美滿餐廳 (已結業)

大约一 年前，我和太太首次來到這家餐廳，就给這裡的早晨套餐及人情味所吸引了。早餐的各式扒類食品、沙嗲牛肉麪、蕃茄牛腩通粉、大火多士、牛角包、檸檬茶，即磨齋啡、香滑奶茶；午餐的黑椒汁、咖喱汁及洋葱汁扒飯、扣肉飯、北菇蒸鷄飯、干炒牛河；下午茶餐的各式肉扒併沙律、西多士、魚柳包；晚餐的西冷牛扒餐、咕嚕肉、煎封海魚等，都係我和太太的喜愛味道。去了幾次，店員及老板，已知道我們的必食之選，上菜效率非常高，而且他們的親切招呼，風趣而友善的閑聊，已把我們俘虜了。一有空，無論是一天裡的什麼時段，我們夫妻俩說‘’回家”去了，就知道要去美滿茶餐廳了。可是最近有一天，我們去食早餐時，嚇然發現餐廳沒有營業，並張貼了一張東主有喜休息七天的告示。於是，我們就天天倒數著日子；誰知拾多天過去了，都未有重開跡象，沒想到2月26日可能是我們最後光顧這餐廳了。這令我們若有所失，如坐針氈，不知何時才能再嚐一下心愛的味道，再呷一口家人般的情味！但願老板及員工們平安順遂，我們他日有缘再喜相逢！

呢日係粉嶺行完山好攰, 出到呢聯和墟又唔太熟路, 肚仔有 D 餓, 但又唔想食太飽, 所以都係搵下邊間 D 下午茶餐岩食, 行左好幾間, 來到呢間茶記門口睇下個 menu ,  見佢既價錢幾抵, 而且都算多選擇入到門口, 坐櫃枱既男士, 相信係老闆, 非常好招呼, 而且風趣, 坐低佢就即刻攞個 menu 來, 仲問下想食 D 咩類型既野, 之後就用好輕鬆既態度來介紹有 D 咩食, 邊樣會比較岩我心水等等, 因為我好耐無食炸脾, 佢就介紹左佢地既炸脾點整點整, 話一定唔好似出果 D 咁孩口, 而且係好 juicy, 既然佢咁介紹, 就當然要試一試等左 10分鐘左右, 一隻又香又大既沙律炸脾就埋到來, 一 D 都唔馬虎, 絕對係色香味 + 賣相俱全, 份量好足添, 切開雞脾 D 肉, 真係見到好 juicy, 味道岩岩好, 新鮮熱辣, 沙律全部都係新鮮材料, 難怪咁多街坊幫襯

話說收咗工之後 又想慳下錢所以就食下午茶當晚餐記得這間餐廳係6pm截下午茶同老公5:52pm 打電話去問可唔可以落單先 會堂食大概10分鐘內就會到老闆Say Yes🤩🤩🤩一入餐廳 老闆已經準備咗張枱擺晒餐具俾我哋張單見到 飲品個行 ‘叫起’即係我哋到步先叫起菜😍值得一讚 老闆都幾細心叫咗個鹹魚雞粒炒飯同乾炒牛河鹹魚雞粒飯 內有鹹魚之前我喺聯和墟街市 食鹹魚雞粒炒飯係冇鹹魚喺裏面 但個飯有鹹魚香相反我覺得聯和墟街市嗰個好食啲但係這餐廳佢用料就足d乾炒牛河 望落去色水夠但食落就覺得個味淡咗啲我要落少少辣油 老公仲要落豉油先覺得夠味如果性價比來講 聯和墟街市奇妙xx坊 相對高啲

作為聯和墟街坊 食下午茶多數去集團式嘅餐廳 意x/百x百早餐多數去茶記 食個茶記之前 係OP做咗功課先本來今日想去意x 但現實餐牌 係冇白汁小雞茄子焗飯其他個飯意粉有冇興趣因為一個mini焗飯包杯熱飲 好似要$39咁。。我轉向去咗Le 度下午茶焗豬$38 加$6 飲杯紅豆冰(意x/百x百 轉杯特飲係同價)焗飯要等 即叫即做 所以先上咗杯紅豆冰少甜少冰 豆嘅份量正常 紅豆淋👍🏻 甜度對我來講都係偏甜 我估大部份茶記都係買現成紅豆 唔係自己煮所以都唔可以要求啲乜等咗一陣 就上焗豬飯上枱嘅時候 焗豬嗰個汁仲係起緊泡泡 熱辣辣咁上枱成個飯比起 意x/百x百多一個double仲要係炒飯底 好有heart佢用芝士粉 沈喺面焗蕃茄汁對我來講係正常 不多不少上次喺百x百食焗豬因為飯少 所以你覺得佢啲汁會好多芝士用料靚過美滿但成個package黎計 百x百要$44美滿個下午茶焗豬 性價比好高經歷這次之後我應該唔會再去意x/百x百食下午茶

好耐冇食西多士$30連熱飲 凍飲好似加$3一個人啪曬成碟 已經完全忘記咗咩叫卡路里同脂肪 上枱嘅時候 見到已經覺得好靚仔一啲都唔細份 皆因係三層層層都有花生醬 足料我比較喜歡 舊式茶記西多 出面好多變咗流心西多 食完之後 唔知時隔幾耐 先會再食佢 太heavy喇

