翠榮雲南酸辣米線 (已結業)

可能真的有口碑，這店附近有兩間雞煲都無這兒咁旺。幸好早來一步，坐到最後一張吉檯，否則要等個多小時了...7個人，叫了一隻雞的奇味雞煲(微辣)及半隻雞的番茄薯仔雞煲，因為我只吃了奇味，所以只講奇味。奇味雞煲上鍋時，是只有雞和配料，沒有湯。配料有洋蔥和一些不知名的香菜，還吃到花椒味。啲雞肉入味又唔硬，好食。還有下文，食晒啲雞肉，就叫火鍋料，和叫人加湯，不過加咗湯煲了一陣，個奇味湯無乜味，火鍋料的選擇唔係太多，例如係無鯇魚片的，同埋有叫半份肥牛$78竟然得4片，唔知係咪執錯？總括啲雞係好食，打邊爐係附加的，不要有期望。還有驚喜，原來有得叫菜蜜 (凍熱都有)，吃了微辣的雞煲，甜甜的菜蜜平衡了味覺，感覺很舒服。…查看更多

筲箕灣某家賣胡椒豬肚雞煲的店的神級地位一直都未被動搖，偶然我們也會發現到賣胡椒雞煲的店，但一直都沒有找到一家水準可以及得上的。是日趁著周末可以到遠一點的地方，我們就坐巴士到太和吃一家在街坊之間口碑不俗的雞煲的。由於路程有點遠，我們到達的時候已經差不多九點。店子面積不大，只有六七張檯，坐滿大概只可以坐三十人，而店子外的空地也開了不少檯。有不少客人在等位，最後我們也等了半個多鐘頭才有位，坐在店子裡面，有電視可以看，不過有點擠迫，坐在裡面的出入都要別人讓一下才可以，所以這種天氣還是坐在外面比較舒服吧。看到食評說可以點胡椒豬肚雞煲加胡椒，我們也就照著叫了半隻雞煲加胡椒，因為外面吃到的胡椒豬肚雞煲普通都是胡椒味不太夠。火鍋配料的選擇以小店來說都算不少，最平由$23起，可自由單併或雙併，自由度高。胡椒豬肚雞煲多加胡椒之後的確辣度重了，但湯底本身的味道不夠，偏淡，沒有真正滾出味道來，層次較為薄弱，只能說還不錯，跟鋒記比始終有一點距離。當然它也有其好處才吸引到這麼的客人，我想是因為雞件，雞味濃，肥瘦均勻，肉質嫰滑，煮久了也不覺得太老，份量又足，店家只是簡單的給一些辣椒豉油，就已經很好吃了。至於豬肚和鹹菜也是合格的，如果在新界區想吃雞煲，還是可以一試，反正這裡還有好幾款不同的雞煲選擇，如奇味雞鍋、啤酒雞鍋等等。豆腐併金菇($23)。就是正常的百福豆腐併上金菇，單看份量又覺得$23有點貴，金菇看來只有三分之一包，豆腐也只是方型盒一盒而已。炸枝竹併皇帝菜($23)。炸枝竹有部份賣相麻麻，有點深啡色，不知道是不是炸焦了，但還好並沒有煮極也是硬綁綁的情況。韮菜餃併白菜餃($26)。看樣子應該不是自家製的，壓成四方形，樣子不討好。餃子的皮不算很厚，只是就算不是煮過火，口感也有點黏口，味道粉粉的，所以我不太喜歡，而且韮菜味也不濃，白菜餃也如是，所以不太推薦。手切鮮牛肉($68)。等了很久，催了兩次才來的手切牛，不知是漏了單還是真的要慢慢切。牛肉比較瘦，沒什麼脂肪，肉味不算濃，是很普通的貨色，只能說賣$68也不能要求太高。雖然有車直接由家裡到太和，可是等車連車程來回也要一個半小時以上，整體水準不會讓我再次花這樣長時間去吃的了，反而本身在附近的，也可以考慮吃一下。…查看更多

