美景茶餐廳 (已結業)

係附近泊車，搵下午茶食，見美景個格局幾正常就入去坐底啦，點知係惡夢嘅開始睇餐牌一係炒河一係炒飯，心諗印尼炒飯定西炒飯呢？西炒飯用蕃茄醬炒底應該唔會有事呱。點知到枱係濕飯，炒到一舊舊，差啲以為去咗監獄水房體驗入面嘅飯！OK...可能樣唔靚姐，食一啖試下，嘩....啲鹽仲未溶嘅，頂唔住叫阿姐換過碟。比返正價叫個廚煮返個楊州炒飯，會正常啲啦呱？同樣都係失望，啲蝦同叉燒都臭臭地，唔新鮮，食咗4,5啖放棄，無謂要自己個胃難受，埋單比呢間老人家做善事算喇。P.S 杯 凍檸茶仲要無味，成間茶記仲可以生存到，到底屯門人發生緊什麼事？！

於疫情期間，小弟想食的玉林苑燒味也不做堂食生意！ 唯有選擇大快活去……就連大快活也坐滿了……眼見美景茶餐廳還有數台空位，隨便叫一個餐吧能醫肚就足夠…… 老火湯味道尚可，味精搭夠吧！再來粟米肉粒腸仔蛋飯……腸仔切片碎上……拼合後一條腸仔也沒有！粟米汁太杰…… 隻蛋仲勁，只有蛋白！蛋黃汁都去了粟米汁那裡……最後杯凍奶茶 味道一般！送黎時冰都溶哂……擺左幾耐先送過黎呢？這間餐廳陪伴我成長，味道係點已經唔重要！只係食回憶既餐廳，味道不值一提😊

今晚再一次嚟食佢嘅小菜晚飯 其實之前都幫襯過四五次( 因為新搬嚟呢區)， 我同老公次次都嗌兩餸一菜包2飯2例湯 (埋單平均$210-230)，味道同抵食到都可以， 本來諗住可以成為日後飯堂。 但係由三日前畀個 (中間分界嘅埃及妖后 )女侍應 狗眼看人低之後已經打咗一半折扣， 今晚再去食咁橋又係佢落單，又嚟料！😑我哋已經諗好咗食豉汁蒸倉魚， 蒜蓉炒油麥菜 ，虎皮尖椒炒肥牛。 我首先同佢講完頭兩味餸佢已經好串好大聲咁話…… 講明先呀咁樣得一個飯㗎咋！ 我即刻忍唔住: 我都未講完 你 又係咁, 嬲到唔知叫咩 ,老公你叫埋佢喇,我費事講呀！ (我上次冇駁返佢由佢， 但今次真係忍唔到 )跟住我老公繼續叫埋個虎皮尖椒炒肥牛。 因為淨炒菜係唔跟餐飯湯 ,所以佢就好臭寸 ，睇唔起人但係我根本未叫完。 都算已經唔理佢啦點知好戲在後頭之後埋嚟同我哋講冇晒䱽魚！ 唔緊要咪改第樣囉！ 就改咗菜膽雞！…… 首先菜膽雞嚟先， 再上炒菜($55)， 點知 ，見到碟菜點解有幾條白菜仔喺面(因為我哋本身唔食白菜仔），老公話 當食少幾條算啦， 跟住我望真啲唔係喎下面都係喎 ，就用筷子了開佢 ……原來有一半係白菜仔， 當時

去開附近順便幫襯下呢間老牌茶餐廳，入到去發覺冷氣唔夠，地面有d類似油漬跡好似未拖地嘅感覺，A 同B餐各自HKD 34 凍飲仲加3蚊。叫左A餐（仿鮑魚絲通粉+蛋治，熱奶茶) 一食通粉同湯，淡而無味好似冇落鹽噉，通粉過淋搞咩啊，咁簡單都整到咁難食，蛋治煎隆咗隻但已經算正常。奶茶算正常，一路食一路流汗加上唔好食。呢個價錢周邊都好多選擇。唯有心裏講冇下次。

今日唔想食外賣，所以近近地坐車過黎呢度食。其實我地食小菜都幾悶，因為我食黎食去都係呢幾款。例湯今日個湯有隻雞腳，味道唔會太淡，所以我鐘意平日黎，多過週末黎，因為週末黎，湯就難免會淡啲。椒鹽雞翼又係我例牌會點，不過幾乎每次黎食，味道都唔一樣。今次炸得較乾身，少少燶，冇乜所謂，反正我鐘意食。鹹蛋蒸肉餅呢樣又係我幾鐘意嘅，肉餅即時蒸啦，以喺街食黎講，味道都算唔錯，而且有鹹蛋蒸，我好鐘意。蒜蓉炒白菜仔平時我多數點菜心，白菜仔唔係生炒，好濕笠笠咁，一般。

