翔龍拉麵小籠包 (已結業)

叫左個炒飯，等左足足45分鐘先有！！！客觀講，整體食物質素不太差，但前幾日同埋小朋友去，點了炒飯就係主要畀小朋友食，點知其他餸黎齊哂，食鬼哂，碟炒飯都未黎，問左好多次話，佢地話無漏單！無漏單都要45分鐘？個飯我自己炒無咁嬲!!!埋單時，想畀卡，員工話卡機壞只收Cash!!!  我醒起上個月黎個陣佢地都話卡機壞，我問D員工，點解次次都壞嘅呢？佢地話係呀，壞左好耐。。。 喂，其實呀，叫人黎維修部卡機有幾難呀? 根本就係唔想收卡，你係就大大隻字寫晌門口擺到明唔收卡啦，扮乜野壞機呀？！永遠不會再幫襯!!!…查看更多

吃完旁邊的牛陣，眼見內裡食客吃得正是滋味，小籠包的印象就深深地烙印在我的腦海裡，是一種不吃就不能磨滅的印象，也是一種命中注定的獨特感覺，於是跟女人衝口而出說了句"下次我地不如試下翔龍拉麵小籠包啦"，於是"幻像似的小籠包(幻像似的愛情)，始終會食到你(始終會消失去)"成為了現實。海鮮煨面$58：驟眼一看，乳白的湯、鮮美的海鮮及具咬勁的面，很喜歡這種面與湯糾纆得分不清的面相，十足十依偎在彼此身邊的小情侶，而煨煮出來的面容易充分吸收了海鮮的鮮味，咁都比佢煮到，又煮得幾好，"而每吃一點，每一點， 這煨面，便啜你多些，再多些，至滿瀉..."翔龍小籠包(4件)$38：話明招牌菜式，必定要一試，小是精緻通透的小，籠是山竹蒸籠的籠，包是小籠包的包，裡面的餡應是半肥半瘦的豬肉，肥肉如玉，黃豆大小，喜歡小心翼翼夾著小籠包的那種感覺，像是躡手躡腳抱起只有三十六個月幼小的嬰兒，輕輕抱緊了，才放下心地甜笑，然後慢慢品嘗(我說的是品嘗小籠包，不是品嘗嬰兒喔~)奶油津白$68：甜美爽口津白，雖然加上滑不溜口的奶油，但我還是偏心淨津白多一些，原味才是更可口。翔龍炒飯$82：不知是否用了老抽的關係，呈啡色反應，說是招牌，我倒吃不出當中的與非招牌之間到底有甚麼分別，可能是材料不同吧肉鬆蒽花大餅$48：金黃酥脆，層次豐富，可惜蔥香味似乎不足。土匪牛肉$88：本來已經停了手，但女人竟然同我講未夠喉，oh my god!OK，加多碟土匪牛肉，可惜非常鹹，不是我的口味，而只得我一個默默承受。上海菜飲$18：叫了土匪牛肉，就要叫碗飯才夠滿足，不過就是單單的一碗菜飯，竟然需要一追一再追，不過都算清新可口。再加，2位茶芥$16，埋單$457.6。很久沒有試過吃得這麼飽，我一般嚴格遵照7分飽原則，今晚竟然大開殺戒，算是近幾年少有。…查看更多

同fd行開愉景新城，心血來潮突然想食上海菜，就入左翔龍拉麵試下。［花雕醉雞］淡淡的花雕酒香，雞肉滑嫩。［擔擔麵］麵唔會煮過頭剛好彈牙，咬落有d嚼口，湯底濃味少少辣，我係唔食得好辣但係又鍾意食bb辣，都幾啱我😐［小籠包］ 今次真係要推介呢隻小籠包，皮薄、肉餡幾juicy，抵食，好正！👈［酒釀丸子］食完主菜，叫番個甜品做ending^ ^聽老人家話酒釀丸子係女生每月必飲，補身且美顏養敷呢，yum yum😋…查看更多

本來同朋友慶祝生日，買左蛋糕事先交低俾餐廳，壽星唔知道會有蛋糕，然後我地就開始用餐。用餐時間一個半鐘，淨返半個鐘個經理(著既制服有d唔同)走黎問我地仲有無單加，蛋糕洗唔洗宜家拎出黎，我地當堂呆左，壽星就話原來有蛋糕嫁，算都破壞左啦，但我地心諗其實仲有半個鐘唔洗咁催嘛。過左陣叫佢拎蛋糕出黎，佢就咁原隻連膠袋放上黎，喂你有切餅費，碟都無隻，拆都唔同我地拆開，你收切餅費？咁你叫放蛋糕費wo野食都只算係不過不失，仲有翡翠，上海婆婆一堆都好好多，仲要成晚d侍應都黑面…查看更多