一位為食朋友推介呢間o既雞煲, 所以約埋8個人去試吓. 因為呢度舖頭好細又冇得訂位, 所以我同老公喺大陸按摩完就搭火車番大埔搵定位先. 我哋六點九去到, 舖頭真係好細, 好勉強先可以容納二十個客, 但我哋去到時已經有4枱客, 好彩早到可以坐室內, 遲咗要坐室外o既話, 大熱天時你都咪話唔熱呀!為食朋友同女皇一齊到, 佢哋特別去大埔街市買咗花甲王嚟(自來食物要加$20), 但真係多謝為食朋友, 因為老公呢幾日好想食花甲王, 佢見到時對眼發光架! 啲花甲王又大隻又新鮮又冇沙, 真係一絶呀! 花甲王萬歲~~首先係奇味雞鍋(中辣,一隻雞), 其實想試大辣, 但怕其他人食唔到, 所以叫中辣先, 個鍋有洋蔥、唐芹、尖椒同紅椒做配料, 一上枱時已經好香, 好似啫啫雞煲咁, 香料味非常強烈, 正! 隻雞唔肥唔大隻但好有雞味, 唔會有雪味, 係新鮮雞先有咁o既效果, 我哋好快就食晒啲雞, 跟住朋友食提議加個烏冬去炒, 吸晒啲精華先再加湯做鍋底, 嘩! 個烏冬吸晒所有香料同雞味, 真係超好味呀! 食得辣o既一定要試大辣, 因為連我呢個初級辣人都覺得中辣唔太辣, 我下次同老公嚟一定試大辣架!為咗唔食辣o既朋友, 專誠叫個胡椒豬肚雞鍋, 呢個鍋有鹹菜、豬肚同鮮雞, 好多料, 雞同樣鮮味, 豬肚好入味, 不過我覺得胡椒唔夠多, 所以冇咗胡椒豬肚o既精髓, 不過朋友仔話可以加胡椒架! 下次可以叫佢加多啲再試一次~~火鍋料點咗手切肥牛、金菇、午餐肉、腐竹、雞子、豬潤、雲吞、韮菜餃、豬紅、豬皮、竹笙同魚腐, 其實所有材料都好新鮮, 但我只係食鍋本身o既材料都已經好飽啦!飲吓食吓, 坐咗兩個鐘, 出門口先發現原來室外坐咗4、5枱啦! 呢個奇味雞煲絶對係大埔o既雞煲好選擇!…查看更多

同班友仔係旺角操完泰拳又睏又肚餓，突然掛住個糊椒雞煲，咁就即刻跳上的士，直衝大埔 ﹗早場五點幾六點食晚晚，得我地兩個，包場，正 ﹗研究完個 menu，發現都幾多特別野食，要黎多幾次先試得晒，價錢好經濟實惠。見火鍋生料較為普通，始終依度係主打酸辣麵，並唔係主打做火鍋呢。糊椒咸菜豬肚雞煲多糊椒，一隻雞 HKD120，可以叫半隻呢，但只係差幾十蚊乍喎，咁梗係全隻上啦。上次試過糊椒、奇味同藥膳，最好味都係糊椒湯底，今次尊登要加加加辣呀 ﹗好鍾意糊椒既香辣味，美味又暖胃驅寒 ﹗雞肉滑溜淡淡肉，雞味濃，正呀 ﹗咸酸菜太少啊，又得少量豬肚。糊椒湯底，真係百喝不厭。起碼飲左三四碗 ﹗越打越濃郁越香甜 ﹗本地肥牛，質量較為低級，鞋靭不滑牛味淡。金菇、 魚皮餃、花枝丸，大路外購無特別。白菜、紹菜雖普通，但新鮮甜美，好食。…查看更多