平時都係出街食飯多，間中想食住家飯就黎呢間茶餐廳。小菜價錢就五、六十蚊左右，包飯、湯，飲品另外加錢。價錢就唔係特別，但一至五每日都有款特價小菜，見好多人都係點一款，加個炒菜架咋。我地就大食啲，通常點兩餸一菜，夠哂飽，人均一舊水左右啦，都ok嘅。例湯湯都有少少湯渣嘅，飲落較淡啦，但我寧願唔好加太多鹽，接受。椒鹽雞中翼雞中翼算係咁，有10隻，平時喺mk番工，果啲茶記差唔洗多價錢，都係得六、七隻雞翼。雞翼就點都熱氣少少，食落香脆，係其中一樣我最鐘意嘅小菜。椒鹽味唔算好突出，少少香口。辣炒牛柳唔exactly記得呢味叫乜名，第一次食，味道唔錯喎，但比其他小菜貴啲。即時炒起，好香口，加左辣椒，食落唔會好辣，又惹味。牛柳都ok嘅，唔韌。凍檸茶跟餐加8蚊，問心沖得唔錯，又唔會好甜，有茶味。

以往我地都係週六、日先會黎呢度食飯，最近改變左集慣，黎得密左。發現佢地嘅廚，平日煮野比較有心機，好食過週末…可能週末人流多，忙啲啦。晚飯點小菜，都配白飯、例湯。例湯有時都有少少誠意，唔會好鹹，又唔會好似週末咁淡茂茂。星期一至五每日會固定有一款特價小菜，日日唔一樣，時時更換，比餐牌入面嘅小菜會平十蚊左右。粟米豬扒 $55 (星期二特價)講真我就未食過呢味餸…原來都幾好食，以為唔係太夾嘅野，食落ok。粟米就係平時地門牌啦，豬扒唔會好老好韌。椒鹽雞中翼 $65我係雞翼控，所以有8成黎呢度都會點雞翼。雞翼嘅水準都幾唔穩定，好在今次唔錯，煎得剛好，又唔會油淋淋。蒜蓉炒白菜仔 $34白菜仔唔係生炒，所以食落會淋淋地。椒鹽豬扒 $65呢份係事隔一星期食嘅，費事分兩篇食評，所以放埋一齊。椒鹽豬扒明顯煮過龍，豬扒好硬，肉有點乾柴。鹹蛋蒸肉餅 $65我知，呀媽整嘅蒸肉餅最好食，咁我冇福享受啦，只好喺街食。即叫即蒸，如果我地點肉餅的話，店員會先落單，待肉餅蒸到差唔多，先安排上其他小菜，都算小貼心。肉餅唔會太多肥膏，鹹蛋都有少少黃油，當然唔夠自家製嘅好食，不過不失。蒜蓉炒菜心 $34比起白菜仔，我會比較建議點

雖然男朋友識煮飯，但通常收工番到屋企都唔想辛苦佢煮飯、洗碗，所以我地一星期基本上都係出街食。當然有時會食得豐富啲，有時都會hea食。但我個人就好衰，有時硬係想食碗飯，所謂嘅聞下米氣，否則會覺得有多少空虛。每次想近近地食下住家飯，我都係黎美景喇~我諗何福堂嗰邊小炒會比較有鍋氣，不過我地貪方便就唔去咁遠喇。點小菜附白飯、例湯。薑蔥霸王雞 $60例牌份量適中，不過當然唔會有燒臘鋪嘅咁滑溜，都係普普通通。咸蛋蒸肉餅 $65曾經食過佢地嘅肉餅，試過一次蒸到好老，就唔敢再點。但其實我係肉餅怪，仲好鐘意食咸蛋！事隔多次之後再點，又覺得好食左豬肉半肥瘦，唔會話肥淋淋咁，蒸嘅時間都ok啦，有隻鹹蛋俾我，送飯一流。蒜蓉炒菜心兩餸一菜必備，炒菜心唔當一款小菜，三十幾蚊算抵食。飲品：冷、熱都係加$8，特飲+$10男朋友同我食小菜都幾悶，因為我食黎食去都係呢幾款。

