羽山冰室 (已結業)

見食評唔錯，裝修企理，好似好用心經營，所以專登搭車去試。要咗一個沙爹牛麵餐同豬膶通餐。沙爹牛麵，炒蛋同奶茶都好好。但豬膶出晒事。首先落錯單，嚟咗豬膶公仔麵。因為唔想浪費食物，都唔介意。但個豬膶唔係普通難食咁簡單。冇醃過，而且超級老，係老過阿媽煲豬膶水的豬膶。雖然因為唔想浪費食物都食晒，但完全浪費咗我人生的一餐，而且因為有期待就更失望。唔知係我唔好彩遇着趕落場所以失手，定係屬於正常發揮。或者我會再去，但一定唔會再叫豬膶。（睇腳啦，其實有得揀我唔會再去囉）…查看更多

依家以屯馬線由美孚入元朗，其實快過我過海搵食，不過，總喺有個錯覺好似好遠，入親嚟元朗呢邊食嘢都係因為行山，今次同個老死真喺有啲熱血，30幾度高溫挑戰「雞公嶺」，我哋行得快，全程都要3.5小時，但就幾辛苦吓。最後，搭番巴士出元朗食晏，就晌巴士站附近嘅「羽山冰室」醬肚。雖然叫冰室，裝修有啲似西餐格局，店舖好細，一眼睇曬，大概廿個位多啲，裝修方面就無話一個咩風格，始終喺小店，為咗做多少少生意，所以，枱櫈都排得好逼，基本上都喺同隔離枱搭住坐埋一齊，我哋算好好彩咁啱被安排近窗死角嘅二人枱，其實另一邊都喺黐埋隔離張四人枱。餐具同糖包、胡椒粉就咁擺咗喺枱面，無餐紙提供，如果要水嘅話，可以向侍應要求，否則，佢哋就唔會特別主動比杯水你。食物選擇方面，你又唔好睇佢鋪仔細細，選擇又非常之多。正正有啲外賣單張攞，索性掃描貼出嚟，等大家有個參考，我哋就睇啱個特濃蕃茄薯仔湯系列同魚湯泡飯系列。特濃蕃茄薯仔湯鮮牛肉通粉 $55個牛肉通粉好好快就送到嚟，份量都幾大碟，色澤鮮紅睇落幾對辦，老友就話果然特濃，不過佢個人本身食嘢就偏健康，所以，話多湯有少少偏酸，但整體感覺都OK嘅，尤其晌大熱天食落醒神啲嘛；薯仔同牛肉都好夠份量，牛肉又幾腍，啲通粉亦都煮得啱啱好。3.6牛乳炒蛋配蒜蓉牛油多士我個炒飯都食咗一半，都仲未見佢個炒蛋多士，明顯喺漏單，追一追結果炒蛋、多士都要分開上，哈哈！個炒蛋都幾嫩滑，裡面仲加咗火腿，不過，火腿就有少少過鹹，老友就話唔加好過，多士呢咁你睇樣都係無乜花巧，蒜香味一般般咁啦。薑絲芫荽皮蛋鮮牛肉魚湯泡飯 $58同樣，我都喺想食啲濕濕哋嘅嘢食，所以揀咗食泡飯，幾款口味當中，呢個我覺得喺會比較清爽啲。初時以為一大碗過，佢又幾好喎，湯還湯，飯還飯，變相份量多咗。先試啲鮮魚湯，堅喺鮮甜濃郁，絕無欺場，搭埋薑絲、芫茜，另一番風味；牛肉亦都好嫩滑，食泡飯最緊要啲飯粒分明，唔好有爛飯都夾硬加落去；除咗皮蛋，仲有嫩滑嘅豆腐同爽脆嘅木耳，所以，成個飯真喺好食，超推介，睇我全部幫佢清晒就知啦！凍奶茶 +$3今次真係唔飲凍奶茶唔得，外面成30幾度，新界仲要熱多兩三度，趁快飲兩啖解解體渴，確喺冰凍好爽，個奶茶都沖得幾香濃，不過，始終加冰，飲到尾段喺實會走樣咗少少。雖然，呢度地方逼啲，招呼亦都喺一般般，好似初時嚟到唔知要攞飛，店員又無出聲，只喺望吓我哋咁，另外，又有漏單嘅情況，還好嘅喺食物都做得唔錯，尤其個泡飯，用料十足:)！…查看更多