今日男朋友生日哦😘☺️ 本來想好好去間餐廳同佢慶祝架👫可惜我呢排好忙 聽日又有急事要做 🙈🙈 所以今晚唔能夠同佢去我plan好嘅餐廳食餐飯 只可以食簡單嘅一餐飯🙈 買個蛋糕🎂慶祝哦 抱歉哦🙈😭但男朋友都💯無介意哦 我哋就簡單咁食餐上海菜小籠包 甜甜蜜蜜咁過了👫☺️叫左個頭盤 類似五香牛展 個汁都調得幾好 麻油又夠香 我都幾中意食😛 記得點個汁哦😛 男朋友覺得作為前菜都唔錯阿💁‍♂️💁‍♂️💁‍♂️小籠包都正常 又唔貴 皮唔會厚 一啖咬開有湯汁☺️☺️ 不過未算爆汁💁‍♂️ 最好食係個韮黃炒鱔糊😋😋 鱔糊嘅份量勁多 條條鱔肥嘟嘟😋 肉質有啲口感又唔會淋啤啤 整體味道又夠！！💁‍♂️💁‍♂️💁‍♂️💁‍♂️男朋友同我都好鍾意食👫😋最後我哋仲叫咗個酸辣湯麵 味道就偏辣咗啲 我哋覺得多酸會好味啲💁‍♂️💁‍♀️ 同埋個湯杰左啲🙅‍♀️ 麵嘅質地就唔錯 幾煙韌💁‍♂️💁‍♂️💁‍♂️男朋友食得開心就好啦 生日快樂喔😘…查看更多

同男朋友好肚餓，一坐底就火速叫野食，結果一坐坐左成半個鐘都無野食。漏單係可以原諒，但佢直程唔鬼見左張單，但見枱客坐咁耐都無野食一啲都唔覺得奇怪，乜係開放比公眾齋坐嘅咩？客又唔多都可以咁，表示佩服嬲得濟乜都無食走左，直接去左食快餐算。本身係想坐得好啲所以先唔食快餐黎呢間，好失望。無人發現張單唔見左，直到我追單，個店員先黎confess張單唔見左叫我地落多次。另一個店員就走黎話會整左我地張單先，心諗，本身我地黎先全部格離枱都食緊，會唔會再遲啲。…查看更多

朋友快將卸貨 於是又一次相約朋友於荃灣食好西 大家都不約而同地想吃中式 上海野就最適合不過 來到位於荃灣愉景新城既 C. dragon @ 翔龍 兩人行又吃不多 於是點了擔擔面、煎鍋貼、麻醬腐皮及雪菜毛豆炆豆腐 擔擔面配上上湯 可以有兩種吃法 雖說原汁原味好吃不過略嫌面身比較乾 即使混醬後亦然 加點湯後感覺好多了 吃煎鍋貼是一種執著 不知何故吃上海菜定必點上 尤如上海小籠包一樣 這間感覺中規中矩 沒有太大驚喜 不會叫人嘩然 這味雪菜毛豆炆豆腐則以濃味取勝 平淡無味既豆腐先煎香再混合野味雪菜冬菇肉碎混上毛豆一併煮 口感有層次之餘味覺也有刺激感 平日吃得清淡的偶而來一下濃味甚有驚喜 推介值得一試~ 不知何故同樣地對麻醬也有一份執著 這味冷盤麻醬腐皮口感獨特 淡口既腐皮配上令人又愛又恨既麻醬又是另一種新吃法 腐皮卷著紅蘿蔔絲 令整份腐皮有提鮮作用 吃素人士大概會愛上 呢間分店特別之處在於有劃分親子區域 感覺貼心親民 一家大細都可以安心用膳 C. dragon @ 翔龍 荃灣愉景新城3樓3003號舖 就此，謝謝喔~ …查看更多

今晚約左人食上海野🧞‍♂️🧞‍♂️ 但下午茶食得太飽 所以唯有叫少d🤣🤣 兩個人叫左個砂鍋黃魚小雲吞湯 加個小食 素鵝！平時係屋企唔係好多時候有湯飲 出街就希望飲下啦🧞‍♂️個雲呑湯兩個人飲都分到每人三碗🤯🤯 仲好甜下 成煲魚湯煲到奶白色咁！！仲有成條黃魚比客人食！物超所值阿！🤑🤑🤑 不過雲呑就麻麻地 煲到太軟啦 無咩口感！可能岩番年長既顧客口味掛🤨🤨 overall cp值都幾高 以個湯黎計既話！！…查看更多

呢間位於愉景新城嘅 [翔龍小籠包]， 過去一直是我們的至愛，因為地點方便，地方寬敞舒適 ！ 相隔一段時間，前日我同老婆再次捧場， 睇下仲可唔可以保持水準……由於仲係新正頭，店內佈置充滿中國特色我們點了必選的小籠包，果然冇令我哋失望！ 外皮超級薄，小籠包裏面啲湯仲係暖暖的，配上黑醋，入口鮮味！另外我們點了順嫂魚羹湯(例牌)，分量十分之大，我們二人飲了兩至三碗，湯十分熱，魚片 份量亦豐富！水煮牛肉今次好似重手些了， 就連平時愛辣的我都覺得好厲害！食到全頭都冒出汗水來！我最喜歡就係佢奉上的熱茶，茶味芳香， 很清新！…查看更多