如果唔係同學仔介紹，都唔知係偏僻巷仔有野食 ﹗茶餐廳格局，以家庭式生意。空間實有點細，眼睇最爆最迫可以坐到廿十多人啦，枱櫈都較細坐得唔太舒服。阿姐同師父老板都好親切友善，有傾有講，服務殷勤。價錢經濟，出品不俗，可以黎多次。傳聞佢地既酸辣米線好食過譚仔多多聲，有機會真係要試試。今日係船河日，一大清早出海，夜晚返到大埔就湊齊幾個朋友連埋舊同學熱熱鬧鬧食返餐，勁開心 ﹗大家都食得津津有味，再黎多幾支大啤，談笑風生，好久好久未試過喇 ﹗咸菜糊椒豬肚雞煲，糊椒味夠重，飲落微辣香甜，暖胃、驅寒去濕，好有藥療效果。Order 一隻雞都只係百幾蚊，價廉物美，雞肉又嫰又滑，係依度開飯既首選，好味道。藥膳雞煲，係好多酒樓或火鍋店都試過，係我最愛既湯底之一。但從未試過咁重藥材味，過多、令到味道太苦澀喇。正常應該係好清甜既雞湯味道，混和酒香加藥材味加麻。依家搞到咁，唔推介啦。order 左一隻雞既藥膳煲，雞並不是預先浸定酒，係收到 order 先浸架乍，所以雞肉還未被酒完全滲透。雞肉質地滑溜，好滿意，只係雞味稍為淡。奇味雞煲，賣相同味道覺得十足辣子雞咁。爆香大量辣椒、中芹、花椒、等等味菜，雞件斬得細細炒得香脆乾身，味道辣中帶甜，惹味刺激，可以一試。…查看更多

果然有郁動就自然快肚餓,踩單車只有一小時,肚子已經餓了來到大埔這區剛好兩點鐘,正值下午茶時間,我們就周圍搵下附近有什麼食?重點要找一間可以坐門外吃的,因為要泊......單車來到這一帶,食店林立,中西日上海台灣大食小食總之乜餐廳都有,但始終都沒有門外位的.經過一間大排檔點心店,係就係可以坐響門口吃,不過早上才飲過茶,此餐當然不會重覆啦再行遠一點,此地步則較為寧靜:)此巷內有四間餐廳,不知食乜?幸好餐廳在路口都均放了招牌,其中一間是米線,正中我心意,巧合老友也問我食不食米線?既然大家目標一致,於是乎去一看.這一間小店,內堂只有五,六張枱,放有一台電視機,門口的巷仔非常闊,所以坐街也不會影響途人:)自行開枱而坐,不過店員阿姨客氣地叫我地坐入去,有冷氣,更說單車放門口無問題啦...我們說明單車是租回來,才拒絕她的好意.門上的窗貼有餐牌和價錢,基本上一碗酸辣米線只需廿元,咦~小鍋紅薯粉也是廿元,眼即時閃呀閃,因為好多地方食紅薯粉要加多幾元,這裡不用加真令人高興呢加餸價錢亦不貴,平均都是五元,我想加什麼餸也想了好耐,阿姨走出走入幾次,其實想替我們下單,見我咁鬼耐她都無黑面我決定食小鍋紅薯粉加冬菇,加7元有台式特飲,好抵呀~又想~~~~好耐,點了荔枝玉露走甜少少冰,不過阿姨說凍飲不可以全走冰,唯有只要少少冰吧(其實見餐飲紙上寫明可以"小冰/走冰 & 小甜/走甜":().全部食物都是即叫即制,期間我走入店舖諗住叫阿姨給兩杯水,給我發現水吧旁放有幾套迷你食物模型,很得意我就忍不住拍幾張相,阿姨前來時還加說是他們自己買回來砌的呢等齊全部食物差不多十幾分鐘,看碗粉未食真係都已經流口水,看到無論用料和份量都非常吸引呀!!先說紅薯粉,阿姨本來說店內用開那款沒有貨,問我們改另一款得不得?我其實不知道邊隻打邊隻架,總之有得成就行這款紅薯粉比我在雲貴軒食開的完全不相同,這裡用的比米線粗一點,帶點煙韌和奶白色;雲貴軒用的是超級QQ和透明的.不過兩款都各有各的好味道,紅薯粉只要配合湯汁,很快很快就給我幹掉一大碗的了如果我在一般粉麵店食粉,就算剛才提到的雲貴軒米線,我都必須落大量紅醋佐食.估不到我食這碗粉,腦海中的"要加紅醋"的意識也離家出走去全靠這堆用瘦豬肉碎加醬汁自家制成的肉醬,香香甜甜,好味!!!將它撈在清湯中(其辣度可以選,不過我不食辣只食清湯),湯汁即時提昇~好好飲,我破例也喝了不少,配埋紅薯粉,更一流一流其他配料有酸菜,芽菜,香蔥和炸花生,每款都下得很多.酸菜是我最愛超酸系,口感爽脆,芽菜沒有草青味,浸到半生半熟才放入口,正也.冬菇炆得夠淋,但味不濃,對我來說剛剛好,很怕炆到咸到跳舞的那些.老友的飲品是沙冰系,反而比我杯更快,他說味道很好.我杯荔枝玉露,由另一位負責水吧的阿姐奉上,她說"椰果本身係甜,所以呢杯無得走甜,最多只有少甜,唔好意思...".我都明白這回事,加上她這麼有禮,我也立即說OK無問題:)甜度比我預期多少少,但一次半次飲杯甜野都無所謂少冰有做到,飲到最後冰塊還在,証明凍飲堅凍 XD怎樣也好,7元一杯也沒什麼要求了,去附近便利店買支水都六元八塊啦.食到飽一飽,都是三十二元,作為一個下午茶,差不多啦.相對之下,連鎖快餐店三十幾蚊TEA都食唔飽我架…查看更多

