝修嘈到爆，想搵個地方坐下安靜下，於是就去食tea喇。近近地揸左車去富泰商場，都好耐無嚟，經過翠河又想食下茶餐廳野，見餐牌有瑞士雞翼撈公仔麵喎，就決定入去喇。好快手就有野食到喇～有三隻雞翼，size都幾大，不過瑞士汁唔夠濃，雞翼唔係好入味。個麵就乾乾地，無咩瑞士汁。份量夠曬多侍應姐姐放低左碗野，我諗係送嘅餐湯掛，係類似金寶罐頭湯嘅雞湯，好鹹。平平地就食左過下午茶，屋邨商場嚟講質素算不過不失啦。…查看更多

把握免運費時段翠河本身無送外賣，但網上外賣平台 可以送，每日2-5 order 可以免運費，其餘收$20。不過我試過等左個半鐘先話無那樣野食身，然後擅自取消我訂單，真係食到一肚氣。所以對網上外賣平台 有d保留。今次4:50訂下午茶，6:15先送到，無被取消都算好彩。點了艇妹蝦乾炒麵，其實似普通炒麵，但辣辣地。蝦乾幾好味，不過超油膩。蝦醬揚州炒飯，因為炒麵味道較濃，所以覺得炒飯無咩味，亦完全食唔到蝦醬味，質素普普通通，$50無咩特別期望。另外，下午茶包一杯飲品，熱檸樂和鮮奶也不用加錢，👍🏻👍🏻👍🏻…查看更多

翠河都算係一間連鎖茶餐廳，因為公司和屋企附近有所以都經常食。今次點了一個廈門炒米。其實我鍾意星洲炒米多啲，不過我先生食唔到辣，所以點了廈門炒米，貪佢酸酸甜甜，夠開胃。…查看更多

好多人話依間餐廳唔好，食左大約五次，其實我覺得早餐正。成日去到都會坐滿，不過又未試過要等位，因為入面真係勁大勁空曠，坐得好舒服。👇🏻依張相只係其中一部份，成間餐廳當係依張相乖三倍。每次黎到都係食早餐，每次都食同一個餐---早餐E，番茄薯仔縲絲粉，雙配+甜奶酥，包熱飲。相信依個餐應該係早餐最受歡迎的一個，有時黎到仲會無哂tim！依個餐晏就都有，但就會貴d！超級足料，勁大碗，薯仔多，番茄味濃，真係會食唔哂！！$30幾蚊早餐黎講都幾抵食！依度d多士永遠都係厚切，而且有烘過，出面有d餐廳係比白包，烘底仲要加$1！ 外脆內軟，咬落去有d煙韌口感，好好食！-講完好野，要講返d差野！一開始依個餐係配蒜蓉厚多士，真係正到爆！之前都係為左依個多士幫襯，依加已經變左甜奶酥，今日去仲要無哂甜奶，要轉牛油。希望遲d唔好無埋厚切，變左普通方包。另外依個餐加價加得有d密！第一次去30，2星期前加左$1，今日去又加左$1 ！！再加上㕑師手藝真係一時時，有時會烘燶塊包，有時薯仔生生地，所以都要睇下你好唔好彩！整體黎講其實都ok既，間唔中會食下。…查看更多

打完風諗住落街食個飯，就同阿哥去左翠河食飯，兩個都叫咗個諗住係最穩陣嘅C餐食，點知一d都唔掂。點知一個就生，一個就明顯黏晒d扒爐’屎’，火腿扒變咗香腸，由頭到尾都無話轉咗香腸。講真將心比心，$40幾，飲埋凍飲，差唔多$50，你比d咁嘅出品我？…查看更多