美食坊 (已結業)

每次回到馬鞍山, 總是對這家位於福安花園Corner位既小小食感興趣. 每次坐車經過, 總有一堆C9, 同學生哥, 食麵或者拮下魚蛋煎釀三寶. 呢間野好唔好食, 一定要試下先知, 結果分了兩日來, 一日試碗豆花, 另一日正正式式地叫個熟食, 來一個比較完整的報告. 因為只靠一碗豆腐花 (因為他不是豆品鋪), 評出來, 一定不中肯.前幾個月, 仲有一個膠banner店名, 唔知是否天氣問題, 拆左, 之後一路都冇名冇姓. 看看網上record, 再加埋呢一次入去, 見到張BR. 美食坊...沒有錯, 就是你. 第一日幫襯, 食完飯, 想食返個甜品, 就試下佢既豆腐花吧. 天頭熱, 叫下一碗凍花. 我想堂食, 叫姐仔開張檯, 誰知佢回我一句....大佬食環處會抄牌架.........我心中已經XYZ...之後阿姐好侮氣地話算啦, 開就開啦. 隨手佢就係雪櫃拿了一碗凍豆腐花, 加埋黃糖出來. 賣相已經嚇我一跳, 因為睇得出呢碗豆腐花, 是受過長期冰封的不知年豆花. 硬頭皮去食吧....嘩! 雪到出哂水, 完全冇豆味.....我有點懷疑自己只係食緊石膏粉.....第二日幫襯, 首先原諒他主打不是豆腐花, 是次來, 食碗麵仔先返屋企. 入到去, 又係個姐仔, 我係店內坐低...哈哈, 佢竟然可以當睇唔到有人, 行入去廚房發吽哣...好啦, 決定要個麵餐, 我申個頭入去廚房叫阿姐寫野食....換來不是一個熱情招呼....而是佢正在發吽哣中, 我一開聲, 嚇到佢成個彈起.....問佢麵餐可否雙併, 本來19元的麵要加10元. 咁唔抵就當然唔加料啦. 之後就一個雞扒公仔麵加一杯豆漿. 講埋服務先, 豆漿, 佢明明回返我係雞扒麵加豆漿, 不過, 豆漿係冇serve過俾我既....唔追加了算. 麵, 就是普遍既公仔麵, 煮, 煮得太腍, 湯包應該是什麼豬骨麵是湯底. 雞扒, 用蒜蓉煎, 不過扒身好硬, 而且基本上除了蒜蓉味, 就冇其他味. 自己煮應該可以超越呢個水準. 到最後, 我準備埋單........阿姐又呆左, 細聲叫了, 沒有聽. 因為佢全神灌注在電視機中的掌上明珠既明日預告......等預告完了, 阿姐回頭才知道有客埋數....不過好奇怪的事...佢要問我食左D咩.......吓....唔計拮魚蛋既過客, 堂食客得我一個...你你你....竟然唔知我叫過乜......你你你...魂遊太虛嗎.......服務我想俾零分......…查看更多

踩單車入來馬鞍山, 海皮果邊入來, 有點餓, 好自然踩了來到這裡, 吉幾舊三寶先講啦.係剛炸起的, 好熱.都係企街邊食. 最緊要夠熱, 乜都假.加點辣醬, 不錯, 不錯.係油了點, 預左.…查看更多

操完水，這食肆是泳池回家必經之路，另外亦是位于運動場旁邊，固賣小食及豆漿等的生意絕對駱驛不絕！這裡頭牌是咖哩魚蛋、豆腐花豆漿及油渣麵，故點了後兩者及一串燒賣。油渣麵負了有關名聲，若果年少無知的就會平白給其荼毒了，油渣麵正確來說是油渣烏冬，這裡的油渣是以豬腩肉切薄片油炸而矣，想利用湯底浸腍而達到效果……呸！加了蘿蔔、炸菜、炸蒜頭、香菜等等，跟本不是正宗地道，而主要是食味不可以；燒賣是外購件，不過不失；反而豆漿不太甜及豆味夠濃，這點是估計不到的。舖頭細細，要座出馬路邊，灰塵頗多；價錢定位中規中矩；服務不行，招呼客人都是慢慢來的，簡單的找績都出錯；下次寧可走遠一點幫襯其他地方。…查看更多