由於同男朋友係無飯系列，所以基本上一星期7日都係出街食，好間唔中會去朋友屋企痴下餐。一個月總有兩三次喺度食晚飯，叫做等自己食下「屋企飯」，呢度啲靚姐都認得我地咁滯~通常兩個人我地都係咁叫架喇，小菜兩個，再加一碟炒菜，白飯同湯係跟餐送。月頭去左韓國幾日，臨出發前果晚黎左炒個小菜~蔥油雞 $52 (當日特價小菜)係就係肉韌啲，不過呢個價錢都算大大碟~薑蓉超多，送飯一流。一般我例牌點椒鹽雞翼，不過見叫左個雞，費事再叫雞翼，就點左椒鹽肉排~椒鹽肉排 $62肉排唔係特價餐，所以冇咁平，不過區內都係差唔多價錢。每次叫椒鹽乜乜，心情都會有多少緊張，因為試過好多次，感覺到唔同廚師煮出黎真係有唔同有時會好好食，有時會一般…今次呢碟我認為有啲過鹹。蒜茸炒菜心 $34單獨炒個菜呢個價錢真係唔貴，因為都幾大碟~不過慳家啲嘅通常會叫一個肉一個菜~我地兩個比較大食啲。叫菜心比較穩陣，基本上冇失手，因為試過叫白菜仔，炒得唔好食~叫埋杯野飲，埋單$156，算係咁啦，食小菜黎計。否則要行到去新墟先有(?)

水餃米線: D 米線勁淋, 煮得太耐了! D 水餃係一包包果D 韓國餃子, 但根本煮得唔夠熟, D 皮仲未解凍咁!鴛鴦焗飯: 問WAITER佢話係一邊TUNA 一邊肉醬意粉, 點知來到肉醬果邊變左火腿茄汁, 勁怪! 不過好多火腿同TUNA, 都算足料GE................

超驚喜！！用 $75 的價錢買到一個差不多兩磅的生日蛋糕，相信現今的香港已經不多見。今次介紹的蛋糕款式很普通，一看便知出品於街坊店鋪，但蛋糕口感鬆軟，不太甜，奶油香滑，味道一絕。當然價錢也十分便宜，絕對是街坊價。還有 $75 這個價錢是指半磅，但大家看相中的蛋糕，怎樣都不似吧，絕對係超值和超標。在今日被大型連鎖店鋪攻佔的香港下，還有這種為街坊服務，價廉物美的小店實在罕見，希望該店日後繼續發揮服務街坊的精神，為區內居民提供好味又廉價的糕點。

要在屯門做一些事.漫無目的地選了呢間店吃早餐.呢間店都有的歷史,環境開始殘舊,服務只屬不過不失26元包餐飽,餐肉,太陽蛋,凍華田...凍華田都合格.味道夠濃.又不算太甜...餐飽:離譜.連找微波爐叮也廢事.又凍,又冷冰冰,好彩吃的時候,沒有撞到仇人.拋中人一定受傷.這種說法不誇張.餐肉同是冷冰冰仲好油.相當難食...太陽蛋真係好生..連的蛋白都末熟,一定要浸湯食...呢個早餐在這部份一定要喊....火腿通粉又不俗,坑紋,熱辣辣,火腿有一大片..湯也夠味.......火腿通粉的確挽回不少分數....

平日經常光顧這間的下午茶，因為勝在大，人又靜，地方不太髒，冷氣夠涼，服務態度又不差。我沒新意的，永遠叫「串牛柳沙律」（２２元）再加凍奶茶（３元）說真的，沒什麼特別，只是一些三串牛柳，加上罐頭桃和菠蘿生果這個蛋糕名堂叫「日式芝士蛋糕」（２５元）雖然也算大大件，但聽我同事口評，不太好吃，芝士味不大，蛋糕淡。而且蛋糕面很硬，摸下去時的手感很奇怪，好像道具…

雪櫃空了, 太太說要入貨. 於是, 我們又再來到屯門置樂, 找回她們買慣買熟的一家素食食品店, 入貨. 入貨前, 當然去找找野食先. 圍繞街市行了一圈, 行返出青山公路, 見到呢一間茶餐廳, 大大間. 人流也算做幾多下. 而且太太說已經極餓. 於是, 就決定停下腳步. 入黎食午餐.店子是一家新裝修的店子, 但傳統的, 把牆壁貼滿了. 不用看餐牌, 望壁就是了. 我就看見是日快餐, 串燒牛柳飯或意. 而太太一直都選不到她要吃的. 再深入細問一下有沒有餐牌. 之後, 店員就再把一本有6、7貢厚的餐牌拿過來. 一打開, 就找到了一頁素食精選. 一整頁的素食炒粉麵飯, 看得好非常的開心. 然而, 她就來了份羅漢豆腐飯.有朋友說, 單點餐的碟頭份量, 比起快餐套餐的大一點. 是日太太叫單點, 我叫套餐. 真的一看就看得出. 她的羅漢豆腐飯, 份量十足, 足料足秤. 而豆腐, 是煎豆腐, 煎得香, 而且又大大舊, 外皮脆, 內心滑, 茨汁清淡得黎又夠味道. 該是用了冬菇油吧, 食落的香味, 是香香冬菇香. 串燒牛柳意, 牛柳, 做得好是香香滑滑的一而已用燒的方