美食天堂 古香雞 (已搬遷) 新店位置

離遠望落去好開揚光猛嘅一間餐廳，正如個名係以雞為主嘅，配搭算多。肉卷肉質幾滑，都算香口，雞肉幾鮮嫩，但係味道就唔算好濃，未至於係好難忘或者特別嘅味道。米飯軟硬適中，可惜飯嘅分量實在太少，女仔嚟講都只係勉強夠。另外叫左個客家腌麵，配一個湯。似乎係我想多了以為會有乜客家風味，食落味淡，就係肉碎加蔥加幼麵咁，唔叫難食但無乜特別。反而個枸杞湯唔錯，幾清甜，仲有豬肉同豬膶，比個麵更出色，但同樣係份量太少。題外話，環境幾靚幾舒服，易乾淨企理過一般茶記。

見開飯評價不錯，又近公司，今天特來一試～雖說在工廠區，但地方乾淨企理，㨂一樓開舗方便行樓梯唔駛等電梯。或者今天我早食12:15無乜人，開咗三張枱靠牆。午市當然叫套餐，有原個椰皇燉竹笙百合雞湯，再加咗古香雞飯，有菜、有酸瓜伴飯。因為本人比較鍾意食雞胸，所以叫了雞胸部位。菜、湯、雞也偏油，雖叫雞胸但也偏薄肉，燉湯如果去雞皮先燉相信會更好。酸瓜就是最出色的部分了！它完全把整個飯昇華。一個套餐收$65物值係高的，但個人意見如果再改進油膩部分會更加好，要知道現代人也講求健康吧！再可以想想那隻黑色膠匙羹又怎能飲湯，最終本人都係拎起個椰皇飲湯。而那兩個紅、黃膠兜完全影響食慾⋯物值雖高，但整體上仍有待改善。做專門的工廠區午餐難，以雞為主更難。希望呢間有進步地繼續做落去吧

之前聽聞新開了一間賣清遠切雞又有椰皇燉湯的樓上餐廳，據說老闆選清遠雞得來從運輸的過程也做了些功夫去保持雞的鮮味。現場看來工場很大，因為他們有外賣包裝，剛還跟酒樓合作了供應切雞給他們。本來想堂食，但依家竟然冇咗，但我明明見到佢有枱燈，心諗死啦大大個椰皇燉湯點外賣呢，仲要大熱天時，但既然黎到梗係要食啦。我叫咗個招牌雞飯加個椰皇燉湯$68 ，依度最好嘅係要雞髀唔使加錢， 好難得，正常一定要加錢。他們的清遠雞比一般細隻，份量都好多，成個胸連脾俾哂我，飯另外一個盒裝。先講個飯，多水了一點，太軟，如果落得岩個水量，而隻米應該唔錯，好欣賞佢連配菜都有心機地搵蝦米煮過，唔錯。雞的確比一般冰鮮雞有雞味，但不大食到浸既湯味，唔太入味，雞胸算是嫩滑，本身賣點係薑蓉都唔洗點都夠味，但最後還是要用埋薑蓉先夠味。個椰皇燉湯是有清香椰子既湯，佢物盡其用地用左本身冰鮮雞唔要既雞腳加少量豬肉，龍眼，還有其他配料，而個價錢唔錯的。性價比我覺得不錯的。

放假最可貴之處就係時間多～早前去到九龍灣工廈搵食其實同地鐵站都有段距離輪椅朋友又會迂迴少少，因為要用樓梯機離開地鐵站範圍，除非你由Megabox果邊轆過去...「古香雞」係工廈裡面店內用大排檔嘅圓枱，適合輪椅人士埋枱嘅～嚟呢度食嘢嘅人主要order 一湯一飯 $68 套餐當然照跟啦～#古香雞飯雞味的確幾濃，肉質鮮，要牙力咬多幾吓，但絕對唔係韌又或鞋口。要讚佢d雞皮，唔肥，但爽口。食落有d似台灣鹽水雞果種口感，薑蔥當然惹味啦，送飯無得輸～#醬燒格格肉飯呢個飯反而好少人叫，只不過有朋友一齊就不如試多一款食物。味道有d似台式滷水，較甜，其實幾好食。豬肉方面就係一層肥一層肉，建議唔好走肥，因為淨豬肉有d鞋口。整體都ok，但雞飯就出色d～最後就係原個椰皇 #燉湯 款式日日轉湯料都係簡單食材，例如瘦肉、淮山好清甜，份量亦好足～但朋友嘅就有辣味，飲到底見到有一小舊薑希望係個別例子啦…#四個轆Look #轆在九龍吃吃喝喝 #九龍灣 #相機食先 #輪椅♿️ #無障礙 #吃喝玩樂 #hkfoodie #wheelchairaccessible #吃貨 #食好西 #foodporn #foodlover #f

