群記爽腩店 (已結業) 查看

**超抵食大大碗好味牛腩河**話說收工好肚餓，見到公司附近有一間食專食牛腩既舖頭，門口又有個牌寫住優惠，涷飲加$4蚊就有杯。望入去鋪頭燈光好光猛，睇落好企理，感覺上好乾淨。ok！一於入去試吓。見到餐牌上邊有幾款牛腩，崩沙腩坑腩同爽腩。坑腩有點靱, 個人覺得崩沙腩好食點. 分量十足，D面好大碗. 河粉好食~又滑, 唔厚如果下午茶時間仲會有飲品送, 真係超抵聽到隔離嗰枱叫咗個炸魚皮，喺隔離都聽到佢哋食嘅時候係咁話好好食，個魚皮一浸落湯度會有吱一聲。$16一碟，份量都幾多，一個人食唔晒，所以決定下次同朋友嚟再食。食完我仲買咗個外賣俾我老公。外賣分量一樣多。

其實都幫襯過“群記”好多次，今日心血來潮寫番篇食評比佢。土瓜灣好多麵店，呢間可以話係咁多間麵店中“性價比”較高嘅一間，亦比較乾淨，次次我都好專一，只食爽腩河，爽腩夠稔，好易咬開，湯底唔咸，今日呢碗特別大，河粉實在太多，中間夾雜咗一塊好大瘦牛腩，心諗會好硬，點知入口好稔身一，無令我失望。叫咗個腐乳通茶，我嫌佢唔多油，唔夠滑。其實不時不食，我應該叫芥蘭好啲，有點後悔。另外，呢期 lunch 免費送冷熱飲品，杯檸檬茶免費，但都有四塊檸檬，茶底都唔錯，好飲

去土瓜灣上堂， 同事介紹土瓜灣道好多野食， 咁就過左去尋覓好西， 經過見到d 餐牌好似幾吸引，所以就入去試下 叫左碗豬雜麵食頭啖湯幾清， 之後越飲越咸幼麵煮到剛剛好， 無梘水味， 彈牙，不太淋豬沙潤本身好食，但係煮過頭，有點老，乾乾地豬粉腸， 得三條仔， 有二條幾爽脆， 清得又乾淨豬肚係三個餸中最好的一個， 量多， 而且爽，唔會咬唔開 最後賣單32， 仲有野飲送， 性價比幾高

到土瓜湾辦事, 完事後剛好中午, 是時候要祭肚了, 其實一早已經定下了目標.事緣早些時搭巴士去時, 一時糊塗, 行錯了方向, 郤錯有錯著, 無意中發現了這店, 因為以前這店只在大埔有店, 而且很有性格,要午後一點鐘才開鋪, 早年前由九龍專程駕車去即摸門釘, 因為早到了一小時, 在冷風下要排除一個鐘, 決不是好玩意. 於是去幫襯就近的陳漢記.可幸也沒選錯. 之後也忘了這店.今次當然不放過, 但不知是不是逃不過凡開分店的, 都是比較差的定律. 且由頭說起, 一入門, 只見是一貫的老店風格, 沒有美麗的裝潢, 燈光暗淡, 幾張圓枱, 圍著無靠背圓凳.專程來到, 當然要食牛腩啦. 當下叫了牛腩撈麵. 電腦單來到, 清楚顥示價錢是三十大元. 當時覺得有無可能出了錯, 但看真菜牌, 湯麵是25 元, 撈麵是加五元, 沒錯呀!五分鐘後麵來了, 份量不小, 牛腩是用碗連湯上的. 份量亦不錯. 一試湯的味道, 是不錯的, 有牛味亦有牛骨味. 是傳統的清湯腩湯.牛腩嘛, 第一件是失望的, 又鞋, 又粗, 又黐牙, 以為是中了伏.誰料由第二件開始, 居然漸入佳境, 食出其他牛腩還是很好的, 有肥有瘦, 有肉

今晚同閨蜜一齊去左土瓜灣剪頭髮💇，每次去剪，師父就會同我地講附近有咩好食，平靚正，岩哂我地呢啲慳家妹😆😆今次師父介紹呢間食牛腩河，佢話之前好差無乜人食，但呢排再試，水準高左，好食，大碗又抵！甘我地剪完頭髮就行過去試下啦。見到果條街都好多平民小店，又車仔面，壽司，茶餐廳甘我地終於搵到牛腩河，鋪面吾算大，大概8張小圓枱啦。我地9點左右去食，都不停有人入泥食同外賣。我食左牛什粗麵，朋友食左牛肚河。等左幾分鐘有得食一睇賣相都吾差，好似幾好食🤤🤤牛什麵有4片牛肺，3件牛肚，2件牛腸同蘿蔔，都算好足料，25蚊去邊搵。仲要幾好食，吾係細細舊咖。。朋友果碗都有成8件牛肚，湯頭清，幾好味，我飲左成半碗都吾覺得口渴。。麵加飲品就7蚊，我叫左菜蜜，吾太甜，不俗！😁環境都乾淨企理，枱面有調味料，整齊吾污糟。雖然有點迫，坐得吾舒服，但食物都好食，平民餐廳食完就走😊😊

