義興冰廳 (已結業)

九龍城美東邨對於我嚟講，係一個歷史印記。雖然闊別多年，但每次經過總係會勾起回憶。近年聽見政府要將屋邨清拆重建，上年終於的起心肝重遊舊地🚶‍♀️。當時其實已經得返一間餐廳仲有繼續營業，就係位於第五梯旁嘅「義興冰廳」。其實細細個時主要都係跟住呀爸呀媽，唔會自己去幫襯。再者，即使住嗰度，亦唔代表會成日去食，不過我都肯定有喺入面留低過腳毛嘅🦶。題外話，我以前覺得餐廳個名好唔正經🙈，亦記得有好多的士司機喺門口泊車入嚟食。記憶中嗰度好噏耷，以前小朋友嘅我一定好抗拒。當日再次到訪，只見到環境更殘舊，因為就嚟都唔做啦。我對餐廳某啲地方特別有印象，例如呢度有兩「層」，其實係講緊中間有級樓梯。另外，餐枱面向門口菱形咁擺🪑。門口右邊亦有個玻璃櫃，我都唔記得咗以前係咪有新鮮出爐麵包賣。當日我哋成下午四點半先去幫襯，但原來人哋收五點，即係我哋阻人放工要XXX🤣。不過店員們都樂意招呼、無趕我哋走。由於準備收舖，所以餐廳無幾多食材剩，我哋都係簡簡單單食咗個麵餐🍜，每碗承惠$38，凍飲再加$2，消費唔係想像中咁平。我食咗餐肉蛋肉丁米粉，朋友就要咗餐肉雙蛋麵。如果要講味道，我就真係無乜特別好介紹，因為即係茶餐廳嘢食囉。味

人大左永遠追求童年回憶，細個嘅時候住喺九龍城寨就係依間冰室對面，幼稚園就是旁邊的安琪幼稚園，眨吓眼已經30幾年，九龍城寨已經面目全非，但係仲有美東邨嘅回憶！小時候，義興冰廳，咖喱牛腩飯係媽媽帶我哋去食，印象記憶，味道依舊，餐廳裝修和30年前冇不改變！因為我記性好好！希望呢啲老店繼續延續下去

下午同太太去上堂之前，總要醫醫肚才可以去上堂。駒著車子啊，在市區會有什麼地方可以讓我們停下來。本來打算在樂富的一個地方停。可是，車位找不到，連停一停既地方都被其他車佔用了。沒有車位，又想停下食野，真的是頭痛的一件事。喜歡尋找隱世的味道既我想起一個地方了，而這個地方，就是古舊的美東邨。沒什麼車，沒什麼人，而對面就是九龍寨城公園。現在的美東邨，只是冷冷清清的一列小商店。但回想起80年代初，我第一次，亦是唯一一次入去九龍城寨探險，這一條東頭村道，一旁是美東邨的小店，另一旁是滿佈無牌牙醫的一棟棟高樓舊廈。若是大家翻看一些歷史照片，從前的東頭村道、美東邨，是何等的熱鬧。可是歲月的變遷，九龍城寨因為種種的問題，現今己變為一個公園，而城寨於東頭村道的出入口，亦已經沒了。從此，美東邨同九龍城起了一牆隔膜，光輝的時代，已經不再。不過，依然有一些商店，服務周邊的居民，令消失了多年的風貌，留了少少的痕跡。現今，好的地方是這兒車流不多，要找個好位置泊車食飯絕對不難，就在冰室的門口泊好車，一落車，太太就被店外的花貓吸引了，入到冰室內，原來另有一隻懶洋洋的貓，甚是可愛。 冰室的空間是

10月28日...影完相,坐巴士走時,經過美荷樓,心血來潮想去呢度會一會佢...於是,就落車行過去義興...一間舊式茶記,華麗裝修欠奉,但就係多咗一份舊情懷,坐咗卡位,一道屏風之隔,聽到馬吊聲,隔離檯有剛湊完細路放學嚟食下午茶嘅師奶,又有同熟客們吹吹水嘅伙計,一貫舊茶記屋村街坊鐵竇作風,而家已經好難搵到...要咗一杯凍齋啡&油多,啡普通,太多冰,淡得滯,無甚驚喜...油多唔錯,夠多牛油,而且多士夠脆,正~只係價錢方面比較貴,一杯普通凍啡都要$14,加埋油多總共$21,好似貴咗啲囉...