一直以來，Step和娘子皆喜歡吃雞，相信這個是由細到大由家人訓練而成，無論過時過節，初一十五，飯餸中總有一碟白切雞陪伴左右，已經成為不可或缺的佳餚，久而久之也慢慢愛上了吃雞肉，除了雞肉白滑鮮嫩之外，肉味香濃鮮甜也是Step和娘子愛不惜口的重點，還有其內臟如心、肝、腎、腸等，也是同樣美味可口的佳品小吃；還記得當年和娘親到街市買餸時，娘親在賣雞攤檔時用手拿起活雞，再看和吹雞屁股的情景，相信現在已經不能再發生了，就是因為之前香港被禽流感肆虐，現在市民買雞已經不能像往時一樣親身近距離選擇… 再加上政府現行對禽流感的政策，內地進口的活雞已經變成了冰鮮雞；如娘親所講，冰鮮雞就是缺少了活雞固有的濃郁雞香味道，美味可口程度難與活雞匹敵；本地飼養的活雞雖然味道同樣鮮味可口，但價錢卻比冰鮮雞貴很多，娘親現在家常便飯大多買冰鮮雞來烹調，只有過時過節才會買本地新鮮活雞來食用…娘子的識食朋友仔知道Step和娘子喜歡吃雞，而Step又對吃雞有要求，就在最近介紹了Step和娘子一間在九龍灣工業區中的樓上餐廳與工場，專門烹煮來自清遠麻雞(來港時為冰鮮雞)，朋友形容這家烹調出來的清遠雞，雞香撲鼻，鮮味可口，齒甲留香…S

12:30 黎到，門口已經有好多人等緊。收銀哥哥話外賣其實一樣，仲即刻有。所以就買外賣。叫完之後冇幾耐就有得拎。個湯仲要連埋個椰皇上。非常好！拎到番公司打開，個外賣盒好繽紛，加埋原個椰皇，影相一流。味道方面，雞滑嘟嘟，䓤油非常香。個炒椰菜應該有落蝦米炒，好好味。另外有2舊醃蘿蔔，食落有啲似韓國泡菜（醃蘿蔔）嘅味。份量剛好。除左雞，呢度的另一重點係個燉湯：如圖所示，個湯飲得出超足料。個椰皇超保溫。食晒成餐都仲好熱。倒落佢用黎裝椰皇的碗中，攤一陣先飲好啲。唯中美中不足係個湯有啲太甜，maybe太多料P.S. 特別想讚呢度的外賣套裝。個盒好靚，有牙簽，又會用個碗裝住椰皇令個唔會整瀉。（碗又可以用黎裝番個湯）雖然好似好小事，但令人覺得店家好貼心

作為係牛頭角九龍灣返工既打工仔，平時食lunch梗係周圍去搵好野食啦。有日見到張傳單見到佢個雞飯Set又幾抵，就一於搵日約埋朋友試下啦。普通飯就$45，加多少少就有埋燉湯，咁梗係要試下啦。我地揀左皇牌古香雞飯，飯未到之前就先有原盅椰皇燉湯，一飲就完全feel到佢既真材實料，湯足料得黎仲飲得出椰皇既鮮甜味，淨係呢個湯已經夠抵飲啦到試下個雞飯啦，份量都算多，岩晒打工仔既心意。先試一啖雞，完全做到「⽪爽⾁滑」，雞味濃，唔會似冰鮮雞咁完全冇雞味，值得一讚，平時我都唔鐘意食雞胸，但佢連雞胸都煮到咁嫩滑。後尾佢同我地傾計先知，原來雞係用左十幾種材料既高湯去冷熱浸泡整成，所以先保持到嫩滑食完之後見佢有一盒盒既雞咁買，見價錢都幾合理就不如果買返隻返去斬料加送！因為雞本身熟既，返去斬開就食得啦！

