翠園 (新城市廣場一期)

張枱明明唔喺廁所門口，都喺啲通風位度飄啲廁所味出嚟，請問仲邊有胃口食嘢呢？從未講唔係淨係單單胃口同味道嘅問題，而係衛生嘅問題。同個經理講，佢話冇啊邊有姐，跟住唔禮貌咁聳聳肩覺得我好似傻仔咁。我話係做服務業直程係連做人嘅基本禮貌都冇。然後我再上返嚟睇睇食評，原來呢度大家留嘅劣評都係真嘅。如果係好食嘅話價錢貴等得來都完全唔係問題，但呢度確實嘢唔好食、價錢貴，然後俾咗錢都仲要俾人不禮貌咁對待。求其搵一間屋村酒樓都好過佢。真心，以後都唔會再嚟呢度食。…查看更多

同長輩嘅家庭聚會離不開都係食中餐，雖然我兩個阿姨喺外國返嚟，但係今次係慶祝我老豆生日，所以都係去食中餐，中餐都冇乜特別地方多選擇，來來去去都係酒樓冇乜特別。我想講每次去翠園食飯慶祝，每次都係叫一圍，首先想講有時有啲信用卡優惠，叫餐食都幾抵食，同埋每一碟都幾大碟。我想講佢哋啲燒雞好好食，之後呢乳豬仔都唔錯，佢有時啲湯都幾好飲，我最鍾意係食佢哋個鴨腳，真係好鬼大隻。最緊要啲服務員姐姐個個都好好禮貌招呼都幾好…查看更多

星期日午市約兩點半入座，初初都好驚最喜愛的蜜汁叉燒王已經沽清。皇天不負有心人，慶幸食到遠近馳名，手切透光叉燒，足以媲美某燒烤集團嘅簿切牛舌，除開每片都係十蚊左右，非常抵食😋其他點心都中規中矩，唯沒有蜜汁叉燒王咁突出，令人一試難忘。😙可能已經接近四點準備落場，枱上面嘅吉碟吉籠堆積如同集團的寿司鋪仍未有人清理，等我仲以為電腦系統壞咗，埋單前會有職員前來數碟。好彩隔離枱埋單後仍然杯盤狼藉，可以騰出些微空間借來放少少碗碟，否則遲來的點心可能要再等一陣先有空間降落。😉…查看更多

平時來翠園多數是午市飲茶﹐今次同朋友來食晚飯﹐我們六人﹐叫了一個套餐﹐質素很好﹐龍蝦海斑套餐﹐個上湯龍蝦焗伊麵好好食﹐隻龍蝦夠大肉質彈牙﹐份量足夠六人。條魚清蒸花尾斑﹐中等大細﹐肉質夠滑。脆燒雞半隻﹐肉質夠腍﹐表皮脆脆卜。紫米露糖水不太甜﹐唯一美中不足是不夠熱﹐已經攤凍了。其他炆鵝掌和倣翅都好食。另外再加了兩個小菜。當天晚上人流不算太多﹐服務員數量一般﹐見到他們都忙過不停。今餐都算抵食﹐每人平均$250﹐值得推薦。…查看更多

【沙田區】【翠園】又係同兩位上司食飯嘅時間，喺沙田飲茶，唔錯。新城市廣場一期嘅高層就係被美心集團啲酒樓霸咗咁嘅，今次嚟嘅係翠園。反正都係 share 食，我用價錢嚟劃分食物。一開始講嘅係後尾先叫而賣 $39 嘅中點「鮮蝦炸雲吞」，味道同賣相都頗為一般，失望。跟住 $44 嘅大點有「叉燒酥」、「咖喱炆土魷」、「蠔皇鮮竹卷」、「甫魚滑燒賣」，都唔算好特別，只係好正常水準嘅點心。而 $50 嘅特點「北菇棉花雞」就夠晒熱，蒸得都 okay 不過幾貴吓。反而 $72 有份細嘅例牌「燒鵝」又唔差，起碼唔算好細份先。其他仲有 $45 嘅「叉燒腸粉」同 $68 嘅「花菇紅燒豆腐」，都可以啦。然後張單仲有 $54 係三位嘅「茶/開水」，飲個普洱連加一都成廿蚊位。埋單價 total 就 $554.4，都係情理之中，我反而覺得呢度最大嘅特色係有推車仔點心、煎糕等童年回憶環節。。。（地址：沙田沙田正街18-19號新城市廣場一期8樓801A號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #翠園 #新城市廣場 #鮮蝦炸雲吞 #叉燒酥 #咖喱炆土魷 #蠔皇鮮竹卷 #甫魚滑燒賣 #北菇棉花雞 #燒鵝 #叉燒腸粉 #花菇紅燒豆腐 #1am1610 #1ambackup…查看更多

