翠園 (形點 I)

營業中

休息中

如果一至五放假首推元朗YOHO MALL翠苑飲早茶一來可以嘆茶，環境非常舒服二來食個早餐都好平，好多人都估唔到早茶會有特別優惠10.8 一款雖然唔係好多優惠點心但對我來講已經好足夠今日叫咗三樣嘢全部都係熱辣辣招呼亦都好好我已經來了三次飲早茶定期更換食物種類上次我記得有素菜包同糯米雞＄10一碟真係好抵如果住喺Yoho Mall附近真係好啱飲早茶嘅人因為朝頭早七點半就已經開門今日埋單都係＄44食個西式早餐都係差唔多價錢勁力推介

光顧茶市數次，晚飯一次。整體服務欠佳。晚飯9:30已摧我們埋單！豈有此埋！價錢不便宜，像花錢受氣。Waitress Ms Chan 還蔑視客人。經理態度冷淡。聘請這樣的員工真令香港形象受損。食物味道尚可，但份量少及食物不夠熱。環境良好，但侍應差勁！

型點依家真係好多嘢食，先行咗去Mango Tree不過實在太多人，今晚真係等唔到。之後望一望翠園，咁啱有張十人大枱就行咗入去。呢間翠園新開都未食過，𥚃面嘅枱排烈得比較密咗少少。安座後睇睇Menu，先落咗個老火湯先，其他餸再慢慢睇。咁今次主要講下幾個餸，首先係生菜片鴿崧，鴿崧配搭馬蹄粒炒得洽到好處，本身係有啲油但夾塊生菜可中和番，呢個餸係特別推介。其次係個西檸雞，賣相真係麻麻但點知食落又唔差喎！啲雞肉炸得個面都幾脆，肉裡雞肉都滑，個汁唔算酸都好醒胃。咕嚕肉同西檸雞差唔多不過賣相就好好多喇。最值得彈係個燒鵝，得個咸字同骨多過肉，下次唔會再叫。翠園啲嘢都唔差都算抵食，但啲餸份量細咗少少~

上星期試過 ，龍蝦碎到無得再碎 ，燕窩完全feel唔到， 條魚未發育，啲雞又乾又營養不良。完全物非所值。 菜單 一千四百九十蚊半圍， 落樓六個人每人三百蚊，跟住要去食雲吞麵。

上星期日來到這間新開的翠園，點了鳯爪排骨飯～飯未熟透，硬的。蝦腸～唔熱、蝦細隻。粟子焗布甸～又係唔熱。湯圓又係只是微暖。對呢間翠園徹底失望👎👎👎，以後都唔會再去。

酒樓光線，冷氣都幾好，座位都好舒服，點咗四個正常酒樓都要好食嘅嘢試吓佢功力，鳳爪排骨飯個靈魂係米嘅口感，豉油，排骨香，佢無樣合格 👎仲要特價收費都成 $34 一個瓦碗仔，如正價時段食，真係食完會揼心口，其他三個點心分別係叉燒包，煎蘿蔔糕，娥姐粉果，份量都較一般酒樓細件，如果以佢嘅裝修，你會覺得價錢都可以，但呢幾款食物，無一樣係我食完會覺得有想再去嘅幫襯嘅感覺 😖

我住在yoho，今天終於有時間落去翠園試試食點心做午餐。第一眼看它的裝潢無疑是美觀、舒適和光淨，不過那裡的其中一款椅子又重、色彩又娘，給人很老土和與環境不協調的感覺，難以理解品味如此差！至於點心的選擇不多、賣相和味道及以至餐具等等，竟同自家的美心皇宮差不多，招呼又差(可能員工不足夠)，咁不如把翠園改名為美心皇宮較合理啲。總之令人失望(因有期待)，如衹想坐得舒適，不介意招呼和食品質素的話，都可以試試！

手機app取籌，輪候方便。飲午茶，點心食材麻麻，不是即叫即蒸。吃過春蛋燒賣，懷舊腸粉，煎蘿蔔糕，菜苗餃，叉燒包等，鳳爪排骨飯，叉燒飯，味道一般，只有普通酒樓質素。伙記服務態度有待改善，大堂排列座位很迫，整體俾預期有些失望。