很多時乘巴士都見到這間舊式屋村茶餐廳，但估不到親身在內才發現地方比我們想像中寬敞‧選擇了卡位後，老公便點例湯、菜遠班腩飯和涷奶茶;而我則選了火腿蛋通和熱奶茶‧例湯: 例湯是蓮藕湯，味道一般‧菜遠班腩飯: 獻汁超多，班腩味淡，失望之作‧火腿蛋通: 大路東西，沒有什麼特別‧涷奶茶: 奶味和茶味都幾好，令人滿意‧熱奶茶: 茶老令茶味稍為澀了一些‧

這個星期的飲食雜誌都是寫一些懷舊冰室， 令我很想逐一嘗試。 今日下午三點左右， 老公車我出九龍城美東村， 一嘗「義興冰廳」。 入到餐廳， 客人應該都是一眾街坊和一半是的士司機， 可能因為門外可泊車， 極為方便。和九龍城廣場一街之隔的美東村， 環境很寧靜， 又有樹蔭在旁， 感覺很舒服。門外的帳篷很搶眼， 擺設簡單而整潔。 我們點了一個A餐($22)、奶油多($6)和凍奶茶($12)。 A餐包括腿通(可改雪菜)、雞蛋三文治(可改煎雙蛋)和熱飲。 腿通不錯， 無論味道、份量也ok； 雞蛋三文治和熱奶茶藉得一讚， 麵包軟軟， 而雞蛋整得好好味道， 奶茶好有水準。 奶油多亦熱辣辣， 多油多奶， 好好味! 假期又不用排隊， 門口又可以泊車， 食物也幾好， 會再去囉!

上星期六下午特地到美東村一間冰室食野，其實講左2年，今次真係去到今次醒目，下午茶時段，一定仲未關門。一入去以為入左黑店，少貓三兩隻，心諗一定中計，於是係咁易叫左個$20五香肉丁麵餐，諗住唔好食都無咁心痛，點知佢食物有質素，服務態度好，份量夠，味道ok價錢真係好抵，多肉丁、有煎蛋+火腿(唔要火腿仲可以改蛋治)，奶茶味道唔濃，但夠味。大家下次有機會可以試下。

如果九龍城寨仍在,在後面的美東村,就抬不起頭來.現今城寨成為公園,遠望著美東村,感覺有點自成一角之氣派.村內的"義興冰室",同美東村唇齒相依,冷眼看龍城幾十年來的變遷.未入門口之前,覺得入面是否三山五嶽之地?非也,或許店名同某社團名稱雷同,很重江湖味以給大家一種錯覺.事實上,公仔佬金毛飛不見,中坑長者就大把.包括我這個拿住份馬經賠率的新晉中年.例牌早餐,先行奶茶,茶味重過奶味,味道失衡.煎蛋有什麼可講,這天早上的太陽蛋,煎得又不錯.沙爹牛麵又是例牌貨色,當然沒有太大要求.來到這類幾十年歷史冰室,吃的往往不是其食物本身的味道,而是那種臨近消失的老香港情懷.義興大佬,你還有多少日子?

繼續周圍坐, 今次0黎到最近屋企的呢間屋邨冰室, 例牌熱奶茶 ($10) + 油多 ($6).奶茶唔滑, 唔算掛杯, 不過茶味都幾香, ok 的.而油多, 就好聞唔好食 -- 烘得夠, 牛油香味聞落亦夠, 不過份量落得唔夠, 乾爭爭的, 無杯0野飲送0下的話, 食得幾辛苦的. 兩樣加埋 $16, 差不多啦.呢度環境夠晒舊, 又夠晒麻甩, 滿足到我的「周圍坐」要求, 哈哈.而家(終於)發現了呢間0野的存在, 都幾開心 -- 至少九龍城仲有呢度, 唔係得牛肉餅 / 泰國餐廳 / 潮州0野 / 糖水鋪!

今次嚟到美東邨嘅呢間老牌冰室...通常响舊式屋邨入面都有一兩間呢亭咁嘅冰室。牛頭角下邨如是，呢度如是....簡單地叫個A餐。火腿蛋通，奶茶....水準一般。火腿只放入電爐輕輕熱過；蛋亦只係求求其其咁煎過，邊位一D都唔脆口；通粉唔係有坑紋嗰隻，非吾之所欲也....一次就夠....

呢間嘢都係一個朋友介紹，最好飲既係凍檸茶，茶味同出面所謂既0茶完全唔同！茶味特別濃。如果你鐘意飲滑而奶味濃既奶茶，就一定要試吓個凍奶茶嘞！(我個人十分鐘意！)D嘢食都算好過出面其他出名既茶餐廳(好過我屋企樓下果間幾出名既茶餐廳好多好多！)價錢就算平，至少我幫襯咗幾年，都無加過價！(我屋企樓下果間幾出名既茶餐廳開咗唔夠年半，就加價加咗兩成左右！D嘢食就越來越難食！)

走過數間「游乾水」、打烊的店子，來到此店。甫進內，靚仔好驚咁問我：「阿妹，o黎食飯呀？」「唔係...坐低飲杯野咋。」「哦...」靚仔鬆了一口氣。「咁睇o下餐牌有乜o岩食吖。」之後，猛男們繼續講佢地既波經馬經。原來如此。某些茶記，著眼於美而廉的質素；某些茶記，著重濃厚的懷舊氣氛。此茶餐廳，「半」屬後者- 熱啡卷蛋絕不屬難吃之類。走的時候，猛然發現靚仔把僅餘一半的燈都關掉- 原來不做晚市。啊，原來如此。