元朗一向都係新界西既美食集中地，周不時都會走黎走去搵好野食。今次唔算熱鬧既地點，搵到一間驚喜度十足既冰室。今次先叫左一個咖哩豬扒撈丁，食落咖哩幾香，辣而不油，而豬扒亦都有先調味，煎完更加香口！食落口感相當唔錯！之後當然要叫一個焗飯，今次叫左個白汁海鮮焗飯。除左料多之外，白汁味道亦調教得不錯，一啖海鮮一啖飯，不知不覺就食曬了。總括而言，又發現到一間元朗既高質餐廳，焗飯的確質素不錯，環境裝潢亦相當有心思…查看更多

一早約好家人來飯聚慶生，問了店家，可以點party food menu，只要提前通知店家預備食材就可以。可是當天正值八號風球高掛，幸好天文台有預告幾點改發三號，而店家也人性化處理，回覆轉三號就會開舖做晚巿。機會留比有準備的人，我們一行七大兩小，預先選好餐單，到店就通知店家可上菜。首先來了蜜糖雞翼及南乳雞翼。前者個蜜糖係有拉絲感覺後者賣相黑七七，咬落去雞翼入味，唔錯唔錯。然後是椒鹽豬扒（炒飯底），哇。。。好有鑊氣的一兜，有啲啲咁多辣，好惹味。跟住係魚湯浸時蔬（menu係浸菜苗，由於掛了一整個白天八號風球，有咩菜都照食啦）好食，同行者有人當菜湯咁飲。然後卡邦尼意粉，比較失色，味道係夠既，可能同枱參與者都開始飽了，手腳放慢好多好多。慶生，少不了蛋糕，可是打風關係，買唔到。最後腦筋急轉彎，點了個一口多士山，插著自備的生日旗，yeah…..搞掂。就係咁，食左餐正正式式風雨不改的晚餐。一定一定會擇日再光顧。…查看更多

雖然知道係小店 但環境實在污糟抹枱抹唔乾淨 地下又有用完紙巾 牙籤 各樣垃圾店員冇野做時唔做清潔 反而喺度打牙鉸食物方面 叫左一個常餐 潤牛米粉同埋一個下午茶 豬扒包 配西多士1）先講潤牛米，湯底係夠味，米線唔係普通茶記質數。但係，最重要嘅豬潤同牛肉極度失敗。牛肉靭度好似食香口膠咁、豬潤鞋到車軚咁，仲要苦嘅添！炒蛋多士就正常水平。2）豬扒包，包皮極硬，豬扒勁鞋，難食。西多士，唔知點解個西多士可以係空心。叫左兩個餐，兩個都極度失望。…查看更多

星期日既夜晚，經過依間冰室，環境非常漂亮，細細間，不過裝修好特別，好多貓貓店內座位唔算多，不過冷氣非常之足夠，喺炎熱嘅夏天入面一樣嘢非常之重要，睇返個餐牌，原來之前嘅袋鼠外賣嘅時候已經幫襯過，記得佢哋個雞扒幾好食今次嚟到，就叫佢個鐵板雜扒，88元，我記得之前喺元朗另一間茶餐廳或者冰室食一個鐵板都要過$100了，仲要唔係雜扒，所以依間價錢都算合理鐵扒熱辣辣，豬扒雞扒腸，蛋，煙肉，非常足料，茄汁另上，正，雞扒醃得幾好，薯仔炸左，好有咬口有誠意！另外一個叫咗咖喱牛肉飯，個咖喱底非常之濃郁，加埋d，牛肉唔會好硬，飯量足，男人都會夠飽小店來講，依家非常之有誠意，會再次光顧…查看更多

對上一次幫襯原來已經係大約一年前，今日放假於家中用外賣apps落order。家人選擇厚切豬扒芝士撈丁，豬扒夠大塊，肉質都算OK，芝士份量適中，如果太多會好滯。我叫咗香濃蕃茄薯仔湯羽山雞扒通粉，餐廳強調蕃茄湯並無落味精，所以係有啲期望，個湯及雞扒都算OK。另外加個焗芝士肉醬薯條，賣相麻麻，因面有小小焗燶咗，夾開咗燶的部分，食落味道幾好，肉醬及薯條本身都係好的配搭，薯條亦烹調適中。整體食物美味，份量亦足夠。…查看更多

元朗有好多小店，近排發現呢間羽山冰室都唔錯。今日食燒雞扒牛乳炒蛋飯，蛋香味濃，而個黑椒雞扒，味道特別，唔會得個咸字黑椒又唔會好辣搶晒d味。普通嘅雞扒蛋飯做到唔普通，可見花左唔少時間妍究，個餐牌仲有好多可以慢慢試。…查看更多