今日去咗食團年飯😄， 一入座有個戴眼鏡店員超級好服務 👍👍👍態度又好又有禮貌🤗， 我哋六個人去食 😄這位店員好快 幫我哋落單我哋叫咗 ，🐷豬手 (好好味又夠淋 )松子魚🐟( 做得好香口又唔油膩)， 口水雞( 味道唔錯) ,炒飯， 豆沙鍋餅 (同平時食嗰啲都係一樣冇乜特別)，仲有個豆腐 (最後呢個豆腐個芡汁頗為多 味道麻麻🤔)不過食完呢餐飯🤗大家都好開心咁離開😄😄😄，因為店員真係非常好服務👍👍👍 又客氣 🤗值得推介下次再嚟🤗原來一間食肆係咪真係超好味😋有時都係其次我覺得最緊要唔好食到一肚氣，如果食得唔開心，寧願食快啲即刻走 ，完全深深感受到雖然佢唔係超級美味 ，但係勝在有人情味， 服務態度一流✔✔✔✔同我早排食嗰間 相差真係好遠~ 嗰間❌❌❌❌上海xx直情唔會再幫襯😣…查看更多

見完客行過門口，見到下午茶＄45，見咁平就走去幫襯啦。本來我就諗，＄45平平哋，都唔會太差嘅，點知伏味咁重叫咗一個招牌水餃，一個回鍋肉炒拉麵，同埋一杯紅棗茶，仲加左我＄5添！點知一樣好食嘅都冇囉！個招牌水餃就最得意，皮還皮，肉還肉，咬落去又鞋又硬，我返屋企打開冰櫃自己煮啲急凍水餃冇咁嬲啊個回鍋肉炒拉麵就冇乜嘢嘅，如果你唔介意啲豉油冇事有味，食完好似食色素咁樣，咁都冇乜所謂嘅個紅棗茶就幫你落咗好多糖，將你頭先食完清淡下午茶嘅口腔，配上一陣陣人造嘅甜味。總括而言，真係好肚餓，你咪入嚟囉。唔怪得知成個下晝都冇咩人啦…查看更多

早兩日行左陣街忽然想食小籠包就入左黎，無下午茶set都算。。。已經好肚餓架啦，成間餐廳得個幾枱客，幾個待應都仲係企係張枱望都唔望。我地同另一枱客企左幾分鐘先過黎理我地，想餓死我地咩！一黎就sell我地食個兩舊水的雞煲！。。小籠包明明幅圖就有6粒！黎到就得個4粒？？？🤬🤬🤬仲要一拎起啲汁就漏！其他都勁普通，由其個羊肉睇見隔夜咁既樣都唔開胃，食落口個包皮又厚又韌，個羊肉又咸又無肉味，唔知食緊乜咁，食左兩啖就放低左。。。…查看更多

今日突然想食上海菜，同事們都話好！近近地去左愉景新城嘅翔龍拉麵小籠包度食！好彩平日lunch都唔算多人排隊！佢地lunch都有好多lunch set 選擇，有麵有飯等等。荃灣區返工嘅朋友們可以一試喔！…查看更多

小籠包($38)黎到個時熱辣辣幾好，但係一咬落去就知中伏。皮太厚，雖然小籠"包"有個包字，但冇預期會食到傳統意義上嘅包點，另外可能因為皮太厚關係，外皮吸乾內褢肉汁，餡料略乾，味道普普通通，與一般茶餐廳的蒸肉餅相比，我會選擇茶餐廳.....而鮮肉鍋貼($38)亦同上，皮太厚，餡料太乾，唯一值得讚許的地方只有大份了，一隻抵外面兩隻的尺寸。上海粗炒($68)十分油，但這點勉強可以接受，因為上海口味原本就「濃油赤醬」，但為什麼麵條會帶有苦味呢...?是麵質問題還是醬料出錯? 再者，香港租金雖貴，但食品成本用料方面也不用這麼吝嗇吧，一整碟粗炒只找到三數條"纖細肉絲"孜然羊肉配薄餅($68)全晚最正常的一道菜，薄餅皮以蒸籠上，應該是剛蒸好即上的，可惜水汽太多令皮沾在一起。孜然羊肉味道還好，如果再濃味一點就更好。紅棗糕($48)，賣相不俗，大大份熱辣辣，但糕身黏糯，口感不討好，另紅棗味不足，甜度亦不夠，就像一件無糖馬拉糕...以這一餐的價位及質素，我相信同區不乏選擇。…查看更多

好耐未試過比差評，始終而家做餐廳艱難，但係真係唔比差評唔得同家人去行ikea，順利過愉景新城帶小朋友玩，一向中意食上海菜既我，懶得返轉頭搵，就貪方便試呢間，點知等菜等得耐都事少，所以菜，係所有！無一樣ok，我逐樣解説呢個四季豆，得豉油味，d豉油仲滴緊蒸蛋一份，講完，下次可以落少少鹽都好呢個大廚先煮到，甘多辣椒都可以唔辣無味，魚老甘就600，錢事少，浪費左我個胃既位置，同享受一晚晚餐既光陰總括，請我都唔再食🙃…查看更多