喺九龍灣畀我發現到一間美食天堂古香雞，重新燃起我吃雞的慾望。近年由於禽流感，影響了雞的供應和質量，⼗分可惜，⼤家吃雞都慨歎，今不如昔！ 一定要食嘅品質保證嘅！ 今次午餐試咗故鄉雞飯盒，45蚊就食到。燉湯加飯盒特惠套餐係68蚊＞＇＜用高湯反覆交替浸語令到古香雞唔單止雞皮爽滑 更加令雞味濃郁，香味撲⿐，食落去幾時候，雞肉的口感非常嫩滑， 真係令人食唔停。配菜有醃漬蘿蔔同埋油菜，呢個價錢都算唔話得。是日靚湯係鲜甜滋潤真材實料的椰皇燉湯，每天我們供應⼀款， 唔會日日都係同一款， 天天更换，都係值得讚嘅地方 ！ 椰皇蓮⼦⽟⽵燉瘦⾁飲落去好清甜， 椰子味道濃郁，還有百合、海底椰、和大量瘦肉，非常足料的燉湯。得佢得㗎喇 紅參加68蚊當日仲帶咗隻雞返屋企，比屋企人做餸，佢哋都大讚冷盤一流。 原隻1 隻 $168 仲近德福同HKu space gaa!!網上預訂有優惠，指定地方仲提供免費外賣服務， 大家不妨留意下啦。

有時返工唔想出去食lunch，諗住叫個外賣，不過來來去去都係茶記多，難得最近發現多個選擇，有新鮮雞食之餘，連晏晝叫外賣都有燉湯飲添！招牌古香雞色澤都唔錯，食落都無失望，果然係皮脆肉嫩，配埋至愛嘅姜蓉撈飯食，冇得頂！聽返老闆介紹，原來古鄉雞係用清遠麻雞整，用十幾種香料食材熬湯再浸煮，唔怪得啲雞肉咁入味啦！ 除左雞之外，另一賣點都好正，就係椰皇燉湯喇！估唔到外賣都可以原個椰皇上，保到溫之餘，賣相都加分！燉湯味道清甜，唔油膩，仲好足料添！重點係！古香雞飯加燉湯成個套餐都係$68，我覺得算好抵食喇，份量唔少，隻雞又好食，仲有埋燉湯，呢個lunch好滿足喇！ 見隻古香雞整得咁好味，順手訂多隻返屋企做節，估唔到包裝成個禮盒咁，真係當送禮都得。 打開紙盒，原隻古香雞用錫紙袋密封，入面再有膠袋包住，感覺都幾衛生。 返到屋企煮返熱黎食，肉質都仲保持得到，一樣咁入味！原隻$168，做節買黎加餸都唔錯呀！

一年又過去又到新年，每年屋企定必「買雞還神」。今年也不例外，決定幫媽媽安排一下。公司附近新開一所以「雞」為名-《美食天堂-古香雞》，小妹被它的宣傳單所吸引著而來。位於九龍灣的工廠大廈被喻為「美食天堂」。地點相當方便，同力工業大廈1樓。門外簡單字句，一表其店。《古法炮製·香味清遠·美膳有雞·怡悅口味》入內的環境以白色格調為主，座位有限相信繁忙時間外賣定必何其多。滿滿掛著古香雞貌似白切雞的模樣，正正是此店的主打菜。午餐時間，一份古法雞飯一上桌相當足料，除了肥美的古香雞之外更伴有醃蘿蔔及青菜。醃蘿蔔醃得恰到好處，相當醒胃帶有口感。主角到場-古香雞，以多款的材料配合高湯製作，肉質鮮嫩而且雞味濃郁，帶有咸香連同薑蓉同吃，陪感滋味。另外古香雞套餐附送燉湯 $68，這個價錢確定超值。每日新鮮燉製，每個椰皇奉上誠意十足而且內含椰青、淮山、肉粒材料豐富，燉出美味又健康。都市人忙碌生活，有一份湯水入口更加美味。除了午市套餐及外賣之外，更有「全雞外賣」方便客戶與友分享。首次見到外賣全雞的包裝精美而且附有手抽位，方便攜帶內含有錫紙包裹，保存新鮮美味。今年我決定買一隻雞帶回家迎接豬年，原來現在買雞都可以那麼方便

在九龍灣返工的我，每次出去吃午飯都大排長龍，近日無意中發現新開的美食天堂，人流不多，而且還有新鮮燉湯可以買到。店子在九龍灣的工廠大廈，主要是販賣古鄉雞，古香雞來自清遠，自家養飼及運送，以古法炮製 (冷熱浸泡)，以保持雞肉的精華。椰皇燉湯 成個椰皇奉上，每日都有不同的燉湯款式，今天的是雪梨川貝枇杷葉配螺頭，一打開看到材料豐富，燉湯味道鮮甜可口，可喝到雞汁的味道，再配合椰皇，令到湯底滋潤清甜。皇牌古鄉雞飯 $68價錢已包括燉湯，單買的話是$45，在九龍灣來說，價格好親民。古鄉雞的份量很多，可以吃到啖啖肉，入口嫩滑，亦有雞油的鮮味，感覺不含味精。旁邊有青菜及醃蘿蔔作伴菜，令整體十分豐富，再搭上薑蓉更加惹味。店內掛著一隻隻古鄉雞，原來是可以外賣的，當日我亦買了一隻古鄉雞 $168，用來給媽媽加餸用。紙盒裝方便外賣攜帶，雞肉用錫紙包裹，確保原汁原味，而且雞肉本身已經煮熟，所以稍微加熱就可以進食。過時過節外賣一隻古鄉雞，真的方便又美味呢。

