美食廊 (已結業)

我同honey 放假再次黎西環玩, 去完附近長春社同賽馬會搞嘅「渠蓋展」，夜晚黎左「西寶城」附近嘅「美食廊」開飯。話明叫「美食廊」，餐牌真係要咩有咩。客人一坐底，侍應哥哥即刻擺底一人一大碗湯豬骨眉豆花生湯！要讚每款菜式都係「家常小菜」，款式多選擇。晚餐🌜價錢$58-60一個小菜+一碗白飯+野飲餐牌煎炒煮炆樣樣齊，但湯飯系列晚市就暫停。Honey 好錫我，兩個餸都係叫我想食嘅餸，1.帶子翠塘豆腐上面鋪左有魷魚粒蝦仁菜心頭粒，下面就係滑滑嘅豆腐。2.薑汁勝瓜炒豬頸肉好多勝瓜，豬頸肉切成一塊塊，幾有咬口。另外，見到有食客叫茄子炆斑腩煲，吊燒春雞，鹽燒炒豬扒，好香呀，下次再黎一定要試呢幾樣Tip:菜式唔覺有味精，份量大大份，適合一家人開餐。

猶記得初步入好友推介的「美食廊」，就像看到其貌不揚的相親對象，想拔腿就逃，但嚐過一次後，便對其性價比極高的小菜留下深刻印象。是日再次與好友到訪，只是循例看一看餐牌，便有默契地點選了既定的菜式。精選晚餐選擇極多，晚餐包餐湯及飲品，大部分晚餐只需$58，性價比極高。美極椒鹽雞中翼$60，共有八大隻雞翼，份量十分足夠。雞翼皮脆肉嫩，具濃濃美極及椒鹽香味，香口但又不會太乾身。南乳吊燒雞每日限量發售，燒雞色澤金黃，肉質鮮嫩，而精髓更在於秘製南乳醬汁，燒雞沾上濃香的南乳醬汁特別鮮甜惹味。家鄉咸魚肉鬆煎餅是我們的新嘗試，果然不負所望，肉餅以帶肥的梅頭肉及肉質糯軟、味道甘香鹹鮮的咸魚，加上粒粒馬蹄製成，既鬆化又有口感，煎肉餅香口惹味，令人胃口大開，送飯一流蒜蓉西蘭花並非晚餐，但價格相宜，若能把西蘭花切得更適合一口食用的大小會更好。

兩大兩細食夜晚一坐低啲顆記放低四碗湯，我已經話只叫兩個套餐，要兩碗湯可以（因為不是太肚餓女兒又很細不是食太多），但未理會我，啲顆記問隔離枱要不要多碗湯，我以為大方無所謂，之後再叫飲品，但老板娘話已經俾多兩碗湯，所以唔包飲品，態度很差，我話之前黎食你地無晒湯跟，我都無同你地計，老板娘仲話你下次可以唔黎。平時經常幫襯叫做份量夠，顆記有些都正常，反而老板娘態度惡劣！食物已經一般，服務態度又咁差，以後都唔會幫襯

香港係美食之都 想食邊個地方嘅特色菜都有 細個會成日扭計要食西餐啊日本野啊 但係大個咗好多時又會想食返小菜😂😂😂言歸正傳 呢一間餐廳 適合帶生大食積嘅朋友去食小菜每日嘅精選晚餐有成20款選擇 $60唔使有埋湯同嘢飲 唔鍾意嘅叫返a la carte 都只係貴少少😛首先比碗湯大家睇吓 同張單對比大家就會睇到 碗湯係用湯碗裝嘅😂 唔夠歡迎再添 我就其實飲完碗湯都飽飽地喇😆再嚟三款小菜 黑椒茄子牛肉煲 豆腐斑腩煲 同鹹蛋蒸肉餅 豆腐斑腩同鹹蛋蒸肉餅就唔講啦 香港人都知咩味😂 黑椒茄子就有驚喜喎 因為我就比較少食到咁樣嘅配搭 但用黑椒炒嘅茄子原來又幾惹味 佢又抄得唔係太淋 口感唔錯😯最後要俾大家睇吓嘅就係呢碗飯😂 姐姐會問你要大飯定細飯嘅 我就梗係叫細啦 但大家望吓左手邊 仍然塞滿左成碗 有個小山丘喺度嘅🏔 要大嘅話呢就好似右邊咁 湯碗又會出場😂😂😂我一路食一路好鄧啲外國人可惜 唔識教當地語言注定唔會食到最地道嘅嘢 就好似呢一種小菜茶餐廳😂 anyway 最佳自認夠大食嘅朋友去挑戰吓