同朋友在"馬鞍山單車公園"租車後，便向大埔方向進發，入到大埔剛好約下午兩時多，夠鐘下午茶了。選了一些可以將單車放在外頭，又可以自己看管單車的地方，唔見了人家的單車可是賠數百元的。叫了以下東西：麻辣小窩紅薯粉辣不算辣，但幾惹味。酸菜應該是自家醃製的，酸味比辣味重。$20加送每款$5紅薯粉很彈牙，而且不吸湯，所以與辣味可說是分得很開。但也因如此，這碗薯粉的層次就變得幾特別。不是一味只有辣。酸菜：很酸，而且帶點爽脆。芽菜：是嫩芽的，頭上還有一點青綠的芽苗。肉醬：是炸醬的靈魂，不過不算辣。肥豬肉很少，幾乎全是瘦肉。這碗紅薯粉盛惠$30額外加一杯台式飲品只需$8。正價要$11-$13一杯荔枝玉露香芋雪香。衛生不算太差，反而是服務值得驚喜，可能是一家人做的，每個侍應都很積極而且很友善。雖然我很少去大埔，但如果有機會再去那邊，會再去回味下這個不算便宜但卻幾足料的小窩米線/紅薯粉…查看更多

呢篇食評打左好耐...唔記得post...又係兩口子晚餐唔知食咩好既時候，天氣又有啲涼食火鍋就啱哂，醒起呢間新新地又未試過，又推介啲雞鍋，咁就即管試下。一坐低點左個藥膳醉雞鍋，聽到老細即刻係廚房拎藥材煮，轉頭仲叫我地耐心等候。個鍋到左我地後加左碟肥牛、同菜，食第一舊雞，咦ok幾滑喎，湯底既藥材都足料，但肥牛就唔ok。由於佢地用拖板駁電磁爐，多人係鋪入面食火鍋應該幾＂喱hea＂。總括黎講好食，都會再去:)。…查看更多