在九龍灣的工商業區餐廳越開越多，在這裡的上班族的確選擇豐富。最近就去了一家新的餐廳，位於工廈大廈內，以古香雞作招徠。這裡坐位不多，應該是主打外賣，供應附近工作的上班族。午餐的價錢也好大眾化，皇牌古香雞飯 + 燉湯 $68皇牌古香雞飯其實是用上清遠雞，由雞的養殖場到香港的自設工場，由生產到運送都在不假手於人，所以出來的雞也有保證，口感嫩滑，而且也多肉，絕對是中午配飯的佳品。午市食飯有燉湯，對於我這個平時少飲湯水的都市人的確好吸引。燉湯用上原盅椰皇，真材實料，湯水鮮甜沒味精，入口舒服。餐廳亦都可以外賣古香雞，所以食飽仲買左隻古香雞番屋企做節。想不到工廈之中也會找到有質素的清遠雞吃，在九龍灣工作的上班族有福了。

Newly opened in Kowloon Bay before Chinese New Year, 美食天堂 古香雞 is a canteen like restaurant which sells chicken from Qingyuan in China. Hidden inside an industrial building, it takes us a bit of time to find where it is.This chicken rice is definitely worth more than HKD$45! The chicken was smooth, tender and meaty, very flavored and delicious indeed! What surprised us were the pickled radish and fried vegetables. The pickled radish was sour in a way that boosts your appetite, and it went well wi

九龍灣工業區 HKU space 附近新開左一間專門食靚雞嘅「美食天堂」，除咗可以堂食，外賣午餐之外，仲可以訂購原隻古香雞。餐牌選擇唔係好多，不過就比較精簡，主要都係主打古香雞。每日香港新鮮製造既清遠雞，午餐只係$45 ，質感好滑，原來雞係來自自家養殖及運送，處理用上了冷熱浸泡方法，保持到鮮雞肉質同埋清香味。連個皮都唔會好多油，有彈性好好味。可以隨個人口味加薑蔥，不過薑蔥味道唔會咸，所以唔會蓋過鮮雞香味。仲有啲菜心同埋香脆醃制蘿蔔做配搭，不過其實淨係個雞已經好入味，送飯已十分足夠。另外原盅椰皇燉湯裏面有好多唔同材料，好鮮甜而且味道清新，原來裏面嘅材料日日都唔同，原汁原味！午餐加埋椰皇燉湯只係$68！食完之後，我哋訂咗一隻雞，用上古法炮製，原隻古香雞香味清遠，今次就買返屋企加餸！錫紙密封包裝，味道依然，原隻雞不過無論係拜神定係宴客都好啱用。P.s. 25/1-3/2會在寶林做推廣，只售$150！

每逢過節, 又或者有些親戚朋友們都會初一十五拜神的話, 都會以雞作為祭品, 但因為禽流感的關係, 現在香港已經沒有新鮮雞食, 冰鮮雞的話可以完全沒有雞味... 朋友九龍灣上班, 有次他試過這間位於九龍灣工廠區的美食天堂, 對他的古香雞讚不絕口, 既然連他這麼嘴刁的人也大讚的話, 那就不妨來試一試吧 就算是個椰皇燉湯 , 他每天都有不同的燉湯供應, 今日的燉湯就是雪梨川⾙枇杷葉配螺⾁, 一飲落去不得了, 因為這湯實在太鮮甜了, 問過職員, 原來他們的燉湯是以雞汁淆製而成, 因為本身他們除了做堂食或者外賣午餐外 (因為這裏都多上班一族中午來吃或者外賣) , 這裏本身就是一個專做古早雞的工場, 所以可以用大量的雞汁雞骨雞肉等等去淆湯, 加上原隻椰皇, 鮮甜鮮美不得了 古香雞飯 (午餐+椰皇燉湯套餐HKD68), 職員說他們的故鄉佳使用上清遠雞, 但是平時吃開的清遠雞都是肉質比較有咀嚼感, 但這個故香雞非常嫩滑可口, 而且我不得不說一句, 雞有雞味!!!! 這個絕對不是廢話, 因為在香港地已經好難吃到充滿雞油香味的了, 而且難得的是這個雞件一點肥膩肥膏也沒有, 但是依然保持嫩滑鮮美