翠園是一家歷史悠久的粵菜酒家，始於1971年，以其精緻的粵菜和優雅的環境而聞名位於沙田新城市廣場一期八樓交通非常方便，乘坐港鐵到沙田站便可到達翠園的點餐方式除了可以掃碼點餐還會有點心車，待應會推著點心車在酒樓內穿梭，顧客可以隨時選擇自己喜歡的點心今次品嘗了幾道經典的粵式點心牛肉腸粉腸粉皮薄而滑嫩，牛肉鮮美多汁搭配特製的豉油，口感豐富細膩叉燒包外皮鬆軟，叉燒饀料甜咸適中柚皮豉汁蒸鳳柚皮已吸收了豉汁的濃郁味道鳳爪蒸得時間剛好，皮滑肉嫩咖喱炆土魷咖喱香濃，土魷鮮嫩咖喱的香辣與土魷的鮮美完美結合讓人回味無窮乾蒸牛肉燒賣燒賣皮薄餡多，外皮鬆軟，口感豐富沙爹牛柏葉牛柏葉軟嫩多汁，沙爹醬香濃沙田翠園的飲茶體驗非常愉快無論是食物的質素、環境的舒適度還是服務的周到性，都讓人感到滿意如果有機會到沙田新城市廣場不妨去翠園一試，相信您也會被這裡的美味所吸引…查看更多

踏入12月·就快冬至團圓要同摰愛聚在一起·一齊為2024作結正所謂冬大過年·每年媽咪最著緊冬至飯美心中菜盆菜向來口碑不錯今年更全新推出6位用「鮑.參.花膠福滿盆菜」保留傳統風味之餘再添加18款矜貴又精緻食材·絕對是佳節宴客之選ꕺ粵式・鮑·參·花膠福滿盆菜༯65頭斯里蘭卡黃玉參、36頭花膠筒 、8頭福建鮑魚、炆鵝掌、瑤柱甫、炸白鱔球、帶子、蝦球、吊片、熟走地雞、炸芋頭、客家炆腩肉、北菇、蠔豉、蘿蔔角、素千層、髮菜、南乳炆花生༯配搭大廚精心炮製南乳汁選料上乘多款矜貴食材·用料份量十足原條黃玉參爽嫩軟腍；鮑魚甘香細嫩；炆鵝掌炆煮到入味；帶子蝦球新鮮彈牙；炆腩肉肥瘦相間入口即化！⇶每盆附贈金匙、金筷子·更顯矜貴得體⟡.· ⎯⎯⎯⎯⎯⎯⎯⎯⎯⎯⎯⎯ ⟡.·✱提早預訂· 盡享折扣優惠盆菜份量足夠6位食用·設外賣自取或者加$200 外送服務而家以Visa卡訂購6人盆菜·享9折優惠HK$1,880｜原價HK$2100兼送HK$200 美心中菜現金券…查看更多

又係一年一度約埋成班大閘蟹控食餐正宗大閘蟹嘅日子，美心中菜新推出全新4人大閘蟹套餐!人均$300幾即可以品嚐陽澄湖大閘蟹及5款菜式!呢晚來到沙田翠園,餐廳座位超多，舒服空間用餐。一個價錢就可以享受到四隻隔水清蒸大閘蟹我今次每隻額外加$30，由蘇州蟹升級做 #陽澄湖大閘蟹，肉質飽滿，金黃爆膏，入口即化。#陽澄湖大閘蟹 隻隻都有經行業協會頒發紅標防偽扣，質素有保證!套餐有五款精緻菜式，前菜有白切蒙古羊，酒香吸收軟綿入味。另有兩款蟹粉主題菜式😋🍲蟹粉燴鱸魚羹 及 蟹粉扒豆苗🥬前者暖胃足料啖啖魚肉伴蟹粉湯羹，後者份量滿足，蟹粉掛汁入味，開胃美味，醇厚濃郁。🦐雙色鮮淮山炒蝦球，清炒樸素帶出養生健康菜式。最後食個滋潤薑茶甜湯丸，將寒涼感平衡中和整體油膩感，祛風散寒，香甜軟糯。整體CP 的確抵食，把握食陽澄湖大閘蟹黃金時間，唔係好快又要等下年啦😆…查看更多

呢碟仔一半骨頭嘅嘢$72蚊一坐低成碟餐具就咁疊喺度就算要我哋自己分返咁多set 到咗我哋入去又無人帶，淨係話轉右，入到去又唔知坐邊台要自己揾 啲炸兩腸粉完全係濕嘅冧嘅我已經食到一肚火仲要我寫200字先可以劣平 咁我就比個好評你 大家入嚟食就自己睇路…查看更多

假日來到新城市廣場食午餐，到了翠園飲茶。點心叫完好快便上檯。點了牛肉腸粉，味道很好，都好大份蝦餃大大粒，蝦味都好濃，唔錯牛肉燒賣，呢個好好食，食到牛肉既香味又食到馬蹄既爽煎三色糕奶黃包。真的是爆汁的，食的時候要小心喔整體來說，食物質素也不錯…查看更多