有半小時冇頂去，就入左路經小店美食廊，諗住食個平平茶餐抖抖。點了牛肉包，23蚊，算平。一直冇期望，直至飽黎到既時候，有驚喜喎，已眼見牛肉唔少，好juicy.你知茶廳廳成日俾啲炸到脆脆黑黑乾乾既牛肉俾客人嘛，沙律醬少少，唔多，啱晒我呢啲怕肥人士。有兩片蕃茄，新鮮爽口。成個份量配搭適中，個飽呢，按下去外面稍脆，入面鬆軟。好喇，咬落去喇！霎霎霎聲，又冇話碎到成枱係喎，證明脆得冇過份乾，仲有水份喎。牛方面如我想像，真係juicy味美，一個手掌咁大既飽，好快俾我KO喇！有冇咁誇張？可能我好耐冇食過牛扒飽，感覺太滿足，搞到平時少含蓄既我語氣誇張左，不過點都好，23蚊餐黎講，實在好值得幫襯。

在我還是小孩，當時電話號碼還是七位數，美食廊還在舊舖的時候，我們家已經一直光顧，直到現在還偶爾來吃午/晚餐。老闆看著我長大，當年弟弟還未出世，到現在是成人，他都見證了~射燈照耀招牌我好像好久沒來，所以今晚和媽來吃晚飯。他們的菜單有超級多選擇，要選好難啊!最後選了兩道菜~其實有例湯送，但我倆怕飽所以沒有要。另外，白飯可叫多或少也可以，店員都會滿足要求。咸蛋蒸肉餅(走蔥走豉油)，因為咸蛋已經鹹，所以不要豉油了~肉餅肉質鬆軟，頗滑的，肥肉和肉的比例約為1:3。咸蛋黃非常香，出油的，好吃。大廚菠蘿生炒骨拼斑球，看到肉和斑球的size都很大嗎？雖然是連汁上，但斑球的皮還是很脆。大口咬下去後口腔內充滿鮮味魚肉呢! 生炒骨的肉會實一點，但這是正常的。醬汁酸酸甜甜很好下飯，配料的菠蘿和蕃茄都很多汁，正!匙上為斑球內的樣子，充滿著魚肉。叫了兩道肉類菜式，怎樣都要叫一碟菜。個人喜好蒜蓉和西蘭花的組合，鹹度可以但略嫌有點油膩~這個價錢能吃到三個小菜，兩杯飲品和例湯(我們沒要)絕對是值了，吃得好飽啊~~

食物一般，吊燒雞太燶太咸，老板娘一直推介什菇蛋白蟹枊炒西蘭花冇味，加叫炒豆苗，D顆記送上例湯加白飯，老板娘突然走過嚟收走D湯同飯，話後加個菜唔係餐😡要加錢咪出聲囉，唔駛咁冇禮聲都唔聲走來收嘢嘢食巳經一般，服務仲要咁差，真係以後都唔嚟

8月7日, 今朝食個早餐, 喺西環尾開咗咁多間茶餐廳, 呢間就未試過~::: 吉列魚柳腸仔蛋早餐 ::: $20欣賞佢嘅魚柳係用龍俐, 而唔係平時大x樂嗰隻, 脆得嚟d肉冇咁散, 不過都幾油膩下. 腸仔煎蛋都係普遍貨色, 冇乜特別~ 另外個多士就都算香脆, 牛油味都幾好~ 熱檸茶比較澀, 檸檬唔太新鮮…實在太多茶餐廳喇, 搞到d食物冇乜新意, 質素又keep唔到… 睇番openrice先記得呢間原來同年前執咗嗰間係同名, 咁應該係同一個廚… 我會希望金輪開番多d…

是晚又要到我的御用飯堂食晚飯~只是一間普通荼記, 早餐, 常餐, 特餐... 每處都大同小異!不過, 美食廊出色的地方在於她的晚市小菜! 真係可以話係「平、靚、正!」兩個人點了: 腐乳通菜併魚菘炒牛肉 + 什丸煲 (各$40大元)另有白飯一碗, 明火例湯一碗, 飲品一杯 (凍飲加$2, 汽水加$3)什丸煲: 只有賣相吸引... 味道真係一般, 有點兒失望呀!d 湯好淡...幸好丸的款式很多! 有龍蝦丸, 魚旦, 豬肉丸, 墨魚丸~腐乳通菜併魚菘炒牛肉: 炒得很香! 夠晒獲氣! 通菜不會炒得太lum身, 酒樓小炒的水準, 竟在茶記搵到!

九月廿五‧霜降以前這裡是間東南亞食店，現在就變了間港式餐廳。進來的原因，是想吃這裡的蒸飯，但一時未夠，餐牌上的八個蒸飯選擇都竟然已全售罄，還要折騰近十五分鐘才知會我，那凍咖啡及例湯都喝得七七八八，走也不是，就隨便要了個滑蛋叉燒飯。飯很快送上來，望了一眼，暗叫不妙，為何「滑蛋」看上來全是芡汁，蛋是不多找到的呢？幸好吃起來還不算很杰，而切片的叉燒又件件也是半肥廋，吃起來鬆化，好吃。當然如果捨得打多兩隻蛋下去，就更好了。值得一提的是這裡的例湯，是日的是眉豆粉葛煲豬骨，喝起來不錯的。埋單28蚊，真想再來吃那個一時未夠便賣清的蒸飯。