朝早諗住隨便食個早餐誤打誤撞入左呢間茶餐廳裝修幾有特色 加上見到有好多貓嘅元素 本人係貓奴(申唎)講番正題一入到去聞到好香咖啡味 一問原來有即磨咖啡飲架呢度 小驚喜嗌左個芝士咸牛肉蛋治 走左蔥 好食😋😋加杯齋啡 好好飲 滿足 會有下次🤓…查看更多

一直都唔知原來元朗有一間咁既冰室。因為係元朗起步行山，所以特登openrice左先，見到羽山冰室好似唔錯，所以走嚟幫襯下。😃Menu 都好有心思下，早餐價錢不到$40，以而家香港真係算親民啦！叫左個沙嗲牛肉麵＋炒蛋多士＋熱咖啡。熱咖啡竟然係即磨嗰種！👍🏽炒蛋黃金色又滑又大份，牛肉唔會靭，沙嗲汁剛剛好仲有洋蔥tim😊 真心唔錯未試過茶記都寫食評 😂下次會繼續幫襯！------------------------------…查看更多

我在這家餐廳點了茄汁焗豬扒，但是豬扒的鹹度實在是太高了！吃起來嗓子都快被燒焦了。我不知道是不是因為他們用的醬汁鹹度太高，還是豬扒本身就有這麼鹹。不管怎樣，這道菜的味道實在是令人失望。除了鹹度的問題，這道茄汁焗豬扒的口感也不是很好。豬扒有點太過乾燥，吃起來有點像是老鞋底。如果他們在烤豬扒之前多加些醬汁或者醃料，或許可以改善這個問題。總的來說，這次用餐的體驗實在是不太好。我不會再來這家餐廳用餐了，也不會推薦給我的朋友。希望他們能夠改進菜品的味道和口感，提高用餐的滿意度。…查看更多

羽山嘅午餐同下午茶都經常食，早餐時段幫襯都真係第一次，鋪仔細細，但裝修係幾有特色，用色令人感覺好精神，而家佢哋長期播廣東歌，我個人係好欣賞嘅朝早嗌咗雞扒包同凍奶茶個包絕對保持一貫高水準，包烘脆咗，雞扒煎得啱啱好又夠香，中間夾咗蕃茄同生菜，沙律醬夠得嚟唔過多，而且勁大份，成個食晒真係好夠飽！杯奶茶茶味夠，奶夠多，又唔怕太甜，用鋼杯好保持到冷溫，好飲！另外想讚下老闆，殷勤、快手同爽快！一定會繼續支持呢間小店！…查看更多

返工同同事嘅節目就係諗吓午餐食咩🤣睇吓附近有咩食👍🏻見到呢間冰室有好多唔同嘢食😍賣相同埋擺盤都唔錯咁又想食焗飯又想食蔥油飯😁又想食返茄通😂最後都係決定揀咗焗豬扒飯🥰🥰新鮮滾熱辣，係錫紙底😆炒飯底好好食👍🏻👍🏻 雖然個盒好似好細咁但係原來都好多飯下豬扒蕃茄同芝士都好好食😍😍焗飯真係值得推介👍🏻👍🏻下次再試吓其他食物先見到啲人話早餐唔錯，搵日早啲起身過去坐低嘆吓先🥰同埋舖頭入面好似有幾隻貓好得意。…查看更多

經常去羽山冰室食早餐，又平又正又抵食，兩個餐食到飽飽100蚊有找，邊度搵？今次介紹兩款好食夾抵食嘅早餐。魚柳併漢堡扒炒蛋早餐 Morning早餐有麵、米粉、扒等，我就揀咗扒，魚柳併漢堡扒炒蛋。價錢係一般早餐價，但食嘅係all day breakfast格局，有多士、炒滑蛋、茄汁焗豆、沙律菜，魚柳炸得好脆好嫩，仲有淡淡魚香味，正！香葱咸牛肉芝蛋治 另一款包類早餐有蛋治、餐蛋治、芝腿治、豬扒包等選擇，我哋就揀咗香葱咸牛肉芝蛋治，烘底。蛋治餡料足，咸牛肉惹味足料，散發濃濃葱香味，最驚喜係炒蛋超厚，麵包其實都唔薄，但都hold唔住啲炒蛋，食到有啲論盡，但食完非常滿足。即磨咖啡好滑，好香咖啡味。👍🏻…查看更多

另外好想推介下呢個羽山版本嘅全日早餐，份量喺茶記入邊來講算係非常唔錯，價錢都公道。 而家喺出邊要搵一個$100以下嘅all day b好難啦算係有驚喜，茄汁豆，魚柳，多士，沙律，滑蛋，而且滑蛋有心機，炒得好靚，推介大家去打卡…查看更多