三大一細、叫了四個餸 。 一個用積分換的半隻雞 。 勁鹹、也沒乜雞味 、優點是最快上菜醫肚。第二碟就是炒牛肉、都有心理準備份糧麻麻、但味還可以 。 最貴果碟龍蝦叫keep到下水準 、味可以、似新鮮、伊麵都夠、近4舊水合理 。 最離譜是碟通菜珊瑚蚌，又是勁鹹、蚌又細又得6舊到 、完全唔對張圖 、張圖的蚌大大隻、明白當然是要賺錢、但菜都唔多條。 好在有送下糖水 、杏仁茶、救返不少分數 。 埋單成900幾 。 細路重食了好少 。 難道要北上消費。…查看更多

翠園選用當造時令食材，由海外直送，喺香港都可以盡享環球食材，例如：美國珍寶肉蟹、澳洲海捕虎蝦、澳洲藍青口、紐西蘭羊架同澳洲和牛肩肉等，將西餐融入粵菜之中製作一道道佳餚～當然要帶家人來品嚐呢場海鮮盛宴！位於沙田翠園店內環境闊落，空間感大設計簡約優雅，營造悠閒舒適氛圍很適合約埋親朋好友來食用餐✾ 咖喱美國珍寶肉蟹配饅頭珍寶肉蟹超巨型，散發濃濃咖喱香味選用阿拉斯加水域肉蟹，肉質飽滿鮮甜以咖喱方法烹調香辣惹味帶點椰香再用饅頭沾滿咖喱食到舔舔脷✾ 雞油花雕蒸澳洲虎蝦虎蝦肉質爽彈，帶有甘香蝦膏蝦肉吸滿雞油濃香同花雕清香底層嫩滑蒸蛋亦吸收虎蝦鮮味✾ 豉椒炒澳洲藍青口充滿鑊氣，香口微辣藍青口粒粒鮮嫩飽滿，佐飯一流✾ 鴛鴦筍炒澳洲M4和牛肩胛肉眼爽口清甜露筍同茭筍炒和牛肩胛肉眼肉眼牛味濃郁，入口細膩柔軟推廣期由即日起至9月13日，好友飯局推薦！…查看更多

-日本菜韓國菜泰國菜 食厭左？就搵間中菜食晚飯啦⋯2年前曾經來過一次 記得食物質素都唔差今日行經見佢有個 ✅片皮鴨孖寶餐 $368 😋有原隻片皮鴨之外 仲有3選1既菜式清蒸沙巴龍躉班/上湯焗大花蝦(+48伊麵底)/小龍膠濃湯雲吞煲我哋就揀左中間既大蝦伊麵 有6隻大蝦🦐😮真係好大隻㗎 每隻都有兩隻手指拼埋咁闊 唔算超級爽脆果種 啖啖肉都好滿足🥹.至於主角片皮鴨 一隻既份量的確唔少😋皮連肉既部分大約16-20片左右淨係脆皮有6片左右 可惜無跟沙糖 唔係就更正🤤仲有兩隻脾都比埋你 抵食🤭見其他枱都好多人叫鴨夾埋一齊食既青瓜🥒同京葱明顯一早切定哂 已經無乜水份唔太做到解油膩既作用 .另外見無菜食 就叫多個 ✅魚香茄子煲 $128上菜仲熱辣辣 滋滋聲 份量就正常 味道都算幾好😌如果整返個白飯就Perfect啦😂😂不過太飽啦食唔到了…查看更多

諗主weekday晚留港消費，支持本地食肆。未夠7：30到 沙田 「菜遠」一家大細+親戚一齊食。老實講，成個大廳得11長枱左右，坐得好舒服！一d都吾迫！ 我哋個7人（包括70+ 的2位長者、1位小學生），諗住叫個6人餐食，又無其中一碟鴨無洒。咁我問係咪自選其他餸replace？囉侍應只係“令”頭，唔敢答咁無得點個6人餐。跟住我哋再揀一個片皮鴨孖寶餐。佢又話冇片皮鴨😅結果全部餐都無貨！我知市道唔好，唔入咁多材料，但係你半場人都冇，全部嘢都話人聽係售罄，你叫人點幫襯？！但你又勁宣傳你d 餐有幾抵，完全係陷阱！全場傳菜有4、5個,但樓面只得一個執枱/落單/上菜/收錢 的all in 1, 1 staff only！我雖然不滿，但係我都覺得這員工都很可憐！結果點洒menu，埋單$1600, 但大家吾係好飽🥲 吾知食左乜... 不如吾好做晚市算啦...PS, 9pm 埋單，終於見到個男黑衫，似部長的人出現…查看更多

非常惡劣的服務質量，成個餐廳管理系統相當混亂，極度缺人手，落單時等極都搵唔到人黎落。問起又唔知乜菜式有乜菜式無，結果落完單隔一陣返黎同你講呢樣無，又落單又隔一陣話果樣都無。已經搞到最後淨係order左一個送。點知就呢一個送，等左20分鐘都未有得食。最後嬲到講不如cancel唔食算罷，又即刻一秒就同你攞到碟野上黎wor？已經食唔出個送咩味，淨係想快脆食完走人。最後走果陣去左佢地個洗手間，污糟到想嘔，廁板上面有好多一滴滴深黃色污漬，換左一格，馬桶蓋同地上都有疑似係尿液嘅液體。總之以後都唔會再踏入呢間舖半步。…查看更多