呢排嘅天氣一時凍一時熱，又潮濕，成日都無乜胃口，飽飽滯滯咁，午餐都唔多想食飯，想食啲無咁heavy嘅嘢，路過間粉麵鋪，於是就求其入左去。入到去睇原來都幾多野食，尤其係牛，牛腩仲有面珠墩、崩沙同坑腩，唔食牛，豬都有唔少其他選擇。最後叫左碗爽腩牛筋河，份量都ok。試下條牛筋先，口感好正，一啲都唔韌，又肥又軟滑。試埋舊牛腩，真係名副其實爽到爆，肉質一啲都唔韌，又有牛肉味，配合埋個湯底，成個口感fit晒！

執完野都十點幾， 落左街搵野食～ 本來想食串燒/韓國壽司～ 但串燒一個人食，其實好無聊，所以打算搵韓國壽司食～ 點知佢地收11點，唔想食咁趕～ 所以又退而再求其次決定食個面就算～ 我平時好少食內臟，不過呢次難得見到市面上好少有豬雜，所以務住爆膽固醇既危險試一試～ 粉腸無話好粉，但唔韌，無腥味！至於豬肺、豬潤、豬脷 都超級薄切～ 薄到同裝卡紙差唔多～ 好佩服廚師既刀工～ so far 內臟方面，我自己覺得佢地都洗得都乾淨～ 爽口，無腥味！ 清湯亦唔會混濁，湯頭都係味精湯頭架喇，但陣味都可以接受，無話死咸～

我路過見到有間新開的牛腩専門店，自然走入去試試，坐下來看見餐牌牛腩算平，我覺得咁低，就叫了坑腩，另外仲叫了凍央。當我了一口就知道中伏，因為冇理由坑腩咁平，我完全吃唔到牛肉味，基本上我太愛吃牛腩，所以我覺得這牛腩係雪藏，如果同x記比，一個係一流，這個係九流。行去隔離街林記都好佢幾陪。😱😱叧外連凍央都係淡而無味😂😂😂

🙈🙈今晚冇飯食, 男朋友諗住帶我食d輕食 係一定食麵既餐廳, 除咗土瓜灣之外已經有幾家分店, 呢間分店開係大街, 好易就搵到除咗麵食以外仲有出名既秘製咖喱飯一向對內臟麻麻地既我叫左個秘製咖喱牛坑腩飯🐂 $36, 跟飲品+$2 而男朋友就食佢既至愛-豬雜麵🐽 $32秘製咖喱牛坑腩飯 $36個賣相都OK, 而且牛坑腩嘅份量都幾多以＄36嘅價錢真係好抵食👍🏻 不過秘製咖喱既咖喱味唔似平時食開嗰種咖喱香味道似係自己特製, 食落唔算超級太香濃而且唔辣, 配上牛坑腩仲可以食到牛坑腩嘅牛香味配搭的確唔錯😋👏🏻 用咖喱汁撈飯食食下又幾正幾香口😂平時夜晚唔食太多飯嘅我今次都食得晒成個飯😂😂😂 今次真係肥仔啦豬雜麵＄32呢個就係男朋友開口叫我讚不絕口嘅豬雜麵🙈仲有加埋佢嗰個超辣嘅辣椒醬, 好鬼正!豬雜顧名思義係豬嘅內臟, 豬腸豬肺等... 香港地宜家真無冇幾可可以有豬雜食, 豬肺食落好軟熟但不失口感, 豬粉睇都唔錯! 😋又係膽固醇萬歲系列之一😂😂😂😂😂👍🏻另外叫咗個土匪雞翼實物完全同相片不符😱相片影到好多芝麻而且焗得好靚, 但事實只有幾粒黑芝麻同埋雞翼整到又黑又干, 完全冇光澤可言😰😰😰😰😰😰😰😰雞翼食落

今晚屋企無飯食，決定去買個牛腩面返屋企試，見佢最出名係牛腩，所以選左個牛腩粗麵返去食，外賣要加一蚊。牛腩都夠淋身，湯底咸左少少，但整體都ok既。最好既係連埋辣椒油比我，可以加埋一齊食。

開左唔夠一個月，已經急不及待要去食。之前經過西灣河間分店長期都好多人無機會去試舖內以白色為主，又係新舖非常乾淨。一入門口，侍應姐姐已經講歡迎光臨，幾多位呢。跟住就帶左我地去張圓枱坐低。入面既座位都幾多，主要係4人位餐牌比較簡單，但除左一般牛粉麵，仲有飯同車仔麵（無牛揀），而且加野飲只係半價，選擇比較多。價錢方面都好低，粉麵又23至29，飯要37左右（但加hk2已經有野飲），真係好平。其實附近都已經有兩間粉麵店，所以競爭係非常大。牛腩類產品亦非常多，爽腩，崩沙腩...牛雜河 hk23簡單一碗河粉，份量尚算適中，河粉幾滑，係粗身既河粉。至於餸方面認真多，牛肺，牛肚，牛腸，仲有牛筋同蘿蔔，好少見咁齊，而且每樣有一至兩舊湯既味道好足，有點偏咸，但好香口。先飲一啖湯先食落去就會明白湯既味道好濃好好味。牛肚牛肺都好爽，唔會有揸痴住分唔開。而且淹得好夠味，特別肺切得好薄但保持住爽口，唔錯。牛筋炆得好惗好入味，有3小舊，食完仲要搵下有冇未食既總括，價錢平，味道好，係味精有少少重手，食完好口渴