是日黎左美滿食下午茶，呢間茶記啲野幾好食，價錢又合理，經常爆場。由於太爆，就等午餐完左先黎食，兩點半左右到，都半場滿坐，不過好彩唔使撘枱。叫左下午茶餐，送熱飲或罐裝汽水，好抵㗎罐裝都不另收費，朋友就要左紅罐可樂嘞。熱檸茶自己要左熱檸茶，味道不過不失，但比一般茶記個杯大好多，有誠意。黑椒雞絲炒公仔麵（$38）朋友叫左炒公仔麵，一啲都唔似下午茶嘅份量，大大碟㗎熱辣辣香噴噴，公麵彈牙，調味對胃，好味。吉列朱扒沙律（$35）自己要左吉豬沙律，嘩，好大塊豬扒呀！炸粉唔算厚，炸得香口唔油膩，豬扒啖啖肉有口感。沙律係雜果薯仔沙律，酸酸甜甜好味抵食夾大件，有下次

叫個《椒鹽豬扒飯》食左一啖鹹到完全食唔到，打電話去同佢講，個呀叔仲同我講《椒鹽豬扒飯》實係鹹架喇！你自己拎杯水浸下佢囉！之後仲 cut 線⋯服務態度⋯真係⋯令人無言其實⋯睇盒飯個款⋯都唔似係《椒鹽豬扒飯》喇！其實都唔係要你換盒飯喇！同你講⋯你 cut 線個下，真係令人《憤怒》😡

從來未食過如此難食的日式鰻魚炒飯，超級超級乾（真係乾到要講兩次），冇用鰻魚汁炒，d飯又勁硬，我都已經係肚餓，但食左1/3都頂唔順，朋友食左一啖，都話超難食好乾。仲要竟然用蕃茄炒埋一齊（可能我見識少，真係未聽過用蕃茄炒日式鰻魚炒飯），又唔係西炒飯...西炒飯起碼都有用茄汁炒，碟飯又唔似咸魚雞粒炒飯咁香，乜味都冇，簡直浪費左d鰻魚。唸住近近地又未食過，咁就中伏了。食緊果陣，見隔離枱男仔又係食左少少個炒飯就走人，到我走果陣有枱呀姐食緊，食到佢黑哂臉。總之以後唔會再去。

呢間茶記好似早幾個月轉左手 裝潢變得好光鮮以茶記黎講 絕對算係坐得舒服 環境都乾淨午飯時間唔洗等可能仲係聖誕長假d人未返工一般茶記風格,午餐會1，2日轉1次 保持新鮮感午餐牌字體公整，少左睇唔明狂草餐牌既尷尬點左3号咖哩牛筋腩飯先例湯 都算足料 味道一般重點推介咖哩牛筋腩飯咖哩牛筋腩飯最重要當係個咖哩汁，咖喱味同椰香完美比例，絕對唔會偏重於一邊，而且辣度適中，唔會因為太辣而失去品嚐既樂趣而另一主角牛筋腩亦非常出色，腩肉非常肥厚而醇香，其實早二星期都食過咖哩雞飯，雞肉亦都好嫩滑配角薯仔都好生性，大細剛好！薯仔非常入味！份量都絕對唔少除左食物，以茶記黎講，服務都算幾好而且都算有禮貌，唔會粗聲粗氣其間老闆（應該係？）仲同我吹左2句計午餐凍飲+3 埋單45蚊

最愛食焗豬扒飯，下午茶比較抵食，老闆比較惡，沒換手前的老闆娘和藹可親，水巴位都沒之前咁順眼和有品味，食物水準都保持到，飲品可以接受，但阿姐就多是非講，有點嘈，想靜靜地食下野都唔得，食物係貴左5-8蚊

呢間餐廳裝修後已經易名，轉咗手，今日第一次幫襯，店員都係嗰批，門面及店內都光鮮！茶餐廳格局好光猛！餐牌已經唔同咗！食物款式少咗，價錢亦貴咗！呢間餐廳裝修後已經易名，轉咗手，今日第一次幫襯，店員都係嗰批，門面及店內都光鮮！茶餐廳格局好光猛！餐牌已經唔同咗！食物款式少咗，價錢亦貴咗！A餐歐陸早餐（$31）一碟上晒，先來嘅圓形牛角包，好鬆軟好香牛油味！牛油粟米唔香牛油味，似烚完隔水嘅，煎蛋反過，不過頗生，蛋黃完全唔熟，炸魚柳金黃色，配沙律醬！可惜中央唔熟，即刻向店員反映，佢唔好意思之後，收走再做魚柳比我，第二轉魚柳炸得明顯比較深色，今次中央熟，但外圍全部燶咗，食唔到！熱檸茶：隻瓦杯唔同咗，大隻咗！茶底唔夠濃，茶味唔夠！一般！早餐C:柱候牛腩米粉配炒蛋，朋友食，賣相幾靚！食物差咗！服務保持殷勤！A餐歐陸早餐（$31）一碟上晒，先來嘅圓形牛角包，好鬆軟好香牛油味！牛油粟米唔香牛油味，似烚完隔水嘅，煎蛋反過，不過頗生，蛋黃完全唔熟，炸魚柳金黃色，配沙律醬！可惜中央唔熟，即刻向店員反映，佢唔好意思之後，收走再做魚柳比我，第二轉魚柳炸得明顯比較深色，今次中央熟，但外圍全部燶咗，食唔到！熱檸茶：隻瓦杯唔